ဘယ်လိုအခြေအနေမှာ သွားဆရာဝန်နဲ့ ပြသဖို့ လိုမလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဒီဇင်ဘာ 10, 2020 . 2 mins read
Share now

အစားတွေ ကောင်းကောင်းစားနိုင်ဖို့ အရေးပါတဲ့ အစိတ်အပိုင်းလေးတစ်ခုရှိပါတယ်။ ဒါကတော့ ပါးစပ်ထဲမှာ ပုလဲလုံးလေးတွေလို သီထားတဲ့ သွားလေးတွေပါ။

သွားလေးတွေက ခန္ဓာကိုယ် အာဟာရလိုအပ်ချက် ပြည့်မီစေဖို့ အစားအစာတွေကို ကြိတ်ဝါးတာ၊ ကိုက်ဖြတ်တာတွေလုပ်ပေးပါတယ်။ သွားတွေက ထိုက်သင့်သလောက် ချေဖျက်ပြီးတဲ့အစားတွေကို အစာရေမျိုကနေတဆင့် အစာအိမ်ထဲကို ပို့ပြီး ချေဖျက်တာပါ။

အစာမ​ကြောဖြစ်မယ် သေချာဝါးပါဆိုတာကိုက သွားတွေက ဘယ်လောက်အရေးပါလဲဆိုတာကို ဖော်ပြနေတာပါ။ သွားကောင်းနေမှ အာဟာရပြည့်ဝမှာပါ။ အာဟာရပြည့်ဝမှလည်း ကျန်းမာမှာလေ။ ဒါကြောင့် ခန္ဓာကိုယ် ကျန်းမာပြီး အာဟာရပြည့်စေဖို့ အရေးပါတဲ့ သွားလေးတွေကို သေချာ ဂရုစိုက်ဖို့ လိုပါမယ်။

ဘယ်လိုအခြေအနေတွေဆိုရင် သွားဆရာဝန်နဲ့ ပြဖို့ လိုမလဲ……….

သွားနဲ့ ခံတွင်းမှာ အခုလို လက္ခဏာတွေ တွေ့ရပြီဆိုရင် သွားဆရာဝန်နဲ့ ပြသဖို့ လိုပါမယ်။

သွားတိုက်ပြီးတဲ့အခါ (သို့မဟုတ်) သွားပွတ်ကြိုးသုံးပြီးတဲ့အခါ သွေးထွက်ရင်

သွားတိုက်ပြီးတဲ့အခါ သွားပွတ်တံမှာ သွေးစလေးတွေ တွေ့ရင်၊ ပလုတ်ကျင်းလိုက်တဲ့အခါ သွေးစလေးတွေ ပါလာမယ်ဆိုရင် သွားဖုံး ကျန်းမာရေး ပြဿနာရှိတောပါ။ ရေစီးကမ်းပြိုဖြစ်နေတာဖြစ်နိုင်သလို သွားဖုံးပိုးဝင်နေတာလည်း ဖြစ်နိုင်ပါတယ်။ သွားဖုံးက တစ်ရှူးတွေ ပိုးဝင်နေတာ ဖြစ်နိုင်ပါတယ်။

ဒီလို အခြေအနေကို မကုသဘဲ ထားလိုက်မယ်ဆိုရင် သွားတဝိုက်က အရိုးတွေ ဆုံးရှုံးတာ၊ သွားဆုံးရှုံးတာတွေအထိ ဖြစ်နိုင်ပါတယ်။ သွားဖုံးမှာ သွေးစလေးတွေ၊ သွေးထွက်တာတွေ ဖြစ်နိုင်သလို သွားဖုံး နီရဲတာ၊ ရောင်ရမ်းတာ၊ သွားဖုံးတွေ နာတာ၊ သွားနဲ့ သွားဖုံးကြားမှာ ပြည်လိုအရာတွေ ထွက်တာမျိုး ဖြစ်နိုင်ပါတယ်။

သွားဖုံးတွေ လျော့လာမယ်ဆိုရင်

သွားဖုံးတွေက အောက်ဘက်ကို ကျလာပြီး သွားခြေတွေ ပေါ်လာတဲ့ အခြေအနေပါ။ ဒီအခြေအနေကို အသက် ၆၅ နှစ်အထက် ဘိုးဘိုးဘွားဘွား ၈၈ ရာခိုင်နှုန်းကျော် ခံစားရနိုင်ပါတယ်။ ဒီလို ဖြစ်တာက သွားဖုံးရောဂါ ခံစားနေရတယ်ဆိုတဲ့ လက္ခဏာတစ်ရပ်ပါ။

