ရင်သားကင်ဆာ တူတူစစ်ဆေးကြမယ်။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဒီဇင်ဘာ 5, 2020 . 2 mins read
Share now

ရင်သားကင်ဆာ က သားအိမ်ခေါင်းကင်ဆာလိုမျိုး ကာကွယ်ဆေးထိုးပြီး ကာကွယ်လို့မရပါဘူး။ ဒါပေမယ့် စောစောသိအောင်တော့ စစ်ဆေးလို့ရပါတယ်။ အရွယ်ရောက်ပြီးသားအမျိုးသမီးတွေက တစ်လတစ်ခါလောက် ကိုယ့်ရင်သားကို စစ်ဆေးသင့်ပါတယ်။ ၄၀ရာခိုင်နှုန်းသော ရင်သားကင်ဆာတွေက အမျိုးသမီးတွေ ကိုယ့်ဟာကိုယ်စစ်ဆေးရာက သိလာတာပါ။ ဒါကြောင့် ပုံမှန်စစ်ဆေးဖို့ လိုပါတယ်။ ရင်သားဓာတ်မှန်ကရောလို့ မေးစရာရှိပါတယ်။ ရင်သားဓာတ်မှန်က အလုံးအကျိတ်ကိုမစမ်းမိခင်မှာဘဲ ကင်ဆာကို ရှာဖွေနိုင်ကြောင့် ပိုကောင်းပါတယ်။ ဒါပေမယ့် ရင်သားဓာတ်မှန်ကို မရိုက်ဖြစ်တဲ့သူတွေအတွက် ရင်သားကို ကိုယ်တိုင်ပုံမှန်စစ်ဆေးတာက မိမိရင်သားရဲ့ အနေအထားကိုပိုပြီးသိစေပါတယ်။ တစ်ခုခုပြောင်းလဲတာကို အချိန်မီသိနိုင်ပါတယ်။

ဘယ်လိုစစ်ဆေးကြမလဲ။

အဆင့်(၃)ဆင့်ရှိပါတယ်။

မှန်ရှေ့မှာစမ်းနည်း

  • ခါးအထက်ပိုင်းမှာ ဘာမှမဝတ်ဘဲ ကိုယ်လုံးပေါ်မှန်ရှေ့ရပ်ပါ။ အလင်းရောင်ကောင်းကောင်းရပါစေ။ ရင်ဘတ်ကိုကြည့်ပါ။ နှစ်ဖက်ဆိုဒ်မတူလို့ လန့်မသွားပါနဲ့။ အမျိုးသမီးတွေတော်တော်များများက ဒီလိုပါပဲ။ လက်နှစ်ဖက်ကို ဘေးချပြီး ဆိုဒ်၊ ပုံစံ၊ အနေအထား၊ အပေါ်ယံအရေပြားကို ကြည့်ပါ။ အရေပြားချိုင့်တာ၊ လိမ္မော်ခွံလိုဖြစ်နေတာ၊ အနာဖြစ်တာ၊ အရောင်ပြောင်းတာရှိမရှိကြည့်ပါ။
  • နို့သီးခေါင်းကိုစစ်ကြည့်ပါ။ အနာတွေ၊ အရေပြားကွာတာတွေ၊ နို့သီးခေါင်း စောင်းနေတာတွေရှိမရှိကြည့်ပါ။
  • ခါးတင်းတင်းထောက်ပြီးရင်ကော့ထားပါ။ ခန္ဓာကိုယ်ကို ဟိုဘက်ဒီဘက်စောင်းပြီး ချိုင်းအောက်ကို သေချာကြည့်ပါ။
  • ခန္ဓာကိုယ်ကို ရှေ့နည်းနည်းကိုင်းပါ။ ရင်သားနှစ်ဖက်ရှေ့ကို ငိုက်ကျလာပါလိမ့်မယ်။ ထူးခြားတဲ့ပြောင်းလဲမှုရှိမရှိကြည့်ပါ။
  • လက်ချင်းယှက်ပြီးခေါင်းပေါ်တင်ထားပါ။ အားနဲ့ ခေါင်းကိုဖိပါ။ ရင်ဘတ်ကြွက်သားတွေတင်းလာပါလိမ့်မယ်။ ခန္ဓာကိုယ်ကို ဟိုဘက်ဒီဘက်စောင်းပြီး ချိုင်းအောက်ကို နောက်တစ်ခါထပ်ကြည့်ပါ။ ရင်သားက အိကျနေရင် အောက်ခြေကိုမမြင်ရနိုင်လို့ ရင်သားကို မတင်ပါ။
  • နို့သီးခေါင်းကို ညှစ်ကြည့်ပြီး အရည်ထွက်မထွက်စစ်ဆေးပါ။

