နေမကောင်းဖြစ်တာနဲ့ ပဋိဇီဝဆေး သောက်ဖို့လိုသလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ပဋိဇီဝပိုးသတ်ဆေးေတွဆိုတာရောဂါပိုးတွေကိုတိုက်ဖျက်ပေးနိုင်တဲ့ အာနိသင်ပြင်းဆေးဝါးတွေအဖြစ် အများစုက နားလည်ထားကြတယ်။ ဒါပေမယ့် သိပ်မသိတာတစ်ခုက ပဋိဇီဝဆေးတွေဟာ ဘက်တီးရီးယားကြောင့်ဖြစ်တဲ့ရောဂါတွေကိုပဲ ကုသပေးနိုင်တယ်ဆိုတာပါပဲ။ ရောဂါဖြစ်စေနိုင်တဲ့ပိုးတွေထဲမှာ ဗိုင်းရပ်စ်နဲ့ ဘက်တီးရီးယား ကွဲပြားသလို သူတို့ကို နှိမ်နင်းကုသရာမှာလည်းဆေးဝါးတွေမတူ၊အာနိသင်တွေမတူကြတာ သိထားသင့်တဲ့အချက်ပါ။

ဘာဝေဒနာဖြစ်လာလာ ပဋိဇီဝဆေး(antibiotics)တွေသောက်ပစ်လိုက်တာပဲဆိုရင်တော့ အနာတခြားဆေးတခြား အဖြစ်တွေနဲ့ရောဂါတာရှည်ပြီး အားပိုနည်းလာတာပဲ အဖတ်တင်ပါလိမ့်မယ်။ဆေးရဲ့ဘေးထွက်ဆိုးကျိုးကိုရောပေါ့။ နေမကောင်းတာ ဗိုင်းရပ်စ်ကြောင့်လား၊ ဘက်တီးရီးယားကြောင့်လားဆိုတာ ဆရာဝန်က ရောဂါရှာဖွေစစ်ဆေးပေးပါလိမ့်မယ်။ အရေးကြီးတာက ပဋိဇီဝဆေးတွေကို ကိုယ့်သဘောနဲ့ကိုယ် မဆင်မခြင်မသောက်ဖို့ပါပဲ။

လေပြွန်ရောင်ခြင်း၊ နားပိုးဝင်ခြင်း၊ နမိုးနီးယား စတဲ့ ဘက်တီးရီးယားကြောင့်ဖြစ်တဲ့ ရောဂါလက္ခဏာတွေအတွက်ပဲ ပဋိဇီဝဆေးတွေကိုသောက်ဖို့လိုတာဖြစ်ပါတယ်။

အအေးမိတိုင်း တုပ်ကွေးမဟုတ်

လူတွေက အအေးမိဝေဒနာခံစားနေရတဲ့အချိန် ငါတော့တုပ်ကွေးမိပြီလို့ပြောလေ့ရှိကြတယ်။ အအေးမိတုပ်ကွေးဝေဒနာ ဘာညာရောပြောလေ့ရှိတာကြောင့် အတူတူပဲလို့ အမှတ်မှားကောင်းမှားနိုင်ပါလိမ့်မယ်။ တကယ်တော့ မတူပါဘူး။

အအေးမိတယ်ဆိုတာ ပိုအဖြစ်များပြီး ဗိုင်းရပ်စ်တွေကြောင့်ဖြစ်တာပါ။ သာမန်အအေးမိလက္ခဏာတွေက အန္တရာယ်ပြင်းထန်တာမျိုးဖြစ်ခဲပါတယ်။ တုပ်ကွေးကတော့ influenza ဗိုင်းရပ်စ်ကြောင့်ဖြစ်ရတာဖြစ်ပြီး ပိုပြင်းထန်နိုင်သလို ကလေးငယ်တွေ၊အသက်ကြီးသူတွေနဲ့ ကိုယ်ခံအားမကောင်းသူတွေမှာဆို အသက်အန္တရာယ်အထိ ရှိနိုင်တဲ့ရောဂါပါ။

အအေးမိခြင်းနဲ့ တုပ်ကွေး ကွာခြားချက်

တုပ်ကွေးလက္ခဏာက ချက်ချင်းကြီးအဖျားတက်လာတာ၊ ကြွက်သားတွေအကုန်ကိုက်ခဲလာတာ၊နှာစေး၊လည်ချောင်းနာ၊ချောင်းဆိုးပြီး အိပ်ရာထဲကမထနိုင်အောင်ဖြစ်တတ်ပါတယ်။ အအေးမိဝေဒနာရဲ့အစပျိုးချိန်ကတော့ သူ့လောက်မမြန်ဘဲ လက္ခဏာတွေက နှာခေါင်းနဲ့လည်ချောင်းမှာပဲခံစားရတာပိုများလေ့ရှိပါတယ်။

