သင့် သွားဖုံးများအား သေချာ ဂရုစိုက်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ခံတွင်းကျန်းမာရေးလို့ ဆိုလိုက်တာနဲ့ သွားသန့်ရှင်းမှုကိုပဲ ပြေးမြင်တတ်ကြသည်။ အပြုံးလှလှ လေး တစ်ခု ပိုင်ဆိုင်ဖို့ သွားဖြူဖြူလေးများက အရေးကြီးရုံသာမက ပန်းသွေးရောင် သွားဖုံးလေးများကလည်း အရေးကြီးသည်။ သင့်တွင် ပိုးပေါက်ကင်းပြီး ဖြူဖွေးသော သွားများရှိနေရုံဖြင့် သွားဖုံးကျန်းမာရေး ကောင်းနေမည် အာမခံ၍မရ။ သွားဖုံးရောဂါများ၏ အစောပိုင်းအဆင့်သည် မနာသဖြင့် သတိမထားမိကြသည်က များသည်။ မကုဘဲ ကြာကြာထားလျှင် ဆိုးရွားစွာ သွားဖုံးအားထိခိုက်နိုင်သောကြောင့် သွားဖုံးကျန်းမာရေးကိုလည်း ဂရုစိုက် ထိန်းသိမ်းသင့်သည်။

သွားဖုံးရောဂါဆိုတာဘာလဲ။

သွားဖုံးရောဂါတွေသည် စားကြွင်းစားကျန်များနှင့် ဘက်တီးရီးယားများ ဖြင့် ပြည့်နေသော သွားချေးများ သွားဖုံးအောက်တွင် ကပ်နေရာမှ ကြာလျှင်ပိုးဝင်ပြီး သွားဖုံးရောင်ခြင်းမှ စသည်။ သွားဖုံးရောဂါများသည် အစပိုင်းတွင် မနာသော်လည်း ကြာလာသောအခါ

  • သွားဖုံးများ ကြွနေသည်ဟု ခံစားရခြင်း
  • နီမြန်းခြင်း
  • ဖောင်းနေခြင်း
  • လျှာနှင့်ထိရုံနှင့်ပင် နာနေခြင်း နှင့်
  • သွားဖုံးသွေးထွက်လွယ်ခြင်းတို့ ဖြစ်နိုင်သည်။

အစပိုင်းတွင် သွားကိုထိန်းထားသော အရိုးနှင့် တစ်ရှူးများကို ထိခိုက်ခြင်း မရှိသည့် အတွက်ကြောင့် သွားဖုံးရောင်ခြင်းများသည် သူ့ဘာသာ ပြန်ကောင်းတတ်သည်။ သို့သော် ကြာလာလျှင် သွားကိုထိန်းထားသော အရိုးများ သွားဖုံးတစ်ရှူးဆဲလ်များအား လှိုက်စားပြီး နောက်ဆုံး အဆင့် အနေဖြင့် သွားများ ကျွတ်ထွက်ခြင်း၊ သွားဖုံးကွာကျခြင်း နှင့် ရေစီးကမ်းပြိုခြင်းများဖြစ်တတ်သည်။ ထိုအခါ သင့်တွင် သွားများ မရှိတော့ အပြုံးလှလှ ပိုင်ဆိုင်ဖို့ အလှမ်းဝေးသွားသည့် အပြင် ခံတွင်းနံ့များလည်းဆိုးနေမည်ဖြစ်သည်။ ဒီလို ကြောက်စရာကောင်းသော သွားဖုံးရောဂါများအား မဖြစ်ခင်တည်းက ကြိုတင် ကာကွယ်နိုင်ပါသည်။

သွားဖုံးကို ဘယ်လို ဂရုစိုက်ထိန်းသိမ်းမလဲ။

သွားတိုက်တာအပြင် သွားပွတ်ကြိုးကို သုံးပါ

သွားနှင့်ခံတွင်း သန့်ရှင်းပြီး သွားဖုံးကိုပါ ကျန်းမာစေဖို့ သွားမှန်မှန်တိုက်ပေးရုံသာမက သွားဖုံးနှင့် သွားကြားထဲ အစာညပ်ခြင်းများ ကင်းဝေးစေရန် သွားပွတ်ကြိုးကို သုံးပြီး သွားကြားထဲမှ အစာများကို ထုတ်ပေးသင့်သည်။ သွားပွတ်ကြိုးကို သွားတိုက်သလိုပဲ ညအိပ်ရာဝင်ခါနီးချိန်ဖြစ်ဖြစ် အစာစားပြီးချိန်ဖြစ်ဖြစ်တိုက်ပေး၍ ရသည်။ ဒါမှသာ သွားနှင့်သွားဖုံးကြား ညပ်နေသော အစာများကို သန့်ရှင်းပေးပြီးသား ဖြစ်မှာဖြစ်တယ်။

