ပရန္နဝါရဲ့ ဆေးဖက်ဝင်ပုံက

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 3 mins read
Share now

ဒီ ပရန္နဝါဆိုတဲ့ အပင်ကို မတွေ့ဖူးကြပေမယ့် ငယ်ငယ်ကရွတ်ခဲ့ဖူးတဲ့ ချိုပေစွဟင်းချိုကဗျာလေးကြောင့် ရင်းနှီးနေမှာတော့ အသေအချာပါပဲနော်။ ငယ်ငယ်ကကျောင်းတက်ရင်း

” အိမ်ကိုပြန်လျှင်၊ အကျွန် ကျွပ်နုပ်

ယုန်တစ်တုတ်ကို၊ ခွာဆုတ်ရေလှန်

ကျပ်ခိုးခံလို့၊ ပရန္နဝါ

ရွက်နုညှာကို၊ ဝါးပြာထည့်ကျို

အိုးနားတိုနှင့်၊ ခပ်ချိုညစ်တေ

ဆောင့်ကြောင့်ထိုင်၊မွှေလိုက်တယ်

ချိုပေစွဟင်းချိုကို

စလောင်းတို အခြေပဲ့နှင့်

အာခေါင်မှာ၊ ပူအောင်ထည့်လို့

မျိုလှည့်ကွဲ့လေး။” ဆိုတဲ့ စာပိုဒ်လေးကိုရွတ်ရင်း ရင်းနှီးခဲ့ဖူးမယ်ထင်ပါတယ်။

အခုတစ်ခေါက်တော့ ငယ်ငယ်ကတည်းကပါးစပ်မှာ တတွတ်တွတ်ရွတ်ရင်း ရင်းနှီးခဲ့မယ့် ပရန္နဝါရွက်လေးအကြောင်းကို Hello ဆရာဝန်ပရိသတ်ကြီးကိုပြောပြပေးမယ်နော်။

ပရန္နဝါဆိုတာက

ပရန္နဝါဆိုတာကမြေလျှောက်အပင်ငယ်လေးတစ်မျိုးဖြစ်ပြီး အရိုးတံကကြွပ်ဆတ်ဆတ်နဲ့ အရွက်ဝိုင်းဝိုင်းလေးတွေရှိတဲ့ အပင်ငယ်လေးတစ်ပင်ပါ။ ပရန္နဝါပင်လေးတွေက အဖြူ၊အပြာ၊အနီဆိုပြီး အမျိုးမျိုးကွဲပြားကြပေမယ့် ဒီကဗျာလေးထဲကပရန္နဝါကတော့ ပန်းရောင်အပွင့်လေးတွေပွင့်တတ်ပြီး စားလို့ရသလိုဆေးဖက်လည်းဝင်ပါတဲ့ ပရန္နဝါပင်လေးကိုပြောထားတာပါ။

မိုးစရွာလာတဲ့အခါမျိုးမျာ လယ်ကွင်းတွေ ကွင်းပြင်တွေမှာပေါက်ရောက်လာတတ်ကြပြီး အများစုကတော့သေးငယ်လွန်းတဲ့မြေလျှောက်ပင်လေးဖြစ်တဲ့ ပရန္နဝါပင်လေးကိုပေါင်းပင်လေးတွေနဲ့ မှားတတ်ကြပါတယ်။ ဒါပေမယ့် ပရန္နဝါပင်လေးရဲ့ဆေးဖက်ဝင်မှုအာနိသင်ကတော်တော်လေးတော့များလှပါတယ်။

ပရန္နဝါပင်က ဘယ်လိုဆေးဖက်ဝင်တာလဲ

ဟင်းခတ်စရာအဖြစ်နဲ့ အသုံးပြုကြတဲ့ ပရန္နဝါပင်လေးက နာကျင်ရောင်ရမ်းမှုကို သက်သာစေနိုင်သလို ဘက်တီးရီးယားကိုတိုက်ဖျက်ပေးနိုင်သလို စိတ်ဖိစီးမှုတေါကိုပြေလျော့စေနိုင်တဲ့ အာနိသင်ရှိပါတယ်။ နှလုံးကို ကျန်းမာစေနိုင်သလို အသည်းကိုလည်း ကျန်းမာစေနိုင်ပါတယ်။ အတက်ရောဂါ၊ မျက်လုံးနဲ့ကျောက်ကပ်ရောဂါတွေကို သက်သာစေနိုင်ပါတယ်။ ခန္ဓါကိုယ်က နာကျင်မှုတွေကို သက်သာစေနိုင်သလိုသွေးတွင်းသကြားဓါတ်ကိုလည်း ထိန်းညှိပေးနိုင်တဲ့ အာနိသင်ရှိပါတယ်။

