ကရိုတီးနွိုက်ဟာ ဆီမှာပျော်ဝင်နိုင်တဲ့ ဒြပ်ပေါင်းဖြစ်ပါတယ်။ သဘောကတော့ ကိုယ်ခန္ဓာက စုပ်ယူချိန်မှာ အဆီနဲ့ရောနေရင် ပိုကောင်းပါတယ်။ တခြားသော ပရိုတိန်းကြွယ်ဝတဲ့ အစားအစာတွေ၊ ဟင်းသီးဟင်းရွက်တွေနဲ့ မတူတာကတော့ ကရိုတီးနွိုက်ကြွယ်ဝတဲ့ အစားအစာတွေဟာ ချက်ပြုတ်လိုက်တဲ့အခါ ကိုယ်ခန္ဓာထဲဝင်ရောက်ချိန်မှာ အာဟာရဓာတ် ပိုမိုမြင့်မားနေတာပါပဲ။
ကရိုတီးနွိုက်ကို xanthophylls နဲ့ carotenes ဆိုပြီး အုပ်စုနှစ်စုခွဲနိုင်ပါတယ်။ နှစ်မျိုးစလုံးဟာ ဓာတ်တိုးဆန့်ကျင်ဂုဏ်သတ္တိ ရှိပါတယ်။ အယ်လ်ဖာကရိုတင်း၊ ဘီတာကရိုတင်း စတဲ့ ကရိုတီးနွိုက်များကတော့ ဗီတာမင် A အဖြစ် ပြောင်းလဲနိုင်တာမို့ လူသားတို့ ကျန်းမာဖွံ့ဖြိုးရေးကို အထောက်အကူပြုပါတယ်။
ကရိုတီးနွိုက်ဟာ အကျိုးပြုတဲ့ ဓာတ်တိုးဆန့်ကျင်ပစ္စည်းဖြစ်ပြီး သင့်ကို ရောဂါဘယများကနေ ကာကွယ်နိုင်ပြီး ကိုယ်ခံစွမ်းအားကို မြင့်တက်စေပါတယ်။ အထူးသဖြင့် အောက်ပါအတိုင်း အကျိုးပြုပါတယ်။
မျက်စိကျန်းမာရေး
ကရိုတီးနွိုက်ကြွယ်ဝတဲ့ အစားအစာတွေဟာ မျက်စိအတွင်းက ဆဲလ်တွေကို တိုးတက်ကောင်းမွန်စေပါတယ်။ အမြင်အာရုံကွယ်စေတဲ့ အကြောင်းတရပ်ကတော့ မျက်စိနောက်ပိုင်း အမြင်လွှာဟာ အသက်ကြီးပြီး ချို့ယွင်းလာတာကြောင့် ဖြစ်ပါတယ်။ ကရိုတီးနွိုက်ဟာ မျက်စိအမြင်လွှာကို ကာကွယ်ပေးပါတယ်။
သုတေသနအချို့အရ လူတိန်း (lutein) ကို တနေ့မှာ ၆ မီလီဂရမ် စားသုံးပေးနိုင်ရင် အမြင်လွှာပျက်စီးခြင်းကို ဖြစ်နိုင်ခြေ လျော့နည်းစေတယ်လို့ ဆိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။