ကျွမ်းကျင်သော သွားဆရာဝန်များထံ သွား၍ ခံတွင်းကျန်းမာရေး မှန်မှန်စစ်ဆေးပါ။

သင်ဆရာဝန်များထံ မှန်မှန် သွားပြလျှင် ဆရာဝန်များမှ သွားဖုံးရောဂါအား နောက်မကျမီ တွေ့ရှိနိုင်သည်။ အချို့သော သွားချေးများသည် သွားတိုက်ရုံနှင့်ပင် မစင်သော အတွက်ကြောင့် သွားဆရာဝန်များထံ သွား၍ ကျောက်ခြစ်ခြင်းများပြုလုပ်သင့်သည်။ အကယ်၍ သင့်တွင် သွားဖုံးရောင်ခြင်းများ ရှိလျှင် သွားမှန်မှန်တိုက်ခြင်း၊ သွားပွတ်ကြိုးများသုံးခြင်း၊ ဆရာဝန်များထံ မှန်မှန်သွားခြင်းဖြင့် သွားဖုံးရောင်ခြင်းကို ပိုဆိုးမလာခင် ကြိုတင်ကာကွယ်နိုင်သည်။

ဆေးလိပ်ြဖတ်ပါ။

ဆေးလိပ်သောက်ခြင်းသည် ကျန်းမာရေးကို ထိခိုက်စေသည်မှာ လူတိုင်းအသိပင်ဖြစ်သည်။ ကိုယ်ခန္ဓါကျန်းမာရေး အတွက်သာမက သွားနှင့် သွားဖုံးကျန်းမာရေးကို လည်း ဆေးလိပ်သည် ဒုက္ခပေးနိုင်သည်။ ဆေးလိပ်သည် သင့် ခုခံအား စနစ်ကို ထိခိုက်စေသည့် အတွက်ကြောင့် သွားဖုံး ပိုးဝင်ခြင်းကို ခန္ဓါကိုယ်မှ တိုက်ထုတ်ခြင်း လုပ်ငန်းစဉ်အား ထိခိုက်နိုင်သည်။.ဆေးလိပ်သောက်ခြင်းဖြင့် သင့်သွားဖုံးအနာများ ပြန်ကျက်ခြင်းကိုလည်း ထိခိုက်စေပါသည်။

တစ်နေ့နှစ်ကြိမ်သွားတိုက်ပါ။

သွားတစ်နေ့နှစ်ကြိမ် ပုံမှန်တိုက်ခြင်းဖြင့် သွားဖုံးတွင် အစာများ ကပ်နေခြင်းကို သန့်စင်ပေးသည့် အပြင် သွားပိုးစားခြင်းများကို ပါ ကာကွယ်ပေးပြီးသားဖြစ်သည်။ သွားကို တစ်နေ့နှစ်ကြိမ်တိုက်ပြီးတစ်ခါတိုက်လျှင် ၂မိနစ် အနည်းဆုံးတိုက်သင့်ပါသည်။ သွားကို နှံ့စပ်အောင်တိုက်ရမည့် အပြင် မှန်ကန်သော သွားတိုက်နည်း နှင့် လည်း တိုက်ရန်လိုအပ်သည်။ သွားတိုက်သည့်အပြင် လျှာကိုပါ တိုက်သင့်ပါသည်။

မှန်ကန်သောသွားတိုက်တံေရွးချယ်ပါ။

သွားပွတ်တံကောင်းတစ်ခုသည် သွားကိုသန့်ရှင်းစေရုံ အတွက်သာမက သွားဖုံးအတွက်လည်းကောင်းမွန်စေသည်။ သွားပွတ်တံကြမ်းများသည် သင့်သွားဖုံးကို ပွန်းစေခြင်း၊ ထိခိုက်ခြင်းများ ဖြစ်စေနိုင်သည်။ ထို့ကြောင့် သွားပွတ်တံ နုနုလေးများအား ရွေးချယ်၍ တိုက်သင့်ပါသည်။

ဖလိုရိုက်ပါသော သွားတိုက်ဆေးကို ရွေးချယ်ပါ။

ဈေးကွက်တွင် သွားဖုံးရောင်ခြင်းများသက်သာစေရန် အတွက် ထုတ်ထားသော သွားတိုက်ဆေးများရှိနေပြီဖြစ်သည်။ ထိုအထဲတွင်မှ ဖလိုရိုက်ပါသော သွားတိုက်ဆေးများသည် သွားဖုံးရောင်ခြင်းကို သက်သာစေခြင်း၊ ခံတွင်းနံ့ကောင်းစေခြင်း နှင့် သွားများကိုဖြူဖွေးစေပါသည်။ ထို့ကြောင့် သွားတိုက်ဆေးဝယ်ရန် ရွေးချယ်ရခက်နေလျှင် ဖလိုရိုက်ပါသော သွားတိုက်ဆေးများကို ဝယ်ယူရန် အကြံပေးချင်ပါသည်။

