ကိုယ်အလေးချိန်ကို အမှန်ဆုံးဖြစ်စေဖို့ ဘယ်လိုများချိန်မလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ကိုယ်အလေးချိန်က ကျန်းမာရေးအတွက် သိထားဖို့လိုမယ့်အချက်တစ်ခုပါ။ ဒီလိုအရေးပါတဲ့ ကိုယ်အလေးချိန်ကို အမှန်ကန်ဆုံးရဖို့ကလည်း အရေးကြီးတဲ့အချက်တစ်ခုပါ။ ဒီအရေးပါတဲ့ ကိုယ်အလေးချိန်ကို အမှန်ဆုံးသိရစေဖို့ ဘယ်လိုများချိန်ကြမလဲ……..

ကျန်းမာတဲ့လူတစ်ယောက်မှာရှိသင့်တဲ့ ကိုယ်အလေးချိန်က ဘယ်လောက်လဲ….

လူတစ်ယောက်နဲ့တစ်ယောက်မှာရှိသင့်တဲ့ ကျန်းမာတဲ့ကိုယ်အလေးချိန်ကမတူပါဘူး။ လူတစ်ယောက်ကျန်းမာတဲ့ ကိုယ်အလေးချိန်ရှိလားဆိုတာကို အရပ်အမြင့်နဲ့ ကိုယ်အလေးချိန်ကို တွက်ချက်ရတဲ့ ခန္ဓာကိုယ်ထုထည်ညွှန်းကိန်း (BMI) နဲ့တွက်ချက်ပါတယ်။

  • BMI က ၁၈.၅ ထက်နည်းနေရင် ရှိသင့်တဲ့ ကိုယ်အလေးချိန်ထက်နည်းနေတာပါ။
  • BMI က ၁၈.၅ နဲ့ ၂၄.၉ အတွင်းမှာရှိနေရင် ပုံမှန်ရှိသင့်တဲ့ ကိုယ်အလေးချိန်ပါ။
  • BMI က ၂၅ ကနေ ၂၉.၉ အတွင်းမှာရှိနေရင် ရှိသင့်တဲ့ကိုယ်အလေးချိန်ထက်များနေပါတယ်။
  • BMI က ၃၀ ထက်ကျော်သွားပြီဆိုရင်တော့ အဝလွန်နေပါပြီ။

ကိုယ်အလေးချိန်ကို မှန်မှန်ကန်ကန်သိနိုင်စေဖို့ သတိထားရမယ့်အချက်အချို့

ကိုယ်အလေးချိန်တိုင်းတဲ့အခါ တိကျမှန်ကန်တဲ့ အဖြေထွက်ဖို့ဆိုရင်

  • တစ်ပတ် တစ်ကြိမ်ပဲကိုယ်အလေးချိန် တိုင်းပါ။
  • မနက်ခင်းဘာမှမစားရသေးခင်မှာတိုင်းပါ၊ (ရေတောင်မသောက်ပါနဲ့ဦး)
  • မနက်ခင်း ဝမ်းသွားပြီးချိန်မှာတိုင်းပါ။
  • ကိုယ်အလေးချိန်ကို ထိန်းညှိပေးတဲ့ အက်ပလီကေးရှင်းထည့်ထားပါ
  • စိတ်ဖိစီးတာ။ စိုးရိမ်စိတ်များတာတွေကြောင့် အများကြီးမစားမိပါစေနဲ့။

ကိုယ်အလေးချိန်များခြင်းက ကျန်းမာရေးကို ဘယ်လိုထိခိုက်စေနိုင်လဲ………

တကယ်လို့ရှိသင့်တဲ့ ကိုယ်အလေးချိန်ထက်များနေမယ်ဆိုရင်

  • အဝလွန်ခြင်းက အရွယ်မတိုင်ခင်သေဆုံးရမှုရဲ့ အဓိကအကြောင်းအရင်းတစ်ရပ်ပါ
  • သွေးတိုးရောဂါဝင်နိုင်တယ်
  • သွေးတွင်းကိုလက်စထရောများမယ်
  • အမျိုးအစား (၂) ဆီးချိုရောဂါဖြစ်နိုင်ခြေများမယ်
  • နှလုံးရောဂါခံစားရနိုင်ခြေများမယ်
  • လေဖြတ်နိုင်ခြေများမယ်
  • အရိုးပွမယ်
  • ရုတ်တရက် အသက်ရှုရပ်တာမျိုးဖြစ်မယ်
  • ကင်ဆာရောဂါတွေခံစားရနိုင်တယ်
  • စိတ်ပိုင်းဆိုင်ရာ ရောဂါတွေခံစားရနိုင်တယ်
  • လှုပ်ရှားရခက်တာမျိုးဖြစ်မယ်
  • ခန္ဓာကိုယ်က နာကျင်နေတာမျိုးဖြစ်မယ် စတဲ့ လက္ခဏာတွေ ခံစားရနိုင်ပါတယ်။

တိကျတဲ့ကိုယ်အလေးချိန်ရရှိစေဖို့ ဘာတွေလုပ်ရမလဲ………….