အသက်ရှုလမ်းကြောင်းကို ကျန်းမာစေနိုင်ပါတယ်

ပရန္နဝါက နာကျင်ရောင်ရမ်းမှုကို သက်သာစေနိုင်ပြီး ဘက်တီးရီးယားတွေကို တိုက်ဖျက်ပေးနိုင်တာကြောင့် အသက်ရှုလမ်းကြောင်းတလျှောက်မှာဖြစ်တတ်တဲ့ရောင်ရမ်းမှုကို သက်သာစေနိုင်ပါတယ်။ နှာခေါင်းပိတ်တာကို သက်သာစေနိုင်သလို ပန်းနာရင်ကျပ်ရောဂါကိုလည်း သက်သာစေနိုင်ပါတယ်။ အသက်ရှုလမ်းကြောင်းရောဂါတွေအတွက် ပရန္နဝါရွက်ကို ငရုတ်ကောင်း၊ ချင်း (ဂျင်း) တို့နဲ့ ရောစပ်ပြီး စားသုံးပေးလို့ရပါတယ်။

စိတ်ဖိစီးမှုကို သက်သာစေနိုင်တယ်

ပရန္နဝါရွက်က စိတ်ဖိစီးမှုကိုတိုက်ဖျက်ပေးနိုင်တဲ့ အာနိသင်ရှိပါတယ်။ ဒါကြောင့် စိတ်ဓါတ်ကျသူတွေ စိုးရိမ်ပူပန်စိတ်များတဲ့သူတွေအနေနဲ့ ပရန္နဝါရွက်ကို စားသုံးပေးသင့်ပါတယ်။ ကိုယ်ခံအားကောင်းစေဖို့လည်း အကောင်းဆုံးထောက်ပံ့ပေးနိုင်ပါတယ်။

နာကျင်ရောင်ရမ်းမှုကို သက်သာစေနိုင်ပါတယ်

ပရန္နဝါရွက်က နာကျင်ရောင်ရမ်းမှုကို သက်သာစေနိုင်တ့အာနိသင်ရှိပြီး နှလုံးရောဂါလေးဖက်နာရောဂါ၊ ဆီးချို နဲ့ ပန်းနာရင်ကျပ်ရောဂါတွေကြောင့် ခန္ဓါကိုယ်မှာဖြစ်တဲ့နာကျင်ရောင်ရမ်းမှုကိုသက်သာစေနိုင်ပါတယ်။ ထိခိုက်မှုတွေကြောင့်ဖြစ်တဲ့ အရေပြားရောင်ရမ်းမှုကိုလည်း သိသိသာသာသက်သာစေနိုင်ပါတယ်။

အသည်းကျန်းမာစေနိုင်တယ်

ပရန္နဝါရွက်က အသည်းရောင်ရောဂါအပါအဝင် အသည်းရောဂါအမျိုးမျိုးကို သက်သာစေနိုင်ပါတယ် ပရန္နဝါမြစ်က အသညူ်ကို ဓါတုပစ္စည်းတွေ ပတ်ဝန်းကျင်က အဆိပ်အတောက်တွေကြောင့် ထိခိုက်မှုကနေ အထိရောက်ဆုံးကာကွယ်ပေးနိုင်ပါတယ်။ အစာခြေစနစ်ကိုကျန်းမာစေနိုင်ပြီး ဆီးရွှင်စေနိုင်တာကြောင့် ကိုယ်တွင်းမှာ အရည်စုပုံမှုမဖြစ်အောင်လည်းကာကွယ်ပေးပါတယ်။ အဝမလွန်ချင်သူတွေအတွက်လည်း အသုံးတည့်တဲ့ဆေးဖက်ဝင်အပင်လေးတစ်မျိုးပါ။ ဓါတ်တိုးဆန့်ကျင်အာနိသင်ပါဝင်နေတာကြောင့် ခန္ဓါကိုယ်ကို ကျန်းမာစေနိုင်မှာ အသေအချာပါ။

နာကျင်မှုကို သက်သာစေနိုင်တယ်

ပရန္နဝါရွက်ကို နာကျင်မှုတွေရောင်ရမ်းမှုကိုသက်သာစေဖို့ အသုံးပြုနိုင်ပါတယ်။ ဗိုက်အောင့်ဗိုက်နာတာကို သက်သာစေနိုင်သလို ခန္ဓါကိုယ်မှာဖြစ်တဲ့ ထိခိုက်နာကျင်မှုတွေကို ထိထိရောက်ရောက်သက်သာစေနိုင်ပါတယ်။ နာကျင်မှုကို သက်သာစေတဲ့ သဘာဝဆေးတစ်မျိုးပါ။

