ပါပီလေးနဲ့အတူ လမ်းလျှောက်ထွက်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 23, 2020 . 2 mins read
Share now

ခွေးလေးတွေနဲ့ ပုံမှန် လမ်းလျှောက်ထွက်တာ၊ လေ့ကျင့်ခန်းတွေ တူတူလုပ်တာက ကိုယ်တိုင်ကိုရော ကိုယ်ချစ်ရတဲ့ ပါပီလေးတွေကိုရော ကျန်းမာစေပါတယ်။ ဒါတင်မကပါဘူး။ ပါပီလေးတွေနဲ့ လမ်းလျှောက်ထွက်ရတာ၊ လေ့ကျင့်ခန်း လုပ်ရတာက စိတ်လှုပ်ရှားစရာ ကောင်းသလို တော်တော်လေးလည်း ပျော်ဖို့ ကောင်းပါတယ်။

ပါပီလေးတွေ ပိုင်ဆိုင်ထားသူတွေက အခြားသူတွေ မရရှိနိုင်တဲ့ ရုပ်ပိုင်းဆိုင်ရာ ကျန်းမာရေး စိတ်ပိုင်းဆိုင်ရာ ကျန်းမာရေးတွေကို ရရှိကြပါတယ်။ ပေါင်းသင်းဆက်ဆံရေး ကောင်းသူ အများစုက ပါပီလေးတွေရဲ့ ပိုင်ရှင်တွေပါ။ ပါပီလေးတွေရဲ့ ပိုင်ရှင်က ပေါင်းသင်းဆက်ဆံရေးတင် ကောင်းတာမဟုတ်ဘဲ သနားကြင်နာတတ်သလို ကူညီရိုင်းပင်းပြီး တက်ကြွလန်းဆန်းနေတတ် ကြပါသေးတယ်နော်။

ဒီ တစ်ခေါက်တော့ အချစ်တော် ပါပီလေးတွေနဲ့ လမ်းလျှောက်ထွက်ရင် ဘယ်လို အကျိုးကျေးဇူးတွေ ရနိုင်သလဲဆိုတာကို ပြောပြပေးသွားပါမယ်။

ပါပီလေးနဲ့ လမ်းလျှောက် ထွက်ပါ။

ကမ္ဘာပေါ်မှာရှိသမျှ သတ္တဝါတွေထဲမှာမှ လူသားတွေအပေါ် သစ္စာအရှိဆုံးနဲ့ အကာကွယ်ပေးဆုံး သတ္တဝါလေးတွေက ပါပီလေးတွေပါ။ များသောအားဖြင့် သခင်ကို ချွဲနွဲ့နေတတ်ပေမယ့် အရေးကြုံလာရင် ရှေ့ဆုံးကနေ ကာကွယ်ပေး တတ်ကြသူလေးတွေပါ။ ပါပီလေးနဲ့ လမ်းလျှောက်ထွက်တဲ့အခါ

လေကောင်းလေသန့် ရတယ်

ပါပီလေးနဲ့ လမ်းလျှောက်ထွက်တာက သဘာဝ လေထုနဲ့ ထိတွေ့ခွင့်ရပြီး လေကောင်းလေသန့် ရရှိစေမယ့် အခွင့်အရေး တစ်ရပ်ပါ။ အဆုတ် ကျန်းမာစေသလို သွေးတွင်း အောက်ဆီဂျင် ပမာဏ တိုးစေပြီး စိတ်ရော ကိုယ်ပါ လန်းဆန်းစေမှာပါ။

ယုံ​ကြည်ရတဲ့ ဆက်ဆံရေးကို တည်ဆောက်နိုင်စေတယ်

ဒီလိုမျိုး ပါပီလေးတွေနဲ့ နေ့စဉ် လမ်းလျှောက်ထွက်တာက သူနဲ့ကိုယ့်ကြားမှာ ယုံကြည်စိတ်ချရတဲ့ ဆက်ဆံရေးကို တည်ဆောက်နိုင်စေဖို့ အကောင်းဆုံး အားဖြည့်ပေးပါတယ်။ ဒါက လူသားအချင်းချင်းကြားမှာ ယုံကြည်စိတ်ချရတဲ့ ဆက်ဆံရေး တည်ဆောက်နိုင်စေဖို့ အုတ်မြစ်ချရာ ရောက်ပါတယ်။

