မျက်စိကျန်းမာရေး

လူတို့သည် အသက်ကြီးလာသည်နှင့်အမျှ ပိုအားနည်းလာကြပြီး ရောဂါဖြစ်နိုင်ခြေနှင့် ဖျားနာနိုင်ခြေပိုများလာကြသည်။ မျက်လုံးအာရုံကြောများပျက်စီး၍ ဖြစ်သောမျက်လုံးရေတိမ်စွဲခြင်းသည် အသက်ကြီးသူများတွင် ဖြစ်လေ့ရှိသော ကျန်းမာရေးပြဿနာတစ်ခုဖြစ်သည်။ ထိုရောဂါ၏ ဖြစ်လာနိုင်သည့် နောက်ဆက်တွဲဆိုးကျိုးများကို ကာကွယ်ရန် ဂရုပြုဆောင်ရွက်သင့်ပါသည်။ မျက်လုံးရေတိမ်ဖြစ်ခြင်းဆိုတာဘာလဲ။ မျက်လုံးရေတိမ်ဖြစ်ခြင်းသည် မျက်လုံးအတွင်းရှိ အာရုံကြောပျက်စီးသွားသောကြောင့်ဖြစ်သောရောဂါဖြစ်သည်။ ထိုအမြင်အာရုံကြောသည် မျက်လုံးတွင်းရှိမျက်ကြည်လွှာမှ ဖမ်းယူပေးသောအလင်းရောင်နှင့် ပုံရိပ်များကိုဦးနှောက်သို့ ပို့ပေးခြင်းဖြင့် ကျွန်ုပ်တို့ကို မြင်ရစေသည်။ မျက်လုံးရေတိမ်ဖြစ်လျှင် မျက်လုံးအတွင်းဖိအားများမှုကြောင့် အာရုံကြောမျှင်များပျက်စီးသွားသည်။ အာရုံကြောမျှင်များအတော်အတန်ပျက်စီးသွားသောအခါ အရာဝတ္ထုများကိုမမြင်နိုင်သော blind spot ဟုခေါ်သည့်နေရာကို ပိုကြီးမားလာစေပြီး မျက်လုံးအမြင်အာရုံချို့တဲ့လာခြင်းဖြစ်သည်။ ထိုမှတဆင့် မျက်လုံးကွယ်သွားလျှင် တစ်သက်စာပြန်ကုမရတော့ချေ။ လူအများစုသည် အာရုံကြောများအတော်ပျက်စီးသွားသည်အထိ မျက်စိမကွယ်ဘဲရှိနေနိုင်သော်လည်း အမြင်အာရုံကြောတခုလုံးပျက်စီးသွားလျှင် လုံးဝမျက်စိကွယ်သွားမည်ဖြစ်သည်။ မျက်လုံးရေတိမ်ဖြစ်ခြင်းသည် အသက်ကြီးသူများတွင် မျက်စိကွယ်ရခြင်း၏ အဓိကအကြောင်းရင်းဖြစ်ပြီး ရောဂါကိုစောသိပြီးကုသမှုခံယူခြင်း၊ မျက်စိဆရာဝန်နှင့်ပြသကာထပ်ဖြစ်လာနိုင်သော အာရုံကြောပျက်စီးမှုများကို ကာကွယ်ခြင်းတို့ပြုလုပ်သင့်ပါသည်။ ရောဂါလက္ခဏာများ • အမှောင်ထဲသို့သွားလျှင် ပုံမှန်လူများကဲ့သို့ကျင့်သားရရန်ခက်ခဲခြင်း • အနီး၊အဝေးရှိပစ္စည်းများကို အာရုံထားပြီးကြည့်ရန် ခက်ခဲခြင်း • အလင်းရောင်နှင့် စူးရှတောက်ပသောအလင်းများကိုမခံနိုင်သောကြောင့် မျက်တောင်တဖျတ်ဖျတ်ခတ်ခြင်း • […]

