backup og meta

ကိုယ်ခံအားကို အားဖြည့်ဖို့ လိုအပ်နေကြောင်း ပြသနေတဲ့ လက္ခဏာ

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 12/09/2022 တွင် အသစ်ဖြည့်စွက်ခဲ့သည်။

ကိုယ်ခံအားကို အားဖြည့်ဖို့ လိုအပ်နေကြောင်း ပြသနေတဲ့ လက္ခဏာ

လူတစ်ယောက်ကို ကျန်းမာစေဖို့ ဘာကများ ထောက်ပံ့ထားတာလဲ……. ကိုယ်ခံအားစနစ်ပါ။ ကိုယ်ခံအားစနစ်က နေ့ရက်တိုင်းမှာ ကျန်းမာပျော်ရွှင်စွာ ဖြတ်သန်းနိုင်စေဖို့ အကောင်းဆုံး ထောက်ပံ့ပေးထားတဲ့ အရာပါ။ ဒီတော့ ကိုယ်ခံအားကောင်းဖို့က တကယ်ကို လိုအပ်တာဆိုတာ ထွေထွေထူးထူး ပြောနေစရာတောင် မလိုအောင်ပါ။ ဒီတစ်ခေါက်တော့ ကိုယ်ခံအားက သူ့အတွက် အကူအညီလိုအပ်တဲ့အခါ ဘယ်လိုအချက်ပြတတ်လဲ… ဆိုတာကို နည်းနည်းလောက် ပြောပြပေးပါရစေလား…….

ကိုယ်ခံအား ဆိုတာ

ကိုယ်ခံအားဆိုတာ ခန္ဓာကိုယ်အတွက် ခံတပ်တစ်ခုပါ။ ကိုယ်တွင်းကို ရောဂါတွေမဝင်ရောက်လာစေဖို့ အကောင်းဆုံး အားဖြည့်ပေးပါတယ်။ ဒီတော့ ကျန်းမာနေစေဖို့ဆိုရင် ကိုယ်ခံအားဆိုတဲ့ ခံတပ်ကြီး တောင့်တင်းနေဖို့က မဖြစ်မနေ လိုအပ်ပါတယ်။

ကိုယ်ခံအားကို အားဖြည့်ဖို့ လိုအပ်နေကြောင်း ပြသနေတဲ့ လက္ခဏာတွေက ဘာတွေဖြစ်မလဲ………..

ကိုယ်ခံအားကောင်းမှ သက်ရှည်ကျန်းမာမှာပါ။ တကယ်လို့ ဒီလက္ခဏာတွေထဲက တစ်မျိုးမျိုး ဒါမှမဟုတ် တစ်မျိုးနဲ့အထက် ခံစားနေရပြီဆိုရင် ကိုယ်ခံအားကို ပြန်လည် ကျန်းမာလာစေဖို့ မွေးမြူဖို့ လိုပါလိမ့်မယ်။

လက်တွေ အေးနေမယ်

ရာသီဥတု အေးတာကြောင့် မဟုတ်ဘဲ လက်ဖျားတွေ အေးနေတယ်ဆိုတာက သွေးကြောလေးတွေ ရောင်ရမ်းနေတာကြောင့် လက်ချောင်း၊ ခြေချောင်း၊ နား၊ နှခေါင်းလိုမျိုး နေရာတွေကို သွေးစီးဆင်းရောက်ရှိဖို့ ခက်ခဲနေတာကြောင့်ပါ။ သွေးကြောတွေက သွေးပုံမှန် စီးဆင်းနေမယ်ဆိုရင် အသားအရေက သွေးရောင်သန်းပြီး လက်လေးတွေ ကလည်း နွေးထွေးနေမှာပါ။

ဝမ်းပျက်ဝမ်းလျှော ခဏခဏဖြစ်မယ်

ဝမ်းပျက်ဝမ်းလျှောတာက ဖြစ်လေ့ဖြစ်ထရှိတဲ့ ကျန်းမာရေးပြဿနာ တစ်ခုဆိုပေမယ့် ဝမ်းပျက်ဝမ်းလျှောဖြစ်တာက ၂ ပတ် ဒါမှမဟုတ် ၄ ပတ်ကြာတဲ့အထိ မသက်သာဘဲ ဖြစ်နေမယ်ဆိုရင် အစာအိမ် နဲ့ အူလမ်းကြောင်းမှာ ပြဿနာတစ်ခုခု ရှိနေတာဖြစ်နိုင်သလို အာဟာရပြည့်ဝလုံလောက်စွာ မရရှိမှုကြောင့် ကိုယ်ခံအားမှာလည်း ပြဿနာရှိနေပြီ ဖြစ်ပါတယ်။

ဒါတင်လားဆိုတော့ မဟုတ်သေးပြန်ပါဘူး။ ဝမ်းချုပ်တာကကလည်း ကိုယ်ခံအားပြဿနာရှိနေတယ်ဆိုတာကို ပြသနေတဲ့ လက္ခဏာတစ်ခုပါ။ ဝမ်းပြဿနာ ဖြစ်နေတာက ဘက်တီးရီးယားတွေ၊ ဗိုင်းရပ်စ်တွေကြောင့် ဖြစ်နိုင်သလို အခြားသော ကျန်းမာရေး ပြဿနာတစ်ခုခုကြောင့်လည်း ဖြစ်နိုင်ပါတယ်။

