တက်ကြွလှုပ်ရှားစွာနေထိုင်ခြင်း

လူတွေဟာ အသက်အရွယ်ကြီးရင့်လာတာနဲ့အမျှ ခန္ဓာကိုယ်ရဲ့ ဇီဝဖြစ်ပျက်မှုနဲ့ ကိုယ်အလေးချိန်တွေကို ထိန်းသိမ်းဖို့ ပိုမိုခက်ခဲလာကြပါတယ်။ အထူးသဖြင့် ခန္ဓာကိုယ်ရဲ့ အလေးချိန်နဲ့ ဝဖြိုးလာမှုတွေကို ထိန်းချုပ်ရတာဟာ တစ်နှစ်ထက်တစ်နှစ် ပိုမိုခက်ခဲလာမှာဖြစ်ပါတယ်။ အခုတစ်ခေါက်တော့ ဦးဦးဒေါ်ဒေါ်တွေ အလွယ်ကူဆုံး ကိုယ်အလေးချိန်လျှော့ချနိုင်မယ့် နည်းလမ်းများ အကြောင်းကို ပြောပြပေးသွားပါမယ်။ အသက် ၅၀ ကျော်လာချိန်တွေမှာ ကျန်းမာရေးနဲ့ မညီညွတ်တဲ့ အလေ့အထတွေ၊ လူနေမှုပုံစံတွေ၊ ကိုယ်လက်လှုပ်ရှားမှုနည်းပါးလာတာတွေနဲ့ မှားယွင်းတဲ့ စားသောက်မှုတွေကြောင့် သာမက ခန္ဓာကိုယ်ရဲ့ ဇီဝကမ္မဖြစ်စဉ်ပြောင်းလဲမှုတွေကြောင့်လည်း ကိုယ်အလေးချိန် သိသိသာသာ တိုးလာနိုင်ပါတယ်။ ဒါပေမယ့် ဒီအချက်တွေကြောင့်နဲ့တော့ သင်ဟာ ကိုယ်အလေးချိန်ချလို့မရဘူး၊ အဆီပိုတွေကို မဖယ်ရှားနိုင်ဘူးလို့ မယူဆလိုက်ပါနဲ့။ အသက်အရွယ်ကြီးရင့်နေသူတွေအနေနဲ့လည်း ရိုးရှင်းတဲ့နည်းလမ်းတွေကိုအသုံးပြုပြီး ခန္ဓာကိုယ်ရဲ့ အလေးချိန်ကို ကိုယ်နဲ့ သင့်လျော်တဲ့ အခြေအနေမှာပဲ ရှိနေအောင် ထိန်းညှိလို့ရနိုင်ပါတယ်။ ဦးဦးဒေါ်ဒေါ်တွေ အလွယ်ကူဆုံး ကိုယ်အလေးချိန်လျှော့ချနိုင်မယ့် နည်းလမ်းများ အောက်မှာဖော်ပြထားတဲ့ ရိုးရှင်းလွယ်ကူတဲ့ […]

သားအချစ် မြေးအနှစ်ဆိုတဲ့ စကားလည်းရှိတယ်မဟုတ်လား။ ဘိုးဘိုးဘွားဘွားတွေဟာ မြေးတွေ၊ မြစ်တွေနဲ့ သိုက်သိုက်ဝန်းဝန်းနေထိုင်ရတာကို ပျော်ကြ၊ ရွှင်ကြ၊ နှစ်သက်ကြပါတယ်။ ချစ်စဖွယ် မြေးလေးတွေရဲ့ တီတီတာတာ ချွဲတာနွဲ့တာလေးတွေကမှ သူတို့ရဲ့ နှလုံးအိမ်ကို ပီတိဖြာဝေပြီး ချမ်းမြေ့စေတယ်မဟုတ်လား။ မြေးထိန်းတဲ့ ဘိုးဘိုးဘွားဘွားတွေဟာ အသက်ပိုရှည်တယ်တဲ့ ဘိုးဘိုးဘွားဘွားတွေကတော့ မြေးတွေ မြစ်တွေကို ထိမ်းသိမ်းစောင့်ရှောက်ရတာကို မမောနိုင် မပမ်းနိုင် စိတ်ကျေနပ်ဖွယ် တာဝန်ဝတ္တရားတစ်ခုအဖြစ် မှတ်ယူထားတတ်ကြတာမျိုးပါ။ ဒါပေမယ့်လည်း သားတွေ၊ သမီးတွေနဲ့ ဆွေမျိုး မိတ်သင်္ဂဟတွေကတော့ ခုလို လူမမယ် သားသား၊ မီးမီးလေးတွေကို ထိန်းကျောင်းရတာဟာ သူတို့အတွက် စိတ်ပိုင်း၊ ရုပ်ပိုင်းဆိုင်ရာ ထိခိုက်မှုတွေ ပင်ပန်းနွမ်းနယ်မှုတွေ ဖြစ်စေမှာကို စိုးရိမ်တတ်ကြပါတယ်။ တကယ်တမ်းအားဖြင့် လွန်ခဲ့တဲ့ ဆယ်စုနှစ်တွေတုန်းကတော့ ဘိုးဘိုးဘွားဘွားတွေ ကလေးထိန်းတာ၊ ပြုစုစောင့်ရှောက်တာတွေလုပ်နေမယ်ဆိုရင် သူတို့တွေအတွက် စိတ်ပိုင်း၊ ရုပ်ပိုင်းဆိုင်ရာ ထိခိုက်မှုတွေဖြစ်စေလိမ့်မယ်လို့ ယုံကြည်ခဲ့ကြဖူးပါတယ်။ […]

အမျိုးသားတွေအတွက်ရော၊ အမျိုးသမီးတွေအတွက် ကျန်းမာရေးရှုထောင့်၊ အလှအပနဲ့ ကိုယ်အလေးချိန်ရှုထောင့်ကနေ သင့်တော်မယ့် လေ့ကျင့်ခန်းတွေကို ပြောပြပြီးပြီဆိုတော့ ဒီဆောင်းပါးမှာ ဘိုးဘိုးဘွားဘွားတို့အတွက် သင့်လျော်မယ့် လေ့ကျင့်ခန်းများ အကြောင်းကို ပြောပြပေးမှာဖြစ်ပါတယ်။ အလှအပအတွက် အဓိကမဟုတ်ဘဲ ကျန်းမာရေးရှုထောင့်ကနေ ပြောပြပေးမှာဖြစ်ပြီး အရမ်းလည်းမပင်ပန်းဘဲ ပေါ့ပေါ့ပါးပါးနဲ့ လုပ်လို့ရမယ့် လေ့ကျင့်ခန်းတွေကိုသာ ဦးစားပေးပြောသွားမှာပါ။ ဒါကြောင့် ကိုယ်ချစ်ခင်ရတဲ့ လူကြီးမိဘတွေကို ကျန်းကျန်းမာမာနဲ့ အသက်ရှည်ရှည်နေစေချင်တယ်ဆိုရင် ခုပြောပြမယ့် လေ့ကျင့်ခန်းတွေကို လုပ်ခိုင်းဖို့ သေချာလေး တိုက်တွန်းကြည့်ပါနော်။ ဘိုးဘိုးဘွားဘွားတို့အတွက် သင့်လျော်မယ့် လေ့ကျင့်ခန်းများ ဘိုးဘိုးဘွားဘွားတို့အတွက် သင့်လျော်မယ့် လေ့ကျင့်ခန်းများ ကတော့ ၁။ လမ်းလျှောက်ပါ။ အားလည်းမကုန်သလို အချိန်လည်းသိပ်ပေးစရာမလိုဘဲ အသက်အရွယ်တိုင်းအတွက် အဆင်ပြေမယ့် လေ့ကျင့်ခန်းဖြစ်ပါတယ်။ ဘိုးဘိုးဘွားဘွားတွေ မနက်ပိုင်း စောစောထတတ်ရင် ရေသောက်၊ မျက်နှာသစ်ပြီးတာနဲ့ ကိုယ့်အိမ်နားမှာ ၁၀မိနစ်ကနေ မိနစ် ၂၀လောက်ထိ ဖြည်းဖြည်းချင်း လမ်းလျှောက်လို့ရပါတယ်။ လမ်းလျှောက်ရင်းနဲ့ အသက်ရှူလေ့ကျင့်ခန်း လုပ်ပေးနိုင်ရင် […]

ကျွန်မတို့ချစ်ခင်ရတဲ့သူတွေကို စိတ်ပိုင်းဆိုင်ရာ၊ရုပ်ပိုင်းဆိုင်ရာနဲ့လူမှုဆက်ဆံရေးတွေကိုကောင်းမွန်အောင် လုပ်ဆောင်ပေးခြင်းဖြင့် ကျန်းမာသန်စွမ်းနေအောင်လုပ်ဆောင်ပေးနိုင်မှာဖြစ်သလိုလူကြီးတွေကို စိတ်ဖိစီး တာတွေနဲ့အထီးကျန်တာတွေကနေကင်းဝေးစေမှာဖြစ်ပါတယ်။ အသက်အရွယ်ကြီးရင့်လာတဲ့ မိဘတွေကို ကျန်းမာသန်စွမ်းစေဖို့အတွက် မိဘတွေနဲ့အတူလုပ်ဆောင်လို့ရတဲ့ လေ့ကျင့်ခန်းလေးတွေကို ဖော်ပြပေးလိုပါတယ်။ အသက်အရွယ်ကြီးရင့်လာတဲ့ မိဘများနဲ့အတူ လုပ်ဆောင်နိုင်မယ့် အကောင်းဆုံးလေ့ကျင့်ခန်းများ ကျွန်မတို့အနေနဲ့ အသက်အရွယ်ကြီးရင့်လာတဲ့ မိဘတွေနဲ့အတူ ရက်သတ္တပတ် တစ်ပတ်ကို မိနစ် ၁၅၀ လောက် လမ်းလျှောက်တာ၊ရေကူးတာ၊ စက်ဘီးစီးတာလိုမျိုးကိုယ်လက်လှုပ်ရှားမှုတွေလုပ်ဆောင်ပေးသင့်ပါတယ်။ ဒီလိုလုပ်ဆောင်ပေးတာကြောင့် လူကြီးမိဘတွေကို ခွန်အားတိုးတက်စေမှာဖြစ်သလိုကိုယ်ခန္ဓါကိုလည်းဟန်ချက်ညီစေမှာဖြစ်ပါတယ်။ ဝမ်းဗိုက်ကြွက်သားတွေသန်စွမ်းစေဖို့အတွက် အသက်ကိုပြင်းပြင်းရှုသွင်းပြီး ဝမ်းဗိုက်ကြွက်သားတွေကို တောင့်တင်းနေအောင်လုပ်ဆောင်လိုက်ပါ။ အသက်အောင့်တဲ့လေ့ကျင့်မှုကို ၃ ကြိမ်လုပ်ဆောင်ပေးပါ၊ အဲ့နောက်မှာကြွက်သားတွေကိုပြန်လည်လျှော့ချပေးလိုက်ပါ။ နံရံတွန်းတဲ့လေ့ကျင့်ခန်း - ရင်ဘတ်နဲ့ပခုံးမှာအင်အားတွေတိုးလာစေဖို့အတွက် နံရံတွန်းတဲ့လေ့ကျင့်ခန်းကို လုပ်ဆောင်ပေးနိုင်ပါတယ်။ နံရံနဲ့ ၃ ပေအကွာမှာနံရံဘက်ကိုမျက်နှာမူပြီးမတ်မတ်ရပ်ပါ၊ ပခုံးကိုခြေထောက် ခွဲရပ်ထားတဲ့အကွာအဝေးအတိုင်းထားပါ။ လက်တွေကိုနံရံပေါ်မှာပခုံးနဲ့တညီတည်းတင်ထားပါ။ ခန္ဓါကိုယ်ကို ကျောရိုးနဲ့တညီတည်းမတ်မတ်ထားရပါမယ်။ ကိုင်းမနေရပါဘူး။ အဲ့နောက် ခန္ဓါကိုယ်ကိုနံရံဆီကို လက်တွေ ကွေးညွတ်ပြီးကပ်ချရပါမယ်။ ပြီးတဲ့နောက် ကိုယ်ကိုပြန်မတ်ရပါမယ်။ Pelvic Tilts လေကျင့်ခန်း […]