အဓိပ္ပါယ်ဖွင့်ဆိုချက်Eye Fatigue (မျက်စိညောင်းညာကိုက်ခဲခြင်း) ကဘာလဲ။ မျက်စိညောင်းတယ်၊ကိုက်တယ်ဆိုတာ သင့်မျက်စိကို ပြင်းပြင်းထန်ထန် အသုံးပြုပြီးတဲ့အခါ (ဥပမာ အကြာကြီးစာဖတ်တာ၊ခရီးဝေးကားမောင်းတာ ဒါမှမဟုတ် ဖုံး၊ကွန်ပြူတာ အစရှိတာတွေကို အချိန်ကြာမြင့်စွာ အသုံးပြုတာ) မျက်စိပင်ပန်းသွားတာ၊ညောင်းသွားတာကို ဆိုလိုပါတယ်။ ဒါဟာ စိတ်အနှောင့်အယှက်ဖြစ်စရာပေမယ့် သင့်အနေနဲ့ မျက်စိကို အနားပေးလိုက်တဲ့အခါ ဒါမှမဟုတ် တခြားနည်းလမ်းတွေနဲ့ မျက်စိကို သက်တောင့်သက်သာ ရှိအောင်လုပ်ပေးလိုက်တဲ့အခါ မျက်စိညောင်းတာ ပျောက်သွားလေ့ရှိတာမို့ အန္တရာယ်ရှိတဲ့ ကိစ္စတော့ မဟုတ်ပါဘူး။   ဘယ်အရာတွေက မျက်စိကို ညောင်းညာကိုက်ခဲစေနိုင်သလဲ။ ကားအကြာကြီးမောင်းတာ ဒါမှမဟုတ် အကြာကြီး စာဖတ်တာလိုမျိုး မျက်စိကို အင်မတန်အလုပ်လုပ်ခိုင်းထားတဲ့ အခြေအနေတွေအားလုံးဟာ မျက်စိညောင်းစေ၊ကိုက်စေပါတယ်။ အောက်ပါအရာတွေကို အကြာကြီးပြုလုပ်ရင် မျက်စိညောင်းစေပါတယ်။ စာဖတ်ခြင်း စာရေးခြင်း ကားမောင်းခြင်း အလင်းစူးစူးကို အကြာကြီးကြည့်တာ ဒါမှမဟုတ် အလင်းရောင်အားနည်းတဲ့ နေရာမှာ စာဖတ်ဖို့၊တခုခုကို မြင်ရဖို့ အပြင်းအထန်ကြိုးစားရင်လည်း မျက်စိညောင်းစေပါတယ်။ မျက်စိညောင်းညာကိုက်ခဲစေတဲ့ အဓိကအပြုအမူတွေထဲမှာ ကွန်ပြူတာ၊စမတ်ဖုန်း စတာတွေကို […]

အဓိပ္ပါယ်ဖွင့်ဆိုချက်Eye Twitching (မျက်ခွံအကြောလိုက်ခြင်း) ကဘာလဲ။ သင့်မျက်ခွံတွေ ထိန်းချုပ်လို့မရဘဲ အလိုလျောက် လှုပ်နေတာကို မျက်ခွံအကြောလိုက်တယ်လို့ ခေါ်ပါတယ်။ အပေါ်၊အောက် မျက်ခွံနှစ်ခုလုံးမှာ ဒီလိုအကြောလိုက်တာမျိုး ဖြစ်နိုင်ပေမယ့် အပေါ်မျက်ခွံမှာပဲ အဓိက ဖြစ်ပေါ်ပါတယ်။ လူအများစုအတွက် ဒီလိုအကြောလိုက်တာဟာ မသိမသာဖြစ်ပြီး မျက်ခွံလေးတချက်အသာလေး လှုပ်သွားတယ်လို့ပဲ ခံစားရလေ့ရှိပါတယ်။ တချို့တွေကျပြန်တော့လည်း