ဘိန်းကို အခြေခံပြီး ထုတ်ထားတဲ့ အကိုက်အခဲပျောက်ဆေးတွေကလည်း ဒီလိုမျိုး ဘေးထွက်ဆိုးကျိုးတွေ ရနိုင်ပါတယ်။ ဒါတွေအပြင် စွဲတာ၊ အလွဲသုံးစားလုပ်တာတွေလည်း ဖြစ်လာနိုင်ပါတယ်။ ဒါကြောင့် ထိန်းချုပ်ဆေးဝါးထဲမှာ ထည့်ထားတာပါ။
အကိုက်အခဲပျောက်ဆေး သောက်တဲ့အခါ သတိထားရမယ့် အချက်များ
အကိုက်အခဲပျောက်ဆေးတွေက သောက်ရင်း သောက်ရင်းနဲ့ မသက်သာဘူးလို့ ပြောကြပါတယ်။ ဒါက ဆေးယဉ်သွားတာပါ။ ဒါဆို နောက်ပိုင်းမှာ ဆေးများများနဲ့ ခဏခဏ သောက်ရတတ်ပါတယ်။ ဒီလိုနဲ့ ဘေးထွက်ဆိုးကျိုးတွေ ခံစားရနိုင်ပါတယ်။
နောက်တစ်ချက်က အကိုက်အခဲပျောက်ဆေးက နာကျင်ကိုက်ခဲမှု ‘လက္ခဏာ’ ကိုပဲ သက်သာစေတာပါ။ ကိုက်ခဲစေတဲ့ အကြောင်းရင်းကို သက်သာစေတာ မဟုတ်တဲ့အတွက် ဖြစ်တဲ့ အကြောင်းရင်းကို ရှာပြီး ကုဖို့ လိုပါတယ်။
အကိုက်အခဲပျောက်ဆေးတွေက တကယ်ကို အစွမ်းထက်တဲ့ ဆေးတွေပါ။ တချို့က ဆရာဝန်ညွှန်ကြားချက်မလိုဘဲ ဝယ်လို့ရသလို တချို့ကျ ဆရာဝန်ညွှန်ကြားချက်နဲ့ အညီသောက်ရပါတယ်။ ဘယ်လိုပဲဖြစ်ဖြစ် အကိုက်အခဲပျောက်ဆေးသောက်တဲ့အခါ ဘေးထွက်ဆိုးကျိုးကင်းကင်းနဲ့ ကိုက်ခဲမှုတွေ ပျောက်အောင် သောက်တတ်ဖို့ အရေးကြီးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။