ရေချိုးနေစဉ်စမ်းနည်း

  • ရေချိုးနေစဉ် လက်ညိုး၊လက်ခလယ်နဲ့ လက်သူကြွယ်ရဲ့ လက်ချောင်းထိပ်ကိုသုံးပြီး ရင်သားနှစ်ဖက်ကို စမ်းပါ။ ရေနဲ့ဆပ်ပြာရောနေတဲ့အတွက် စမ်းရတာပိုလွယ်ပါတယ်။ ရင်ဘတ်နဲ့ ချိုင်းအောက်မှာ အကြိတ်ရှိမရှိစမ်းပါ။ လက်တစ်ဖက်က ခါးထောက်ပြီး ကျန်တဲ့တစ်ဖက်နဲ့စမ်းပါ။
  • ညှပ်ရိုးရဲ့ အပေါ်နဲ့အောက်မှာလည်း အကြိတ်ရှိမရှိစမ်းပါ။
  • လက်တစ်ဖက်ကို ခေါင်းပေါ်ကကျော်ပြီး တောင့်ထားပါ။ ကျန်တဲ့တစ်ဖက်နဲ့ ရင်သားတစ်ခုလုံးကို စမ်းပါ။ ညှပ်ရိုးရောက်တဲ့အထိစမ်းပါ။ နောက်ရင်သားတစ်ဖက်ကိုလည်း ဒီတိုင်းစမ်းပေးပါ။

လှဲပြီးစမ်းနည်း

  • လှဲပြီး ခေါင်းအုံး ဒါမှမဟုတ် အဝတ်ထူထူကိုခေါက်ပြီး ဂုတ်အောက်မှာထားပါ။ ညာဖက်လက်ကို ခေါင်းအောက်မှာခုထားပါ။ ဘက်ဖက်လက်နဲ့ ညာဖက်ရင်သားကို စမ်းပါမယ်။ လိုးရှင်းတစ်ခုခုလိမ်းထားရင် ပိုပြီးစမ်းရလွယ်ပါတယ်။
  • လက်ကို စက်ဝိုင်းပုံစံလှည့်ပြီး ရင်သားတစ်ခုလုံးကို နှံ့နှံ့စပ်စပ်စမ်းပါ။ ချိုင်းထဲထိရောက်အောင်စမ်းပါ။
  • နောက်ဆုံးနို့သီးခေါင်းကို ဖိကြည့်ပါ။ အောက်မှာအလုံးတစ်ခုခုခံနေလား။ နို့သီးခေါင်းအလွယ်တကူနစ်ဝင်သွားလားဆိုတာကို စမ်းကြည့်ပါ။

အကျိတ်စမ်းမိရင်ဘယ်လိုလုပ်မလဲ။

မတော်တဆအကျိတ်စမ်းမိရင်လည်း မလန့်ပါနဲ့။ စမ်းမိတဲ့ အကျိတ်၁၀လုံးမှာ ၈လုံးက အန္တရာယ်မရှိတဲ့အကြိတ်ပါ။ ရာသီလာခါနီးစမ်းရင်လည်း ဟော်မုန်းကြောင့် ရင်သားတွေတင်းနေလို့ အကျိတ်လိုလိုစမ်းမိတတ်ပါတယ်။ ဒါကြောင့် ရာသီလာခါနီးနဲ့ လာနေချိန်မှာ မစမ်းပါနဲ့။

