home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကလေးကို ဒီနည်းလေးတွေသုံးပြီး အစားအစာအသစ်တွေမိတ်ဆက်ပေးပါ

ကလေးကို ဒီနည်းလေးတွေသုံးပြီး အစားအစာအသစ်တွေမိတ်ဆက်ပေးပါ

ကလေးတစ်ယောက်အနေနဲ့မွေးစကနေ ၆ လကအထိကနို့သောက်တယ်၊ပြီးရင် တစ်ဆင့်တက်ပြီ အစားစစားမယ်။ ဒါက ကလေးတစ်ယောက်ကြီးထွားဖွံ့ဖြိုးမှြုဖစ်စဉ်မှာတော်တော်လေးအရေးပါတဲ့ မှတ်တိုင်တစ်ခုပေါ့။ နို့စို့ချိန်က ဘာမှကို မသိသေးတဲ့အရွယ် ပါးစပ်ထဲနို့သီးခေါင်းရောက်ရင် နို့စစို့တာပေါ့။ ဗိုက်ဝရင် ဆက်မစို့ဘူး၊ နှာခေါင်းပိတ်နေရင် နို့မစို့ဘူး။ ဒီလောက်ပါပဲ။ အရွယ်လေးရ အသိဉာဏ်ကတိုးလာတော့ အစားအစာတွေ။ ကို အရသာခံတတ်လာပြီ ဘာကြိုက်တယ်။ မကြိုက်ဘူးရွေးတတ်လာပြီ။

ဒီအချိန်မှာ အစားအစာပြင်ဆင်ပေးရတာခက်လာပြီဖြစ်ပြီး စိတ်ရှည်ရှည်ထားရတဲ့အချိန်ကိုလည်းရောက်လာပါပြီ။ ကလေးက အစားအစာတွေ စစားချိန်ဆိုတော့သေချာအရသာကိုမသိသေးပါဘူး။ မိဘတွေအနေနဲ့ စိတ်ရှည်ရှည်လေးကျွေးပေးမှ ကလေးက အစားမရွေးတမ်းစားတတ်တဲ့ ချစ်စရာကလေးတစ်ယောက်အဖြစ် ကျန်းကျန်းမာမာကြီးပြင်းလာမှာပါ။

ကလေးကို အစားစကျွေးမယ့် မိဘတွေအတွက်အသုံးတည့်မယ့်နည်းလမ်းအချို့

ကလေးကအစားစစားပြီဆိုရင် အစားရဲ့အရသာသိအောင်အပြင် ဘယ်လိုမျိုးဝါးစားရမယ်ဆိုတာကိုပါပြောပြသင်ပေးရမှာပါ။ ဒီလိုမိတ်ဆက်ပေးတဲ့အခါ အဆင်ပြေပြေလေးဖြစ်စေမယ့် နည်းလမ်းလေးအချို့ကိုပြောပြပေးပါရစေ။

ကလေးကို အစားအသစ်တစ်ခုခုနဲ့မိတ်ဆက်တဲ့အခါ သူကြိုက်တတ်တာလေးနဲ့ရောကျွးပါ – ကလေးက မစားဖူးတဲ့အစားကိုစားခါနီးမှာ မစားချင်သလိုလုပ်နေနိုင်ပါတယ် ဒီလိုပြဿနာကကင်းဝေးချင်ရင်တော့ ကလေးကို သူကြိုက်တတ်တဲ့စားစရာလေးနဲ့ ကိုယ်ကျွေးချင်တဲ့ စားစရာလေးကို တွဲဖက်ကျွေးပေးပါနော်။

အတင်းဖိအားမပေးပါနဲ့ – ကလေးက မစားချင်လို့ငြင်းနေတဲ့ အစားအစာတွေကို အတင်းစားခိုင်းတာမျိုးမလုပ်ပါနဲ့။ ကလေးကရေရှည်မှာ ဒီအစားအစာကို လုံးဝမစားတော့တာမျိုးဖြစ်သွားနိုင်လို့ပါ။ ကလေးကစားကြည့်ဖို့တိုက်တွန်းပြီး သူ့သဘောနဲ့သူစားလာအောင်ပဲအချိန်ပေးလိုက်ပါနော်။

