အခြေခံကျန်းမာရေး

Nephrostomy (ဆီးပိုက်တပ်ခြင်း)ဆိုတာဘာလဲ ? ဆီးတွေကိုပုံမှန်အားဖြင့်ureters လို့ခေါ်တဲ့ကြွက်သားပြွန်ကတစ်ဆင့်ကျောက်ကပ်ကနေဆီးအိမ်ကိုပို့ပေးပါတယ်။ တစ်ခါတစ်လေမှာဆီးပြွန်တစ်ဖက်ဒါမှမဟုတ်နှစ်ဖက်လုံးပိတ်နေတတ်ပါတယ်။ ကျောက်ကပ်အပေါက်ဖောက်ပြီး ပိုက်ထည့်တယ်ဆိုတာကကျောက်ကပ်ကို အရေပြားကနေတစ်ဆင့် အပေါက်ဖောက်ပြီး ဆီးတွေကို အရေပြားကနေပြွန်နဲ့စုပ်ထုတ်တာပါ။ ဒီကုသမှုကိုဓါတ်မှန်အထူးကုတွေကပြုလုပ်ပါတယ်။ Nephrostomy ရဲ့အကျိုးကျေးဇူးတွေကဘာတွေလဲ။ ကင်ဆာရှိတဲ့လူတစ်ယောက်ရဲ့ဆီးပြွန်ကိုကင်ဆာဆဲလ်တွေပိတ်နေတဲ့အခါကျောက်ကပ်အပေါက်ဖောက်ပြီး ဆီးစွန့်နိုင်ဖို့ လိုပါတယ် ကျောက်ကပ်အပေါက်ဖောက်ပြီး ပိုက်တပ်ခြင်းကြောင့်ဖြစ်လာနိုင်ချေရှိတဲ့ဆိုးကျိုးတွေကဘာတွေလဲ ။ တစ်ခါတစ်လေမှာကျန်းမာရေးပြဿနာတွေကိုခွဲစိတ်ကုသလို့ရပါတယ်။ ဒါတွေကအချိန်ယူဖို့လိုပြီးကျောက်ကပ်အပေါက်ဖောက်ပြီးပိုက်ထည့်ခြင်းကတော့သင့်ကျောက်ကပ်တွေကိုအလုပ်ဆက်လုပ်စေပါတယ်။ တချို့လူတွေကခဏပဲ အပေါက်ဖောက်ဖို့လိုပြီးတချို့ကတော့တစ်သက်လုံး ပိုက်ထည့်ထားရပါတယ်။ သင့်ဆရာဝန်ကသင့်ကိုပိုပြီးအသေးစိတ်ရှင်းပြပါလိမ့်မယ်။ ဒါကိုမလုပ်ခင်သင်အနေနဲ့စွန့်စားရမှာတွေနောက်ဆက်တွဲ ပြဿနာတွေကိုပါနားလည်ထားဖို့အရေးကြီးပါတယ်။ သင့်မှာမေးစရာရှိရင်သင့်ဆရာဝန်နဲ့ဆွေးနွေးပါ။ ကျောက်ကပ်အပေါက်ဖောက်ပြီး ဆီးပိုက်ထည့်ဖို့ ဘာတွေပြင်ဆင်ရမလဲ။ သင်မကြာခင်ကသောက်ထားတဲ့ဆေးတွေ၊ဓါတ်မတည့်မှုတွေနဲ့ကျန်းမာရေးအခြေအနေတွေကိုဆရာဝန်ဆီပြောပြပါ။ ခွဲစိတ်မှုမစခင်မှာလိုက်နာရမယ့်ညွှန်ကြားချက်တွေသင့်ကိုပေးထားမှာပါ။ဥပမာ - နာရီပိုင်းအလိုမှာအစားစားလို့ရမရဆိုတာမျိုးပေါ့။ ကျောက်ကပ်အပေါက်ဖောက်ပြီး ပိုက်ထည့်သွင်းနေချိန်မှာ ဘာတွေဖြစ်လဲ။ ဓါတ်မှန်အထူးကုကသင့်ရဲ့ကျောကတစ်ဆင့်ကျောက်ကပ်ဆီသို့ ပြွန်ကိုအပ်နဲ့လမ်းညွှန်ဝိုင်ယာကြိုးအပျော့ကိုသုံးပြီးထည့်ပါမယ်။ နေရာမှန်သွားပြီဆိုဝိုင်ယာကိုပြွန်နဲ့အစားထိုးလိုက်ပါမယ်။ ပြွန်ကိုဆီးစွန့်ဖို့ပလတ်စတစ်အိတ်နဲ့ဆက်ထားပါတယ်။ ကျောက်ကပ်အပေါက်ဖောက်ပြီး ပိုက်ထည့်ပြီးရင်သင် ဘာလုပ်သင့်လဲ။ သင်နာရီအနည်းငယ်အိပ်ရာထဲမှာနားနေရပါမယ်။ ဆီးပြွန်ပိတ်တာကုသလို့မကောင်းမချင်းဆီးပိုက်တပ်ထားရပါမယ်။ သင့်မှာမေးစရာတွေရှိရင်သင့်ဆရာဝန်နဲ့ဆွေးနွေးပါ။ ကျောက်ကပ်အပေါက်ဖောက်ပိုက်ထည့်ပြီးရင် ဘာတွေဖြစ်မလဲ။ ကျောက်ကပ်အပေါက်ဖောက် ပိုက်ထည့်ခြင်းကြောင့်ဖြစ်လာနိုင်တဲ့ နောက်ဆက်တွဲပြဿနာတွေတော့ နည်းပါတယ်။ ဖြစ်နိုင်ချေရှိတာတွေကတော့ သွေးထွက်ခြင်း ရောဂါပိုးဝင်ခြင်း ဆီးစိမ့်ထွက်ခြင်း ဓါတ်မတည့်ခြင်း နီးစပ်ရာအစိတ်အပိုင်းတွေမှာအပ်ကြောင့် ဒဏ်ရာဖြစ်ခြင်း ကျောက်ကပ်အတွင်း ပိုက်ထည့်မှုမအောင်မြင်ခြင်း ဓါတ်ရောင်ခြည်နဲ့ထိတွေ့ခြင်း သင့်ကိုအနီးကပ်စောင့်ကြည့်နေမှာဖြစ်တဲ့အတွက်တစ်ခုခုမှားယွင်းလာရင်လည်းချက်ချင်းကုသလို့ရပါတယ်။ Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ

