ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် မတ် 9, 2021 . 2 mins read
Share now

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချိုရောဂါ ခံစားနေရသူတွေက အခြားသူတွေထက် ရေဓာတ် ဆုံးရှုံးနိုင်ခြေပိုများပါတယ်။ ရေဓာတ်ဆုံးရှုံးမှုကြောင့် ထိခိုက်နိုင်ခြေကလည်း ပိုများနေပါတယ်။ ရေဓာတ် ဆုံးရှုံးမှု များလေလေ သွေးတွင်းသကြားဓာတ်ပမာဏက ပိုတိုးလာလေလေပါ။

ဆီးချို လည်း ရှိမယ် အသက်အရွယ်ကလည်း ၅၀ ကျော်ဖြစ်နေမယ်ဆိုရင်တော့ ရေဓာတ် မဆုံးရှုံးဖို့က အတော်လေး အရေးကြီးပါတယ်။ အသက်ကြီးလာတဲ့အခါ ရေသောက်တာ နည်းလာတာကြောင့် ရေဓာတ်ပြည့်ဝမှု အားနည်းတတ်ကြသလို ဆီးချိုလည်း ရှိမယ်ဆိုရင် ကျန်းမာရေး ထိခိုက်နိုင်ခြေက အတော်လေး များတာကြောင့်ပါ။

ရေဓာတ်ခန်းခြောက် နေတာလား…….

ရေဓာတ်ခန်းခြောက် နေတာလားဆိုတာကို ဒီအချက်တွေကို ကြည့်ပြီး သိနိုင်ပါတယ်။

  • ရေဆာမယ်
  • ခေါင်းကိုက်မယ်
  • ခံတွင်းခြောက်မယ်
  • မျက်လုံးခြောက်မယ်
  • ညီးစီစီဖြစ်မယ်
  • ပင်ပန်းနွမ်းနယ်မယ်
  • ဆီးအရောင်ရင့်မယ် စတဲ့ လက္ခဏာတွေ ခံစားရနိုင်ပါတယ်။

ပြင်းထန်တဲ့ ရေဓာတ်ခန်းခြောက် ခြင်း လက္ခဏာတွေက ဘာတွေများလဲ……………

ပြင်းထန်တဲ့ ရေဓာတ်ခန်းခြောက် ခြင်းကို ခံစားရပြီဆိုရင်

ရေဓာတ်ခန်းခြောက်ခြင်း ကို ဖြစ်စေတဲ့ အကြောင်းအရင်းများ

အခုအခြေအနေတွေက ရေဓာတ်ခန်းခြောက် ခြင်းကို ဖြစ်စေတဲ့ အဓိက အကြောင်းအရင်းတွေပါ။

  • ရေသောက်နည်းတာ
  • ရာသီဥတုပူတာ
  • လေ့ကျင့်ခန်း ပြင်းပြင်းထန်ထန် လုပ်တာ
  • သွေးတွင်းသကြားဓာတ် မြင့်တက်တာ
  • အရက် သောက်တာ
  • ဝမ်းပျက်ဝမ်းလျှောတာ
  • အော့အန်တာ စတာတွေကြောင့် ရေဓာတ် ဆုံးရှုံးနိုင်ပါတယ်။

ရေဓာတ် ခန်းခြောက်ခြင်း နဲ့ သွေးတွင်းသကြားဓာတ်

သွေးတွင်းသကြားဓာတ် မြင့်တက်မှုက ထိုက်သင့်တဲ့ အချိန်ထက် ပိုကြာသွားတဲ့အခါ ကျောက်ကပ်တွေက ဆီးသွားတာကနေ တဆင့် ကိုယ်ထဲမှာ ပိုနေတဲ့ သွေးတွင်းသကြားဓာတ်တွေကို စွန့်ထုတ်ရပါတယ်။

ကျောက်ကပ်က သွေးတွေကို အဆိုပါ နည်းလမ်းနဲ့ စစ်ထုတ်တဲ့အခါ ကိုယ်တွင်းမှာ ရေဓာတ်က ပိုမို လိုအပ်မှာပါ။ သွေးထဲက ရေဓာတ် ကျဆင်းသွားမှုကို ​ဖြည့်တင်းဖို့လည်း ရေကို လိုအပ်မှာပါ။ ဒီအချိန်မှာ ပုံမှန်ထက်ရေပိုဆာတာမျိုး ဖြစ်နိုင်ပါတယ်။ ဒီရေဓာတ်ကို ပြည့်ဖို့ဆိုရင် ရေများများ သောက်ဖို့ လိုပါမယ်။