ဒီလိုအခြေအနေက သွားတွေရဲ့ မြဲမြံမှုကို ထိခိုက်စေပြီး သွားခြေတွေကို ပျက်စီးစေတာ၊ သွားပိုးစားတာ၊ သွားနဲ့ သွားဖုံး ပိုးဝင်တာ၊ နာတာ၊ သွားဆုံးရှုံးတာတွေကို ခံစားရနိုင်ပါတယ်။ စောစောသိ စောစော ကုသမယ်ဆိုရင် အကောင်းဆုံး တားဆီးနိုင်မှာပါ။

ခံတွင်းခြောက်မယ်ဆိုရင်

ကျန်းမာတဲ့ ခံတွင်းဆိုတာ တံထွေးထွက်ပြီး စိုစွတ်မှု ရှိရပါမယ်။ တံထွေးထွက်နေမှ သွားကြိုသွားကြားထဲက အစာတွေကို ဖယ်ရှားပေးနိုင်ပြီး သွားမှကြပ်တွယ်နိုင်တဲ့ သွားချေးတွေကို အထိရောက်ဆုံး ဖယ်ရှားနိုင်မှာပါ။

တကယ်လို့ တံထွေးမထွက်ဘဲ ခံတွင်းက အမြဲခြောက်နေမယ်ဆိုရင်တော့ ခန္ဓာကိုယ်မှာ တစ်ခုခု နာမကျန်းဖြစ်နေတာပါ။ ဒီလိုအခြေအနေမျိုးမှာ ခံတွင်း အစိုဓာတ်ကို ပြန်ထိန်းနိုင်ဖို့အတွက် သွားဆရာဝန်နဲ့ ပြသဖို့ လိုပါမယ်။

သွားတွေက ယိုင်နဲ့နေမယ်ဆိုရင်

ငယ်သွားတွေက လဲတတ်ပေမယ့် ကြီးသွားတွေကတော့ တစ်သက်တာလုံး ရှိနေမယ့် သွားတွေပါ။ တကယ်လို့ ကြီးသွား လဲပြီးချိန်မှာ သွားတွေက ယိုင်မယ်။ နဲ့မယ်။ ကျဲမယ်ဆိုရင် သွားဖုံး ပိုးဝင်တာဖြစ်နိုင်သလို သွားတဝိုက်က အရိုးတွေ ဆုံးရှုံးတာ ဖြစ်နိုင်ပါတယ်။

ပါးစပ်ထဲမှာ အဖုတွေ ပေါက်မယ်ဆိုရင်

ပါးစပ်ထဲမှာ အနာဖြူဖြူလေးတွေ ပေါက်တာက ဖြစ်လေ့ဖြစ်ထရှိတယ်ဆိုပေမယ့် ဒီ အနာဖြူဖြူလေးတွေက ၂ ပတ်လောက်ဆို သူ့အလိုလို သက်သာသွားတတ်ပါတယ်။

တကယ်လို့ ပါးစပ်ထဲက အနာတွေက မသက်သာသွားဘူးဆိုရင်တော့ ပါးစပ်ထဲမှာ မှက္ခရု ပေါက်တာ ဖြစ်နိုင်သလို မှိုပိုးကူးစက်ခံရတာလည်း ဖြစ်နိုင်ပါ။ ပါးစပ်ထဲမှာ အနာဖြစ်တာနဲ့အတူ လျှာတွေ မှာပါ အနာဖြူတွေ ဖြစ်မယ်။ ပါးစောင်၊ အာသီး အာခေါင် စတာတွေမှာပါဖြစ်မယ်ဆိုရင် သွားနဲ့ခံတွင်း စစ်ဆေးကြည့်ဖို့ လိုပါပြီ။

ဆီးချိုရှိသူတွေ၊ သွေးတွင်းသကြားဓာတ် မြင့်သူတွေမှာ ပါးစပ်ထဲမှာ မှက္ခရုတွေ ဖြစ်နိုင်ပါတယ်။