Open cholecystectomyသည်းခြေကျောက်တွေက ယေဘူယျဖြစ်တတ်တဲ့ပြသနာပါ။ ဒီသည်းခြေကျောက်တွေကိုဖယ်ရှားတဲ့ခွဲစိတ်မှုကသင့်ကိုနာကျင်မှုကင်းစေပြီးပုံမှန်စားနိုင်သောက်နိုင်စေပါတယ်။ သည်းခြေကျောက် တွေဆိုတာဘာတွေလဲ။ သည်းခြေကျောက်တွေကသင့်ရဲ့သည်းခြေအိတ်ထဲမှာဖြစ်ကြပါတယ်။ ဒါကအဖြစ်များသလိုမျိုးရိုးလိုက်တတ်ပါတယ်။ သင်အသက်ကြီးလာလေလေ၊သင်အဆီပါတဲ့အစာတွေစားတာများလေလေသည်းခြေကျောက်ဖြစ်လာနိုင်ချေများလေပါဘဲ။ တချို့လူတွေအတွက်သည်းခြေကျောက်တွေကပြင်းထန်တဲ့လက္ခဏာတွေဖြစ်လာစေပါတယ်။ ဗိုက်ဆက်တိုက်နာနေတာမျိုးဖြစ်နိုင်ပါတယ်။   ဘယ်အချိန်မှာ မှန်ပြောင်းနဲ့ သည်းခြေအိတ်ဖယ်ရှားသောခွဲစိတ်မှုကိုလုပ်ရမလဲ။ သင့်မှာသည်းခြေကျောက်တွေကြောင့်နာကျင်မှုတွေပြင်း ထန်လာရင်သင့်ရဲ့ သည်းခြေအိတ်ကိုဖယ်ရှားဖို့ခွဲစိတ်မှုလုပ်သင့်ပါတယ်။   ခွဲစိတ်မှုမလုပ်ခင် သင်ဘာတွေသိထားသင့်လဲ။ ဒီခွဲစိတ်မှုကခွဲရာအကြီးကြီးတစ်ခုလုပ်မယ့်အစားခွဲရာအသေးလေးတွေနဲ့လုပ်ရတာပါ။ တကယ်လို့သင့်မှာအရင်ကသည်းခြေအိတ် ခွဲစိတ်မှုလုပ်ဖူးတာဘဲဖြစ်ဖြစ်၊သင်သွေးထွက်လွန်တာဘဲဖြစ်ဖြစ်ဒါတွေကသင့်ခွဲစိတ်ဆရာဝန်ကိုသင့် သည်းခြေအိတ်ကိုမြင်နိုင်ဖို့ခက်ခဲစေပါတယ်။ ဒါ့ကြောင့်ထိုအခြေအနေမျိုးမှာ ဗိုက်ဖွင့်ခွဲစိတ်တာကပိုသင့်တော်ပါတယ်။ သင့်ခွဲစိတ်ဆရာဝန်ကသင်ဘယ်လိုခွဲစိတ်မှုနဲ့သင့်တော်လဲဆုံးဖြတ်ပေးပါလိမ့်မယ်။ မှန်ပြောင်းနှင့် သည်းခြေအိတ်ဖယ်ရှားသော ခွဲစိတ်မှုအစားတခြားကုသလို့ရတဲ့နည်းတွေရှိသေးလား။ ဒီသည်းခြေကျောက်တွေကိုအရည်ပျော်အောင်၊ကွဲသွားအောင်လုပ်လို့ရတဲ့ ဆေးတွေရှိပေမယ့်ဒီနည်းလမ်းတွေကသက်တောင့်သက်သာမရှိတဲ့အပြင်ကျရှုံးနိုင်ချေလည်းများပါတယ်။ သင့်ရဲ့သည်းခြေအိတ်ကိုရောဂါပိုးကူးစက်ခြင်းမှကာကွယ်ဖို့ပိုးသတ်ဆေးတွေသုံးလို့ရပါတယ်။ အဆီပါမှုနည်းတဲ့အစာတွေစားခြင်းကလည်းနာကျင်မှုသက်သာစေပါတယ်။ ဒါပေမယ့်ဒီနည်းလမ်းတွေကအပြီးတိုင်မပျောက်ကင်းနိုင်သလိုပြန်ဖြစ်လာနိုင်ချေများပါတယ်။ ခွဲစိတ်မှုမစခင်သင်ဘာလုပ်ရမလဲ။ ခွဲစိတ်မှုမစခင်ရှစ်နာရီအလိုမှာဘာမှမစားမသောက်ရတော့ပါဘူး။ ဒါ့အပြင်သင်အနေနဲ့ ဆေးတွေဥပမာအကိုက်အခဲပျောက်ဆေး တွေလည်းခွဲစိတ်မယ့်နေ့မှာမသောက်သင့်ပါဘူး။ ဒါပေမယ့်လည်းဆရာဝန်က