ဆံသား ထိန်းသိမ်းနည်း လမ်းညွှန်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

လူတစ်ယောက်ရဲ့ ဒုတိယမျက်နှာဖြစ်တဲ့ ဆံသားကျန်းမာလှပမှာလည်း ကြော့မော့လှပတဲ့သူတစ်ယောက်ဖြစ်တော့မှာပေါ့။ မျက်နျာကို ထိန်းသိမ်းသလို ဆံသားကိုလည်း ကျန်မာသန်စွမ်းနေစေဖို့ ထိန်းသိမ်းမှုလုပ်ဖို့လိုပါမယ်။ ဒီတော့ ကျန်းမာသန်စွမ်းတဲ့ ဆံသားကို ပိုင်ဆိုင်စေဖို့ ဘယ်လို ထိန်းသိမ်းမှုတွေ လုပ်ရမလဲဆိုတာ အတူတူ ကြည့်လိုက်ရအောင်လား………..

ဆံသားလေးတွေ ကျန်းမာနေစေဖို့

ဆံသားလေးတွေ ကျန်းမာသန်စွမ်းနေစေဖို့ ဒီအချက်လေးတွေကို လိုက်နာဖို့လိုပါမယ်။

ဆံပင်ကို ပေါင်းတင်ပါ

ဆံပင်ကို ပေါင်းတင်ပါဆိုလို့ ဘယ်လိုပေါင်းဆေးတွေဝယ်ရမလဲဆိုပြီး တွေးမနေနဲ့နော်။ သဘာဝ ပစ္စည်းတွေဖြစ်ကြတဲ့ ရှားစောင်းလက်ပပ် လိုမျိုုးအရာတွေကို အသုံးပြုပေးလို့ရပါတယ်။ ခေါင်းလျှော်ပြီးစ ဆံပင်မခြောက်တခြောက်အနေအထားမှာ ဆံသားကိုရော ဦးရေပြားကိုပါ ရှားစောင်းလက်ပပ် ဂျယ်လီသား လိမ်းပေးရုံပါ။

ခေါင်းပုံမှန်လျှော်ပါ

ခေါင်းလျှော်တာက ဆံသားကိုရော ဦးရေပြားကိုပါ ကျန်းမာစေနိုင်ပါတယ်။ ခေါင်းကို နေ့တိုင်းမဟုတ်ရင်တောင် အနည်းဆုံး ၂ ရက်ခြားတစ်ခါလောက်လျှော်ပေးပါ။ ခေါင်းလျှော်တဲ့အခါမှာလည်း အရမ်းကုတ်မလျှော်မိဖို့ သတိထားပါ။ ခေါင်းလျှော်တဲ့အခါတိုင်း ရေကို စင်နေအောင် ဆေးချဖို့လိုပါမယ်။ ဒါမှ ဆံသားတွေ ကျန်းမာမှာပါ။

ဦးရေပြားကို နှိပ်နယ်ပါ

ဦးရေပြားကို နှိပ်နယ်တာက ဆံသားတွေကို သန်စွမ်းစေသလို ဦးရေပြားမှာ သွေးစီးဆင်းမှုကောင်းစေပြီး ဦးရေပြားပြဿနာကင်းလို့  ကျန်းမာစေနိုင်ပါတယ်။ ဒါကြောင့် ဦးရေပြားကို ခေါင်းမလျှော်ခင်မှာ လက်ချောင်းထိပ်လေးတွေ သုံးလို့ ခပ်ဖွဖွလေးနှိပ်နယ်ပေးပါ။

Conditioner သုံးပါ

ဆံပင်အဖျားနှစ်ခွဖြစ်တာ၊ ဆံသားတွေကြမ်းတာ၊ ကျိုးပျက်တာတွေကို ကာကွယ်ဖို့ဆိုရင် ဆံပင်ကို Conditioner သုံးပေးဖို့လိုပါမယ်။ သဘာဝ Conditioner အနေနဲ့ ခေါင်းမလျှော်ခင်တစ်ညမှာ ဆံပင်ကို သံလွင်ဆီ၊ အုန်းဆီ၊ နှမ်းဆီ တစ်မျိုးမျိုးကို အရင်းကနေ အဖျားထိသေချာစွာ လိမ်းပါ။ ပြီးရင် ဆံပင်ကို ပလပ်စတစ် ခေါင်းစွပ်လေးစွပ်လို့ တစ်ညထားပါ။ မနက်နိုးတဲ့အခါ နှစ်သက်ရာ ခေါင်းလျှော်ရည်ကို သုံးလို့ သေချာ စင်နေအောင် လျှော်ပေးပါ။