မျက်ခွံအကြောဆွဲတာ အတော်ဆိုးတဲ့အတွက် မျက်လုံးကို လုံးဝမှိတ်ထားလိုက်ရတာမျိုးလည်း ဖြစ်ပေါ်လာနိုင်ပါတယ်။ တချို့လူတွေမှာ ဒါမျိုးဘယ်တော့မှ ဖြစ်ပေါ်လေ့မရှိပါဘူး။   Eye Twitching (မျက်ခွံအကြောလိုက်ခြင်း) က ဘယ်လောက်အဖြစ်များသလဲ အောက်ပါအချက်တွေက မျက်ခွံအကြောလိုက်အောင် ဆွပေးနိုင်ပါတယ်။ အရက်သောက်ခြင်း အလင်းရောင်စူးစူး ကဖင်းဓါတ်အလွန်အကျွံသောက်ခြင်း ပင်ပန်းနွမ်းနယ်ခြင်း မျက်စိအသား ဒါမှမဟုတ် မျက်ခွံအတွင်းပိုင်းမှာ နေမထိထိုင်မသာ ဖြစ်ခြင်း ပင်ပင်ပန်းပန်းလှုပ်ရှားထားခြင်း ဆေးလိပ်သောက်ခြင်း စိတ်ဖိစီးမှု များခြင်း လေတိုက်ခြင်း လက္ခဏာများEye Twitching (မျက်ခွံအကြောလိုက်ခြင်း) ရဲ့လက္ခဏာတွေကဘာတွေလဲ။ မျက်ခွံမှာ ရှိတဲ့ကြွက်သားတွေ ထိန်းချုပ်လို့မရဘဲ တဆတ်ဆတ်လှုပ်နေခြင်းပဲ ဖြစ်ပါတယ်။   ဘယ်အချိန်မှာ ဆေးကုသမှု ခံယူသင့်သလဲ။ မျက်ခွံအကြောလိုက်တာဟာ ကာလကြာရှည်ဖြစ်နေတယ် ဒါမှမဟုတ် အောက်ပါဝေဒနာတွေပါ ခံစားနေရပြီဆိုရင်တော့ […]

အဓိပ္ပါယ်ဖွင့်ဆိုချက်Strabismus (မျက်စိစွေခြင်း) ကဘာလဲ။ မျက်စိစွေခြင်း ဆိုသည်မှာ မျက်စိနှစ်လုံးစလုံးက ဦးတည်ရာ တစ်နေရာတည်းကို ကြည့်လို့မရတဲ့ အခြေအနေတစ်ခု ဖြစ်ပါတယ်။ မျက်စိနှစ်လုံးဟာ တောင်တစ်လုံး၊မြောက်တစ်လုံးဆိုသလို ဖြစ်နေပါလိမ့်မယ်။ မျက်စိတစ်လုံး (သို့) နှစ်လုံး စလုံးက အတွင်းဖက် ဒါမှမဟုတ် အပြင်ဖက်ကို ကြည့်နေတဲ့ ပုံစံ ဖြစ်နေမှာပါ။ ပိုအားကောင်းတဲ့ မျက်လုံးက ထုတ်ပေးတဲ့ အချက်ပြမှုတွေကိုပဲ ဦးနှောက်က အသုံးပြုတာဖြစ်တဲ့အတွက် အချိန်ကြာလာတဲ့အခါ အားနည်းတဲ့ မျက်လုံးကို အသုံးပြုတာ နည်းလာတာကြောင့် စောစီးစွာ မကုသဖူးဆိုရင် အမြင်အာရုံဆုံးရှုံးတဲ့အထိ ဖြစ်လာနိုင်ပါတယ်။ Strabismus (မျက်စိစွေခြင်း) က ဘယ်လောက်အဖြစ်များသလဲ ဒီရောဂါဟာ ကလေးတွေမှာ အလွန်အဖြစ်များသလို အရွယ်ရောက်ပြီး လူကြီးတွေမှာလည်း ဖြစ်ပွားနိုင်ပါတယ်။ ကလေးတွေမှာ မျက်စိစွေတာဟာ မွေးရာပါဖြစ်ပြီး အသက်သုံးလလောက်ရောက်တဲ့အထိ သတိမထားမိဘဲ ရှိနေတတ်ပါတယ်။ လူကြီးတွေမှာ ဆိုရင်တော့ ဆီးချို၊လေဖြတ်တာ ဒါမှမဟုတ် မျက်လုံးထိခိုက်ဒါဏ်ရာ […]

