မဖြစ်ခင်က ကြိုတင်ကာကွယ်

ရောဂါတိုင်းကို မဖြစ်ခင်က ကြိုတင်ကာကွယ်တာအကောင်းဆုံးပါ။ ဒီလိုကာကွယ်ထားသင့်တဲ့ရောဂါတွေထဲမှာ ဆီးချိုကလည်း တစ်ခုအပါအဝင်ပေါ့။ အမျိုးအစား – ၁ ဆီးချိုကို ကာကွယ်ဖို့ မဖြစ်နိုင်ပေမယ့် အမျိုးအစား -၂ ဆီးချိုကိုတော့ ကာကွယ်လို့ရပါတယ်။ ကဲ အမျိုးအစား -၂ ဆီးချိုကို ဘယ်လိုကာကွယ်ရမလဲပြောပြပေးမယ်နော်။

အမျိုးအစား – ၂ ဆီးချိုကို ဒီလိုကာကွယ်ပါ

အမျှင်ဓါတ်လုံလောက်အောင်စားသုံးပါ

အမျှင်ဓါတ်က သွေးတွင်းသကြားဓါတ်ကိုထိန်းညှိရာမှာတော်တော်လေးအရေးပါပါတယ်။ပျော်ဝင်လွယ်တဲ့ အမျှင်ဓါတ်ရော၊ပျော်ဝင်မလွယ်တဲ့ အမျှင်ဓါတ်ရော နှစ်ခုစလုံးက ခန္ဓါကိုယ်က အချိုဓါတ်စုပ်ယူမှုကိုနှေးစေနိုင်ပါတယ်။ ဒါကြောင့်ဆီးချိုကို ကာကွယ်ဖို့ဆိုရင် တစ်နေ့ကို ပန်းသီးတစ်လုံးစားပေးပါ။

နေ့စဉ်ပုံမှန်လေ့ကျင့်ခန်းလုပ်ပေးပါ

တစ်နေ့လုံးထိုင်နေရတာမျိုးမလုပ်ပါနဲ့။ အထိုင်များတဲ့အလုပ်လုပ်နေရတယ်ဆိုရင်တောင် ခဏလောက်အနားပေးပြီး လမ်းထလျှောက်တာမျိုးလုပ်ပေးပါ။ အရမ်းမဝေးတဲ့နေရာမျိုးကို လမ်းလျှောက်သွားပေးပါ။

အိပ်ချိန်အနည်းဆုံး ၇နာရီရှိပါစေ

တစ်ညတာမှာ အနည်းဆုံး အိပ်ချိန် ၇ နာရီထားရှိပေးပါ။ အိပ်ရေးပျက်တာက အဝလွန်ေစနိုင်တဲ့အပြင် အခြားကျန်းမာရေးပြဿနာတွေကို ပါဖြစ်စေနိုင်ပါတယ်။ ဒါကြောင့် ညတိုင်းအိပ်ရေးဝအောင်အိပ်စက်ပါ။

အချိုရည်အစားရေသောက်ပါ

ရေဆာရင်ရေပဲသောက်ပါ၊ အချိုရည်ကို အစားထိုးသောက်တာမျိုးမလုပ်ပါနဲ့။ သွားလေရာကိုရေဗူးဆောင်သွားပြီးရေပဲသောက်ပေးပါ။ အချိုရည်သောက်ချင်တဲ့ အခါတိုင်းလည်းရေကိုပဲသောက်ပေးပါ။

အချိုနဲ့ကာဗိုဟိုက်ဒရိတ်လျှော့စားပါ

အချိုများတဲ့ အစားအစာတွေ နဲ့ ကာဗိုဟိုက်ဒရိတ်တွေစားသုံးမှုက ဆီးချိုဖြစ်နိုင်ခြေကိုတိုးစေနိုင်ပါတယ်။ ဒါကြောင့်အစားအသောက်တွေစားတဲ့အခါ အချိုကဲလွန်းတာနဲ့ ကာဗိုဟိုက်ဒရိတ်များတဲ့ အစားအစာတွေကို အများကြီးမစားမိအောင် သတိထားပါ။

ပြုပြင်ထားတဲ့ အစားအစာတွေကို တတ်နိုင်သမျှရှောင်ပါ

ကော်ဖီ၊လက်ဖက်ရည်သောက်ပါ