ကျောင်းစတက်မယ့် ကလေးတွေအတွက် အစာအာဟာရဘေးကင်းအောင် စီစဉ်ပေးကြမယ်

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar.

မိုးရာသီ အစမှာ ကျောင်းတွေလည်းဖွင့်တော့မယ်ဆိုတော့ ကျောင်းသုံးပစ္စည်းလေးတွေဝယ်၊ အဝတ်အစားအသစ်၊ ထီး၊ ဖိနပ်နဲ့ ထမင်းဘူး၊ရေဘူးတွေ ဝယ်ပေးတဲ့အချိန်၊ သူငယ်ချင်းတွေနဲ့ကျောင်းတက်ရတော့မယ်ဆိုတော့ ကလေး တွေစိတ်အလှုပ်ရှားဆုံးအချိန်ပေါ့။ အိမ်ကနေ ခွဲခွာပြီး ကျောင်းတက်ရတော့မှာဖြစ်လို့ ငိုယိုနေတဲ့ အိမ်ပျော်လေးတွေလည်း ရှိသေးတယ်။

အခုမှကျောင်းစတက်မယ့် ကလေးတွေအတွက် စီစဉ်ရင်းနဲ့ ဖေဖေမေမေ တို့လည်း အလုပ်တွေရှုပ်နေမှာပါ။ ဒါပေမယ့် တခြားအရာတွေထက် အလေးထားသင့်တဲ့ တကယ်အရေးကြီးတဲ့အချက်ရှိနေသေးတာကို မမေ့လိုက်ပါနဲ့နော်။ အဲဒါကတော့ ကလေးအတွက် ဘေးကင်းစိတ်ချရတဲ့ အစာအာဟာရ ပေးနိုင်ဖို့ပါ။

အိမ်မှာရှိနေတုန်းတော့ အရိပ်တကြည့်ကြည့်နဲ့ ကျွေးလို့မွေးလို့ရနိုင်ပေမယ့် မိဘနဲ့ခွဲပြီး ကျောင်းစတက်ရမယ့်ကလေးဟာ အရင်လောက် အာဟာရပြည့်ဝအောင် အစားဝင်နိုင်ပါ့မလား။ ထမင်းခွံ့မယ့်အမေ မပါတော့ မစားဖြစ်ရင် ဘယ်လိုလုပ်ပါ့မလဲ တွေးပူကြပါလိမ့်မယ်။ သရေစာကြိုက်တဲ့ကလေးက မုန့်စားဆင်းချိန်မှာ ဘေးကင်းမကင်း မသိရတဲ့မုန့်တွေ ဝယ်စားရင်ရော။ ဒီလိုတွေ တွေးပူမနေရဖို့ အသုံးဝင်မယ့် အကြံပြုချက်လေးတွေ ပြောပြမယ်နော်။

အာဟာရပြည့်တဲ့ မနက်စာ ကျွေးပါ။

မနက်စာ ကောင်းကောင်းစားတဲ့ ကလေးတွေဟာ မှတ်ဥာဏ်ပိုကောင်းပြီး ခွန်အားပြည့်ဝတယ်လို့ လေ့လာမှုတွေက ဖော်ပြပါတယ်။ ကြီးထွားဖွံ့ဖြိုးမှုနဲ့ ခွန်အားပြည့်ဝမှုအတွက် ကွေကာ၊ နို့၊ ကြက်ဥ၊ အသားနဲ့ငါး၊ပဲနို့တို့လို  ပရိုတင်းဓာတ်ပါဝင်မှုများတဲ့မနက်စာ ပြင်ဆင်ပေးသင့်ပါတယ်။ ဥပမာ – ဆီမများတဲ့ ထမင်းကြော်၊ ကြာဇံကြော် ဒါမှမဟုတ် ပေါင်မုန့်ကြက်ဥကြော်၊ အာဟာရ၊ အသားညှပ်ပေါင်မုန့်နဲ့ နို့ ။

ကျန်းမာရေးနဲ့ညီတဲ့ သရေစာမုန့်တွေ စီစဉ်ပေးလိုက်ပါ။

ဆီမသန့်တဲ့ အာလူးကြော်တွေ၊ စံမမီတဲ့ မုန့်ပဲသရေစာတွေဝယ်စားမိတာမျိုး မဖြစ်စေဖို့ အသီးအနှံ လေးတွေကို ချစ်စဖွယ်ပုံဖော်လှီးဖြတ်ပေးလိုက်တာ၊ ကိုယ်တိုင်လုပ်ပေးတဲ့ မုန့်(ပူတင်း၊ ကိတ်မုန့်၊ စတာတွေ) နဲ့ အိုဗာတင်း/မိုင်လို တို့လို အာဟာရဖြစ်မယ့် သောက်စရာတစ်ခုခု သို့မဟုတ် အသီးဖျော်ရည် ဖျော်ပြီးထည့်ပေးလိုက်တာတွေ လုပ်ပေးသင့်ပါတယ်။

