စားစရာတွေ အများကြီး ရှိနေရက်ကမှ ရေခဲပဲ စားချင်တယ်။ အခြားဟာတွေထက် ရေခဲကို တဂျွတ်ဂျွတ် ဝါးရတာကို ပိုသဘောကျနေတယ်ဆိုရင်တော့ ဒီဆောင်းပါးကို မဖြစ်မနေ ဖတ်ကြည့်သင့်ပါတယ်။ ဒီအထဲမှာ ရေခဲတွေပဲ စားချင်နေရတဲ့ အကြောင်းအရင်း ကို ပြောပြပေးထားပါတယ်။
ရေခဲ စားချင်နေမိတယ်။
ရေခဲပဲ စားချင်နေမိတယ်၊ ရေခဲကို တဂျွတ်ဂျွတ် ဝါးရတာ သဘောကျနေမိတာ ကိုယ်တစ်ယောက်တည်းလား၊ လို့ တွေးနေမိပြီလား။ ဒီလိုဆိုရင် ပြောချင်တာက ရေခဲကို တဂျွတ်ဂျွတ် ဝါးစားချင်နေတာက ကိုယ်တစ်ယောက်တည်း မဟုတ်ပါဘူး။
ရာသီဥတု ပူလွန်းတဲ့အခါ ရေခဲစားချင်တဲ့ဆန္ဒ ဖြစ်နိုင်ပါတယ်။ အကြောင်းကတော့ အေးအေးလေးဖြစ်နေတဲ့ ရေခဲက ရေငတ်ပြေစေပြီး အပူဒဏ်ကို သက်သာစေနိုင်လို့ပါ။
ရေခဲတွေပဲ စားချင်နေရတဲ့ အကြောင်းအရင်း
Pica ရောဂါ
- သွေးအားနည်းနေတဲ့အခါ
- ရေခဲစားချင်တာ
- ခြေကုန်လက်ပမ်းကျတာ
- မောပန်းလွယ်တာ
- အသက်ရှူတာ ပြတ်တောင်း ပြတ်တောင်းဖြစ်တာ
- မူးဝေတာ
- အားနည်းတာတွေ ခံစားရနိုင်ပါတယ်။
သံဓာတ် အားနည်းတာကြောင့် သွေးအားနည်းရောဂါ မဖြစ်စေဖို့ဆိုရင် ဒီအချက်လေးတွေကို လိုက်နာဖို့ လိုပါမယ်
- အသည်း စားပါ ( အမဲအသည်း၊ ကြက်အသည်း စသည်ဖြင့်)
- သစ်သီးတွေ၊ ဟင်းသီးဟင်းရွက်တွေ များများစားပါ (ဗီတာမင် C ကြွယ်ဝတာကို များများစားပါ)
- ကော်ဖီ၊ လက်ဖက်ရည်၊ လက်ဖက်စားတာကို လျှော့ပါ
- ငါး၊ ကြက်သား၊ အနီရောင် အသားတွေ ပုံမှန် စားပေးပါ
- သင့်တင့်တဲ့ ကိုယ်လက်လှုပ်ရှားမှု လုပ်ဆောင်ပါ။
ကိုယ်ဝန်ဆောင်နေရတာ
- ကိုယ်ဝန်ဆောင်ချိန်မှာ မအီမသာဖြစ်တာ၊ အော့အန်တာတွေကို ခံစားရပြီး ဒါတွေက ရေဓာတ်ဆုံးရှုံးမှုကို ဖြစ်စေပါတယ်။ ရေဓာတ်ဆုံးရှုံးတဲ့အခါ ရေခဲ စားတာက ဆုံးရှုံးသွားတဲ့ ရေဓာတ်ကို ပြည့်စေပြီး မအီမသာဖြစ်တာတွေကို သက်သာစေတာကြောင့်ပါ။
- ရေခဲက အနံ့အရသာမရှိတာကြောင့်လည်း ကိုယ်ဝန်ဆောင်ချိန်မှာ ရေခဲ စားကြတာပါ။
- ကိုယ်ဝန်ဆောင်ချိန်မှာ ဇီဝကမ္မဖြစ်စဉ်တွေက မြန်ဆန်နေသလို သွေးကြောတွေက ရောင်ရမ်းနေပါတယ်။ ဒီအချက်တွေက ကိုယ်ဝန်ဆောင်တွေကို ပုံမှန်ထက် ပိုပူတယ်လို့ ခံစားရစေပြီး ရေခဲအပါအဝင် အေးတာတွေကို စားချင်စိတ် ပိုဖြစ်စေတာပါ။
- နောက်တစ်ခုက ချင်ခြင်းတပ်တာကြောင့်ပါ။ ချင်ခြင်းတပ်တာကြောင့်လည်း ရေခဲစားချင်စိတ်တွေ ဖြစ်စေနိုင်ပါတယ်။
[embed-health-tool-bmi]
