ကလေးတွေ သွားကျိုးထားရင် ရယ်ဖို့ ရှက်သလိုပဲ လူကြီးတွေလည်း ရှက်တတ်ပါတယ်။ အံကပ်တပ်လိုက်တော့ လွတ်လွတ်လပ်လပ်ပြောဆိုပြီး ရယ်မောနိုင်တာပေါ့။
- သွားတွေမရှိ၊ သွားဖုံးတွေ မကောင်းလည်း တပ်လို့ရတယ်။
အံကပ်ရဲ့ အားသာချက်က ပါးစပ်ထဲမှာ သွားတွေ မရှိလည်း ဒါမှမဟုတ် သွားဖုံးတွေ မကောင်းလည်း ပုံသွင်းပြီး တပ်လို့ရတာပါပဲ။ Bridgesဆိုလို့ရှိရင် သွားနည်းနည်းလောက်ကျန်မှ တပ်လို့ရတာပါ။ သွားစိုက်မယ်ဆိုရင်လည်း အောက်က သွားဖုံးကောင်းမှ အဆင်ပြေမှာပါ။
အံကပ်က တစ်နေကုန်တပ် ညအိပ်ရင် ဖြုတ်ပြီး ဆေးရုံပါပဲ။ အရင်က အိပ်ခါနီးရင် သွားတိုက်တယ်။ ခုတော့ အိပ်ခါနီးရင် အံကပ်ဆေးတယ်ပေါ့။ သေသေချာချာသာ ထိန်းသိမ်းတတ်ရင် ၅နှစ်ကနေ ၇နှစ်လောက်အထိ ခံပါတယ်။
အံကပ်တပ် ခြင်းရဲ့ ဆိုးကျိုး
နောက်တစ်ဖက်က ပြန်ကြည့်မယ်ဆိုရင် အံကပ်တပ်တာက
အရင်ဆုံး အံကပ်လုပ်မယ်ဆို အံပုံယူရတာနဲ့၊ မလိုတဲ့ သွားတွေ ရှင်းထုတ်ပစ်တာနဲ့၊ တစ်ခါ ပုံကျမကျ တပ်ကြည့်တာနဲ့၊ မကျရင် ပြန်ပြင်တာနဲ့ သွားဆရာဝန်ဆီ အခေါက်ခေါက်အခါခါ သွားနေရမှာပါ။ ဒါကလည်း ကိုယ်နဲ့ ကွက်တိမကျရင် ဘယ်လိုမှ အဆင်မပြေဘူးဆိုတော့ ခဏခဏ ပြင်နေရတာပေါ့။
အံကပ်တပ်ထားတဲ့ လူကြီးတွေ ပြောနေကျစကားက ‘ကိုယ့်သွား မဟုတ်တော့ ဘယ်လိုကြီးလဲမသိဘူး။’ ဆိုတာ ပါပဲ။ စစတပ်ချင်းမှာ ပါးစပ်ထဲမှာ တစ်ခုခု စွပ်ထားသလို နေလို့ အသားကျမှာ မဟုတ်ပါဘူး။ နောက်မှ တပ်ရင်း၊ တပ်ရင်းနဲ့ အသားကျသွားတာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။