အအေးမိတဲ့လက္ခဏာတွေက နှာချေခြင်း၊ချောင်းဆိုးခြင်း၊လည်ချောင်းနာခြင်း၊ နှာစေးနှာပိတ်ခြင်းတို့ပါဝင်ပါတယ်။ အဖျားရှိတယ်ဆိုရင်လည်း အဖျားသိပ်မကြီးတတ်ပါဘူး။ ခေျာင်းဆိုးခြင်းကတော့ တစ်ပတ်၊နှစ်ပတ်လောက်အထိ တာရှည်ကျန်ရစ်ခဲ့နိုင်ပေမယ့် အအေးမိဖျားနာ အများစုက (၇)ရက်ကနေ (၁၀) ရက်အတွင်း သက်သာလာတတ်ပါတယ်။ နှာရည်တွေ၊ချွဲတွေက အဝါရောင်ဖြစ်လာတာဟာရောဂါပိုးကို ခန္ဓါကိုယ်ကခုခံနေပြီဆိုတဲ့လက္ခဏာပါ။ ဒါကရောဂါပိုဆိုးလာပြီး ပဋိဇီဝပိုးသတ်ဆေးသောက်ဖို့လိုအပ်လာတာ မဟုတ်ပါဘူး။

တုပ်ကွေးလက္ခဏာတွေက အအေးမိခြင်းလို ဖြည်းဖြည်းမဟုတ်ဘဲ အဖျားတက်ခြင်း၊ချမ်းတုန်ခြင်း၊ချောင်းဆိုး၊တစ်ကိုယ်လုံးကိုက်ခဲခြင်း၊ခေါင်းကိုက်နဲ့နုံးချိခြင်းတို့ကို တစ်ခါတည်းခံစားလိုက်ရတာမျိုးပါ။ အအေးမိခြင်းထက် တုပ်ကွေးကပိုပြင်းထန်ပါတယ်။ ပဋိဇီဝဆေးတွေက အအေးမိတုပ်ကွေးဗိုင်းရပ်စ်အတွက် မထိရောက်နိုင်ပါဘူး။

ပဋိဇီဝဆေးယဉ်ခြင်းပြဿနာ

ပဋိဇီဝဆေးတွေကို မလိုအပ်ဘဲသောက်ပါများလာတဲ့အခါရောဂါပိုးတွေကဆေးကိုခုခံနိုင်လာပြီးဆေးယဉ်ဘက်တီးရီးယားတွေဖြစ်လာနိုင်တဲ့အန္တရာယ်ရှိပါတယ်။ ဒါဆိုရင်တော့ ရောဂါပိုးကို တော်ရုံပဋိဇီဝဆေးနဲ့ နှိမ်နင်းဖို့ခက်သွားပါပြီ။

ဆေးယဉ်စေတဲ့နောက်တစ်ချက်ကဆရာဝန်ညွှန်ကြားတဲ့ ပဋိဇီဝဆေးတွေသောက်တဲ့အခါဆေးညွှန်းအတိုင်းဆေးပတ်လည်အောင်မသောက်ဘဲ တစ်ဝက်တစ်ပျက်မှာရပ်လိုက်တာမျိုးဖြစ်ပါတယ်။ သက်သာလာတာနဲ့ဆေးဆက်မသောက်ဘဲ ရပ်လိုက်ကြတာတွေ များပါတယ်။

superbugs လို့ခေါ်ကြတဲ့ဆေးမတိုးတဲ့ဘက်တီးရီးယားအဆင့်ကိုရောက်ပြီဆိုရင်တော့ ပဋိဇီဝဆေးနဲ့ ကုသလို့မနိုင်တော့ပါဘူး။ ဒါ့ကြောင့်နေမကောင်းဖြစ်ပြီဆိုတာနဲ့ သိထားသင့်တဲ့၊မမေ့သင့်တဲ့အချက်လေးတွေကိုဖော်ပြပေးလိုက်ပါတယ် –