အသက်အရွယ်ကြောင့်ဖြစ်တဲ့ကြွက်သားစိုင် ဆုံးရှုံးမှု၊ကြွက်သားအင်အား ယုတ်လျော့လာမှုနဲ့ လုပ်ငန်းဆောင်ရွက် နိုင်စွမ်းလျော့ပါးလာမှု(Sarcopenia)တွေကအသက်အရွယ်ကြီးရင့်လာသူတွေမှာအဓိကတွေ့ကြုံရတဲ့ကျန်းမာရေး ပြဿနာတစ်ရပ် ဖြစ်ပါတယ်။ ဒီဝေဒနာက သက်ကြီးရွယ်အိုတွေကို မသန်မစွမ်းဖြစ်စေနိုင်သလို၊ အဆစ်ရောင်ရမ်း နာ၊ ဆေးရုံမှာတက်ရောက်ကုသခံရတာနဲ့သေဆုံးတာမျိုးတွေအထိဖြစ်ပေါ်ခံစားရစေနိုင်ပါတယ်။ အသက်အရွယ် ကြီးရင့်လာတဲ့ အချိန်အထိကြွက်သားကျန်းမာရေးတိုးတက်လာစေနိုင်ပြီး ကျန်းမာသန်စွမ်းစွာနေထိုင်နိုင်မယ့် သဘာဝနည်းလမ်း အချို့ကိုတင်ပြပေးလိုပါတယ်။ သက်ကြီးရွယ်အိုတော်တော်များများဟာ သူတို့ရဲ့အချိန်အများစုကို အထိုင်များတဲ့အလုပ်တွေနဲ့ကုန်ဆုံးနေကြ ပါတယ်။ လှုပ်ရှားမှုမရှိဘဲနေတာက ကြွက်သားတွေကိုသန်စွမ်းမှုအားကျဆင်းစေပါတယ်။ ဘယ်အသက်အရွယ်ပဲ ရောက်ရောက် တက်တက်ကြွကြွကျန်းကျန်းမာမာနေထိုင်လိုတယ်ဆိုရင်တော့ကြွက်သားတွေ တည်ဆောက် ထားမှုကို ထိန်းသိမ်းဖို့လိုအပ်ပါတယ်။ Sarcopenia (အသက်အရွယ်ကြောင့်ဖြစ်တဲ့ကြွက်သားစိုင် ဆုံးရှုံးမှု၊ကြွက်သားအင်အား ယုတ်လျော့လာမှုနဲ့ လုပ်ငန်းဆောင်ရွက် နိုင်စွမ်းလျော့ပါးလာမှု) ဖြစ်ပေါ်ရတဲ့အရင်းခံအကြောင်းအရင်းများ- ကြွက်သားတွေစတင်လှုပ်ရှားဖို့အတွက်ဦးနှောက်ကနေကြွက်သားတွေဆီကို သတင်းပေးပို့ဖို့တာဝန်ရှိတဲ့ အာရုံကြောဆဲလ်တွေလျော့နည်းလာတာ ကြီးထွားမှုဟော်မုန်း၊ တက်စတိုစတုန်း ဟော်မုန်းနဲ့ အင်ဆူလင်လိုမျိုး ဟော်မုန်းတွေ အပါအဝင် ဟော်မုန်းတွေ ထုတ်လွှတ်မှုနည်းပါးလာတာ ပရိုတင်းကိုစွမ်းအင်အဖြစ်ပြောင်းလဲနိုင်စွမ်းကျဆင်းလာတာ ကြွက်သားစိုင်တွေကိုထိန်းသိမ်းထားနိုင်ဖို့အတွက်နေ့စဉ်စားသုံးတဲ့ပရိုတင်းဓါတ်တွေထဲကနေ ကယ်လိုရီအလုံအလောက်မရရှိတာ   အောက်မှာလူကြီးမိဘတွေကိုသန်မာတဲ့ ကြွက်သားတွေကိုထိန်းသိမ်းရာမှာအထောက်အကူဖြစ်စေနိုင်မယ့် နည်းလမ်းကောင်းလေးတွေကို ဖော်ပြပေးထားပါတယ်။ လေ့ကျင့်ခန်းလုပ်ပေးပါ - လေ့ကျင့်ခန်းလုပ်ဆောင်ပေးခြင်းက […]

