အသားဖြူချင်တယ် ဘာတွေစားရမလဲ....

အသားဖြူအောင်ဆိုရင် အသားအရေထိန်းသိမ်းတဲ့ ပစ္စည်းတွေသုံးမှဖြစ်တာလား။ ဒါမှမဟုတ် အသားဖြူပါတယ်ဆိုတဲ့ ကုထုံးတွေကို ခံယူမှဖြစ်မှာလား။ ဆေးသောက်မှဖြစ်မှာလား။ မဟုတ်ပါဘူး။ အစားအသောက်တွေကို အာဟာရမျှတအောင်စားသုံးမှုကလည်း သင့်ကို အသားဖြူစေနိုင်ပါတယ်။ အစားအသောက်တွေလည်းစားရ အသားကလည်းဖြူသေးဆိုတော့ တစ်ချက်ခုတ် နှစ်ချက်ပြတ်ဆိုတော့ ဘယ်လောက်များ အဆင်ပြေလိုက်လဲ။

အသားဖြူအောင်ဘာတွေစားရမလဲ……

အသားဖြူစေဖို့ဆိုရင်တော့ နေ့စဉ်စားသုံးတဲ့အစားအစာတွေထဲမှာ ဒါတွေပါအောင်စားသုံးပေးသင့်ပါတယ်။

• ခရမ်းချဉ်သီး
• ဖရဲသီး
• သံပရိုသီး
• လိမ္မော်သီး
• သလဲသီး
• သခွားသီးတို့ပါ။

ခရမ်းချဉ်သီး

အသားအရေအတွက် အထောက်အကူပြုပေးနိုင်တယ်ဆိုတာကို တော်တော်များများသိထားပြီးဖြစ်မှာပါ။ သဘာဝနေလောင်ကာခရင်မ်တစ်မျိုးဖြစ်ပြီး အသားအရေကို နေရောင်ခြည်ဒဏ်ကနေ ကာကွယ်ပေးသလို ကြည်လင်လှပစေပါတယ်။

ဖရဲသီး

နွေရာသီမှာပဲ ရေငတ်ပြေအောင်စားလို့ရတာမဟုတ်ပါဘူး။ အသားဖြူစေဖို့လည်းစားပေးလို့ရပါတယ်။ အသားအရေကို ကြည်လင်စေမှာပါ။ ရေဓါတ်ဖြည့်ပေးသလို အဆိပ်အတောက်တွေကိုပါဖယ်ရှားပေးနိုင်ပါသေးတယ်။

သံပရိုသီး

ဗီတာမင် C ကြွယ်ဝမှုက အသားအရေကို ကြည်လင်စေပြီး ဆဲလ်သေတွေကို အထိရောက်ဆုံးဖယ်ရှားပေးနိုင်ပါတယ်။ တစ်နေ့ကို သံပရိုရည် တစ်ခွက်သောက်သုံးပေးတာက အသားအရေကိုကြည်လင်စေဖို့ အလွယ်ကူဆုံးနဲ့အထိရောက်ဆုံးနည်းလမ်းတစ်ခုပါ။

လိမ္မော်သီး

လိမ္မော်သီးမှာ ဗီတာမင် A နဲ့ ဗီတာမင် C ပါဝင်နေတာက အသားအရေကို အကောင်းဆုံးအားဖြည့်ပေးနိုင်တာပါ။ လိမ္မော်သီးက ကော်လာဂျင်ထွက်လာအောင် လှုံ့ဆော်ပေးပြီး အသားအရေကို ကြည်လင်စေမှာပါ။ လိမ္မော်သီးအပြင် ကီဝီသီး၊ ဂရိတ်ဖရုတို့ကလည်း အသားအရေကို ကြည်လင်စေပါတယ်။

သလဲသီး

သလဲသီးက အရွယ်တင်နုပျိုစေနိုင်ပါတယ်။ အသားအရေကြည်လင်စေဖို့ အကောင်းဆုံးထောက်ကူပေးနိုင်ပါတယ်။ သွေးသန့်စေပြီး အသားအရေကို သဘာဝအတိုင်း ဖြူဝင်းစေမှာပါ။

သခွားသီး

ဗီတာမင် B နဲ့ အသားအရေအတွက် အကောင်းဆုံးထောက်ပံ့ပေးနိုင်တဲ့ အာဟာရဓါတ်တွေကြွယ်ဝစွာပါဝင်နေသလို ရေဓါတ်လည်း အကောင်းဆုံးဖြည့်ပေးပါတယ်။ ကြည်လင်စိုပြေတဲ့ အသားအရေကို ပိုင်ဆိုင်နိုင်စေမှာသေချာပါတယ်။

အသားဖြူချင်ရင် ဒါတွေရှောင်ပါ

အသားဖြူချင်တဲ့သူတွေအနေနဲ့ အသားအရေကို ထိခိုက်စေနိုင်တဲ့ ဒီလိုအစားအစာတွေကိုရှောင်ပါ။

• ကော်ဖီ
• ကိုလာ
• ဆိုဒါ
• အချိုရည်
• ဆီကြော်တွေ
• အငန်ကဲ၊ အချိုကဲတဲ့ အစားအစာတွေ
• ဆီသွတ်ဗူးတွေကို ရှောင်ပါ။

Hello Health Groupသည် ဆေးပညာအကြံပေးချက်များ၊ ရောဂါစစ်ဆေးအတည်ပြုချက်များနှင့် ကုသမှုများမပြုလုပ်ပေးပါ။