ကျန်းမာဖို့အတွက် အရေးပါတဲ့ ကိုယ်အလေးချိန်ကို တိတိကျကျသိရဖို့ဆိုရင်ဒီအချက်လေးတွေကို လိုက်နာဖို့လိုပါမယ်။

ကိုယ်အလေးချိန်ကို ခဏခဏမချိန်ပါနဲ့

ကိုယ်အလေးချိန်ကို အမှန်အတိုင်းသိရဖို့ဆိုရင် တစ်ပတ်ကို တစ်ကြိမ်ချိန်ရင်လုံလောက်ပါပြီ။ ကိုယ်အလေးချိန်ကို ခဏခဏချိန်တာက စိတ်ဖိစီးမှုများစေပြီးကိုယ်အလေးချိန်တိုးလာစေတာပဲ အဖတ်တင်ပါလိမ့်မယ်။

မနက်ခင်းမှာ တိုင်းပါ

ကိုယ်အလေးချိန်တိုင်းတာက အချိန်မရွေးတိုင်းလို့ရတယ်ဆိုပေမယ့် အမှန်ကန်ဆုံးသိရဖို့ဆိုရင် မနက်အိပ်ရာနိုးနိုးချင်း ဘာမှမစားခင် တိုင်းပါ။ ရတောင်မသောက်ပါနဲ့ဦး။ နောက်တစ်ချက်သတိထားရမှာက ဝမ်းသွားပြီးချိန်မှတိုင်းပါ။

ပေါင်ချိန်စက်တစ်ခု နဲ့ တစ်ခုကအတိအကျမတူနိုင်တာကို သတိရပါ
အိမ်မှာတိုင်းတော့ ကိုယ်အလေးချိန်က တစ်မျိုး၊ Gym  မှာတိုင်းတော့ ကိုယ်အလေးချိန်က တစ်မျိုးဖြစ်နေတယ်။ ဘာလို့လဲလို့ စဉ်းစားနေလား။ အကြောင်းကတော့ ပေါင်ချိန်စက်တစ်ခုနဲ့တစ်ခုက မတူပါဘူး။ အနည်းဆုံး  ၂ ပေါင်လောက်တော့ ကွာနေနိုင်ပါတယ်။

တစ်ပတ်ကို အများဆုံးကျသွားနိုင်တဲ့ ကိုယ်အလေးချိန်က သိပ်မများနိုင်ပါဘူး

တစ်ပတ်ထဲကို ၅ ပေါင်ကျတယ်။ ၁၀ ပေါင်ကျတယ်ဆိုတာက ကျန်းမာစွာနဲ့ ကိုယ်အလေးချိန်ကျသွားခြင်းလို့မဆိုသာပါဘူး။ ကျန်းမာစွာနဲ့ကိုယ်အလေးချိန်ကျတယ်ဆိုတဲ့အတိုင်းအတာက တစ်ပတ်ကို ၁ ပေါင်ကနေ ၂ ပေါင်အများဆုံးပါ။

အဝတ်အစားတွေကြောင့်ကိုယ် အလေးချိန်တိုးမသွားပါဘူး

အချို့ကပြောကြတယ် ဝတ်ထားတဲ့ အဝတ်အစားတွေကြောင့် ကိုယ်အလေးချိန်များနေတယ်လို့ပေါ့။ ဒီအယူအဆက အပြည့်အဝမမှန်ပါဘူး။ အဝတ်အစားကြောင့် ကိုယ်အလေးချိန်တိုးရင်တောင် ၁ ပေါင်ထက်မကျော်တာတော့အသေအချာပါ။ ကိုယ်အလေးချိန်တိုင်းခါနီးမှာ ဖိနပ်တော့ ချွတ်ပေါ့။

တနင်္လာနေ့မနက် ဝိတ်မချိန်ပါနဲ့

တနင်္လာနေ့မနက်မှာ ဝိတ်မချိန်ပါနဲ့။ ပိတ်ရက်မှာစားထားမိတာတွေကြောင့် ကိုယ်အလေးချိန်က တိုးလာနိုင်ပါတယ်။ ဒါကြောင့် တိကျတဲ့ကိုယ်အလေးချိန်ကို သိဖို့ဆိုရင် သောကြာနေ့မနက်ခင်းစောစောမှာတိုင်းပေးပါ။