အဓိပ္ပါယ်ဖွင့်ဆိုချက်Corneal Foreign Body And Corneal Abrasion (မျက်ကြည်လွှာပြင်ပပစ္စည်းဝင်ခြင်း နှင့် မျက်ကြည်လွှာ ပွန်းပဲ့ခြင်း) ကဘာလဲ။ မျက်ကြည်လွှာ ပွန်းပဲ့ခြင်းဆိုသည်မှာ ပြင်ပပစ္စည်းတစ်ခု ကြောင့် မျက်ကြည်လွှာ မျက်နှာပြင်တွင် ခြစ်ရာထင်ခြင်းကို ခေါ်ပါသည်။ မျက်ကြည်လွှာသည် မျက်လုံးအပြင်ဘက် ရှိ ကြည်လင်တောက်ပသော အရည်အလွှာတစ်ခုဖြစ်ပြီး အကာ အကွယ်ပေးသော ဒိုင်းအဖြစ် ဆောင်ရွက်ပေးပါသည်။ အရာ ဝတ္ထုမှလာသော အလင်းကို မျက်လုံးတွင်းရှိ ပုံရိပ်ဖော်အလွှာ (retina) တွင် စုဆုံစေပါသည်။ ဖုန်မှုန့်၊ သဲမှုန့်၊ သေးငယ်သော အင်းဆက်များ စသော ပြင်ပပစ္စည်းများသည် မျက်လုံးတွင်း ဝင်ရောက်ကာ မျက်ကြည်လွှာတွင် ကပ်ကျန်နေနိုင်ပါသည်။ သေချာ မကုသပါက မျက်ကြည်လွှာ လုံး၀ ပျက်စီးဆုံးရှုံးသွားနိုင်ပါသည်။ Corneal Foreign Body And Corneal Abrasion (မျက်ကြည်လွှာပြင်ပပစ္စည်းဝင်ခြင်း […]

မုန်လာဥနီဟာ မျက်စိကျန်းမာရေးအတွက်အဓိကအရေးပါတဲ့ အစားအစာဖြစ်တယ်လို့ကျွန်တော်တို့သိထားကြပါတယ်။ မုန်လာဥနီမှာ ပါဝင်တဲ့ beta-carotene ဓါတ်ဟာ မြင်လွှာအပါအဝင်အခြားသော မျက်စိအစိတ်အပိုင်းတွေ ကောင်းကောင်းအလုပ်လုပ်နိုင်အောင် ကူညီဆောင်ရွက်ပေးတာကြောင့် မုန်လာဥနီဟာ မျက်စိရောဂါတွေအတွက် ကောင်းတယ်ဆိုတာ အရမ်းမှန်ပါတယ်။ ဒါပေမယ့် သင့်ကလေး မျက်လုံးကောင်းဖို့ အတွက် လိုအပ်တဲ့ တခြားဗီတာမင်ဓါတ်တွေလည်း ရှိပါသေးတယ်။ သင့်ရင်သွေးလေး အမြင်အာရုံစူးရှမှသာ ပတ်ဝန်းကျင်က စိတ်ဝင်စားစရာအရာတွေကို ပျော်ပျော်ပါးပါးလေ့လာနိုင်မှာ ဖြစ်ပါတယ်။ ဒါကြောင့် သားသားမီးမီးလေးတွေ မျက်စိအားကောင်းအောင် ကူညီပေးနိုင်တဲ့အစားအစာတွေအကြောင်း