နှစ်ဆင့်ခံဆေးလိပ်ငွေ့ (Thirdhand Smoke)

နှစ်ဆင့်ခံဆေးလိပ်ငွေ့ဆိုတာ

နှစ်ဆင့်ခံဆေးလိပ်ငွေ့ဆိုတာက ဆေးလိပ်ငွေ့တွေက ထိတွေ့ထားတဲ့ မျက်နှာပြင်မှာ ကြွင်းကျန်နေတဲ့ ဆေးလိပ်ငွေ့တွေပါ။ သူများကမှုတ်ထုတ်လိုက်တဲ့ ဆေးလိပ်ငွေ့ကို ရှုရှိုက်မိတာက တဆင့်ခံဆေးလိပ်ငွေ့ပါ။ ဒီဆေးလိပ်ငွေ့တွေ က အဝတ်အစားတွေ အသုံးအဆောင်တွေမှာ ကပ်ငြိကျန်နေတာက နှစ်ဆင့်ခံ ဆေးလိပ်ငွေ့ပါ။ နှစ်ဆင့်ခံဆေးလိပ်ငွေ့ဆိုတာက နီကိုတင်း အကြွင်းအကျန်တွေပါ။

ဘယ်လိုနေရာတွေမှာ တွေ့နိုင်မလဲ…………………

• အဝတ်အစားတွေ
• ကြမ်းခင်းတွေ
• ပရိဘောဂတွေ
• အရုပ်တွေ
• ကားတွေ
• နံရံတွေ နဲ့
• အသုံးအဆောင်တွေမှာ အများဆုံးတွေ့ရနိုင်ပါတယ်။

နှစ်ဆင့်ခံဆေးလိပ်ငွေ့တွေဟာ ပတ်ဝန်းကျင်က ညစ်ညမ်းတဲ့အရာတွေနဲ့ ပေါင်းစပ်ထိတွေ့မိတဲ့အခါ အဆိပ်အတောက်တွေဖြစ်သွားပါတယ်။ နှစ်ဆင့်ခံဆေးလိပ်ငွေ့လည်း ကိုယ်တိုင်ဆေးလိပ်သောက်သလောက်နီးပါး ကျန်းမာရေးကို ထိခိုက်စေနိုင်ပါတယ်။ ဒါကြောင့်နှစ်ဆင့်ခံဆေးလိပ်ငွေ့ကိုလည်း ကာကွယ်ဖို့လိုပါမယ်။

နှစ်ဆင့်ခံဆေးလိပ်ငွေ့က ကျန်းမာရေးအပေါ် ဘယ်လိုသက်ရောက်နေလဲ………..

ဆေးလိပ်သောက်သုံးမှုကတင် ကျန်းမာရေးကို ထိခိုက်စေနိုင်တာမဟုတ်ပါဘူး။ တဆင့်ခံဆေးလိပ်ငွေ့တွေ။ နှစ်ဆင့်ခံဆေးလိပ်ငွေ့တွေကလည်း ကျန်းမာရေးကို ထိခိုက်စေနိုင်ပါတယ်။ နှစ်ဆင့်ခံဆေးလိပ်ငွေ့က အရွယ်မရွေးကျန်းမာရေးကို ထိခိုက်စေနိုင်ပါတယ်။ နှစ်ဆင့်ခံဆေးလိပ်ငွေ့ကို ထိတွေ့မိတာကြောင့်

အရွယ်ရောက်ပြီးသူတွေမှာ

• DNA (မျိုးဗီဇ)တွေ ပျက်စီးစေနိုင်တယ်
• ဆီးအိမ်ကင်ဆာ
• သားအိမ်ခေါင်းကင်ဆာ
• ကျောက်ကပ်ကင်ဆာ
• ခံတွင်းကင်ဆာ
• ပန်ကရိယကင်ဆာ
• လည်ချောင်းကင်ဆာ
• အဆုတ်ကင်ဆာရောဂါတွေခံစားရစေနိုင်ပါတယ်။

ဘယ်လိုကာကွယ်မလဲ……….

အခုပြောခဲ့တဲ့ အချက်လေးတွေကို သတိထားလို့ ကိုယ်တိုင်ကိုရော ချစ်ရတဲ့ မိသားစုဝင်တွေကိုပါ နှစ်ဆင့်ခံဆေးလိပ်ငွေ့အန္တရာယ်ကနေ ကာကွယ်ပေးပါ။