ဒါပြီး ဒါပဲ အမြဲကျွေးမနေပါနဲ့။

ကလေးအများစုက သူတို့ကြိုက်တဲ့အစားအစာဆို များများစားတတ်ပြီး မစားဖူးသေးတဲ့အရာတွေကို ခေါင်းခါတတ်ပါတယ်။ သိပ်မစားတော့မှာစိုးတာနဲ့ပဲ ဒီအချိန်ဆို အမြဲဒါပဲကျွေးတာမျိုးလုပ်ဖို့မလိုပါဘူး။ အပြောင်းအလဲလေးတွေ၊ အဆန်းအပြားလေးတွေ လုပ်ကျွေးပါ။ ဥပမာ အသားပေါင်းကြိုက်တဲ့ကလေးအတွက် မုန်လာဥနီထည့်ပြီးအသားပေါင်းပေးတာမျိုး အသီးအရွက် လေးတွေ မသိမသာထည့်ကျွေးပါ။ မုန့်ဆိုလည်း အိမ်သုံးမုန့်လုပ်နည်းလေးတွေကို လေ့လာပြီး ကိုယ်တိုင်လုပ်ကျွေးပါ။ သူကြိုက်တတ်တဲ့မုန့်ထဲမှာ အာဟာရပြည့်မယ့်အရာတွေ ပြုပြင်ပေါင်းထည့်လို့ရတာပေါ့။

အချိုရည်ဘူးတွေ တံဆိပ်မျိုးစုံ ဝယ်မတိုက်ပါနဲ့။

ကလေးကြိုက်တတ်တဲ့ အချိုရည် တွေကို ကတ်လိုက်ဝယ်ထားပြီး တစ်နေ့တစ်ဗူး ကျောင်းထည့်ပေးလိုက်တာမျိုးမလုပ်သင့်ပါဘူး။ တစ်ခါတလေက ကိစ္စမရှိပေမယ့် နေ့တိုင်းဆိုရင် ကောင်းကျိုးမရှိနိင်ပါဘူး။ နေ့တိုင်းအတွက်ဆိုရင်တော့ ဒါတွေတိုက်မယ့်အစား အသီးအနှံတွေဝယ်ထားပြီး ကိုယ်တိုင် ကြိတ်ဖျော်တဲ့ဖျော်ရည်ထည့်ပေးတာမျိုး၊ အသီးဖျော်ရည်ဝယ်ပြီး အချိုပေါ့ပေါ့ ကိုယ်တိုင်ဖျော်ပေးလိုက်တာမျိုးက ပိုကောင်းပါတယ်။

အချိုလုံးဝမစားနဲ့ဆိုတာမျိုး မပိတ်ပင်ပါနဲ့။

မစားရဘူးဆို ပိုစားချင်တာမျိုးက ကလေးသဘာဝမို့ အတင်းမပိတ်ပင်ပါနဲ့။ သကြားဓာတ်က မလွန်ကဲဘူးဆိုရင် ခန္ဓာကိုယ်အတွက်လိုအပ်တဲ့ဓာတ်ပဲဆိုတော့ ကလေးစားမယ့်အစားအစာထဲမှာ အချိုမလွန်ကဲဘဲ ထိုက်သင့်သလောက်သာ ပါစေဖို့က မိဘတာဝန်ပါ။ ဆေးသကြားနဲ့ ဆိုးဆေးမပါတဲ့ သကြားလုံးလေးတွေ စည်းနဲ့ကမ်းနဲ့ ကျွေးပါ။ သူကြိုက်တတ်တဲ့အစားအသောက်လေးတွေ ကျောင်းကိုထည့်ပေးလိုက်ပါ။ ကြိုက်တာလေးတွေစားရလို့ ကျေနပ်နေတဲ့ကလေးက အိမ်ကမုန့်တွေနဲ့ တူနေတဲ့ အပြင်စာကိုတောင့်တနေတော့မှာမဟုတ်ပါဘူး။

ဆီကြော်အစားအစာတွေ၊ အချိုပွဲတွေ၊ အချိုရည်ဘူးတွေ၊ ပြုပြင်စီမံထားတဲ့အစားအသောက်တွေက ကလေးတွေမှာ စိုးရိမ်ပူပန်စိတ်နဲ့ စိတ်ဓာတ်ကျခြင်း ဖြစ်နိုင်ခြေတိုးစေပါတယ်။ တစ်နေ့ကို အချိုရည်လေးကြိမ်သောက်တဲ့ကလေးက စိတ်ကျရောဂါဖြစ်နိုင်ခြေများစေတယ်လို့ လေ့လာမှုတွေက ဆိုပါတယ်။ ကော်ဖီ၊ လက်ဖက်ရည်နဲ့ အားဖြည့်အချိုရည်တွေမှာပါတဲ့ ကဖင်းကလည်း ဒီအတိုင်းပါပဲ။

ကလေးရဲ့ ကျောင်းသားဘဝ စစချင်းမှာ ဘေးကင်းကျန်းမာအောင် အခုလိုကြိုးစားစီစဉ်ပေးမယ်ဆိုရင်  ရောဂါဘယကင်းဝေးပြီး စာတော်ထက်မြက်တဲ့ သားသမီးရတနာလေးတွေအဖြစ် ကြီးပြင်းလာမှာသေချာပါတယ်။ အလေ့အကျင့်ကောင်း တွေ ရသွားပြီဆိုရင် နောင်အသက်ကြီးလာတဲ့အခါလည်း ကျန်းမာရေးနဲ့ညီအောင် စားသောက်နေထိုင်နိုင်ကြမှာပါ။ ဒါ့ကြောင့် ဖယောင်းရုပ်လေးတွေကို ဥာဏ်ရှိရှိနဲ့ ပုံသွင်းပေးရမှာ မေမေတို့တာဝန်ပါနော်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ စကျတငျဘာ 3, 2018 | နောက်ဆုံးတည်းဖြတ်ခြင်း စကျတငျဘာ 3, 2018

သင်ဒါလည်း နှစ်သက်နိုင်ပါတယ်။