မျက်လုံးကျန်းမာစေနိုင်တယ်

မျက်စိနာတာအပါအဝင် အမျိုးမျိုးသောမျက်လုံးပြဿနာတွေကို သက်သာစေနိုင်ပါတယ်။ မျက်လုံးရောင်တာ၊ မျက်လုံးကျိန်းစပ်စပ်ဖြစ်တာတွေအတွက်လည်း ပရန္နဝါရွက်ကို အသုံးပြုပေးလို့ရပါတယ်။

ကျောက်ကပ်ကျန်းမာစေနိုင်တယ်

ကျောက်ကပ်ကျန်းမာစေဖို့နဲ့ ဆီးလမ်းကြောင်းရောဂါကင်းဖို့အတွက် ပရန္နဝါရွက်ကို အသုံးပြုလို့ရသလိုကျောက်ကပ်ကျောက်တည်တာအတွက်လည်း ပရန္နဝါရွက်ကို အသုံးပြုပေးလို့ရပါတယ်။ ဆီးရွှင်စေတဲ့ အာနိသင်ရှိနေတာကြောင့်ကျောက်ကပ်နဲ့ဆီးလမ်းကြောင်း ကျန်းမာစေဖို့ အကောင်းဆုံးထောက်ပံ့ပေးနိုင်မှာပါ။

ဆီးချိုသက်သာစေနိုင်တယ်

ပရန္နဝါရွက်ကို စားသုံးပေးတာဆီးချိုသမားတွေအတွက်တော်တော်လေး အထောက်အကူပြုပေးနိုင်ပါတယ်။ သံဓါတ်ကြွယ်ဝတာကြောင့်သွေးအားနည်းရောဂါ မဖြစ်အောင်ကာကွယ်ပေးပါတယ်။သွေးတွင်းသကြားဓါတ်ကို ထိန်းညှိပေးပြီး အင်ဆူလင်ထွက်ရှိမှုကောင်းအောင်လှုံ့ဆော်ပေးပါတယ်။ ဆီးချိုကာကွယ်ချင်သူတွေရော ဆီးချိုရောဂါခံစားနေရသူတွေပါ စားသုံးပေးသင့်ပါတယ်။

အတက်ရောဂါကို သက်သာစေနိုင်တယ်

ပရန္နဝါမြစ်ကို အတက်ရောဂါကုသဖို့အတွက် အသုံးပြုခဲ့ကြပါတယ်။ ပရန္နဝ်ရွက်မှာပါတဲ့liriodendronဒြပ်ပေါင်းက အတက်ရောဂါကို ထိထိရောက်ရောက်ကာကွယ်ပေးနိုင်ပါတယ်။ ဦးနှောက်ကို ကျန်းမာစေနိုင်ပြီး အတက်ရောဂါကို ထိထိရောက်ရောက်သက်သာစေနိုင်ပါတယ်။

နှလုံးကျန်းမာစေနိုင်တယ်

ပရန္နဝါရွက်က နှလုံးကြီးတာအပါအဝင် နှလုံးရောဂါအမျိုးမျိုးကို သက်သာစေနိုင်ပြီး နှလုံးရဲ့ လုပ်ဆောင်မှုတွေကောင်းမွန်အောင် လုပ်ဆောင်ပေးနိုင်ပါတယ်။ ပရန္နဝါရွက်မှာပါတဲ့ ဓါတ်တိုးဆန့်ကျင်အာနိသင်ကြွယ်ဝတဲ့ဒြပ်ပေါင်းတွေက နှလုံးကျန်းမာနေစေဖို့ အကောင်းဆုံးထောက်ပံ့ပေးပါတယ်။

အရေပြားကျန်းမာစေနိုင်တယ်

အနာကက်ျစေနိုင်ပြီး ထိခိုက်ဒဏ်ရာကြောင့်ဖြစ်တဲ့ နာကျင်ရောင်ရမ်းမှုကို သက်သာစေနိုင်ပါတယ်။ အရေပြားကို ထိခိုက်စေနိုင်တဲ့ မှိုပိုးတွေ၊ ဘက်တီးရီးယားတွေကို ထိထိရောက်ရောက်တိုက်ဖျက်ပေးနိုင်ပါတယ်။ အရေပြားပြဿနာအမျိုးမျိုးအတွက် ပရန္နဝါရွက်ကို သုံးပေးလို့ရပါတယ်။

