အချို့သော ဆေးဝါးတွေကြောင့်လည်း တစ်ချိန်လုံး ချမ်းတယ်လို့ ခံစားနေရတာပါ။ သွေးတိုးတာ၊ နှလုံးခုန် မမှန်တာတွေအတွက် သောက်ရတဲ့ ဆေးဝါးတွေက ခြေဖျားလက်ဖျားတွေကို အေးစက်စေပြီး တစ်ချိန်လုံး ချမ်းတယ်လို့ ခံစားရစေနိုင်ပါတယ်။
ကိုယ်တွင်းမှာ ရေဓာတ်လုံလောက်စွာ မရှိတာကြောင့်လည်း ချမ်းတယ်လို့ ခံစားရနိုင်ပါတယ်။ ကိုယ်ထဲမှာ လုံလောက်တဲ့ ရေဓာတ် ရှိမှလည်း နွေးထွေးတယ်လို့ ခံစားရတာပါ။
ရေဓာတ် ခမ်းခြောက်တဲ့အခါ ချမ်းတာအပြင် ခံတွင်းခြောက်တာ၊ ဝမ်းသွားရခက်တာ၊ ဆီးအရောင်ရင့်တာမျိုးတွေ ခံစားရစေနိုင်ပါတယ်။ အေးတဲ့ရာသီမှာ သတိထားပြီး ရေကို လုံလောက်အောင် သောက်ပေးဖို့ လိုပါမယ်။
လုံလောက်တဲ့ အိပ်စက်ချိန် မရှိတာ၊ အိပ်ရေးပျက်တဲ့ရက်တွေ များလာတာကလည်း တစ်ချိန်လုံး အေးတယ်လို့ ခံစားရစေနိုင်ပါတယ်။ အိပ်ရေးပျက်တဲ့အခါ ကိုယ်တွင်း ဇီဝကမ္မဖြစ်စဉ် နဲ့ ခန္ဓာကိုယ် အပူချိန်ကို ထိန်းညှိပေးနိုင်တဲ့ ဟော်မုန်းတွေရဲ့ လုပ်ဆောင်မှုကို ပျက်ပြားစေပါတယ်။ ဒီလို ပျက်ပြားမှုက တစ်ချိန်လုံး ချမ်းတယ်လို့ ခံစားရစေနိုင်ပါတယ်။
အရွယ်ရောက်ပြီးသူ တစ်ယောက်အနေနဲ့ တစ်ညတာကို အိပ်ချိန် ၇ နာရီကနေ ၉ နာရီ ရှိဖို့ လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။