သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ကလေးကို Solid Food စပြီးမိတ်ဆက်ပေးတော့မယ်ဆိုရင်

    ကလေးကို Solid Food စပြီးမိတ်ဆက်ပေးတော့မယ်ဆိုရင်

    ကလေးတစ်ယောက်ကောင်းကောင်းကြီးပြင်းလာအောင် ပျိုးထောင်ရတာ လွယ်တော့မလွယ်ပါဘူး။ ဒါပေမယ့်ပျော်စရာတွေ၊ စိတ်လှုပ်ရှားစရာတွေနဲ့ပြည့်နှက်နေတဲ့ ပင်ပန်းခက်ခဲတဲ့ ခရီးပေါ့။ ဘယ်လောက်ပင်ပန်းပင်ပန်း ရင်သွေးကကျန်းကျန်းမာမာကြီးပြင်းလာတယ်ဆိုရင်ကို ပင်ပန်းတာတွေက အကုန်ပျောက်ကုန်တာလေ။ ကလေးရဲ့နေ့စဉ်နဲ့အမျှ တိုးတက်လာတဲ့တိုးတက်မှုတိုင်းကို ရင်ခုန်စိတ်လှုပ်ရှားစွာနဲ့စောင့်ကြည့်ရတာလည်းပြန်မရနိုင်တဲ့ အခိုက်အတန့်လေးတွေပါနော်။ ဒီအခိုက်အတန့်လေးတွေထဲမှာ ကလေးအတွက်အကြီးမားဆုံးစိန်ခေါ်မှုဖြစ်ပြီး မိဘတွေအတွက် စိတ်လှုပ်ရှားစရာအကောင်းဆုံး အခိုက်အတန့်ရှိပါတယ်။ ဒါကဘယ်အချိန်ဖြစ်မယ်ထင်လဲ၊ စကားစပြောတဲ့အချိန်လား၊ မတ်တတ်စမ်းတဲ့အချိန်လား၊ အစားစစားတဲ့အချိန်လား။ အစားစစားတဲ့အချိန်ပါနော်။

    ကလေးတစ်ယောက်ကို ဘယ်အချိန်မှာ အစားစကျွေးမလဲ

    ကလေးတစ်ယောက်ကို မိခင်နို့လိုမျိုး အရည်ပဲတိုက်နေရင်းကနေ အစားစကျွေးရတာက ကလေးအတွက်ရော မိဘအတွက်ရောတော်တော်လေး စိတ်လှုပ်ရှားရတဲ့ အခိုက်အတန့်ပါ။ ဒီအခိုက်အတန့်ကို ဘယ်အချိန်မှာ ကြုံရမလဲဆိုတော့ ကလေးအသက် ၆ လရောက်လာတဲ့အချိန်မှာပါ။ ဒီအချိန်မှာမှ ကလေးက အစာခြေစနစ် အပြည့်အဝဖွံ့ဖြိုးမှာဖြစ်ပါတယ်။ ခန္ဓါကိုယ်ကြီးထွားလာမှုနဲ့အမျှ လိုအပ်တဲ့ အာဟာရပမာဏကလည်း တိုးလာပါပြီ။ ကလေးတွေကို အသက် ၆ လရောက်တဲ့အခါ အစားစကျွေးရမှာဖြစ်ပြီး ၆ လထက်နောက်မကျတာက အကောင်းဆုံးဖြစ်မှာပါ။

    ကလေးက အစားစစားဖို့အဆင်သင့်ဖြစ်ပြီလား

    • ကလေးကခေါင်းကိုမတ်မတ်ထားနိုင်ပြီ။
    • အစားအစာတွေကို စပ်စုတတ်လာပြီ။
    • အစာကိုမျိုချနိုင်ပြီ။
    • နို့လုံလောက်အောင်တိုက်ပေမယ့် ကလေးကိုကြည့်ရတာ ဗိုက်ဆာနေတဲ့ ပုံပေါက်နေတယ်၊ ဆိုရင် ကလေးက အစားစစားဖို့အသင့်ဖြစ်နေပါပြီနော်။

    ကလေးကို Solid Food ဘယ်လိုစကျွေးမလဲ

    ကလေးက ၆ လပြည့်ပြီဆိုရင် အစားစစားဖို့အသင့်ဖြစ်ပြီဖြစ်တာကြောင့် ကလေးကို အစားစကျွေးရပါတော့မယ်။ ဘယ်လိုစကျွေးရမလဲ မသိဘူးလို့များဖြစ်နေတာလား။ မစိုးရိမ်ပါနဲ့။ပြောပြမှာပါ။

    ကလေးကို ဇွန်းနဲ့ခွံ့ရပါမယ် အစားစစားမယ့်ကလေးတစ်ယောက်ကို သစ်သားဇွန်း ဒါမှမဟုတ်ကြွေဇွန်းလေးနဲ့ နည်းနည်းချင်းခွံ့ပေးရပါမယ်။ အချိန်ပေးပြီး နည်းနည်းချင်းနဲ့ဖြည်းဖြည်းချင်းစီခွံရမှာပါ။

    ဖြည်းဖြည်းချင်းကနေစပါမယ် –ကလေးက တစ်ခါမှမစားဘူးသေးတာကို ပထမဆုံးအကြိမ်စစားမှာဆိုတော့ စမ်းသပ်တဲ့အခိုက်အတန့်ဖြစ်နေတာကြောင့်ဖြည်းဖြည်းချင်းကနေ စပေးရပါမယ်။ ကလေးကို တစ်နေ့တစ်ကြိမ်လောက်ကျွေးတာကနေ စရပါမယ်။

