ကလေးငယ်အတွက် စိတ်ချရတဲ့အသားရေထိန်းသိမ်းမှုပစ္စည်း ရွေးချယ်ကြရအောင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 20, 2020 . 3 mins read
Share now

မိဘတိုင်းက သားသမီးတွေကိုအကောင်းဆုံးဆိုတာတွေပဲပေးချင်မယ်ဆိုတာ အသေအချာပါပဲ။ ဒီအတွက် ကလေးအတွက် လိုအပ်တဲ့ပစ္စည်းတွေကိုဝယ်ဖို့ဈေးဝယ်ထွက်တဲ့အခါမျိုးမှာ ကိုယ့်ရင်သွေးလေးအတွက်ဘေးကင်းစိတ်ချရတဲ့ အသားအရေထိန်းသိမ်းမှု ပစ္စည်းတွေကိုပဲလိုချင်ကြမယ်ဆိုတာမေးစရာတောင်လိုမယ်မထင်ပါဘူး။ ရင်သွေးလေးတွေကို အကောင်းဆုံးတွေပဲပေးချင်တဲ့ဖေဖေမေမေတို့အတွက်ရွေးရခက်တာမျိုးမဖြစ်ရလေအောင်ဘေဘီလေးတွေအတွက် အသားအရေထိန်းသိမ်းတဲ့ ပစ္စည်းဝယ်တဲ့အခါ သတိထားရမယ့် အချက်လေးတွေကိုဖော်ပြပေးလိုက်ပါတယ်။

ကလေးတစ်ယောက်အတွက် လိုအပ်မယ့် အသားအရေထိန်းသိမ်းမှုပစ္စည်းများ

ကလေးတစ်ယောက်ရှိနေတဲ့အိမ်မှာ မရှိမဖြစ်ရှိထားသင့်တဲ့ ပစ္စည်းတွေကတော့ –

  • ကလေးဆပ်ပြာ
  • ရေချိုးဆပ်ပြာရည်
  • ခေါင်းလျှော်ရည်
  • ကလေးသုံး lotion
  • diaper cream
  • baby oil
  • ကလေးအဝတ်အစားတွေ အိပ်ရာတွေကိုလျှော်ဖွတ်ဖို့ ဆပ်ပြာမှုန့်
  • ကလေးပေါင်ဒါမှုန့်

ဘယ်လိုရွေးချယ်မလဲ

လူတိုင်းအတွက်ထုတ်ထားတဲ့ အသားအရေထိန်းသိမ်းမှုပစ္စည်းတွေက ကလေးငယ်လေးတွေရဲ့ အရေပြားကို ထိခိုက်တာမျိုးတွေဖြစ်စေနိုင်ပါတယ်။ ဒါကြောင့်ကလေးတွေအတွက် အသားအရေထိန်းသိမ်းမှုပစ္စည်းတွေဝယ်ယူတဲ့အခါ ဒီအချက်လေးတွေသတိထားပေးပါ။

ဓာတုပစ္စည်းကင်းစင်တဲ့ အရာတွေကိုရွေးချယ်ပါ

အသားအရေထိန်းသိမ်းတဲ့ပစ္စည်းတော်တော်များများမှာ ဓာတုပစ္စည်းတွေပါဝင်နေတတ်ပါတယ်။ ဓာတုပစ္စည်းလုံးဝကင်းစင်တာမျိုးကတော်တော်လေးရှားပါတယ်။ သတိထားရမှာက အရေပြားကို ယားယံပြီး ဓာတ်မတည့်တာမျိုးဖြစ်စေနိုင်တဲ့ ဓာတုပစ္စည်းတွေမပါဝင်တာမျိုးကိုရွေးချယ်မိဖို့ပါ။

တုံ့ပြန်လွယ်တဲ့အသားအရေနဲ့ လိုက်ဖက်မယ့်ပစ္စည်းမျိုးကိုရွေးချယ်ပါ

ကလေးငယ်လေးတွေရဲ့အသားအရေက ထိခိုက်လွယ်တာကြောင့် ရင်သွေးလေးအတွက်အသားအရေထိန်းသိမ်းတဲ့ပစ္စည်းရွေးချယ်တဲ့အခါ တုံ့ပြန်လွယ်တဲ့အသားအရေအတွက်အဆင်ပြေပြီး အရေပြားဓါတ်မတည့်မှုဖြစ်စေနိုင်တဲ့အရာတွေမပါဝင်တဲ့ အသားအရေထိန်းသိမ်းတဲ့ပစ္စည်းမျိုးကိုရွေးချယ်ပေးပါ။ သေသေချာချာစမ်းသပ်မှုတွေလုပ်ထားပြီး ဆရာဝန်တွေထံကနေထောက်ခံချက်ရထားတဲ့ အသားအရေထိန်းသိမ်းမှုဆိုင်ရာ ပစ္စည်းမျိုးကိုရွေးချယ်ပေးတာကအကောင်းဆုံးပါ။

အနံ့မပါတဲ့ ပစ္စည်းမျိုးကိုရွေးချယ်ပေးပါ

ကလေးငယ်တွေရဲ့ အသားအရေက နူးညံ့ပြီး ဓာတ်မတည့်မှုဖြစ်လွယ်တာကြောင့် အနံ့မပါတဲ့ ပစ္စည်းတွေကိုအသုံးပြုတာက အကောင်းဆုံးပါပဲ။ အသားအရေထိန်းသိမ်းမှုပစ္စည်းတွေမှာပါတဲ့ရနံ့တွေက ဓာတုပစ္စည်းတွေနဲ့လုပ်ထားတာဖြစ်သလို ရနံ့တစ်ခုရဖို့ဆိုရင် ဓာတုပစ္စည်းတွေအများကြီးသုံးထားရတာဖြစ်တာကြောင့် အရေပြားကိုခြောက်သွေ့စေနိုင်သလို ဓာတ်မတည့်တာမျိုးတွေဖြစ်နိုင်ပါတယ်။ ဒါကြောင့်ဘေဘီလေးတွေကို အနံ့မပါတဲ့ အသားအရေထိန်းသိမ်းမှုပစ္စည်းတွေကိုပဲသုံးပေးသင့်ပါတယ်။

သဘာဝပစ္စည်းတွေကို အခြေခံပြီးထုတ်ထားတာမျိုးရွေးချယ်ပေးပါ

ရောင်ရမ်းမှုကိုလျော့ကျစေပြီး၊ မှိုပိုးတွေကိုဖယ်ရှားပေးနိုင်တဲ့အပြင်အေးမြမှုကိုပေးစွမ်းနိုင်တဲ့ ရှားစောင်းလက်ပပ်လိုမျိုးသဘာဝအပင်ကနေထုတ်ထားတဲ့အသားအရေထိန်းသိမ်းမှုပစ္စည်းမျိုးအသုံးပြုပေးလို့ရပါတယ်။ ရှားစောင်းလက်ပပ်က ကလေးတွေမှာဖြစ်တဲ့နှင်းခူ (eczema) နဲ့ အသားအရေခြောက်သွေ့တာတွေကိုသက်သာစေနိုင်ပါတယ်။ ဘက်တီးရီးယားတွေကိုသေစေနိုင်ပြီး တုံ့ပြန်လွယ်တဲ့ အသားအရေအတွက်သင့်တော်တဲ့ နှမ်းဆီ၊ အရေပြားကိုအာဟာရဖြည့်ပေးနိုင်တဲ့ ဗာဒံစေ့ဆီ နဲ့ ပိုးမွှားတွေ၊မှိုပိုးတွေကို ဖယ်ရှားပေးနိုင်တဲ့ တမာလိုမျိုး သဘာဝအပင်တွေကို အခြေခံပြီးထုတ်ထားတဲ့ အသားအရေထိန်းသိမ်းတဲ့ ပစ္စည်းတွေကိုရွေးချယ်ပေးလို့ရပါတယ်။