ဖတ်ကြည့်လိုက်ရအောင်။ သင့်ကလေး မျက်လုံးကောင်းဖို့ ဘာတွေစားရမလဲ အစိမ်းရင့်ရောင်ရှိတဲ့ အသီးအရွက်တွေ ဒီအသီးအရွက်တွေဟာ သင့်ခန္ဓါကိုယ်အိုမင်းရင့်ရော်မှုကို တားဆီးကာကွယ်ပေးနိုင်တဲ့ antioxidants တွေများစွာ ပါဝင်တဲ့အပြင် lutein, zeaxanthin, beta-carotene, vitamin A, vitamin C, vitamin E,vitamin K, ကယ်လ်ဆီယမ်, ဇင့်ဓါတ်, သံဓါတ်နဲ့အမျှင်ဓါတ်တွေလည်းပါဝင်နေပါသေးတယ်။ lutein နဲ့zeaxanthinတို့ဟာ […]

မျက်ကပ်မှန်တွေဟာ သင့်ကို ကြည့်လို့လှစေပြီး အမြင်အာရုံကိုလည်း ကြည်လင်စေပါတယ်။ မျက်ကပ်မှန်ကို အခုမှ အသုံးပြုမယ့်သူဆိုရင်တော့ သူတို့ကို ကိုင်တွယ်ခြင်းနဲ့ တပ်ဆင်ခြင်းမှာ ဒုက္ခရောက်နိုင်ပါတယ်။ သင့်မျက်လုံးတွေကို အကျင့်ရစေဖို့ အချိန်အနည်းငယ်လိုအပ်မှာ ဖြစ်ပြီး သိပ်မကြာခင်မှာပဲ တပ်ထားတယ်ဆိုတာတောင် သတိရမှာ မဟုတ်တော့ပါဘူး။ ဒီဆောင်းပါးမှာတော့ မျက်ကပ်မှန် စတပ်သူတွေအတွက် ဆောင်ရန်ရှောင်ရန်တွေကို ဖေါ်ပြပေးလိုက်ပါတယ်။ ၁။ မျက်ကပ်မှန်တပ်ခြင်း စစချင်းမှာတော့ မျက်ကပ်မှန် တပ်ခြင်း၊ ချွတ်ခြင်းဟာ ရှုပ်ထွေးသယောင် ထင်ရမှာ ဖြစ်ပါတယ်။ မျက်လုံးကို ထိရာမှာ အနည်းငယ်ကြမ်းတမ်းနေနိုင်ပါသေးတယ်။ နောက်ပိုင်းမှာတော့ မျက်ကပ်မှန်တပ်ခြင်းဟာ သွားတိုက်ရတာလိုမျိုး လွယ်ကူလာမှာ ဖြစ်ပါတယ်။ လွယ်ကူစွာ တပ်ဆင်နိုင်စေဖို့ တစ်ဆင့်ပြီးတစ်ဆင့် ဖေါ်ပြထားတဲ့ လမ်းညွှန်တွေကို ဖတ်သင့်ပါတယ်။ မျက်စိတစ်ဖက်ကနေပဲ အမြဲစတင်ပါ။ ဒါဆို ရောနေတာမျိုးတွေ ဖြစ်မှာ မဟုတ်တော့ပါဘူး။ မျက်ကပ်မှန် တပ်တဲ့ သူငယ်ချင်းရှိပါသလား။ ဒါဆို […]

သင်၏မျက်စိ တစ်စုံကို သတိမပြုဂရုမစိုက်ဘဲ ဘယ်တော့မှ မထားသင့်ပါ။ မျက်ဈိန်းမာရေးအတွက် ချစ်မေတ္တာနှင့် ဂရုစိုက်မှု လိုအပ်ပါသည်။ အောက်ပါတို့သည် သင့်မျက်စိကျန်းမာရေးအတွက် လိုက်နာသင့်သည်များ ဖြစ်ပါသည်။   ကျန်းမာရေးနှင့်ညီညွတ်သော အစားအစာ မျက်စိကျန်းမာရေးအတွက် ကျန်းမာရေးနှင့် ညီညွတ်သော အစားအစာကစတင်ရမည်။ အသက်အရွယ်ကြီးမြင့်လာ သောကြောင့် ဖြစ်သော မျက်စိရောဂါများ(ဥပမာ-မြင်လွှာနောက်ခံအင်္ဂါပျက်စီးခြင်း၊အတွင်းတိမ်)စသည်တို့မှ ကာကွယ်ရန် အိုမီဂါ၃ အက်ဆစ်၊ဇင့်ဓါတ်၊လူတီယင်ဓါတ်၊ဗီတာမင် စီနှင့် အီး တို့ပြည့်ဝနေရန်လိုအပ်သည်။ ထို အာဟာရ ဓါတ်များ ရရှိရန် အစိမ်းရောင်ဟင်းသီးဟင်းရွက်များ၊ပင်လယ်ငါး၊ကြက်ဥ၊အစေ့အဆန်၊ပဲ အမျိုးမျိုး၊ချဉ်သောအသီးများ၊ကင်းမွန်၊ နှင့် ဝက်သားတို့ကို စားပေးရမည်။ ကျန်းမာစေသော အာဟာရသည် မျက်စိကွယ်ခြင်း၏ အကြောင်းအရင်းများ ဖြစ်သည့် အဝလွန်ခြင်း နှင့် ဆီးချိုရောဂါ ကို ကင်းဝေးစေသည်။   ဆေးလိပ်သောက်ခြင်းကို ရှောင်ကြဉ်ပါ ဆေးလိပ်သောက်ခြင်းသည်အတွင်းတိမ်ရောဂါ၊အမြင်အာရုံကြောပျက်ဆီးသည့်ရောဂါ နှင့် မြင်လွှာနောက်ခံသားပျက်စီးသည့် ရောဂါတို့ ဖြစ်နိုင်ချေကို တိုးမြင့်စေသည်။ ဆေးလိပ်ဖြတ်ရန် ခက်ခဲသည့် အတွက် ဆေးလိပ်စွဲသူ အများစု သည် ပထမအကြိမ်ကြိုးစားရုံဖြင့်မအောင်မြင်တတ်ပေ။ သို့သော်လည်း […]

Glaucoma (မျက်စိ ရေတိမ်) အကြောင်းလေးကို လေ့လာလိုက်ရအောင်နော်။ အဓိပ္ပါယ်ဖွင့်ဆိုချက် Glaucoma (မျက်စိ ရေတိမ်) ကဘာလဲ။ ရေတိမ်ဆိုသည်မှာ အမြင်အာရုံကြော ပျက်စီးခြင်းကြောင့် ဖြစ်ပေါ်လာသော မျက်စိရောဂါဖြစ်ပြီးအမြင်အာရုံ ချို့ယွင်းခြင်း၊ အမြင်ကွယ် ခြင်းများကို ဖြစ်စေနိုင်ပါသည်။ ပုံမှန်အားဖြင့် မျက်စိတွင်းဖိအား များခြင်းကြောင့် ဖြစ်ပေါ်လာခြင်းဖြစ်သည်။ အမြင်အာရုံကြောသည် အာရုံကြောအမျှင်များစုထားသည့် အစုအစည်းတစ်ခုဖြစ်ပြီးမျက်ကြည်လွှာနှင့် ဦးနှောက်ကိုဆက်သွယ်ထား၏။ အမြင်အာရုံကြောပျက်စီးသည့်အခါ ဦးနှောက်ကိုပို့နေသည့်အမြင်အချက်အလက်များအနှောင့်အယှက်ဖြစ်စေသည်။ ဒီအခြေအနေမှတစ်ဆင့်တဖြည်းဖြည်းနှင့်အမြင်ကွယ်ခြင်းကိုဖြစ်စေနိုင်ပါသည်။ ရေတိမ်အမျိုးအစား အမျိုးမျိုး ရှိပါသည်။ ထောင့်ပွင့်ရေတိမ်၊ ထောင့်ပိတ်ရေတိမ်၊ ပုံမှန်ဖိအားရှိရေတိမ်၊ ရောင်ခြယ်ရေတိမ်၊ မွေးရာပါ ရေတိမ်၊ တစ်ဆင့်ခံရေတိမ်တို့ ဖြစ်သည်။ အတွေ့ရများဆုံးသည် ထောင့်ပွင့်ရေတိမ်ဖြစ်သည်။ Glaucoma (မျက်စိ ရေတိမ်) က ဘယ်လောက်အဖြစ်များသလဲ ရေတိမ်သည် တွေ့နေကျမျက်စိရောဂါဖြစ်သည်။ ၎င်းသည်အသက်အရွယ်မရွေးဖြစ်ပွားနိုင်ပြီးအသက် ၆၀ ကျော်များတွင် အတွေ့ရအများဆုံးဖြစ်သည်။ ရေတိမ်သည် အမြင်ကွယ်ခြင်းကိုဖြစ်စေသောအကြောင်းတစ်ခုလည်းဖြစ်၏။ ရောဂါဖြစ်ပွားနိုင်သောအချက်အလက်များကိုလျှော့ချခြင်းအားဖြင့် စီမံနိုင်ပါသည်။ အချက်အလက်များထပ်မံသိရှိဖို့အတွက် ဆရာဝန်နှင့် တိုင်ပင်ဆွေးနွေးသင့်ပါသည်။ လက္ခဏာများ Glaucoma (မျက်စိ ရေတိမ်) ရဲ့လက္ခဏာတွေကဘာတွေလဲ ရေဂါလက္ခဏာများသည် […]

အဓိပ္ပါယ်ဖွင့်ဆိုချက်Cataracts (အတွင်းတိမ်) ကဘာလဲ။ အတွင်းတိမ်ဆိုသည်မှာ မျက်စိအတွင်းရှိ မှန်ဘီလူး(Lens)ကို တိမ်ဖုံးစေသော မျက်စိရောဂါ တစ်မျိုးဖြစ်ပါတယ်။ အတွင်းတိမ်ဖြစ်နေသော သူသည် မြူနှင်းကျနေသော ပြတင်းပေါက်မှာ တစ်ဆင့် ကြည့်နေရသကဲ့သို့ ခံစားရတယ်။ အတွင်းတိမ် အများစုက တဖြည်းဖြည်း စဖြစ်လာပြီး အစပိုင်းအခြေ အနေတွင် ဒုက္ခမပေးပါ။ သို့သော် အချိန်ကြာလာတာနဲ့အမျှ အတွင်းတိမ်သည် မြင်ကွင်းကို နှောင့်ယှက်လာနိုင်ပါတယ်။ ကားမောင်း၊ စာဖတ်နဲ့ နေ့စဉ်လုပ်ငန်းများ လုပ်ဆောင်ရာတွင် အခက်အခဲများဖြစ်လာ စေတယ်။ Cataracts (အတွင်းတိမ်) က ဘယ်လောက်အဖြစ်များသလဲ ဒီရောဂါဟာ အဖြစ်များပါတယ်။ များသာအားဖြင့် အသက်(၈၀)ကျော် အမျိုးသားရော၊ အမျိုးသမီးမှာပါ ဖြစ်တတ်တယ်။ ဖြစ်ပွားနိုင်ချေကို မြင့်စေသော အကြောင်းရင်းများကို ရှောင်ခြင်း ဖြင့် ရောဂါဖြစ်နိုင်ချေနှုန်းကို လျှော့ချနိုင်ပါတယ်။ အချက်အလက်များ ထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ လက္ခဏာများCataracts (အတွင်းတိမ်) ရဲ့လက္ခဏာတွေကဘာတွေလဲ အတွင်းတိမ်ရဲ့ […]