ခဏခဏ ခေါင်းမလျှော်ပါနဲ့

ခေါင်းလျှော်တာက ဆံသား ကျန်းမာရေးကို အထောက်အကူပြုပေမယ့် ဆံပင်ကို ခဏခဏလျှော်နေတာကတော့ ဆံသားတွေကို ထိခိုက်စေနိုင်ပါတယ်။ ဒါကြောင့် တစ်ပတ်ကို ၂ ​ကြိမ် ကနေ ၃ ကြိမ်လောက်ပဲ ခေါင်းလျှော်ပါ။ နေ့တိုင်း ခေါင်းလျှော်တာမျိုးမလုပ်ပါနဲ့။ ဆံသားပျက်စီးစေနိုင်တာကြောင့်ပါ။

ရေခြောက်အောင်သုတ်ပါ

ခေါင်းလျှော်ပြီးတိုင်း ရေခြောက်အောင်သုတ်ပါ။ ရေခြောက်အောင် မသုတ်တာက ဦးရေပြားကျန်းမာရေးကို ထိခိုက်စေသလို ဆံသားတွေရဲ့ သန်စွမ်းမှုကိုလည်း ထိခိုက်စေပါတယ်။ ဗောက်ထတာ အပြင် အမျိုးမျိုးသော ဦးရေပြား ပြဿနာတွေကို ဖြစ်စေနိုင်ပါတယ်။ ဒါကြောင့် ခေါင်းလျှော်ပြီးတိုင်း ရေခြောက်အောင် သုတ်ပါ။

အပူချိန်ပြင်းပြင်းနဲ့ အခြောက်မခံပါနဲ့

ဆံပင်မခြောက်မှာဆိုပြီး Dryer ကိုသုံးလို့ အပူချိန် ပြင်းပြင်းနဲ့ အခြောက်ခံတာမျိုးက အဆင်မပြေပါဘူး။ ဒီလိုလုပ်တာကလည်း ဆံသားကို ထိခိုက်စေနိုင်တဲ့ အပြုအမူတစ်ခုပါ။ ခပ်နွေးနွေး အနေအထားနဲ့ပဲ အခြောက်ခံပါ။

ခပ်ကြမ်း​ကြမ်း မသုတ်ပါနဲ့

ခေါင်းလျှော်ပြီးတဲ့အခါ တဘက်ကို အသုံးပြုပြီး ခပ်ကြမ်းကြမ်းသုတ်တာက ဆံသားကို ထိခိုက်စေနိုင်ပါတယ်။ ဆံပင်တွေကို ကျိုးပျက်လွယ်စေနိုင်ပါတယ်။ ဒါကြောင့် ဆံပင်ကို ခပ်ကြမ်းကြမ်းမသုတ်ဖို့လည်း သတိထားပေးပါ။

ဆံပင်ကို ဆီလိမ်းပါ

ဆံပင်ကို ဆီလိမ်းတာကလည်း ဆံသားကို အာဟာရဖြည့်တာပါပဲ။ ဦးရေပြားကိုလည်း အာဟာရဖြည့်ပေးရာရောက်ပါတယ်။ ခေါင်းလျှော်ပြီးတဲ့အခါတိုင်း လက်ဖဝါးထဲကို ဆီနည်းနည်းထည့်ပြီး ဆံပင်ကို အရင်းကနေ အဖျားထိ လိမ်းပေးပါ။ ခပ်ပါးပါးဖြစ်ဖြစ် လူးရင်တောင် ဆံပင်ပျက်စီးမှုကို ကာကွယ်နိုင်မှာပါ။

အပူဒဏ်ကနေ ကာကွယ်ပါ

အပူဒဏ်ကနေ ကာကွယ်ဖို့လိုတာ အသားအရေတင်မဟုတ်ပါဘူး။ ဆံသားကိုလည်း အသားအရေလိုပဲ နေရောင်ဒဏ်ကနေ ကာကွယ်ဖို့လိုပါမယ်။ ဒါကြောင့် အပြင်သွားတဲ့အခါ ထီးဆောင်းတာ၊ ဦးထုပ်ဆောင်းတာမျိုး လုပ်ပေးဖို့ မမေ့ပါနဲ့။