နည်းနည်းလေးကနေစကျွေးပါ – ကလေးကို အစားအစားအသစ်တစ်ခုကိုကျွေးတဲ့အခါ အများကြီးကျွေးတာမျိုးမလုပ်ပါနဲ့။ အမြည်းသဘောနဲ့ နည်းနည်းလေးစကျွေးကြည့်ပါ။ ဒီလိုလုပ်တာက ကလေးကို ထပ်စားချင်စိတ်ဖြစ်လာအောင်လှုံ့ဆော်ပေးနိုင်မှာပါ။

အားရပါးရစားပြပါ –မိဘတွေက သားသမီးတွေရဲ့ရှေ့ဆောင်လမ်းပြတွေပါ။ ဒီတော့ ကလေးရှေ့မှာ ကိုယ်တိုင်ကအားရပါးရ အရသာရှိရှိစားပြပေးပါ။ ဒါဆိုကလေးက လည်းမြည်းစမ်းကြည့်ချင်လာပြီး လိုက်စားလာပါလိမ့်မယ်။

အစားအစာအသစ်ကို တစ်ခုချင်းစီပဲ မိတ်ဆက်ပေးပါ – ကလေးကို အစားအစာအသစ်မိတ်ဆက်တဲ့အခါ တပြိုင်နက်တည်း နှစ်ခု၊ သုံးခုစုပြီး မိတ်ဆက်တာမျိုးမလုပ်ပါနဲ့။ တစ်ကြိမ်မှာ တစ်ခုချင်းစီပဲမိတ်ဆက်ပေးပါ။ ကလေးကိုရွေးချယ်စရာများပြီး ရှုပ်ထွေးအောင်မလုပ်ပါနဲ့။

ဒီနည်းလမ်းတွေအပြင်မေမေဖေဖေတို့သတိထားသင့်တဲ့နောက်ထပ်နည်းလမ်းတစ်ခုရှိနေပါသေးတယ်။ ဒါကတော့ စိတ်ရှည်မှုကိုအခြေခံထားတဲ့ အချိန်ပေးရတဲ့နည်းလမ်းတစ်ခုပေါ့။ ကလေးတစ်ယောက်က အစားအစာအသစ်တစ်ခုကို စားဖို့ဆိုရင် ဒီအချက်တွေနဲ့ ပြည့်စုံမှစားတာပါနော်။

ကလေးတစ်ယောက်က အစားအစာအသစ်တစ်ခုကို စမစားခင်မှာ အနည်းဆုံး ၁၅ ကြိမ်လောက်မြင်ထားဖူးမှစစားတတ်ကြတာပါ။နောက်တစ်ချက်ကတော့ ကလေးတစ်ယောက်က သူ့ကိုမိတ်ဆက်ပေးတဲ့အစားအစာကို အနှစ်သက်ဆုံးအစားအစာတစ်ခုအနေနဲ့ စားဖို့ဆိုရင် အချိန် ၄ ရက်ကနေ ၇ ရက်လောက်အထိအချိန်ပေးရပါမယ်။ စိတ်ရှည်ရှည်နဲ့ လက်မလျော့တမ်းကျွေးပေးမှာ ကလေးက အစားမရွေးဘဲ ကျန်းမာတဲ့ကလေးတစ်ယောက်အဖြစ်ကြီးပြင်းလာမှာပါနော်။ ဒီနည်းလမ်းက ကလေးအစာခြေစနစ်ကိုလည်း ကျန်းမာစေဖို့ အထောက်အကူပြုပေးပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

How can I introduce new foods to my baby?https://www.cgbabyclub.co.uk/baby/feeding/weaning/tips-for-introducing-new-foods.html Accessed Date 5 December 2018

6 Tips on Introducing New Foods to Your Kidshttps://portpediatricdentistry.com/6-tips-on-introducing-new-foods-to-your-kids/ Accessed Date 5 December 2018

5 Tips to Get Your Toddler to Try NewFoodshttps://www.strong4life.com/en/pages/healthy-eating/articles/5-secrets-to-getting-your-toddler-to-try-new-foods Accessed Date 5 December 2018

Avoid Baby Digestive Problems and Pinpoint Problem Foodshttps://homemade-baby-food-recipes.com/babydigestiveproblems?fbclid=IwAR34mZZ59PeHe2ZJFl0XTTrEOVHNmuwlYPVMYsXu5KJNgccIWhdFemhYP44 Accessed Date 5 December 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။