pH ပမာဏမျှတစွာပါဝင်တာမျိုးကိုရွေးချယ်ပါ

pH ပါဝင်မှုအချိုးအစားမျှတတဲ့ အသားအရေထိန်းသိမ်းတဲ့ပစ္စည်းတွေက အသားအရေကျိန်းစပ်မှုဖြစ်နိုင်ခြေကိုလျော့နည်းစေသလို အရေပြားပေါ်က သဘာဝအဆီတွေကိုပါထိန်းပေးနိုင်တာကြောင့်ဘေဘီလေးတွေကို pH ပါဝင်မှုအချိုးအစားမျှတတဲ့ အသားအရေထိန်းသိမ်းမှုပစ္စည်းလေးတွေအသုံးပြုပေးတာက သင့်တော်ပါတယ်။

တာရှည်ခံပစ္စည်းတွေမပါတဲ့ အသားအရေထိန်းသိမ်းတဲ့ပစ္စည်းမျိုးကိုရွေးချယ်ပေးပါ

အချို့ပစ္စည်းတွေမှာ ဘက်တီးရီးယားတွေပေါက်ဖွားတာ၊မှိုပိုးဖြစ်တာတွေကိုတားဆီးနိုင်ဖို့ တာရှည်ခံဓာတုပစ္စည်းတွေကို ထည့်ထားတတ်ကြပါတယ်။ တာရှည်ခံပစ္စည်းတွေက အသားအရေထိန်းသိမ်းတဲ့ပစ္စည်းတွေအတွက်ကောင်းပေမယ့် အသားအရေအတွက်တော့မကောင်းပါဘူး။paraben နဲ့ phthalate တို့လိုမျိုးတာရှည်ခံပစ္စည်းတွေမပါဝင်တဲ့ အသားအရေထိန်းသိမ်းတဲ့ပစ္စည်းတွေကသာ ကလေးအသားအရေအတွက် အကောင်းဆုံးဖြစ်ပါလိမ့်မယ်။

အယ်လ်ကိုဟောမပါတာမျိုးကိုရွေးချယ်ပါ

ကလေးတွေအတွက် အသားအရေထိန်းသိမ်းတဲ့ပစ္စည်းရွေးချယ်တဲ့အခါ အယ်လ်ကိုဟောမပါတာကိုရွေးချယ်မိဖို့ကလည်းတော်တော်လေးအရေးကြီးပါတယ်။ လူကြီးတွေသုံးတဲ့အလှကုန်တွေမှာတော့ အယ်လ်ကိုဟောမပါတာမရှိသလောက်ပါ။ အယ်လ်ကိုဟောက အရေပြားကိုခြောက်သွေ့စေပြီး အရေပြားဓါတ်မတည့်မှုကိုဖြစ်စေနိုင်တာကြောင့် ကလေးတွေအတွက်အသားအရေထိန်းသိမ်းတဲ့ ပစ္စည်းတွေရွေးမယ်ဆိုရင် အယ်လ်ကိုဟောမပါဝင်တာမျိုးကိုရွေးချယ်ပေးဖို့လိုပါမယ်။ ကလေးလေးတွေအတွက် ထုတ်ထားတဲ့ တစ်ရှုးအစိုမှာပါတဲ့ fatty alcohol ကတော့ အရေပြားကိုခြောက်သွေ့ယားယံတာမျိုးတွေမဖြစ်စေတာကိုတော့ သိထားဖို့လိုပါမယ်။

ကလေးတွေအတွက်အသားအရေထိန်းသိမ်းတဲ့ ပစ္စည်းဝယ်တဲ့အခါ အနံ့လေးကြိုက်လို့အရောင်လေးချစ်လို့ဆိုတာမျိုးမလုပ်ဘဲ ကလေးအတွက် အမှန်တကယ်သင့်တော်မယ့်ဟာမျိုးကိုရွေးချယ်ပေးရပါမယ်။ ကလေးအတွက်ထုတ်ထားတယ်လို့ရေးသားထားတာမျိုးဆိုပိုကောင်းပါတယ်။နောက်တစ်ခုက ကျွမ်းကျင်သူတွေကထောက်ခံချက်ပေးထားတာမျိုးဖြစ်ဖို့လိုသလို ပြင်းထန်တဲ့ ဓါတုပစ္စည်းတွေမပါဝင်ဘဲ သဘာဝပစ္စည်းတွေကို အခြေခံပြီးထုတ်ထားတဲ့ အသားအရေထိန်းသိမ်းတဲ့ ပစ္စည်းမျိုးဖြစ်ဖို့ပါ။