ဆေးတွေသောက်တာရပ်ဖို့မပြောမချင်းမရပ်ပါနဲ့။ ခွဲစိတ်မှုအတွက်ပြင်ဆင်ခြင်းညွှန်ကြားချက်တွေကိုလိုက်နာဖို့ကလည်း အရေးကြီးပါတယ်။ ခွဲစိတ်မှုရဲ့ပုံမှန်လုပ်ရိုးလုပ်စဉ်တွေကဘာတွေလဲ။ ခွဲစိတ်မှုကိုမေ့ဆေးပေးပြီးပြုလုပ်မှာဖြစ်ပြီးတစ်နာရီလောက်ကြာပါတယ်။ ခွဲစိတ်ဆရာဝန်ကသင့်ဗိုက်အပေါ်ပိုင်းမှာခွဲရာလုပ်ပြီးအသက်ရှူလမ်းကြောင်းနဲ့ သွေးလွှတ်ကြောကိုမထိအောင်ခွဲပါမယ်။ သင့်ရဲ့အသည်းကနေ သည်းခြေအိတ်ကိုဖယ်ထုတ်လိုက်ပါမယ်။ ခွဲစိတ်မှုပြီးရင်သင်ဘာလုပ်ရမလဲ ။ ခွဲစိတ်ပြီးနှစ်ရက်ကနေ လေးရက်အကြာမှာသင်အိမ်ပြန်နိုင်ပါတယ်။ ခြောက်ပတ်အကြာဆိုခွဲစိတ်မှုနဲ့သင့်အလုပ်အမျိုးအစားပေါ်မူတည်ပြီးအလုပ်သွားနိုင်ပါပြီ။ လေ့ကျင့်ခန်းမှန်မှန်လုပ်ခြင်းကသင့်ကိုပုံမှန်ပြန်ဖြစ်အောင်မြန်နိုင်သမျှအမြန်ဆုံးကူညီပေးပါတယ်။ လေ့ကျင့်ခန်းမလုပ်ခင်သင်ဆရာဝန်ဆီကအကြံတောင်းပါ။ ခွဲစိတ်မှုကြောင့်နောက်ဆက်တွဲ ဘယ်လိုပြဿနာတွေ ဖြစ်နိုင်သလဲ။ နောက်ဆက်တွဲ ပြဿနာတွေကတော့ သွေးထွက်ခြင်း၊ရောဂါပိုးဝင်ခြင်း၊သည်းခြေရည်တွေကိုသည်းခြေအိတ်ကနေအစာအိမ်ဆီပို့တဲ့ သည်းခြေပြွန်ထိခိုက်ခြင်းတို့ဖြစ်ပါတယ်။ ဒါ့အပြင်ခွဲစိတ်မှုလုပ်နေစဉ်အတွင်းခွဲစိတ်ကိရိယာတွေဗိုက်ထဲထည့်တဲ့အခါအစာအိမ်နဲ့အဓိကသွေးကြောတွေကိုထိခိုက်နိုင်ပါတယ်။ ဒါတွေကတော့ဖြစ်တာရှားပါတယ်။ တခြားဖြစ်နိုင်တဲ့ နောက်ဆက်တွဲ ဆိုးကျိုးတွေကတော့ သည်းခြေရည်စိမ့်ထွက်ခြင်း သည်းခြေကျောက်တွေကျန်နေခြင်း ဆက်တိုက်နာကျင်ခြင်း ဝမ်းပျက်ခြင်း ဝမ်းဗိုက်အမြှေးပါးရောင်ခြင်း ရင်ဘတ်ရောဂါပိုးကူးခြင်း သည်းခြေရည်ပိုက်ထိခိုက်ခြင်း […]

ခွဲစိတ်ဒဏ်ရာမှာအူကျွံခြင်းကသင့်ရဲ့ဝမ်းဗိုက်အားနည်းမှုကြောင့်အရင်ခွဲထားတဲ့ဒဏ်ရာကအနာမကျက်တဲ့အခါဖြစ်ပါတယ်။ တကယ်လို့မကုသဘဲထားခဲ့ရင်ဒီပြဿနာကပြင်းထန်တဲ့ကျန်းမာရေး နောက်ဆက်တွဲ အခြေအနေတွေဖြစ်စေပါတယ်။ ခွဲစိတ်ဒဏ်ရာမှ အူကျွံခြင်းဆိုတာဘာလဲ ။ သင့်ရဲ့ဝမ်းဗိုက်မှာလုပ်တဲ့ခွဲစိတ်မှုတိုင်းကခွဲပြီးအပ်နဲ့ပြန်ချုပ်ရပါတယ်။ တစ်ခါတစ်လေအဲဒီဒဏ်ရာက တော်ရုံမကျက်ပါဘူး။ အဲအခါကျရင်သင့်ဗိုက်ထဲကအရာတွေကအပြင်ကိုတိုးထွက်လာပါတယ်။ အဲဒါကအူကျွံစေပါတယ်။ အူကျွံတာကအနရာယ်ရှိပါတယ်။ ဘာကြောင့်လဲဆိုတော့သင့်ရဲ့အူနဲ့တခြားအစိတ်အပိုင်းတွေကညှပ်ပိတ်နေပြီးသူတို့အတွက် သွေးအထောက်အပံ့လမ်းကြောင်းကိုပိတ်မိသွားသလိုဖြစ်နိုင်ပါတယ်။ ထိုသို့ဖြစ်ပါက ကျွံနေသော အူအပိုင်းသည် ပုပ်သွားနိုင်ပါတယ်။ ခွဲစိတ်ဒဏ်ရာမှ အူကျွံခြင်းကို ခွဲစိတ်မှုက ဘာအကျိုးရှိမလဲ။ သင့်မှာအူကျွံရောဂါမရှိတော့ပါဘူး။ ဒီခွဲစိတ်မှုကတခြားဖြစ်လာနိုင်တဲ့နောက်ဆက်တွဲ ပြဿနာတွေကိုလည်းမဖြစ်စေတော့ပါဘူး။ ဘယ်လိုအချိန်မှာခွဲစိတ်ဒဏ်ရာမှအူကျွံခြင်းကိုဗိုက်ဖွင့်ပြီးခွဲစိတ်ပြုပြင်မှုလုပ်သင့်လဲ။ တကယ်လို့သင့်ရဲ့အူကပိတ်မိနေတာပဲဖြစ်ဖြစ်ပိတ်မိနေတဲ့အူတွေကလိမ်နေပြီး သွေးအထောက်အပံ့မရတော့တာဘဲဖြစ်ဖြစ်ဗိုက်ဖွင့်ပြီးခွဲစိတ်မှုကိုလုပ်ဖို့လိုပါလိမ့်မယ်။ အလွန်အမင်းအဝလွန်နေတဲ့သူတွေလည်းဗိုက်ဖွင့်ပြီးခွဲဖို့ကိုပြုလုပ်ပြီးဗိုက်သားနံရံကနေအဆီတစ်ရှူးတွေကိုဖယ်ထုတ်ဖို့လိုပါတယ်။ မှန်ပြောင်းခွဲစိတ်မှုပဲဖြစ်ဖြစ်၊ ဗိုက်ဖွင့်ပြီးခွဲစိတ်မှုပဲဖြစ်ဖြစ် နှစ်ခုလုံးမှာအူထပ်မကျွံအောင် ဇကာကွက် (mesh)ကိုအသုံးပြုချင်ပြုပါလိမ့်မယ်။အူကျွံတာသည် ပြန်ဖြစ်နိုင်သည်ဆိုတာကိုတော့ သိထားဖို့လိုပါတယ်။ ဒီခွဲစိတ်မှုမလုပ်ခင်မှာသင် ဘာသိထားရမလဲ။ ဗိုက်ဖွင့် ခွဲစိတ်မှုမှာက ဆေးရုံမှာအကြာကြီးနေရလောက်တဲ့ ဘေးထွက်ဆိုးကျိုးတွေရှိပါတယ်။ ခွဲစိတ်ပြီးနာကျင်မှု၊ဒဏ်ရာနဲ့ပတ်သက်တဲ့ နောက်ဆက်တွဲ ပြဿနာများ နဲ့ ပျောက်ကင်းချိန်ကြာခြင်းတွေကြောင့်ဘဲဖြစ်ပါတယ်။ ဒီခွဲစိတ်မှုအစားတခြားကုသနိုင်တဲ့နည်းလမ်းတွေရှိလား။ သင့်အနေနဲ့အူကျွံခြင်းကိုတစ်ခါတစ်လေထိန် း ထားနိုင်ပေမယ့်ခွဲစိတ်မှုမလုပ်ဘဲပြန်ကောင်းလာဖို့တော့မရှိပါဘူး။ ခွဲစိတ်မှုမပြုလုပ်ခင်သင် ဘာလုပ်ရမလဲ။ သင့်အနေနဲ့သင်သိပ်မကြာခင်က သောက်နေတဲ့ဆေးတွေ၊ဓါတ်မတည့်တာတွေနဲ့တခြားကျန်းမာရေးအခြေအနေတွေကိုဆရာဝန်ဆီပြောပြထားရပါမယ်။ သင့်ရဲ့မေ့ဆေးဆရာဝန်နဲ့လည်းတွေ့ပြီးအစီအစဉ်ချရပါမယ်။ ခွဲစိတ်မှုမတိုင်ခင်ဘယ်အချိန်မှာစားတာသောက်တာရပ်ရမလဲစတဲ့ညွှန်ကြားချက်တွေကိုလိုက်နာဖို့အရေးကြီးပါတယ်။ သင့်ကိုဆရာဝန်ကခွဲစိတ်မှုအတွက်ပြင်ဆင်ဖို့နဲ့ပတ်သက်ပြီးရှင်းလင်းတဲ့ညွှန်ကြားချက်တွေပေးပါလိမ့်မယ်။ဥပမာ - ခွဲစိတ်မှုမစခင်အစာစားလို့ရမရဆိုတာမျိုးပေါ့။ အများအားဖြင့်ခွဲစိတ်မှုမစခင်ခြောက်နာရီမှာသင်ဘာမှမစားရတော့ပါဘူး။ နာရီအနည်းငယ်အလိုထိတော့ ကော်ဖီလိုအရည်တွေတော့ သောက်လို့ရပါသေးတယ်။ ဒီခွဲစိတ်မှုရဲ့လုပ်ရိုးလုပ်စဉ်တွေကဘာတွေလဲ။ မေ့ဆေးပေးပြီးပြုလုပ်မှာဖြစ်ပြီးမိနစ်၉၀ လောက်ကြာပါတယ်။ ခွဲစိတ်ဆရာဝန်ကအရင်ခွဲရာအဟောင်းမှာထပ်ခွဲမှာဖြစ်ပါတယ်။ သူတို့ကအားနည်းနေတဲ့တစ်ရှူးတွေကိုချုပ်ရိုးတွေနဲ့ဘဲဖြစ်ဖြစ်ခွဲစိတ်ခန်းသုံးဇကာကွက် (mesh)ကိုသုံးပြီးကြွက်သားတွေနဲ့တွဲချုပ်လိုက်တာဘဲဖြစ်ဖြစ်လုပ်ဆောင်ပါမယ်။ ခွဲစိတ်မှုပြုလုပ်ပြီးရင်သင်ဘာလုပ်ရမလဲ။ ခွဲစိတ်ပြီးတစ်ရက်ကနေလေးရက်အတွင်းသင်အိမ်ပြန်နိုင်ပါပြီ။ ပထမရက်အနည်းငယ်အတွင်းလမ်းတဖြည်းဖြည်းတိုးပြီးလျှောက်သွားပါ။ သင့်ဆရာဝန်ကသင်ဘယ်အချိန်အလုပ်ပြန်သွားနိုင်မလဲ ဆိုတာကိုပြောပါလိမ့်မယ်။ ပုံမှန်လေ့ကျင့်ခန်းလုပ်တာကသင့်ကိုမြန်နိုင်သမျှအမြန်ဆုံးပုံမှန်ပြန်ဖြစ်ဖို့ကူညီပါလိမ့်မယ်။ […]

