ခွေးဆိုတာ အကောင်းဆုံးလမ်းလျှောက်ဖော်ဖြစ်ပြီး သူငယ်ချင်းထက်တောင် ပိုကောင်းတယ်လို့ ဆိုကြပါတယ်။ University of Missouri မှ သုတေသနလေ့လာမှုအရ ခွေးနဲ့အတူ လမ်းလျှောက်ထွက်သူတွေဟာ လူမိတ်ဆွေတွေနဲ့ လမ်းလျှောက်ထွက်သူတွေနဲ့ယှဉ်ရင် ပိုကျန်းမာတာကိုတွေ့ရပါတယ်။
နောက်ထပ်လေ့လာမှုတစ်ခုမှာ ခွေးမရှိသူတွေက တစ်ပတ်ကို ၁၆၈ မိနစ်လောက် လမ်းလျှောက်ဖြစ်ကြချိန်မှာ ခွေးမွေးထားသူတွေဟာ ပျမ်းမျှ တစ်ပတ်ကို မိနစ် ၃၀၀လောက် လမ်းလျှောက်ကြတယ်လို့ တွေ့ရပါတယ်။ Journal of Physical Activity & Health ရဲ့ လေ့လာမှုစစ်တမ်းအရလည်း ခွေးပိုင်ရှင်တွေဟာ လမ်းပိုလျှောက်ဖြစ်သလို လုပ်သင့်တဲ့ ကိုယ်လက်လှုပ်ရှားမှု အတိုင်းအတာကို ပြည့်မီနိုင်ဖို့ အခွင့်အလမ်း ၅၄ % ပိုများပါတယ်။
ကိုယ်လက်လှုပ်ရှားမှုပိုလာတဲ့အပြင် ကိုလက်စထရောကျ၊ သွေးတိုးကျ၊ စိတ်ဖိစီးမှုလျော့ကျစေတဲ့အခါ နှလုံးသွေးကြောကျဉ်းရောဂါဖြစ်နိုင်ခြေကိုပါလျော့ကျစေနိုင်ပါတယ်။ အိမ်မွေးတိရစ္ဆာန်ပိုင်ဆိုင်သူတွေဟာ အထူးသဖြင့် ခွေးမွေးထားသူတွေဟာ နှလုံးသွေးကြောကျဉ်းရောဂါဖြစ်နိုင်တဲ့ အန္တရာယ်လျော့နည်းစေပြီး ရောဂါရှိပြီးသူတွေမှာလည်း အသက်ရှည်နိုင်တဲ့အခွင့်အလမ်းပိုများစေနိုင်တယ်လို့ American Heart Association ရဲ့ လေ့လာမှုတွေကဖော်ပြခဲ့ပါတယ်။
ကလေးတွေမှာ ကိုယ်ခံအားပိုကောင်းစေတယ်
သင်ဟာ ငယ်ရွယ်စဉ်ကလေးဘဝတည်းက အိမ်မွေးတိရစ္ဆာန်တွေနဲ့ လက်ပွန်းတတီးနေခဲ့ဖူးရင် ကံကောင်းသူတစ်ဦးဖြစ်နိုင်ပါတယ်။ Clinical & Experimental Allergy ရဲ့လေ့လာမှုတစ်ခုအရ ငယ်စဉ်ကတည်းက အိမ်မွေးတိရစ္ဆာန်တွေနဲ့ ထိတွေ့မှုရှိခဲ့တဲ့ ကလေးတွေဟာ အသက်ကြီးလာတဲ့အခါ ဓာတ်မတည့်မှုရောဂါတွေ၊ hay fever (ဝတ်မှုန်အဖျား)နဲ့ နှင်းခူနာတို့ ဖြစ်နိုင်တဲ့ အလားအလာ ပိုနည်းစေတယ်လို့ ဆိုပါတယ်။
အိမ်မှာ ခွေးမွေးထားတဲ့အိမ်က ကလေးတွေဟာ အသက်တစ်နှစ်မပြည့်မီအတွင်းမှာ ဓာတ်မတည့်မှုတွေ၊ ပန်းနာရင်ကျပ်နဲ့ အသက်ရှူလမ်းကြောင်းပိုးဝင်တာတွေ အဖြစ်နည်းတာတွေ့ရပါတယ်။ ဓာတ်မတည့်မှုဖြစ်စေနိုင်တဲ့ အမှုန်တွေနဲ့ ငယ်ငယ်လေးတည်းက ထိတွေ့မိခဲ့ရင် အချိန်ကြာလာတာနဲ့အမျှ ကျင့်သားရလာပြီး ခန္ဓာကိုယ်က ဓာတ်ပြုတုံ့ပြန်မှုနည်းလာနိုင်ပါတယ်။ ဒါ့ကြောင့် မွေးမြူရေးတိရစ္ဆာန်တွေ၊ ခွေးနဲ့ကြောင် တို့တဲ့ လက်ပွန်းတတီးကြီးပြင်းလာတဲ့ကလေးတွေဟာ ကိုယ်ခံအားပိုကောင်းလေ့ရှိပြီး ပန်းနာရင်ကျပ်လို ရောဂါဝေဒနာတွေ ခံစားရနိုင်ခြေပိုနည်းပါတယ်။
အိမ်မွေးတိရစ္ဆာန်တွေက သခင်တွေကို အားပေးနှစ်သိမ့်ပေးနိုင်ပါတယ်။ British Psychological Society ရဲ့ သုတေသနတွေအရ ခွေးတွေဟာ အထူးသဖြင့် ရောဂါကုသမှုနဲ့ စိတ်ပိုင်းဆိုင်ရာ ကျန်းမာရေးကို မြှင့်တင်ပေးနိုင်တယ်၊ စိတ်ဖိစီးမှုကို လျော့ကျစေပြီး ကိုယ့်ကိုယ်ကိုယ် တန်ဖိုးထားစိတ်ပိုရှိလာစေတယ်လို့ဖော်ပြထားပါတယ်။ စိတ်ကျဝေဒနာခံစားနေရတဲ့ သခင်ဖြစ်သူကို မကောင်းတဲ့အတွေးတွေတွေးမယ့်အစား တစ်ခုခုကို အာရုံစိုက်လာအောင် လုပ်ပေးနိုင်ပါတယ်။ သူတို့က သခင်ကို ဂရုစိုက်နေချိန်ဆို အမြဲရင်းရင်းနှီးနှီး ချစ်ခင်ပေးတတ်ကြပါတယ်။
နာတာရှည်ခံစားနေရတဲ့ နာကျင်မှုတွေကို သက်သာစေနိုင်တယ်
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။