  • လည်ချောင်းနာတယ်ဆိုတိုင်း ပဋိဇီဝဆေးသောက်စရာမလိုပါဘူး။ အအေးမိလည်ချောင်းနာနဲ့ တုပ်ကွေးကြောင့်လည်ချောင်းနာတာ မတူပါဘူး။
  • ချောင်းဆိုးရင်ကျပ်က ချက်ချင်းမပျောက်နိုင်ပါဘူး၊ အချိန်တစ်ခုတော့ ကြာနိုင်ပါတယ်။
  • ဘယ်အချိန်မှာ ဆရာဝန်ပြသင့်လဲ သိထားဖို့လိုပါတယ်။ တုပ်ကွေးနဲ့အအေးမိ မသဲကွဲတဲ့အခါတော်ကြာနေပျောက်သွားမှာပါ၊ ဆရာဝန်ပြဖို့မလိုပါဘူးဆိုပြီးပေါ့ဆနေတာမျိုးရှိကြပါတယ်။ အဖျားအရမ်းတက်လာရင်၊ အိပ်ရာထဲကမထနိုင်အောင် ဖျားနာနေရင် အချိန်ဆွဲမနေပါနဲ့။ အအေးမိဝေဒနာက ရက်ပိုင်းလောက်သူ့အချိန်ကုန်ရင် ကိုယ်ခံအားနဲ့တင် သက်သာနိုင်ပေမယ့် တုပ်ကွေးက အသက်အန္တရာယ်အထိပြင်းထန်လာနိုင်ပါတယ်။
  • တုပ်ကွေးဖြစ်လာရင် အိမ်မှာအနားယူပါ။ရောဂါမပြန့်ပွားစေဖို့ ကာကွယ်တဲ့အနေနဲ့ လူများတဲ့နေရာတွေမသွားပါနဲ့။
  • ပဋိဇီဝဆေးတွေကို လိုအပ်လို့သောက်ရပြီဆို အတိအကျမှန်ကန်စွာသောက်ပါ။ ဆရာဝန်ဆေးညွှန်းအတိုင်း ရက်စေ့အောင်သောက်ပါ။ရောဂါသက်သာလာတယ်ဆိုရင်တောင်ဆေးသောက်ဖို့မလိုတော့ဘူးဆိုပြီးမရပ်လိုက်ပါနဲ့။ ညွှန်းတဲ့အတိုင်း ဆုံးအောင်သောက်ပါ။
  • နေမကောင်းဖြစ်ချိန်မှာ လက်ကိုသန့်အောင်ဆေးကြောပါ၊အိပ်ရေးဝအောင်အိပ်ပါ၊အာဟာရပြည့်အောင်စားပါ။ အရမ်းအစားရှောင်ဖို့မလိုပါဘူး၊ပုံမှန်တော့စားလို့ရပါတယ်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ရေချိုးနေစဉ် ဆီးသွားသင့်လား

ရေချိုး ဆီးသွား အညစ်အကြေး အပေါ့ ရောဂါပိုး ဘက်တီးရီးယား ရေချိုးခန်း သန့်ရှင်းရေး ပိုးသန့်စင်ခြင်း ကြမ်းပြင် ဆီးလမ်းကြောင်း မိသားစု ရေကူးကန်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

ဆီးလမ်းကြောင်း ပိုးဝင်ခဲ့ရင် ဆေးအကူအညီမယူဘဲ ဘယ်လိုကုမလဲ

ဆီးလမ်းကြောင်း ပိုးဝင်ခြင်း ကျောက်ကပ် ဘက်တီးရီးယား ရောဂါပိုး ရေဓာတ် ဗီတာမင်စီ ဘယ်ရီသီး ရေသောက် ဆီးအောင့် အချဉ်ဓာတ် အသီးအနှံ ဟင်းသီးဟင်းရွက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

Covid-19 ကာလမှာ စမတ်ဖုန်းတွေကို ပိုးသတ်ပေးဖို့ လိုလား

Covid-19 ဖုန်းစကရင် ကပ်ဘေးကာလ သန့်ရှင်းရေး ရောဂါပိုး ဈေးဝယ်ထွက် ရုံးသွား အရေပြား အဝတ်စ ပန်ကာ လက်ဆေး အိမ်သာ အရက်ပြန် ဗိုင်းရပ်စ် ဘက်တီးရီးယား ပိုးသန့်စင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
Corona Virus, COVID-19 ဇွန် 30, 2020 . 2 mins read

သင့်မှာ ဆီးသွားချင်လျက် အောင့်ထားတတ်တဲ့ အကျင့်ရှိလား

ဆီးအောင့် ဆီးအိမ် ကျောက်ကပ် ဆီးလမ်းကြောင်း အသက်အရွယ် ရေဓာတ် ဆီးသွားချင်စိတ် အိမ်သာ ဘက်တီးရီးယား လေ့ကျင့်ခန်း ဆီးမထိန်းနိုင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

သမိုင်းဆိုးနဲ့ ပလိပ်ရောဂါပိုး တရုတ်တွင်တွေ့ပြန်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇူလိုင် 7, 2020 . 2 mins read
သစ်ကြံပိုးခေါက်၏ ကျန်းမာရေး အကျိုးပြုပုံ

သစ်ကြံပိုးခေါက်၏ ကျန်းမာရေး အကျိုးပြုပုံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် ဇူလိုင် 6, 2020 . 2 mins read
တုပ်ကွေး ကွေးတဲ့ ကလေးလေး မြန်မြန်သက်သာရေး

တုပ်ကွေး ကွေးတဲ့ ကလေးလေး မြန်မြန်သက်သာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 1, 2020 . 2 mins read

ပါးစပ်ထဲက တံထွေး ကျန်းမာရေးကို ဘယ်လို အထောက်အကူပြုသလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 1, 2020 . 2 mins read