အသက်အရွယ်လေးရလာတာနဲ့အမျှ ခန္ဓါကိုယ်က တစတစယိုယွင်းလာပြီး အရိုးတွေကြွပ်ဆတ်လာ၊ ကြွက်သားတွေကျုံ့လာတာ၊ အရွတ်တွေနဲ့တခြားအစိတ်အပိုင်းတချို့ ထိခိုက်ဒဏ်ရာရပြီးရင်ပြန်ကောင်းနိုင်ဖို့နှေးလာတာတွေဖြစ်လာပါတယ်။ ဒီဝေဒနာတွေရဲ့ တချို့တဝက်က ဇရာရဲ့ပြယုဂ်တွေဖြစ်တယ်ဆိုပေမယ့် အသက်ကြီးရင့်မှုရဲ့ရလဒ်တွေကိုရင်ဆိုင်တွန်းလှန်နိုင်မယ့်နည်းလမ်းတွေအများကြီးရှိပါတယ်။ အသက် ၅၀/၆၀ နားကပ်လာပြီဆို ဆယ်ကျော်သက်၊ နှစ်ဆယ်ကျော်သက်အရွယ်ကလောက် ခွန်အားရှိနေဦးမယ်လို့ ဘယ်သူမှမျှော်လင့်မထားကြပါဘူး။ အသက်အရွယ်ကြောင့် တဖြည်းဖြည်းနဲ့အရာရာနှေးကွေးကျဆင်းလာတာက ပုံမှန်ပါပဲ။ ဒါပေမယ့် တာရှည်နေတဲ့ အပြင်းအထန်မောပန်းအားနည်းတာမျိုးကတော့ မဖြစ်သင့်ပါဘူး။ အားအင်ပြည့်ဖြိုးဖို့နဲ့ကျန်းမာသန်စွမ်းဖို့က ဘဝအတွက်အရေးကြီးတဲ့အချက်တွေဖြစ်တာကြောင့် လူကြီးအရွယ်တွေမှာ ခွန်အားမြှင့်တင်ပြီးအလုံးစုံကျန်းမာရေးကိုကောင်းမွန်စွာထိန်းသိမ်းနိုင်ဖို့လိုပါတယ်။   လှုပ်လှုပ်ရှားရှား နေထိုင်ပါ ကိုယ်လက်လှုပ်ရှားလေ့ကျင့်ခန်းကို သတ်သတ်မှတ်မှတ်လုပ်ဆောင်ပေးတာက အကောင်းဆုံးဖြစ်တယ်လို့National Institute on Aging အရ သိရပါတယ်။ ဒါပေမယ့် အားကစားခန်းမ သွားပြီး ပင်ပင်ပန်းပန်းကြိုးစားစရာမလိုပါဘူး။ အတော်အသင့်ကနေ အားစိုက်ရတဲ့ ကိုယ်လက်လှုပ်ရှားမှု တစ်ခုခုကို နာရီဝက်လောက်လုပ်ပေးရုံနဲ့လုံလောက်တယ်လို့ ဆိုပါတယ်။ သွက်သွက်လျှောက်ခြင်း၊ ဥယျာဉ်စိုက်ခြင်း၊ ကခြင်း၊ စက်ဘီးစီးခြင်း၊မြေးငယ်တွေနဲ့ကစားခြင်းတို့ကို လုပ်ပေးတာလည်း အကျိုးရှိမှာပါ။ အရင်တည်းက အငြိမ်သမားဖြစ်ခဲ့ရင်တော့ စစချင်းမှာ […]

အထူးသဖြင့် အသက်ကြီးလာရင် လှုပ်လှုပ်ရှားရှားနေဖို့ အရေးကြီးပါတယ်။ ဒါပေမယ့် မစတင်ခင်မှာ အောက်ပါအချက်တွေကို လေ့လာကြည့်သင့်ပြီး ဒီအချက်တွေက သင့်ကို လေ့ကျင့်ခန်း ဘယ်လို ထိရောက်စွာ လုပ်ရတယ်ဆိုတာကို ပြောပြထားတာဖြစ်ပါတယ်။ လေ့ကျင့်ခန်းတွေအကြောင်း