ခေါင်းဖြီးပါ

ခေါင်းဖြီးတာက ဆံသားရော၊ ဦးရေပြားကိုပါ ကျန်းမာစေပါတယ်။ ဆံပင်ကျွတ်တာကို သက်သာစေနိုင်သလို ဆံသားတွေကို ကျန်းမာသန်စွမ်းစေပြီး ဦးရေပြားကိုလည်း ကျန်းမာစေနိုင်ပါတယ်။ ဒါကြောင့် ကျန်းမာသန်စွမ်းတဲ့ ဆံသားကို ပိုင်ဆိုင်ဖို့ဆိုရင် ခေါင်းဖြီးဖို့ကလည်း မေ့ထားလို့မဖြစ်ပါဘူး။

ကျန်းမာအောင် စားပါ

ဆံပင်ကျန်းမာစေဖို့ ရေများများသောက်တာ။ အသီးအရွက်တွေ၊ သစ်သီးတွေစားတာမျိုးလုပ်ပေးပါ။ ပြုပြင်ထားတဲ့အစားအစာတွေ၊ အသင့်ပြင်ထားတဲ့ အစားအစာတွေစားသုံးတာမျိုး၊ ခေါက်ဆွဲပြုတ်လို အရာမျိုးတွေ စားတာမျိုးလျှော့ပါ။

Hello Health Groupသည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။

Read also:

ရင်းမြစ်များ

10 Tips for Healthy Natural Hair https://globalhealing.com/natural-health/natural-hair-care-tips/ Accessed Date 1 April 2020

Homemade Hair Care Tips https://www.femina.in/beauty/hair/homemade-hair-care-tips-109902.html Accessed Date 1 April 2020

8 Genius Things Women With Amazing Natural Hair Always Do https://www.cosmopolitan.com/style-beauty/beauty/a4709847/healthy-natural-hair-care-tips/ Accessed Date 1 April 2020

သင်ဒါလည်း နှစ်သက်နိုင်ပါတယ်။

ခြေထောက်ပေါ်က သဲကြိုးရာ ဒီလိုဖျောက်ပါ

လေဒီလေးတွေ ခြေထောက်လှလှ ကြေးတွန်းသန့်စင် သဲကြိုးရာ နေလောင်တာ ကြေးချွတ်သန့်စင်ပါ lotion နေလောင်ကာခရင်မ် မိုးရေတွေ ပေါင်းတင်ပါ baking soda

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

နွေရာသီ နှင့် လေ့ကျင့်ခန်းလုပ်ခြင်း

နွေရာသီ အပူဒဏ် ရေဓါတ်ဆုံးရှုံး အပူလျှပ် လေ့ကျင့်ခန်းလုပ် ခန္ဓာကိုယ်အပူချိန် ချွေးတွေအများကြီးထွက် ဓာတ်ဆားရည် ကြွက်တက် နေရောင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ကဖင်းနဲ့ပတ်သက်ပြီး သိထားမိနိုင်တဲ့ လွဲလွဲလေးများ

ကော်ဖီလေး ကျန်းမာရေး အရေပြားကင်ဆာ အသားလေး ခရမ်းလွန်ရောင်ခြည် နေရောင်ပြင်း အကြောပြတ်ရာတွေ ကော်ဖီ စွဲလမ်းမှု အသားအရေ ကော်ဖီမှုန့်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သရက်သီးဖျော်ရည် သောက်ကြမယ်

သရက်သီးဖျော်ရည် ကျန်းမာရေး အကျိုးကျေးဇူး ခန္ဓာကိုယ် အာဟာရဓာတ် အကျိုးပြု ကိုလက်စထရော ကယ်လ်ဆီယမ် ဗီတာမင် C သံဓာတ် အူမကြီးကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

အာလူး နဲ့ ကျန်းမာရေး

အာလူး နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020
အမျိုးသားတိုင်း ကျင့်သုံးသင့်တဲ့ ကျန်းမာတဲ့ စားသောက်မှုပုံစံ

အမျိုးသားတိုင်း ကျင့်သုံးသင့်တဲ့ ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020
အမျိုးသားတိုင်း စားပေးသင့်တဲ့ အစားအစာများ

အမျိုးသားတိုင်း စားပေးသင့်တဲ့ အစားအစာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020
အသင့်စား ခေါက်ဆွဲတွေက အရသာ ကောင်းပေမယ့် ကျန်းမာရေးအတွက် မကောင်းပါ

အသင့်စား ခေါက်ဆွဲတွေက အရသာ ကောင်းပေမယ့် ကျန်းမာရေးအတွက် မကောင်းပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 22, 2020