ကင်ဆာမရှိတာကို ရင်သားကို ကိုယ်တိုင်စမ်းကြည့်ရုံနဲ့ လုံလောက်ပါ့မလား။

ရင်သားဓာတ်မှန် (Mammogram)က အကျိတ်ကိုမစမ်းမိခင်မှာပဲ ရှာဖွေပေးနိုင်ပါတယ်။ ဒါပေမယ့် ရင်သားဓာတ်မှန်ကို ပုံမှန်မစစ်ဆေးနိုင်တဲ့သူတွေမှာ ကိုယ်တိုင်စစ်ဆေးတဲ့နည်းလမ်းက ပိုပြီးအကျိုးရှိပါတယ်။ ကိုယ့်ရင်သားရဲ့ ပုံမှန်အခြေအနေကို သိထားတဲ့အတွက် တစ်ခုခုပြောင်းလဲတာရှိရင် ချက်ချင်းတန်းသိမှာပါ။

ရင်သားကင်ဆာက စောစောသိလေလေ သေချာကုသလို့ ရလေလေပါပဲ။ စောစောသိဖို့အတွက် ရင်သားဓာတ်မှန်ကို ပုံမှန်ရိုက်ဖို့လိုပါတယ်။ ဒီလိုမရိုက်နိုင်ဘူးဆိုရင်လည်း ကိုယ့်ကိုယ်ကို တစ်လတစ်ခါလောက် စမ်းသပ်ပေးဖို့လိုပါတယ်။ အကျိတ်တစ်ခုခုစမ်းမိရင်လည်း မကြောက်ပါနဲ့။ ဆရာဝန်နဲ့ပြသပြီး လိုအပ်တဲ့ကုသမှုခံယူပါ။ စောစောသိဖို့ကသာ အရေးကြီးတာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကာကွယ်ဆေးထိုးပြီးလို့ ဘေးထွက်ဆိုးကျိုး ခံစားရရင် နောက်တစ်ကြိမ်ထပ်ထိုးသင့်လား။

ကာကွယ်ဆေး ထိုးပြီးလို့ ဘေးထွက်ဆိုးကျိုး ခံစားရတယ်ဆိုရင် နောက်တစ်ကြိမ်ထိုးသင့်ရဲ့လား။ ဘေးထွက်ဆိုးကျိုးတွေကို ဘယ်လိုသက်သာအောင် လုပ်လို့ရသလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အပ်ကြောက် လို့ ကာကွယ်ဆေးမထိုးချင်ဘူးဆို ဒီနည်းလမ်းတွေ လုပ်ကြည့်ပါ။

အပ်ကြောက် တဲ့သူတွေ ကာကွယ်ဆေးထိုးမယ်ဆို ဘာတွေ ပြင်ဆင်ထားသင့်သလဲ။ ကာကွယ်ဆေးလည်း ထိုးချင်တယ်၊ အပ်လည်းကြောက်တယ်ဆိုရင် ဘယ်လိုလုပ်လို့ရနိုင်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာကွယ်ဆေးနဲ့ ဓာတ်မတည့်ခြင်း ဆိုတာ

ဓာတ်မတည့်ခြင်း ဆိုတာဘာလဲ။ အန္တရာယ်ရှိလား။ ကိုဗစ်ကာကွယ်ဆေး ထိုးပြီးရင်ရော ဓာတ်မတည့်တာ ဖြစ်နိုင်သလား။ မဖြစ်အောင် ဘာတွေ ကြိုပြင်ဆင်ထားရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကာကွယ်ဆေးနဲ့ ကာကွယ်လို့ရတဲ့ ရောဂါ (၁၀) မျိုး

ကာကွယ်ဆေးနဲ့ ကာကွယ်လို့ရတဲ့ ရောဂါ များ ကဘာတွေဖြစ်မလဲ။ ရောဂါတွေက ဘယ်လောက်ထိ ပြင်းထန်ပြီး ကာကွယ်ဆေးတွေက ဘယ်လောက်ထိ ကာကွယ်ပေးနိုင်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
myths-about-cancer ကင်ဆာနဲ့ ပတ်သက်ပြီး

ကင်ဆာနဲ့ ပတ်သက်ပြီး သင်ဘာတွေ မှားသိထားလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
ဘရာ Size မှားနေပြီလား

ဘရာ Size မှားနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
သတိ ကိုဗစ် ရှိသေးသည်

သတိ ကိုဗစ်ရှိသေးသည်

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read