အစားအစာတချို့ကို ရှောင်ကြဉ်ခြင်း
အရေးကြီးတဲ့အချိန်တွေမှာ အင်္ကျီပေါ် ချွေးအကွက်လိုက်ကြီးထွက်မနေစေချင်ရင် အစားအစာတချို့ကို ရှောင်ရပါမယ်။ အထူးသဖြင့် အပူအစပ်တွေ ဖြစ်ပါတယ်။ သင့်ရဲ့ခန္ဓာကိုယ်ဟာ အပူအစပ်အရသာရှိတဲ့ အစားအစာတွေကို တခြားအပူတွေကို တုံ့ပြန်သလိုပဲ တုံ့ပြန်ပါတယ်။ ဒါကြောင့် အပူချိန်ကို ပြန်လည်ကျဆင်းအောင်လုပ်တဲ့အနေနဲ့ ချွေးထွက် လာပါတယ်။
ကဖိန်းဟာလည်း အဒရီနယ်ဂလင်းတွေကို လှုံ့ဆော်နိုင်တာကြောင့် ချွေးကို ပိုထွက်စေတတ်ပါတယ်။
အေးမြအောင်နေခြင်း
ချွေးထွက်ခြင်း ဟာ အပူချိန်လျော့နည်းအောင် ခန္ဓာကိုယ်က သဘာဝအလျောက် ပြုလုပ်တဲ့နည်းလမ်းဖြစ်ပါတယ်။ ဒါကြောင့် အေးမြအောင်နေခြင်းဟာ ချွေးထွက် သက်သာစေတဲ့ နည်းလမ်းတစ်ခုပဲ ဖြစ်ပါတယ်။ ပူပြင်းတဲ့နေရောင်ကို အခန်းထဲမရောက်အောင် လိုက်ကာထူထူကာခြင်း၊ လေအေးပေးစက်ဖြင့်နေခြင်း၊ ပန်ကာရှေ့တွင် ရေခဲတုံးများထားပြီး ပန်ကာဖွင့်ခြင်း၊ အပြင်ထွက်လျှင်လည်း တတ်နိုင်သမျှ အရိပ်အောက်တွင် သွားလာနေထိုင်ခြင်း စတာတွေဟာ ကျင့်သုံးသင့်တဲ့ နည်းလမ်းတွေ ဖြစ်ပါတယ်။
ပူအိုက်ချိန်မှာ အစားကို နည်းနည်းပဲစားခြင်းဟာလည်း အထောက်အကူပြုပါတယ်။ အစားများများစားရင် ဇီဝဖြစ်ပျက်မှုကြောင့် ကိုယ်ခန္ဓာအပူချိန် တက်လာနိုင်လို့ ဖြစ်ပါတယ်။ ဒါ့အပြင် ရေဓာတ်ပြည့်ဝနေအောင် အရည်၀၀ သောက်ထားခြင်းကလည်း ကိုယ်ခန္ဓာအပူချိန်ကို ကျစေပါတယ်။
ဆေးဝါးကုသမှု ခံယူခြင်း
ချွေးထွက် များလွန်းတဲ့ အခြေအနေကို hyperhidrosis လို့ ခေါ်ပါတယ်။ အဲဒီပြဿနာရှိနေပြီဆိုရင်တော့ ဆရာဝန်နဲ့ ပြသပြီး ကုသမှုခံယူဖို့ အရေးကြီးပါတယ်။ ချွေးထွက်နည်းစေတဲ့လိမ်းဆေး၊ ဖြန်းဆေးများပေးခြင်း၊ သောက်ဆေးများပေးခြင်း စတာတွေနဲ့ ကုသနိုင်ပါတယ်။ သောက်ဆေးမှာတော့ ဆီးအိမ်ပြဿနာဖြစ်ခြင်း၊ အာခေါင်ခြောက်ခြင်း၊ အမြင်ဝါးခြင်း စတဲ့ ဘေးထွက်ဆိုးကျိုးအချို့ ရှိနိုင်ပါတယ်။
မိုက်ခရိုဝေ့ဗ်ဖြင့် ကုသခြင်း၊ ချွေးဂလင်းများ ဖယ်ထုတ်ခြင်း၊ အာရုံကြောခွဲစိတ်ခြင်း စတဲ့နည်းလမ်းတွေလည်း ရှိပါတယ်။ အလွန်ဆိုးရွားတဲ့ အခြေအနေရောက်မှသာ ဒီကုသနည်းတွေကို ရွေးချယ်ပါတယ်။
ကဲ …… ချွေးထွက်သက်သာစေမည့် နည်းလမ်းကောင်းများ ကို လက်တွေ့ အသုံးချကြည့်လိုက်နော်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။