ရာသီလာနေချိန်မှာ ကိုယ်အလေးချိန်မတိုင်းပါနဲ့

လေဒီလေးတို့အနေနဲ့ ရာသီလာချိန်မှာ ကိုယ်အလေးချိန်မတိုင်းပါနဲ့။ ရာသီမလာခင်နဲ့ရာသီလာနေချိန်မှာ ကိုယ်တွင်းမှာ အရည်စုပုံမှုများနေတာကြောင့် ကိုယ်အလေးချိန်က ရှိသင့်တာထက်ပိုများနေနိုင်ပါတယ်။ ဒါကြောင့် ရာသီလာချိန်မှာ ကိုယ်အလေးချိန်မတိုင်းဖို့ပြောပါရစေ။

ရေမချိုးခင် ဝိတ်ချိန်ပါ

ရေကူးပြီးချိန်။ ရေချိုးပြီးချိန်တွေမှာ ဝိတ်မချိန်ပါနဲ့။ ဒီလိုပြောရတာက အရေပြားက ခန္ဓာကိုယ်မှာ အကြီးဆုံးအစိတ်အပိုင်းဖြစ်ပြီး ရေကိုစုပ်ယူနိုင်စွမ်းမြင့်လို့ပါ။ ရေချိုးပြီးချိန်၊ ရေကူးပြီးချိန်မှာ အရေပြားက ရေကို ၁ ခွက်စာနေ ၃ ခွက်စာလောက်အထိစုပ်ယူထားတာကြောင့် ကိုယ်အလေးချိန် နည်းနည်းလောက်တိုးနေနိုင်ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အထီးကျန်ခြင်း နှင့် ဆီးချိုဝေဒနာ

ဆီးချိုရောဂါက အဖြစ်များတဲ့ရောဂါတစ်မျိုးပါ။ ဒီလိုရောဂါဆိုးကြီးဟာ စိတ်ပိုင်းဆိုင်ရာ ပြဿနာတစ်မျိုးဖြစ်တဲ့ အထီးကျန်ခြင်းဝေဒနာနဲ့ ဆက်စပ်နေပါတယ်တဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘိုးဘိုးဘွားဘွားတွေကို ကိုဗစ်ကာလမှာ ဒီလိုစောင့်ရှောက်ပေးပါ

ကိုဗစ်ကာလမှာ ဘိုးဘိုးဘွားဘွားတွေဟာ သာမန်ထက် စိတ်ပိုင်းဆိုင်ရာ ရုပ်ပိုင်းဆိုင်ရာ အားနည်းနေတတ်ပါတယ်။ ဒါကြောင့် သူတို့ကို ပြုစုစောင့်ရှောက်ပေးဖို့ လိုအပ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အဖြစ်များတဲ့ အရိုးအဆစ်ပြဿနာ များ

အရိုးအဆစ်ပြဿနာဟာ လူတိုင်းမှာ ဖြစ်နိုင်ပါတယ်။ ထိခိုက်ဒဏ်ရာကြောင့်ကအဖြစ်အများဆုံးပါ။ သေသေချာချာ ကုသမှုခံယူမယ်ဆိုရင် ပုံမှန်အတိုင်း ပြန်လည်လှုပ်ရှားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အရိုးအဆစ် နဲ့ ကြွက်သားများ နာကျင်ရတဲ့ အကြောင်းရင်းများ

အရိုးအဆစ်နဲ့ ကြွက်သားနာကျင်ခြင်းက အဖြစ်များတဲ့ ပြဿနာ တစ်ခုပါ။ နာကျင်တာကို သက်သာအောင် လုပ်ရသလို နောက်ခံရောဂါကိုလည်း ရှာဖွေကုသသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ရင်သားထွားထွား ရောဂါများများ

ရင်သားထွားထွား ရောဂါများများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 14, 2020 . 2 mins read
အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
ကိုဗစ်ကာလမှာ ဝိတ်ချသင့်သလား

ကိုဗစ်ကာလမှာ ဝိတ်ချသင့်သလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
ဘာကြောင့် အိပ်ရေးဝဖို့ အလွန်အရေးကြီးတယ်လို့ ဆိုနေရတာလဲ

ဘာကြောင့် အိပ်ရေးဝဖို့ အလွန်အရေးကြီးတယ်လို့ ဆိုနေရတာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 10, 2020 . 2 mins read