စဉ်းစားပါ။ သင်စဉ်းစားသင့်တဲ့ အဓိက လေ့ကျင့်ခန်း သုံးမျိုး ရှိပါတယ်။ သူတို့ကတော့ အဆုတ်နဲ့ နှလုံးအတွက် ကောင်းမွန်တဲ့ အေရိုးဗစ်လေ့ကျင့်ခန်း၊ အရိုးနဲ့ ကြွက်သားတွေအတွက် ကောင်းမွန်တဲ့ သန်မာစေတဲ့ လေ့ကျင့်ခန်းနဲ့ ညီမျှမှုကို ထိန်းပေးပြီး ချော်လဲမှုကို ကာကွယ်ပေးတဲ့ ညီမျှစေတဲ့ လေ့ကျင့်ခန်းတွေပဲဖြစ်ပါတယ်။ ဒီလေ့ကျင့်ခန်းတွေကို ဘဝရဲ့ ဘယ်အချိန်မှာမဆို စလုပ်နိုင်ပေမယ့် စောစောလုပ်လေလေ အကျိုးရှိလေလေဖြစ်ပါတယ်။ လေ့ကျင့်ခန်းတွေက သင့်ကို ထိခိုက်မှာ ကို စိတ်မပူသင့်ပါဘူး။ လေ့ကျင့်ခန်းတွေကို သင့်လျော်စွာ လုပ်ရင် အချို့ရောဂါတွေအတွက် ထိရောက်တဲ့ ကုသမှုတစ်ခု ဖြစ်နိုင်ပါတယ်။ အေရိုးဗစ်လေ့ကျင့်ခန်းများ အေရိုးဗစ်လေ့ကျင့်ခန်းတွေနဲ့ စတင်ကြရအောင်။ ဒီလေ့ကျင့်ခန်းတွေဟာ […]

ချော်လဲခြင်းဟာ အရိုးကျိုးခြင်းအပါအဝင် ပြင်းထန်တဲ့ ပြဿနာ အတော်များများကို ဖြစ်စေနိုင်ပါတယ်။ အရိုးကျိုးခြင်းဟာ နာကျင်မှုနဲ့ လှုပ်ရှားမှု လျော့နည်းခြင်းတွေကို ဖြစ်စေပါတယ်။ သင်အသက်ကြီးလာရင် ကိုယ်ခန္ဓါ ညီမျှမှုကို မထိန်းနိုင်တော့တာကြောင့် ချော်လဲဖို့ ရာနှုန်းများပါတယ်။ ကိုယ်ခန္ဓါကလည်း အရိုးသိပ်သည်းဆ နည်းပါးတာကြောင့် ပြင်းထန်တဲ့ အရိုးကျိုးခြင်းတွေ ဖြစ်နိုင်ပါတယ်။ ဒါပေမယ့် အောက်ပါအချက်တွေကို သေချာစွာ လိုက်နာရင် ချော်လဲခြင်းကနေ သင့်ကို ကာကွယ်ပေးနိုင်မှာ ဖြစ်ပါတယ်။   ကိုယ့်ကိုယ်ကို ဂရုစိုက်ပါ။ သင့်ကိုယ်သင်အရင်ချစ်သင့်ပါတယ်။ သန်စွမ်းတဲ့ ကိုယ်ခန္ဓါဟာ ရောဂါအမျိုးမျိုးကို ကာကွယ်ပေးနိုင်မှာ ဖြစ်ပါတယ်။ အမြင်အာရုံ၊ အကြားအာရုံတွေကို ပုံမှန်စစ်ဆေးပါ။ ပြီးရင်တော့ သင့်မှာ အခြားပြဿနာရှိမရှိ ဆရာဝန်နဲ့ စကားပြောသင့်ပါတယ်။ သင်နဲ့ သင့်ဆရာဝန်ဟာ သင့်လျော်တဲ့ကုသမှုတွေ အကြောင်းကို ဆွေးနွေးသင့်ပါတယ်။ ဒီပြဿနာတွေကို မကုသပဲထားမယ်ဆိုရင် အရာဝတ္ထုတွေကို မရှောင်နိုင်ပဲ ချော်လဲနိုင်ပါတယ်။ […]