တီဘီရောဂါကို သက်သာစေနိုင်တယ်

တီဘီရောဂါဆိုတာက အဆုတ်ကိုရောဂါပိုးဝင်ရောက်ကူးစက်မှုကြောင့်ဖြစ်လာတဲ့ အဆုတ်ရောဂါတစ်မျိုးပါ။ ဒီရောဂါက အဆုတ်ကိုတင်ထိခိုကစေနိုင်တာမျိုးမဟုတ်ဘဲ အာရုံကြောစနစ်နဲ့အရိုးတွေကိုပါ ထိခိုက်စေနိုင်ပါတယ်။ ဒီဝေဒနာကို ကာကွယ်ဖို့အတွက်ရော သက်သာစေို့အတွက်ပါ ပရန္နဝါရွက်ကို အသုံးပြုပေးလို့ရပါတယ်။ အစောပိုင်းစမ်းသပ်မှုတွေအရ ပရန္နဝါရွက်စားသုံးပေးမှုက တီဘီရောဂါခံစားရသူတွေမှာ ကိုယ်အလေးချိန်တိုးလာစေပြီးသွေးဖြူဥအရေအတွက် တိုးလာစေသလိုချောင်းဆိုးတာနဲ့ ဖျားနာမှုတွေကိုပါ သက်သာစေနိုင်တယ်၊ လို့တွေ့ရှိခဲ့ရပါတယ်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ကလေးရဲ့ ဝမ်းချုပ်ပြဿနာ အတွက် မေမေတို့ ရဲ့ သောက

ဝမ်းချုပ်ပြဿနာ ဝမ်းပုံမှန်မသွားလို့ ဝမ်းချုပ်ဝေဒနာ ဗိုက်အောင့် အစာခြေစနစ် အူလမ်းကြောင်း အကျိုးပြုဘက်တီးရီးယား Probiotic လေထိုးလေအောင့် အမျှင်ဓာတ် ကိုယ်ခံအား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ဂန္ဓမာပန်းလက်ဖက်ခြောက်ရဲ့ အံ့အားသင့်ဖွယ် ကျန်းမာရေးကျေးဇူးများ

ဂန္ဓမာပန်း၊ သွေးတိုး၊ သိုင်းရွိက်၊ ရောင်ရမ်းတာ၊ လက်ဖက်ခြောက်၊ ဝက်ခြံ၊ လည်ချောင်းနာ၊ တုပ်ကွေး၊ ရင်ဘတ်အောင့်၊ ပန်ကရိယကင်ဆာ၊ ဆီးချို၊ ကဖိန်းဓာတ်၊ တာအိုးရွက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ကျန်းမာရေးနဲ့အာဟာရ, အလှအပ ဇူလိုင် 9, 2020 . 2 mins read

ကျန်းမာရေးထိခိုက်စေနိုင်တဲ့ စမတ်ဖုန်းကို ကျန်းမာရေးအတွက် အသုံးချကြမယ်

စမတ်ဖုန်း၊ ဆိုရှယ်မီဒီယာ၊ အာဟာရဓာတ်၊ ကယ်လိုရီ၊ ကာဘိုဟိုက်ဒြိတ်၊ လေ့ကျင့်ခန်း၊ Gym၊ Application၊ နှလုံးခုန်နှုန်း၊ သွေးခုန်နှုန်း၊ ဆီးချို၊ သွေးတိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ပိုးကောင်ကိုက်တာကို သက်သာစေမယ့် သဘာဝနည်းလမ်းများ

ပိုးကောင် ကိုက်တာကို သက်သာစေမယ့် အိမ်တွင်းကုထုံးများ တစ်နေ့တာ ခြင် ခါချဉ် အင်းဆက် အရေပြား အရည်ကြည်ဖု နီမြန်း ယားယံမယ် ဆားရည်စိမ်ပါ ဆား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

လေ့ကျင့်ခန်းလိုက်စားခြင်းဖြင့် လူ့ဘဝသက်တမ်းကို မြှင့်တင်ကြမယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 10, 2020 . 2 mins read
ဘောစကိုင်း ပင်ရဲ့ ဆေးဖက်ဝင်ပုံ အဖုံဖုံ

ဘောစကိုင်း ပင်ရဲ့ ဆေးဖက်ဝင်ပုံ အဖုံဖုံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 10, 2020 . 2 mins read
နှစ်တစ်ရာသီး နဲ့ ကျန်းမာရေး

နှစ်တစ်ရာသီး နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 10, 2020 . 1 min read
ဗာဒံရွက်က ဆေးဖက်ဝင်လား။

ဗာဒံရွက်က ဆေးဖက်ဝင်လား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 10, 2020 . 1 min read