အစာအိမ်အူလမ်းကြောင်းနံရံရောင်ရမ်းသော Crohn ရောဂါအတွက် ခွဲစိတ်ကုသမှု ဆိုတာဘာလဲ။ အစာအိမ်အူလမ်းကြောင်းနံရံရောင်ရမ်းသော Crohn ရောဂါအတွက် ခွဲစိတ်ကုသမှု ကို ရောဂါလက္ခဏာတွေသက်သာစေဖို့ ပြုလုပ်ကြတာဖြစ်ပါတယ်။ ဒီခွဲစိတ်မှုမှာတော့ အစာခြေလမ်းကြောင်းရဲ့ အစိတ်အပိုင်းတွေကို ဖယ်ရှားခြင်း၊ ပြောင်းလဲခြင်းတွေ ပါဝင်ပါတယ်။ ခွဲစိတ်မှုကို ဆေးကုသမှုနဲ့ အခြားကုသမှုတွေ မအောင်မြင်ရင် အသုံးပြုနိုင်ပါတယ်။ Crohn ရောဂါ အစာအိမ်အူလမ်းကြောင်းနံရံရောင်ရမ်းခြင်း ဖြစ်ပါတယ်။ သူဟာ အူနံရံကို ထူလာစေပြီး အစာဖြတ်သန်းသွားလာခြင်းကို ပိတ်ဆို့စေနိုင်ပါတယ်။ အူရဲ့ ထိခိုက်သွားတဲ့နေရာမှာ အစာတွေကိုစုပ်ယူနိုင်မှုကျဆင်းနိုင်ပါတယ်။ များသောအားဖြင့် အူသေးကို ထိခိုက်တတ်ပြီး အူဘယ်နေရာမှာ မဆို ရောင်ရမ်းနိုင်ပါတယ်။ လက္ခဏာ အချို့ကတော့ ဗိုက်နာခြင်း ဝမ်းလျှောခြင်း ကိုယ်အလေးချိန်ကျဆင်းခြင်း ပင်ပန်းခြင်း ဖျားနာခြင်း ဆေးကုသမှုမရှိရင် လက္ခဏာတွေဟာ ပိုဆိုးလာပြီး ဆိုးကျိုးတွေကို ဖြစ်စေနိုင်ပါတယ်။ သင့်အတွက် မှန်ကန်တဲ့ ကုသမှုကို ရရှိဖို့ ဆရာဝန်နဲ့ […]

အဆုတ်ဖုံးအမြှေးပါးအသားစ စစ်ဆေးခြင်း ဆိုတာဘာလဲ။ အဆုတ်ဖုံးအမြှေးပါးအသားစ စစ်ဆေးခြင်း ဟာ သင့်မှာ တီဘီရောဂါရှိမရှိ သိရှိဖို့ စစ်ဆေးတဲ့ စိတ်ချရပြီး ထိရောက်တဲ့နည်းလမ်း ဖြစ်ပါတယ်။ ဒီနည်းဟာ အဆုတ်အပြင်ဘက် နံရံတွေကိုကာရံထားတဲ့ အလွှာနှစ်လွှာပါသော အမြှေးပါးကနေ တစ်ရှူးစအချို့ကို ဖယ်ထုတ် စစ်ဆေးခြင်း ဖြစ်ပါတယ်။ သင့်ဆရာဝန်ဟာ အဆုတ်ဖုံးအမြှေးပါး အတွင်းက အရည်အချို့ကိုလည်း စစ်ဆေးဖို့ ထုတ်ယူနိုင်ပါတယ်။ အဆုတ်ဖုံးအမြှေးပါးအသားစ စစ်ဆေးခြင်း တွေကို ဘာကြောင့် လုပ်ကြတာလဲ။ ဒီနည်းကို သင့်မှာ တီဘီရောဂါရှိမရှိ အတည်ပြုဖို့ ပြုလုပ်ကြတာဖြစ်ပါတယ်။ ဖယ်ထုတ်လိုက်တဲ့ တစ်ရှူးနဲ့ အရည်ကို အနုကြည့်မှန်ပြောင်းအောက်မှာ စစ်ဆေးမှာဖြစ်ပြီး သူဟာ ဘာကြောင့် ပြဿနာဖြစ်ရလဲဆိုတာနဲ့ နောက်ပိုင်းကုသမှုတွေကို ဆုံးဖြတ်ဖို့ ကူညီပေးမှာဖြစ်ပါတယ်။ အဆုတ်ဖုံးအမြှေးပါးအသားစ စစ်ဆေးခြင်း ကိုမလုပ်ခင် ဘာတွေ သိထားသင့်သလဲ။ ယခုခေတ်နည်းပညာတွေအရ ဒီနည်းကို စိတ်ချရတဲ့ စစ်ဆေးမှုလို့သတ်မှတ်နိုင်ပါတယ်။ အရေပြားကို ဖေါက်ခြင်း၊ လှီးခြင်းပါဝင်တဲ့ […]

