ကိုယ်ခံအားကို အားဖြည့်ဖို့ လိုအပ်နေကြောင်း ပြသနေတဲ့ လက္ခဏာ

လူတစ်ယောက်ကို ကျန်းမာစေဖို့ ဘာကများ ထောက်ပံ့ထားတာလဲ……. ကိုယ်ခံအားစနစ်ပါ။ ကိုယ်ခံအားစနစ်က နေ့ရက်တိုင်းမှာ ကျန်းမာပျော်ရွှင်စွာ ဖြတ်သန်းနိုင်စေဖို့ အကောင်းဆုံး ထောက်ပံ့ပေးထားတဲ့ အရာပါ။ ဒီတော့ ကိုယ်ခံအားကောင်းဖို့က တကယ်ကို လိုအပ်တာဆိုတာ ထွေထွေထူးထူး ပြောနေစရာတောင် မလိုအောင်ပါ။ ဒီတစ်ခေါက်တော့ ကိုယ်ခံအားက သူ့အတွက် အကူအညီလိုအပ်တဲ့အခါ ဘယ်လိုအချက်ပြတတ်လဲ… ဆိုတာကို နည်းနည်းလောက် ပြောပြပေးပါရစေလား…….

ကိုယ်ခံအား ဆိုတာ

ကိုယ်ခံအားဆိုတာ ခန္ဓာကိုယ်အတွက် ခံတပ်တစ်ခုပါ။ ကိုယ်တွင်းကို ရောဂါတွေမဝင်ရောက်လာစေဖို့ အကောင်းဆုံး အားဖြည့်ပေးပါတယ်။ ဒီတော့ ကျန်းမာနေစေဖို့ဆိုရင် ကိုယ်ခံအားဆိုတဲ့ ခံတပ်ကြီး တောင့်တင်းနေဖို့က မဖြစ်မနေ လိုအပ်ပါတယ်။

ကိုယ်ခံအားကို အားဖြည့်ဖို့ လိုအပ်နေကြောင်း ပြသနေတဲ့ လက္ခဏာတွေက ဘာတွေဖြစ်မလဲ………..

ကိုယ်ခံအားကောင်းမှ သက်ရှည်ကျန်းမာမှာပါ။ တကယ်လို့ ဒီလက္ခဏာတွေထဲက တစ်မျိုးမျိုး ဒါမှမဟုတ် တစ်မျိုးနဲ့အထက် ခံစားနေရပြီဆိုရင် ကိုယ်ခံအားကို ပြန်လည် ကျန်းမာလာစေဖို့ မွေးမြူဖို့ လိုပါလိမ့်မယ်။

လက်တွေ အေးနေမယ်

ရာသီဥတု အေးတာကြောင့် မဟုတ်ဘဲ လက်ဖျားတွေ အေးနေတယ်ဆိုတာက သွေးကြောလေးတွေ ရောင်ရမ်းနေတာကြောင့် လက်ချောင်း၊ ခြေချောင်း၊ နား၊ နှခေါင်းလိုမျိုး နေရာတွေကို သွေးစီးဆင်းရောက်ရှိဖို့ ခက်ခဲနေတာကြောင့်ပါ။ သွေးကြောတွေက သွေးပုံမှန် စီးဆင်းနေမယ်ဆိုရင် အသားအရေက သွေးရောင်သန်းပြီး လက်လေးတွေ ကလည်း နွေးထွေးနေမှာပါ။

ဝမ်းပျက်ဝမ်းလျှော ခဏခဏဖြစ်မယ်

ဒါတင်လားဆိုတော့ မဟုတ်သေးပြန်ပါဘူး။ ဝမ်းချုပ်တာကကလည်း ကိုယ်ခံအားပြဿနာရှိနေတယ်ဆိုတာကို ပြသနေတဲ့ လက္ခဏာတစ်ခုပါ။ ဝမ်းပြဿနာ ဖြစ်နေတာက ဘက်တီးရီးယားတွေ၊ ဗိုင်းရပ်စ်တွေကြောင့် ဖြစ်နိုင်သလို အခြားသော ကျန်းမာရေး ပြဿနာတစ်ခုခုကြောင့်လည်း ဖြစ်နိုင်ပါတယ်။

မျက်လုံးခြောက်တာ

ခေါင်းကိုက်မယ်

အင်ပြင်တွေဖြစ်မယ်

အရေပြားမှာ ယားယံမယ်၊ ခြောက်သွေ့မယ်၊ နီရဲနေမယ်။ ရောင်ရမ်းနေမယ်။ နာကျင်မှုနဲ့အတူ တော်တော်နဲ့ ပျောက်မသွားဘဲ ဖြစ်နေမယ်ဆိုရင် ကိုယ်ခံအားကို အားဖြည့်ဖို့ လိုနေပါပြီ။

အဆစ်တွေက တဆစ်ဆစ်နဲ့ နာမယ်။ တောင့်တင်းနေမယ်။ ရောင်ရမ်းနေမယ် ဒါကတစ်နေရာတည်း မဟုတ်ဘဲ အဆစ်တိုင်းလိုလိုမှာ ဖြစ်နေမယ် မနက်ခင်းဆို ပိုပြင်းထန်မယ် ဆိုရင်တော့ ကိုယ်ခံအားက တစ်ခုခု ပြဿနာ ရှိနေတာပါ။

ဆံပင်တွေ အထွေးလိုက် ကျွတ်မယ်

ဒါတွေအပြင်

• ထပ်ခါထပ်ခါဖျားနာတာ၊
• အဖျားတာရှည်တာ၊
• နေရောင်ဒဏ်ကြောင့် အရေပြား ထိခိုက်လွယ်တာ၊
• ခြေလက်တွေ ထုံကျဉ်နေတာ
• အစားအသောက်တွေ မျိုချရခက်တာ
• အရေပြားမှာ အဖြူရောင်အကွက်တွေ ဖြစ်တာ
• အကြောင်းအရင်း အတိအကျမရှိဘဲ ကိုယ်အလေးချိန် ကျသွားတာ
• မျက်လုံး ဒါမှမဟုတ် အရေပြားမှာ အဝါရောင်သန်းနေတာမျိုးတွေဖြစ်မယ်ဆိုရင် ကိုယ်ခံအားကို အားဖြည့်ဖို့ လိုနေပါပြီ။