သွားကိုက်တာက လူတိုင်း နီးပါး ခံစားရနိုင်ပေမယ့် ခဏခဏ သွားကိုက်နေတာက ကျန်းမာရေး ပြဿနာ ရှိနေဲ့ လက္ခဏာပါ။ သွားကိုက်တာက သွားနဲပ သွားဖုံးကို ထိခိုက်မှုတွေ အများကြီး ဖြစ်စေနိုင်ပါတယ်။
ဒါ​ကြောင့် သွားကိုက်တဲ့အခါ နောက်ဆက်တွဲ သွားနဲ့ ခံတွင်းပြဿနာတွေ မဖြစ်စေဖို့ ဆေးခန်းပြီး စစ်ဆေးမှု ခံယူတာ အကောင်းဆုံးပါ။

သွားနဲ့ ခံတွင်း ကျန်းမာစေဖို့

သွားနဲ့ ခံတွင်း ကျန်းမာရေးက ပုံမှန် ဂရုစိုက်ဖို့ လိုတဲ့ ကျန်းမာရေး ပြဿနာပါ။ ၆ လတစ်ကြိမ် ပုံမှန် စစ်ဆေးဖို့ လိုပါမယ်။ နေ့စဉ် ဂရုစိုက်ရမှာကတော့

  • တစ်နေ့ကို မနက်တစ်ကြိမ် ညတစ်ကြိမ် ပုံမှန် သွားတိုက်ပါ
  • သွားပွတ်တံကို ခပ်ပျော့ပျော့လေးပဲ သုံးပါ။
  • တစ်နေ့တစ်ကြိမ် သွားပွတ်ကြိုး သုံးပါ။
  • ဖလိုရွိုက်ပါတဲ့ သွားတိုက်ဆေး ရွေးချယ်ပါ။
  • ၆ လတစ်ကြိမ် သွားပုံမှန် စစ်ဆေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

 သွားထိန်း လေးတွေတပ်ထားပြီး သွားဖုံးရောင်လာတဲ့အခါ

braces သွားထိန်း သွားစွပ် သွားညှိ သွားထပ် သွားနာ သွားဖုံးရောင် သွားတိုက် သွားကျန်းမာရေး အကိုက်အခဲပျောက်ဆေး သွားတိုက်တံ သွားပွတ်ကြိုး ပလုပ်ကျင်း အစာမစားနိုင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ရွှေဖရုံရွက် နဲ့ ကျန်းမာရေး

ကျန်းမာရေး ရွှေဖရုံညွန့် သံဓာတ် ဗီတာမင် A ကင်ဆာ ဓာတ်တိုးဆန့်ကျင်အာနိသင် ကြွက်သား အဆိပ်အတောက် သွေးချို ကိုယ်ခံအား သွေးနီဥဆဲလ်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ခံတွင်းအနံ့က ပြောပြနေတဲ့ သင့်ရဲ့ ကျန်းမာရေးအခြေအနေများ

ခံတွင်းအနံ့၊ ကျန်းမာရေးအခြေအနေများ၊ အသည်း၊ ကျောက်ကပ်၊ ကူးစက်ခံရခြင်း၊ ရေဓာတ်ချို့တဲ့ခြင်း၊ အသက်ရှူလမ်းကြောင်း၊ ဆီးချို၊ သွားဖုံး၊ ရေစီးကမ်းပြို၊ Acid Reflux

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

သွားကျဲ လို့ စိတ်ညစ်နေပြီလား

သွားကျဲ သွားခေါ သွားဖုံး လျှာခင် သွားဖုံးရောင် မျိုချ လက်မစုပ် ငယ်သွားလဲ ရေစီးကမ်းပြို Braces သွားတိုက် သွားပွတ်ကြိုးသုံး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

သွားမတိုက်ရင် ကင်ဆာဖြစ်မယ် သတိထား

သွားမတိုက်ရင် ကင်ဆာဖြစ်မယ် သတိထား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇူလိုင် 21, 2020 . 2 mins read

သင်လုံးဝ မထင်မှတ်ထားပေမယ့် နှလုံးကို ထိခိုက်စေနိုင်တဲ့ ပြဿနာ ၁၂ ရပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇူလိုင် 16, 2020 . 2 mins read
ခံတွင်းကျန်းမာရေးအတွက် တံထွေးက ဘာလုပ်ပေးသလဲ။

ခံတွင်းကျန်းမာရေးအတွက် တံထွေးက ဘာလုပ်ပေးသလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 3, 2020 . 2 mins read

သွားနဲ့ ခံတွင်း ကျန်းမာနေတယ်ဆိုတဲ့ လက္ခဏာ (၇) ရပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇွန် 24, 2020 . 2 mins read