အဓိပ္ပါယ်ဖွင့်ဆိုချက်Abscess Surgery (ပြည်တည်နာခွဲစိတ်ကုသမှု) ကဘာလဲ။ ပြည်တည်နာခွဲစိတ်မှု ဟာ ပြည်တည်နေသော အနာကို ဖယ်ရှားတဲ့ ခွဲစိတ်မှုဖြစ်ပါတယ်။ ပြည်တည်နာဆိုတာဟာ တစ်ရှူးနံရံ ပတ်ပတ်လည်မှာရှိပြီး အလယ်မှာ ပြည်တွေ စုပြုံနေတဲ့ အနာတစ်ခုဖြစ်ပါတယ်။ သင့်ကိုယ်ခန္ဓါက ရောဂါပိုးဝင်ခြင်းကို ထိန်းချုပ်ဖို့ ကြိုးစားတဲ့အခါ ပြည်တည်နာ ဖြစ်တတ်ပါတယ်။ သူဟာ နာကျင်တဲ့ အကျိတ်လိုမျိုးဖြစ်ပြီး နေလို့မကောင်းခြင်းကို ဖြစ်စေတတ်ပါတယ်။ ပြည်တည်နာဟာ ကိုယ်ခန္ဓါ အနှံ့အပြားမှာ ဖြစ်နိုင်ပါတယ်။ Abscess Surgery (ပြည်တည်နာခွဲစိတ်ကုသမှု) ကို ဘာကြောင့် လုပ်ကြတာလဲ။ တကယ်လို့ ပြည်တည်နာဟာ ၁ စင်တီမီတာ ထက်ကြီးရင် (သို့) ပိုပိုကြီးလာရင် (သို့) ပိုနာကျင်လာရင် ပြည်တည်နာ ခွဲစိတ်မှုလုပ်ဖို့ လိုအပ်ပါတယ်။ ခွဲစိတ်မှုလုပ်ပြီးရင် ပြည်တည်နာ ရှိမှာ မဟုတ်တော့ပါဘူး။ ခွဲစိတ်မှုဟာ ပြည်တည်နာက ဖြစ်စေတဲ့ ပြင်းထန်တဲ့ ဆိုးကျိုးတွေကို ကာကွယ်ပေးနိုင်ပါတယ်။ လက္ခဏာများAbscess […]

တံတောင်ဆစ်အတွင်းမှန်ပြောင်းဖြင့်စစ်ဆေးခြင်းဆိုတာဘာလဲ တံတောင်ဆစ်အတွင်းမှန်ပြောင်းဖြင့်စစ်ဆေးခြင်းနဲ့ အဆစ်အတွင်းမှာဘာပြသနာတွေဖြစ်နေလဲဆိုတာ ဆရာဝန်အနေနဲ့ အရေပြားမှာ ကြီးကြီးမားမားခွဲစိတ်စရာမလိုဘဲရောဂါရှာဖွေကုသနိုင်ပါတယ်။ နာကျင်မှုကိုသက်သာစေပြီးလျင်မြန်စွာပျောက်ကင်းစေပါတယ်။ အရိုးဆစ်အတွင်းမှန်ပြောင်းဖြင့်စစ်ဆေးခြင်း (သော့ပေါက် ခွဲစိတ်မှု) ဟာအဆစ်အတွင်းပိုင်းကိုစစ်ဆေးဖို့ အရေပြားမှာအပေါက်ငယ်ဖောက်ပြီးမှန်ဘီလူးနဲ့ထည့်သွင်းကြည့်ရှုပေးတဲ့ ကုသမှုအစီအစဉ်ပဲ ဖြစ်ပါတယ်။ သင့်ရဲ့ ခွဲစိတ်ဆရာဝန်ဟာ အထူး ပြုလုပ်ထားတဲ့ ခွဲစိတ်ကိရိယာသုံးပြီးတချို့ရောဂါတွေကိုကုသပေးနိုင်ပါတယ်။   တံတောင်ဆစ်အတွင်းမှန်ပြောင်းဖြင့်စစ်ဆေးခြင်းဘာကြောင့် ပြုလုပ်သလဲ ရည်ရွယ်ချက်ကတော့ ဘာဖြစ်နေသလဲဆိုတာတိကျစွာသိပြီးလိုအပ်ရင် တခါတည်းကုသပေးနိုင်ဖို့ ဖြစ်ပါတယ်။ သင့်ရဲ့ဆရာဝန်ဟာ သင့်အနေနဲ့ မခွဲစိတ်ရတဲ့နည်းလမ်းနဲ့ နာကျင်တာမပျောက်ခဲ့ရင်ဒီနည်းကိုညွှန်ပါလိမ့်မယ်။ မခွဲစိတ်ရတဲ့နည်းဆိုတာအနားယူခြင်း၊ ကာယကုသခြင်း၊ သောက်ဆေးပေးခြင်း၊ ရောင်ရမ်းမှု ကျဆင်းအောင် ဆေးထိုးခြင်းစတာတွေ ဖြစ်ပါတယ်။ ရောင်ရမ်းခြင်းဆိုတာထိခိုက်မှု ဒါမှမဟုတ် ရောဂါအတွက် ကိုယ်ခန္ဓါကနေတုံ့ပြန်တဲ့ပုံမှန်ဖြစ်စဉ်ပဲ ဖြစ်ပါတယ်။ တံတောင်ဆစ်မှာဒဏ်ရာသို့ ရောဂါရနေပြီဆိုရင်ရောင်ရမ်းပြီးနာကျင်တောင့်တင်းခြင်းတွေ ဖြစ်နိုင်ပါတယ်။ဒဏ်ရာရခြင်း၊ အလွန်အကျွံသုံးခြင်း၊ အသက်အရွယ်အရပျက်စီးခြင်းစတာတွေဟာတံတောင်ဆစ်မှာအဓိကဒုက္ခပေးတဲ့ ပြသနာတွေပဲ ဖြစ်ပါတယ်။တံတောင်ဆစ်အတွင်းမှန်ပြောင်းနဲ့ စစ်ဆေးကုသခြင်းဟာအဆစ်ပတ်လည်ကအရိုးနုနဲ့တစ်သျှူးတွေကိုထိခိုက်စေတဲ့ ပြသနာကြောင့် ဖြစ်ရတဲ့ နာကျင်မှုတွေကိုသက်သာစေပါတယ်။ ဒီနည်းလမ်းဟာလျော့ရဲ့နေတဲ့ အရိုးနဲ့ အရိုးနုအပိုင်းအစတွေနဲ့ လှုပ်ရှားမှုကိုဟန့်တားတဲ့ အမာရွတ်တွေကိုဖယ်ရှားပေးနိုင်ပါတယ်။ လက်ကောက်ဝတ်အတွင်း မှန်ပြောင်းဖြင့်စစ်ဆေးခြင်း ပြုလုပ်တဲ့အခါ ဖြစ်နိုင်ခြေအန္တရာယ်တွေကဘာတွေလဲ တံတောင်ဆစ် […]