ပါပီလေးကိုရော ကိုယ်တိုင်ပါ အပြုအမူပိုင်းဆိုင်ရာ တိုးတက်စေဖို့ သင်ယူနိုင်မယ့် အခွင့်အရေးကောင်း တစ်ရပ်ပါ။

ကိုယ်အလေးချိန် ထိန်းညှိနိုင်မယ်

နေ့စဉ် ပါပီလေးနဲ့ လမ်းလျှောက်ထွက်တာက သူရော ကိုယ်ပါ အဝလွန်တာမျိုး မဖြစ်စေဖို့ အထိရောက်ဆုံး ကာကွယ်ပေးနိုင်ပါတယ်။ ခန္ဓာကိုယ်က အဆီပိုတွေကို အထိရောက်ဆုံး လျှော့ချပေးနိုင်မယ့် နည်းလမ်းကောင်း တစ်ရပ်ပါ။

သွယ်လျလှပတဲ့ ဘော်ဒီလေးကို ပါပီလေးရော ကိုယ်ပါ ပိုင်ဆိုင်ဖို့ နေ့တိုင်း လမ်းလျှောက်ထွက်ပါ။

ပေါင်းသင်းဆက်ဆံရေး ကောင်းစေတယ်

ပါပီလေးတွေက စူးစမ်းလိုစိတ် ပြင်းပြကြပါတယ်။ နောက်တစ်ချက်က သူတို့က ရင်းနှီးလွယ်ကြပါတယ်။ ပါပီလေးက ကိုယ်မသိတဲ့သူကို သိနေတာမျိုးကြောင့် အပေါင်းအသင်း တိုးခဲ့ရတာမျိုး ကြုံဖူးကြမယ်ထင်ပါ။ လမ်းလျှောက်ထွက်ရင်း လူတွေက အချင်းချင်း မမှတ်မိပေမယ့် ပါပီလေးကတော့ မြင်ဖူးကြုံဖူးသူတွေကို မှတ်မိနေတတ်လို့ သူ့​ကြောင့် ကိုယ်ပါ အပေါင်းအသင်း တိုးပြီး ပေါင်းသင်းဆက်ဆံရေး ကောင်းလာပါလိမ့်မယ်။

ရုပ်ပိုင်းဆိုင်ရာ စိတ်ပိုင်းဆိုင်ရာ ကျန်းမာစေနိုင်တယ်

ပါပီလေးနဲ့ နေ့စဉ် လမ်းလျှောက်ထွက်တာ။ သူနဲ့တည့်တာတွေကို ရွေးချယ်ပေးတာ ကနေစလို့ ကိုယ်တိုင်လည်း ကျန်းမာအောင် စားသောက်တဲ့ အလေ့အထကို ရရှိစေပြီး ရုပ်ပိုင်းဆိုင်ရာ ကျန်းမာ ကြံခိုင်မှုကို ရနိုင်ပါတယ်။

ပါပီလေးက ချစ်စရာလေးတွေ လုပ်ပြတဲ့အခါ သူ့ကို ချစ်တာ၊ ဂရုစိုက်တာတွေလုပ်ပေးရင်း စိတ်အပန်းပြေပြီး စိတ်ကျန်းမာရေးကိုပါ ကောင်းမွန်စေပါတယ်။ ပါပီလေးတွေ ရှိတဲ့ အိမ်က ပျင်းနေတာမျိုး စိတ်ညစ်နေတာမျိုး မရှိသလောက်ပါပဲ။ သူတို့ အမူအရာလေးတွေကြောင့် အမောပြေ ပျော်ရွှင်ရတဲ့ ခံစားချက်က စိတ်ကို တော်တော်လေး သက်သောင့်သက်သာ ဖြစ်စေတယ်ဆိုတာ ပါပီလေးတို့ရဲ့ ပိုင်ရှင်တွေပဲ ရရှိနိုင်တဲ့ ခံစားချက်ပါ။