ကုန်ဆုံးသွားတဲ့ ရေဓာတ်ကို မဖြည့်တဲ့အခါ ကျောက်ကပ်တွေက စစ်ထုတ်ဖို့အတွက် လိုအပ်တဲ့ ရေဓာတ်ကို ကိုယ်တွင်းက ရေဓာတ်တွေဖြစ်တဲ့ တံထွေး၊ မျက်ရည်နဲ့ ဆဲလ်တွေထဲက ရေတွေကို ရယူလိုက်ပါတယ်။

ဒီအခြေအနေက ကိုယ်တွင်း ရေဓာတ် နည်းစေပြီး ခံတွင်းခြောက်တာ၊ မျက်လုံးခြောက်တာ နဲ့ သွေးတွင်းသကြားဓာတ် မြင့်တက်တာကို ဖြစ်စေပါတယ်။ ဒီအခြေအနေကို အကောင်းဆုံး ဖြေရှင်းနည်းကတော့ ရေကို ပြည့်ပြည့်ဝဝ သောက်သုံးတာပါ။

ကိုယ်တွင်းမှာ ရေဓာတ်နည်းလေလေ သွေးတွင်းသကြားဓာတ်က မြင့်လေလေပါ။ ဆီးချိုရှိသူအနေနဲ့ သွေးတွင်းသကြားဓာတ် မြင့်တက်မှုက ပြင်းထန်တဲ့ နောက်ဆက်တွဲ ကျန်းမာရေးဆိုးကျိုးတွေကို ဖြစ်စေနိုင်ပါတယ်။

သွေးတွင်းသကြားဓာတ် မြင့်တက်မှုရဲ့ အကျိုးဆက်

ဆီးချို ရှိသူအနေနဲ့ သွေးတွင်းသကြားဓာတ် မြင့်တက်တဲ့အခါ

  • မူးဝေတာ
  • အမြင်အာရုံဝေဝါးတာ
  • ခြေထေက်တွေ ထုံကျဉ်တာ
  • နှလုံးရောဂါ
  • ရုတ်တရက် နှလုံးရပ်တာ
  • ကျောက်ကပ် ပျက်စီးတာ
  • အာရုံကြောတွေ ပျက်စီးတာ
  • မျက်လုံးထိခိုက်တာ
  • အရေပြား ပြဿနာတွေ ခံစားရနိုင်ပါတယ်။

ဘယ်လိုအခြေအနေမှာ ဆရာဝန်နဲ့ ပြသဖို့ လိုမလဲ

သွေးတွင်းသကြားဓာတ် မြင့်တက်မှုက အခုလို အခြေအနေ ဖြစ်လာပြီဆိုရင်တော့ နီးစပ်ရာ ဆေးခန်းကို ချက်ချင်းသွားရောက်ဖို့ လိုပါမယ်။

  • အသက်ရှူရခက်မယ်။
  • အော့အန်မယ်။
  • ဆီးထဲမှာ ကီတုန်း များမယ်။
  • ခံတွင်းခြောက်မယ်
  • ရေတအားဆာမယ်
  • ဆီး ခဏခဏ သွားနေမယ်
  • အသားတွေ ပူစပ်ပူလောင်ဖြစ်မယ်
  • အသားတွေ ခြောက်မယ်
  • နှာခေါင်းထဲမှာ သစ်သီးနံ့လို့ ချိုအီအီ အနံ့တွေ ရနေမယ်
  • အာရုံရှုပ်ထွေးမယ်ဆိုရင်တော့ အမြန်ဆုံး ကုသမှု ခံယူဖို့လိုအပ်နေပါပြီ။

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများတာကြောင့် ရေဓာတ်ပြည့်ဝနေစေဖို့ သေချာလေး ဂရုစိုက်စေချင်ပါတယ်။ တစ်နေ့ကို အနည်းဆုံး ရေ ၈ ခွက်တော့ သေချာလေး သောက်ပေးတာက ဆီးချို ရှိသူတွေမှာ သွေးတွင်းသကြားဓာတ် မြင့်တက်နိုင်ခြေကို လျှော့ချရာ ရောက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နှလုံးရောဂါနှင့် ဆီကြော်အစားအစာ များ

နှလုံးရောဂါရှိနေပြီဆိုရင် သင်နေ့စဉ် မှီဝဲစားသုံးတဲ့ အစားအသောက်တွေဟာ သိပ်အရေးကြီးလာမှာပါ။ ဥပမာပြောရရင် ဆီကြော်အစားအစာ တွေ စားတာက မသင့်လျော်တာမျိုးပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကပ်ဘေးကာလမှာ မေ့မထားသင့်တဲ့ နောက်ထပ် ကျန်းမာရေးပြဿနာတစ်ခု

ကပ်ဘေးကာလမှာ မေ့မထားသင့်တဲ့ အရာ ဆိုလို့ ဘာများလဲလို့ တွေးနေပြီလား။ ဒါဆိုရင် ဒီဆောင်းပါးလေးထဲမှာ အဖြေရှာကြည့် လိုက်ရအောင်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read