ပခုံးဆစ်အတွင်း မှန်ပြောင်းဖြင့်စစ်ဆေးခြင်း ဆိုတာ ဘာလဲ ဒီနည်းဟာ သင့်ရဲ့ခွဲစိတ်ဆရာဝန်အနေနဲ့ သင့်ရဲ့ပခုံးအတွင်း ခွဲစိတ်ရာကြီးကြီးမားမား မပေးရဘဲ ရောဂါရှာဖွေနိုင်၊ ကုသနိုင်တဲ့ နည်းလမ်းဖြစ်ပါတယ်။ ဒီနည်းနဲ့ဆိုရင် နာကျင်မှုကို သက်သာစေပြီး နေကောင်းတာလည်း မြန်ပါတယ်။ အရေပြားမှာ သော့ပေါက်လောက်ပဲရှိတဲ့ အပေါက်ဖောက်ပြီး ပခုံးသားထဲကို မှန်ဘီလူးထည့်ကာ စစ်ဆေးနိုင်ပါတယ်။ သင့်ရဲ့ ခွဲစိတ်ဆရာဝန်ဟာ အထူး ပြုလုပ်ထားတဲ့ ခွဲစိတ်ကိရိယာသုံးပြီး တချို့ရောဂါတွေကို ကုသပေးနိုင်ပါတယ်။   ပခုံးဆစ်အတွင်း မှန်ပြောင်းဖြင့်စစ်ဆေးခြင်း ဘာကြောင့် ပြုလုပ်သလဲ ဒီနည်းလမ်းဟာ ဘာရောဂါရှိတယ်ဆိုတာကို အတည်ပြု နိုင်ပြီး လူအများမှာတော့ ကုသမှုကိုပါ တပြိုင်တည်း ပြုလုပ်ပေးနိုင်ပါတယ်။ ပခုံးမှာဖြစ်တဲ့ တချို့ ပြသနာတွေအတွက် သုံးနိုင်ပါတယ်။ အရိုးနု (သို့) အရွတ် စုတ်ပြဲခြင်း၊ ထိခိုက်ခြင်း ပခုံးဆစ်မငြိမ်ခြင်း၊ လျော့ရဲခြင်း၊ လျှောကျခြင်း၊ အဆစ်ပြုတ်လွယ်ခြင်း လက်မောင်း Bicep ကြွက်သားအရွတ် […]

အဓိပ္ပါယ်ဖွင့်ဆိုချက်အမျိုးသားများသားကြောဖြတ်ရန် ခွဲစိတ်ခြင်းဆိုတာဘာလဲ အမျိုးသားများသားကြောဖြတ်ခြင်းဆိုတာအမြဲတမ်းကလေးမရနိုင်တော့အောင် ခွဲစိတ်ကုသပေးခြင်းပဲ ဖြစ်ပါတယ်။ ဒီခွဲစိတ်ခြင်းဟာ ဝှေးစေ့မှာရှိတဲ့ သုက်ပိုးများကိုယောက်ျားတန်ဆာဆီပို့ဆောင်ပေးတဲ့ သုက်ပို့ပြွန်၂ခုကို ဖြတ်တောက်ပေးလိုက်ခြင်းပဲ ဖြစ်ပါတယ်။ ဒါကြောင့် သုက်ပိုးများဟာသုက်ရည်ထဲမရောက်နိုင်တော့ပါဘူး။ သုက်ရည်ထဲသုက်ပိုးမပါတဲ့အခါ မမျိုးဥနဲ့ မပေါင်းနိုင်တော့တာမို့ ဒီနည်းကိုကလေးမရဖို့ သုံးနိုင်ပါတယ်။ ဆောင်ရန်ရှောင်ရန်များအမျိုးသားများသားကြောဖြတ်ရန် ခွဲစိတ်ခြင်းကိုဘယ်အချိန်မှာခံယူသင့်သလဲ သင်နဲ့ သင့်အိမ်ထောင်ဖက်ဟာတခြားသားဆက်ခြားနည်းတွေ မသုံးချင်တော့ရင် ဒီနည်းကိုအသုံးပြုနိုင်ပါတယ်။   အမျိုးသားများသားကြောဖြတ် ခွဲစိတ်ခြင်းမခံယူခင် ဘာတွေသိထားသင့်သလဲ ဒီခွဲစိတ်မှုကြောင့် လိင်ပိုင်းဆိုင်ရာစွမ်းဆောင်ရည်နဲ့ ခံစားမှုမှာကျဆင်းမသွားပါဘူး။ သုက်ရည်ထွက်မှုလည်းကျမသွားပါဘူး။ ဒီခွဲစိတ်မှုဟာဘေးကင်းတာများပေမယ့် ဖြစ်နိုင်ခြေပြသနာတွေကိုအရင်သိထားဖို့ လိုပါတယ်။ ဒီခွဲစိတ်မှုကိုမခံယူခင်မှာသတိပြုရမယ့်အချက်တွေနဲ့ သတိပေးချက်တွေကိုနားလည်သိရှိထားဖို့ လိုပါတယ်။ သိလိုတဲ့အချက်တွေရှိရင် သင့်ရဲ့ခွဲစိတ်ဆရာဝန်နဲ့ တွေ့ဆုံဆွေးနွေးပါ။ လုပ်သင့်သည်များသားကြောဖြတ် ခွဲစိတ်မှု မလုပ်ခင် ဘာတွေလုပ်သင့်သလဲ ခွဲစိတ်မှုကိုမေ့ဆေးပေးပြီးလုပ်ဆောင်မှာ ဖြစ်ပါတယ်။ မခွဲခင်မှာ ဆရာဝန်ရဲ့ ညွှန်ကြားချက်နဲ့အညီဆီးခုံမွေးတွေကိုရိတ်သင့်ပါတယ်။ ပြီးရင် သန့်ရှင်းအောင် ဆေးကြောထားရပါမယ်။ သင်ဆန္ဒရှိရင် အစားနည်းနည်းစားနိုင်ပါတယ်။ ရေခဲအိတ်လုပ်ပြီးယူဆောင်သွားဖို့လည်းလိုပါတယ်။ ဆေးရုံကိုသွားရင် အဖော်တယောက်ယောက် ခေါ်သွားသင့်ပါတယ်။ သားကြောဖြတ်ခွဲစိတ်မှုရဲ့ ပုံမှန်အဆင့်တွေကဘာတွေလဲ ခွဲစိတ်မှုမှာမေ့ဆေးပေးခြင်း ပါဝင်ပြီး ၁၅မိနစ်ကနေ မိနစ်၂၀ထိ ကြာနိုင်ပါတယ်။ […]

မျက်ရစ်ဖော်ရန် ခွဲစိတ်ခြင်းဆိုတာဘာလဲ မျက်ရစ်ဖော်ရန် ခွဲစိတ်ခြင်းဆိုတာအပေါ်မျက်ခွံဖြစ်စေ၊ အောက်မျက်ခွံဖြစ်စေ၊ ၂ခုစလုံးဖြစ်စေ ကြည့်ကောင်းအောင် ပြုပြုင်ခြင်းပဲ ဖြစ်ပါတယ်။ အသက်ကြီးလာတာနဲ့အမျှ မျက်ခွံများဟာပိုရှည်လာပြီးမျက်ခွံကြွက်သားများအားနည်းလာပါတယ်။ အကျိုးဆက်အနေနဲ့ အဆီဓါတ်ဖြစ်စေတဲ့ တစ်သျှူးတွေ စုလာပြီးမျက်ခွံတွေ မို့လာစေပါတယ်။ အသက်ကြီးလာခြင်းကြောင့် ရင့်ရော်လာရုံသာမကမျက်ခွံတွေဖောင်းမို့လာတဲ့အခါ မြင်ကွင်းကိုပါ ကျဉ်းလာစေပါတယ်။ အထူးသဖြင့် အပေါ်ပိုင်း မြင်ကွင်းဟာကျဉ်းလာပါတယ်။ မျက်ရစ်ဖော်ခွဲစိတ်ခြင်းကြောင့် မြင်ကွင်းကျဉ်းလာတဲ့ ပြဿနာကိုဖြေရှင်းပေးတဲ့အပြင် သင့်မျက်လုံးကိုပိုမိုနုပျိုသွားစေပြီးဆွဲဆောင်မှုရှိလာစေပါတယ်။   မျက်ရစ်ဖော်ရန် ခွဲစိတ်ခြင်းဘယ်အချိန်မှာခံယူသင့်သလဲ သင့်မျက်ခွံတွေဟာမျက်လုံးကောင်းကောင်းမပွင့်နိုင်အောင် ပိတ်လာရင်၊ အပေါ်မျက်ခွံတွဲကျလာရင် မျက်ရစ်ဖော်ခွဲစိတ်ခြင်း ပြုလုပ်သင့်ပါတယ်။ မျက်ခွံတွေဆီကနေပိုနေတဲ့ တစ်သျှူးတွေကိုဖယ်ထုတ်လိုက်ရင် သင့်မြင်ကွင်းပိုကောင်းသွားပြီးမျက်လုံးဟာ နုပျိုပြီးဆွဲဆောင်မှုရှိလာမှာ ဖြစ်ပါတယ်။ ဒီခွဲစိတ်မှုကိုအောက်ပါအခြေအနေတွေမှာ ပြုလုပ်သင့်ပါတယ်။ အပေါ်မျက်ခွံများငိုက်ကျပြီးဖောင်းနေခြင်း အပေါ်မျက်ခွံမှ အရေပြားဟာသင့်ဘေးဘီမြင်ကွင်းကိုပိတ်ဆို့နေခြင်း အောက်မျက်ခွံများတွဲကျလာပြီးသူငယ်အိမ် အောက်ပိုင်းကို မြင်နေရခြင်း အပေါ်မျက်ခွံတွင် အရေပြားများပိုနေခြင်း မျက်လုံးအောက်ဝန်းကျင်တွင် ဖောင်းမို့နေခြင်း မျက်ရစ်ဖော်ရန် ခွဲစိတ်ခြင်းမခံယူခင် ဘာတွေသိထားသင့်သလဲ ဤ ခွဲစိတ်မှုသည်ပလတ်စတစ်ဆာဂျရီတမျိုးပါပဲ။ ဆိုးရွားပြီး ကြာရှည်တဲ့ ပြဿနာတွေ သိပ်မရှိပေမယ့် တခါတလေနောက်ဆက်တွဲပြသနာတချို့ ရှိပါတယ်။ […]