မျက်လုံးခြောက်တာ

အမြဲလိုလို ပင်ပန်းနေမယ်
အရမ်းကို ပင်ပန်းနေတယ်လို့ ခံစားနေရပြီလား။ နေကောင်းနေပေမယ့်လည်း အအေးမိ ထားသလို၊ တုပ်ကွေး ဖြစ်ထားသလို ခံစားနေရတယ်။ အချိန်တိုင်းလိုလို ပင်ပန်းနေမယ်။ အရိုးတွေ၊ ကြွက်သားတွေက အမြဲလိုလို နာကျင်နေမယ်ဆိုရင် သေချာတာက ကိုယ်ခံအားက တပ်ကူတောင်းနေတာပါ။ ပြည့်ပြည့်ဝဝ အနားယူပြီး ကိုယ်ခံအားကို အားဖြည့်ပေးလိုက်ပါ။
အဖျား ငွေ့ငွေ့လေးရှိနေမယ်

ခန္ဓာကိုယ်အပူချိန်က ရှိသင့်တာထက် ပိုနေမယ် ဆိုရင် ကိုယ်ခံအားစနစ်က တစ်ခုခုကို တုံ့ပြန်တိုက်ထုတ် နေတာပါ။ ကိုယ်တွင်းမှာ ရောဂါပိုး တစ်မျိုးမျိုး ကူးစက်ခံထားရတာ သေချာနေပါပြီ။

ခေါင်းကိုက်မယ်

ခေါင်းကိုက်တာက သွေးတိုးတာကြောင့် ဖြစ်နိုင်သလို ရာသီဥတု အခြေအနေကြောင့်လည်း ဖြစ်နိုင်ပါတယ်။ ဒီလိုမှမဟုတ်ဘူးဆိုရင်တော့ ကိုယ်ခံအား ပြဿနာရှိနေတာပါပဲ။

အင်ပြင်တွေဖြစ်မယ်

အရေပြားက ခန္ဓာကိုယ်ရဲ့ ရှေ့တန်းတိုက်စစ်ပါ။ ဓာတ်မတည့်တဲ့ အရာတွေကို ထိတွေ့မိတာ၊ စားမိတာမျိုး၊ သောက်မိတာမျိုးဖြစ်တဲ့အခါမှာ ပထမအဆင့် တုံ့ပြန်မှုအနေနဲ့ အရေပြားပေါ်မှာ အနီရောင် အဖုအပိမ့်တွေထွက်လာပြီး စတုံ့ပြန်ပါတယ်။ ကိုယ်ခံအားက တိုက်ပွဲဆင်နွှဲနေပြီ ဆိုတာကို အချက်ပြတာပေါ့။

အရေပြားမှာ ယားယံမယ်၊ ခြောက်သွေ့မယ်၊ နီရဲနေမယ်။ ရောင်ရမ်းနေမယ်။ နာကျင်မှုနဲ့အတူ တော်တော်နဲ့ ပျောက်မသွားဘဲ ဖြစ်နေမယ်ဆိုရင် ကိုယ်ခံအားကို အားဖြည့်ဖို့ လိုနေပါပြီ။

အဆစ်တွေနာနေမယ်

အဆစ်တွေက တဆစ်ဆစ်နဲ့ နာမယ်။ တောင့်တင်းနေမယ်။ ရောင်ရမ်းနေမယ် ဒါကတစ်နေရာတည်း မဟုတ်ဘဲ အဆစ်တိုင်းလိုလိုမှာ ဖြစ်နေမယ် မနက်ခင်းဆို ပိုပြင်းထန်မယ် ဆိုရင်တော့ ကိုယ်ခံအားက တစ်ခုခု ပြဿနာ ရှိနေတာပါ။

ဆံပင်တွေ အထွေးလိုက် ကျွတ်မယ်

ဆံပင်တွေက အထွေးလိုက်၊ အကွက်လိုက်တွေ ကျွတ်မယ်။ ဆံပင်တင် မဟုတ်ဘဲ ခန္ဓာကိုယ် နေရာအနှံ့က အမွှေးတွေပါ ကျွတ်နေပြီဆိုရင်တော့ အရေပြားလေးဖက်နာ လိုမျိုး ကျန်းမာရေး ပြဿနာတစ်ရပ်ရပ်ကို ခံစားနေရပါပြီ။

ဒါတွေအပြင်

  • ထပ်ခါထပ်ခါဖျားနာတာ၊
  • အဖျားတာရှည်တာ၊
  • နေရောင်ဒဏ်ကြောင့် အရေပြား ထိခိုက်လွယ်တာ၊
  • ခြေလက်တွေ ထုံကျဉ်နေတာ
  • အစားအသောက်တွေ မျိုချရခက်တာ
  • အရေပြားမှာ အဖြူရောင်အကွက်တွေ ဖြစ်တာ
  • အကြောင်းအရင်း အတိအကျမရှိဘဲ ကိုယ်အလေးချိန် ကျသွားတာ
  • မျက်လုံး ဒါမှမဟုတ် အရေပြားမှာ အဝါရောင်သန်းနေတာမျိုးတွေဖြစ်မယ်ဆိုရင် ကိုယ်ခံအားကို အားဖြည့်ဖို့ လိုနေပါပြီ။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Aye Thi Mon


Aye Thi Mon မှ ရေးသားသည်။ · 12/09/2022 တွင် အသစ်ဖြည့်စွက်ခဲ့သည်။

advertisement iconadvertisement

ဤဆောင်းပါးက အကူအညီဖြစ်ပါသလား။

advertisement iconadvertisement
advertisement iconadvertisement