အထီးကျန်မှု ကင်းတယ်

ပျင်းနေလို့ စကးခေါ်ပြောရင်တောင် နားထောင်ပေးတတ်တဲ့ ပါပီလေးတွေနော်။ သူတို့က အတူဆော့ပေးတယ်။ ပျော်စရာ ရယ်စရာ အမူအရာလေးတွေ လုပ်ပြတယ်။ ဒါတွေနဲ့တင် အထီးကျန်ဖို့ဆိုတာ အချိန်ကို မရသလောက်ပါ။ တစ်ချိန်လုံး အနားမှာ ချွဲပြီး ချစ်ပေးနေမှတော့ အထီးကျန်တယ်ဆိုတာ ဘာလဲလို့ မေးယူရမလိုပါပဲ။

ကဲ… ပါပီလေးရော ကိုယ်တိုင်ပါ ကျန်းမာစေဖို့ ဒီနေ့ပဲ အတူတူ လမ်းလျှောက်ထွက်လိုက်ကြစို့လား………………..

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ဝမ်းဗိုက်အဆီတက်အောင် လုပ်မိနေပြီလား။

ဗိုက်ပူရင် ဝတ်ရတာ အဆင်မပြေသလို ကိုယ့်ကိုယ်ကိုလည်း ယုံကြည်မှု နည်းတယ်။ ဗိုက်ပူတာက အစားအသောက်ကြောင့်ပဲ မဟုတ်ပါဘူး။ မသိဘဲ လုပ်မိတဲ့ အလေ့အထကြောင့်လည်း ပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဆုတ်ကျန်းမာစေဖို့ နေ့စဉ် လုပ်ပေးသင့်တဲ့ လေ့ကျင့်ခန်း ၄ မျိုး

အဆုတ်တွေက ခန္ဓာကိုယ်အတွက် အရေးပါတဲ့ အစိတ်အပိုင်းပါ။ ရှူသွင်းလိုက်တဲ့ အောက်ဆီဂျင်ကို ကာဗွန်ဒိုင်အောက်ဆိုဒ်တွေနဲ့ ဖလှယ်ပေးတဲ့ တာဝန်ကို ထမ်းဆောင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Covid-19 ကူးစက်ခံရသူမှာ ရောဂါလက္ခဏာလုံးဝမပြတာရော ဖြစ်နိုင်လား

Covid-19 Mask Swab Test ဗိုင်းရပ်စ် ကပ်ဘေး ကပ်ရောဂါ ချောင်းဆိုး ချောင်းခြောက် အသက်ရှူကြပ် အနံ့ အရသာ ကိုယ်ခံအား ရောဂါပိုး လက္ခဏာ အဆုတ် အသက်ကြီးသူ မိသားစု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

လောက ပျော်ရွှင်မှုကို ရှာပုံတော်ဖွင့်ရာဝယ်…

ပျော်ရွှင်မှု ဘဝ နေထိုင်မှုပုံစံ စိတ်ချမ်းသာ စိတ်ပျော်ရွှင်မှု ပျော်စရာ မိသားစု အထီးကျန် နောင်တ လူ့ဘဝ စိတ်ဖိစီးမှု ဝမ်းနည်း ရယ်ပြုံး အနာဂတ် လူငယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

Stay Home ကာလမှာ ထပ်ပြီးဝိတ်တက်လာမှာ စိုးရိမ်နေရပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read
ငရုတ်သီးက ကိုဗစ် ကာကွယ်သတဲ့လား။

ငရုတ်သီးက ကိုဗစ် ကာကွယ်သတဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 22, 2020 . 1 min read
စိတ်ဓာတ်ကျနေသလား၊ ကိုယ်လက်လှုပ်ရှားလေ့ကျင့်ခန်းလုပ်ပါ

စိတ်ဓာတ်ကျနေသလား၊ ကိုယ်လက်လှုပ်ရှားလေ့ကျင့်ခန်းလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read
အင်ဆူလင်အာနိသင် ပိုမိုထိရောက်စေမည့် နေထိုင်စားသောက်ပုံများ

အင်ဆူလင်အာနိသင် ပိုမိုထိရောက်စေမည့် နေထိုင်စားသောက်ပုံများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read