ခံတွင်းသန့်ဆေးရည်များကိုသုံးပါ။

ခံတွင်းသန့်ဆေးရည်များသည် ပါးစပ်တွင်းရှိ ဘက်တီးရီးယား ပိုးမွှားများကို သေစေနိုင်ပြီး အစာဟောင်းများနှင့် ဓါတ်ပြုခြင်းကို လျော့ပါးစေခြင်းဖြင့် သွားဖုံးနှင့် သွားကြားတွင် အစာကပ်ခြင်းကို နည်းပါးစေသည်။ ဤသို့ဖြင့် သွားဖုံးတွင် ပိုးဝင်ခြင်းများမရှိတော့ဘဲ သွားဖုံးရောဂါများလည်း ကင်းဝေးစေနိုင်ပါသည်။

ခံတွင်းကျန်းမာရေးဟုဆိုလိုက်လျှင် သွားနှင့် လျှာတင် မဟုတ် သွားဖုံးကိုပါ ဂရုစိုက်သင့်ပါသည်။ အထက်ဖော်ပြထားသော နည်းများကို လိုက်နာခြင်းဖြင့် သွားဖုံးရောဂါများ ကင်းဝေးကြပါစေ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွားမကောင်း တဲ့ ဘိုးဘိုးဘွားဘွားတို့ကို ဘာကျွေးမလဲ။

သွားမကောင်း ဘိုးဘိုးဘွားဘွား ခံတွင်းမတွေ့ သွားကျန်းမာရေး အံကပ် အစားမှန်မှန်စား အစာပျော့ပျော့ကျွေး ပူလွန်းအေးလွန်း ကြေညက်အောင်ဝါး အာဟာရစုံလင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

 သွားထိန်း လေးတွေတပ်ထားပြီး သွားဖုံးရောင်လာတဲ့အခါ

braces သွားထိန်း သွားစွပ် သွားညှိ သွားထပ် သွားနာ သွားဖုံးရောင် သွားတိုက် သွားကျန်းမာရေး အကိုက်အခဲပျောက်ဆေး သွားတိုက်တံ သွားပွတ်ကြိုး ပလုပ်ကျင်း အစာမစားနိုင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သွားထပ် လေးတွေက သင့်ရဲ့ ထူးခြားမှုတစ်ခုပါ။

သွားထပ် သွားမညီ သွားခေါ ငယ်သွားလဲ လက်မစုပ် ချိုလိမ်စို့ သွားကိုလျှာနဲ့ထိုး သွားဖုံးရောဂါ သွားပိုးပေါက် သွားကြိတ် မေးရိုးနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

အုန်းဆီကို သွားကျန်းမာရေးအတွက် ဘယ်လိုအသုံးပြုမလဲ

အုန်းဆီ သွားကျန်းမာရေး ခံတွင်း သွားဖုံး ရောဂါ အနံ့ဆိုး သွားပိုးပေါက် ဘက်တီးရီးယား သွားကြား သွားချေးကျောက် အုန်းသီး အုန်းဖတ် သွားတိုက် သဘာဝအဆီ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

ဆေးဖက်ဝင်ကလျာဏီ (Sage) အကြောင်း

ဆေးဖက်ဝင်ကလျာဏီ (Sage) အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read
ဖိုးဖိုးဖွားဖွားတို့ ဝမ်းမချုပ်စေဖို့ သတိပြုစေချင်

ဖိုးဖိုးဖွားဖွားတို့ ဝမ်းမချုပ်စေဖို့ သတိပြုစေချင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 1, 2020 . 2 mins read
ဖိုးဖိုးဖွားဖွားတို့မှာ အဖြစ်များတဲ့ ရောဂါများ

ဖိုးဖိုးဖွားဖွားတို့မှာ အဖြစ်များတဲ့ ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 17, 2020 . 2 mins read
သွားတိုက်တံ လေးတွေကို သန့်ရှင်းအောင်၊ ပိုးကင်းစင်အောင် ဘယ်လိုဂရုစိုက်ကြမလဲ။

သွားတိုက်တံ လေးတွေကို သန့်ရှင်းအောင်၊ပိုးကင်းစင်အောင် ဘယ်လိုဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 26, 2020 . 2 mins read