ဒီအချက်လေးတွေကမေမေဖေဖေတို့အတွက် ကလေးအသားအရေထိန်းသိမ်းမှုပစ္စည်းရွေးချယ်တဲ့အခါ အထောက်အကူပြုနိုင်ပြီး အဆင်ပြေစေမယ်လို့လည်းမျှော်လင့်ပါတယ်။ဘေဘီလေးတွေအတွက် မှန်ကန်သင့်တော်တဲ့ အသားအရေထိန်းသိမ်းမှုပစ္စည်းလေးတွေရွေးချယ်နိုင်ကြပါစေ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မဖြစ်မနေကျော်လွှားရမယ့် မေမေတို့ရဲ့ စိတ်ဓာတ်ကျ ချိန်

စိတ်ဓာတ်ကျ မေမေ မီးဖွားပြီး စိတ်အပြောင်းအလဲ ဟော်မုန်း မိခင်ကျန်းမာရေး ကလေးပြုစုစောင့်ရှောက်ခြင်း စိတ်ကျန်းမာရေး ကလေးမွေးဖွားခြင်း မိခင်တာဝန် ခံစားချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

မေမေတို့ကြောက်တဲ့ ဘေဘီတို့ရဲ့ ခေါင်းလျှော် ချိန်

ခေါင်းလျှော် ကလေး ရေချိုး ကလေးပြုစုစောင့်ရှောက်ခြင်း မေမေ ဘေဘီ ကလေးဆံသား ကြောက်စိတ် ရေ ရေမွန်းခြင်း အသက်ရှူခက် အအေးမိ ချော့မြှူ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ဗိုက်ခွဲမွေးထားတဲ့ မေမေတွေနဲ့ နောက်ဆက်တွဲ ခါးနာခြင်းဝေဒနာ

ဗိုက်ခွဲမွေး ခါးနာ မေမေ ကိုယ်ဝန်ဆောင် ဟော်မုန်း ကိုယ်အလေးချိန် ကလေးပြုစုစောင့်ရှောက်ခြင်း မိခင်ကျန်းမာရေး မိခင်နို့ ထုံဆေး ခင်ပွန်း ကလေးမွေးခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အမွှေစိန်လေးတွေရဲ့ ကျောင်းပိတ်ရက်ရှည် ရောက်လာတော့မယ်နော်

ကျောင်းပိတ်ရက်ရှည် ကျောင်း ပိတ်ရက် မိသားစု ကလေး သင်တန်း စက်ဘီးစီး ရေကူး ခရီးသွား မိဘများအတွက်လမ်းညွှန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့မှာ စီမံပေးပါဦးနော်

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 6, 2020 . 2 mins read
ကလေး ငယ်ငယ် ရှိတဲ့အိမ်မှာ မိဘတွေ မျက်ခြေမပြတ်သင့်တဲ့ ပစ္စည်း တချို့

ကလေး ငယ်ငယ် ရှိတဲ့အိမ်မှာ မိဘတွေ မျက်ခြေမပြတ်သင့်တဲ့ ပစ္စည်း တချို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇွန် 5, 2020 . 2 mins read
ကလေးတွေ အိမ်မြဲနေချိန် အိမ်မှာ သတိထားစောင့်ကြည့်သင့်တဲ့ အရာများ

ကလေးတွေ အိမ်မြဲနေချိန် အိမ်မှာ သတိထားစောင့်ကြည့်သင့်တဲ့ အရာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 5, 2020 . 2 mins read
ဘေဘီလေး တို့ အသားလှဖို့ ဆောင်ရန်၊ ရှောင်ရန် တချို့

ဘေဘီလေး တို့ အသားလှဖို့ ဆောင်ရန်၊ ရှောင်ရန် တချို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 4, 2020 . 2 mins read