    တစ်ကြိမ်ထက်ပိုပြီးကျွေးရပါမယ် – ကလေးက ပထမဆုံးအရသာကိုခံစားမှာဖြစ်တာကြောင့် ကလေးက အစားတစ်ခုကိုကြိုက်လား၊ မကြိုက်ဘူးလားဆိုတာကိုသိနိုင်ဖို့ အနည်းဆုံး အကြိမ် ၂၀လောက် စမ်းသပ်ကျွေးရပါမယ်။

    အစားအစာတစ်ခုကို အချိန် ၃ ရက်ပေးပါ – ကလေးကို အစားစအာတစ်ခုခုကျွေးတဲ့အခါတိုင်း ကလေးက စားချင်သည်ဖြစ်စေ၊ မစားချင်သည်ဖြစ်စေ ၃ ရက်ဆက်တိုက်ကျွေးရပါမယ်။ ဒါမှ ကိုယ်ကျွေးလိုက်တဲ့ အစားအစာက ကလေးနဲ့ တည့်ရဲ့လားဆိုတာကို သိရမှာပါ။

    ပုံစံအမျိုးမျိုးပြင်ဆင်ပေးပါ – ကလေးက ငယ်ပေမယ့် တစ်ပုံစံတည်းစားချင်မှာ မဟုတ်တာတော့ လူကြီးတွေလိုပါပဲ။ ဒါကြောင့် ကလေးကို အစားအသောက်ကိုနေ့စဉ် တစ်ပုံစံတည်းပြင်ဆင်ပေးတာမျိုးမလုပ်ပါနဲ့။

    ကလေးကို ဘာတွေကျွေးမလဲ

    ကလေးကို အစားစကျွေးစမှာတော့ကျွေးမယ့်အစားအစာတွေထဲကို မိခင်နို့ထည့်ပြီးကျွေးပေးလို့ရပါတယ်။

    ၆ လအရွယ်

    ၉ လအရွယ်

    အပေါ်မှာပြောခဲ့တဲ့အစားအစာတွေအပြင် ဒါတွေပါထပ်တိုးပြီးစားလို့ရပါပြီ။

    • ငါး
    • အသား
    • ဟင်းသီးဟင်းရွက်
    • ကြက်သား တို့ကို နုတ်နုတ်စဉ်းထားတာမျိုးတွေပါ။

    ၁၂ လ (၁နှစ်) အရွယ်

    ဒါလေးတွေထပ်တိုးစားခွင့်ရပါပြီ။

    • အဖြူထည်ချက်ထားတဲ့ ဟင်းတွေ ကိုပါစားလို့ရပါပြီ။

    အသက် ၄ နှစ်အရွယ်

    • ပြောင်းဖူး
    • အချိုနည်းတဲ့ပြောင်းဖူးပေါက်ပေါက်
    • အခွံမာသီးတွေနဲ့ အစေ့အဆန်တွေ
    • သံလွင်သီး
    • ပန်းသီး
    • အသားကြော်၊ ကြက်သားကြော်
    • ချိစ်
    • နို့
    • ဒိန်ချဉ် တို့ကိုစားသုံးလို့ရပါပြီ။

    ကလေးဗိုက်ဝပြီ

    ကလေးတစ်ယောက်နဲ့တစ်ယောက်က အစားစားတဲ့ပမာဏချင်းမတူနိုင်ပါဘူး။ ဒါပေမယ့် ဗိုက်ပြည့်သွားတဲ့အခါ ကလေးတွေလုပ်တတ်တဲ့ အလေ့အထလေးတွေကတော့ ဆင်တူကြပါတယ်။ ကလေးက

    • ခုံကို မှီပြီးထိုင်မယ်
    • နောက်ကိုယို့ထိုင်မယ်
    • ခွံ့ကျွေးတာကို မျက်နှာလွှဲမယ်
    • ဇွန်းနဲ့မစားဘဲ ကစားနေမယ်
    • အစားပေါ်မှာ အာရုံမရှိတော့ဘူးဖြစ်နေမယ်
    • ခွံ့တဲ့အခါ ပါးစပ်ကို ပိတ်ထားမယ်ဆိုရင်တော့ ကလေးက ဗိုက်ပြည့်နေပါပြီနော်။

    ကဲ ကလေးကို အစားစကျွေးဖို့ခေါင်းခဲနေသေးလား။ ဒီဆောင်းပါးလေးထဲကအတိုင်းဖြေရှင်းကြည့်လိုက်ပါနော်။

    Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    health-tool-icon

    ကလေးကာကွယ်ဆေးထိုး အချိန်ဇယား

    ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

    ကလေးက ယောက်ျားလေးလား၊ မိန်းကလေးလား

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    The Complete Guide to Starting Baby on Solidshttps://www.parents.com/baby/feeding/solid-foods/starting-solids-guide/ Accessed Date 7 March 2019

    Introducing solidshttps://www.babycenter.com/0_introducing-solids_113.bc Accessed Date 7 March 2019

    Dig in! a Guide to Starting Solidshttps://www.thebump.com/a/baby-solid-food-guide Accessed Date 7 March 2019

    Do’s and Don’ts for Baby’s First Foodshttps://www.eatright.org/food/nutrition/eating-as-a-family/dos-and-donts-for-babys-first-foods Accessed Date 7 March 2019

    စာရေးသူ ဓာတ်ပုံbadge
    Aye Thi Mon မှ ရေးသားသည်။ တစ်ပတ် အကြာက တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: