ဆေးဖက်ဝင်တဲ့ ပုဏ္ဏရိတ်

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

ခြံစည်းရိုးပင်အနေနဲ့အစိုက်များကြတဲ့ ပန်းသေးသေးလေးတွေပွင့်ကြတဲ့ ပုဏ္ဏရိတ်ကို ငယ်ငယ်ကတည်းကမြင်ဖူးကြမှာပါ။ ခူးပြီးတော့ ပန်းကုံးလှလှလေးလုပ်ပြီးဆော့ခဲ့သေးတယ်ဟုတ်။ ပုဏ္ဏရိတ်သီးလေးတွေ စားဖူးတဲ့သူတောင်ရှိမှာပါနော်။ ဒီအပင်လေးကဆော့လို့ကောင်းရုံသက်သက်မဟုတ်သလို ကြည့်လို့လှတယ်ဆိုတာထက်လည်း ပိုပါတယ်နော်။ ဘာကြောင့်ဒီလိုပြောရတာလဲဆိုတော့ ပုဏ္ဏရိတ်ပင်လေးတွေကဆေးဖက်ဝင်တာကြောင့်ပါ။

ပုဏ္ဏရိတ် ဆိုတာ

ပန်းပွင့်နီနီလေးတွေ၊ ပန်းရောင်လေးတွေပွင့်တတ်တဲ့ အပင်ငယ်တစ်မျိုးပေါ့။ အစုလိုက်ပေါက်တတ်ကြပါတယ်။ ချုံပင်တစ်မျိုးဖြစ်ပြီး များသောအားဖြင့်ကတော့ခြံစည်းရိုးအနေနဲ့ ရွာဘက်တွေမှာစိုက်ကြတာများပါတယ်။ အရွက်ခပ်ထူထူလေးနဲ့ ကြည့်ရတာ စိမ်းစိမ်းစိုစိုရှိပါတယ်။ အပူပိုင်းမှာတောင်ပေါက်ရောက်နိုင်ပါတယ်။

ပုဏ္ဏရိတ်ရဲ့ ကျန်းမာရေးအာနိသင်

အလှစိုက်ထားလေ့ရှိတဲ့ ပုဏ္ဏရိတ်ပန်းလေးတွေက အခုလိုကျန်းမာရေးအကျိုးကျေးဇူးလေးတွေပေးစွမ်းနိုင်ပါတယ်။

တီဘီရောဂါအတွက်အသုံးပြုနိုင်ပါတယ်

တီဘီရောဂါဆိုတာက ကိုယ်တွင်းမှာဖြစ်တဲ့ရောဂါတစ်မျိုးပါ။ချောင်းဆိုးလိုက်တဲ့အခါသွေးပါတာမျိုးတွေ့ရနိုင်ပါတယ်။ တီဘီရောဂါဖြစ်ပြီဆိုရင် ချက်ချင်းကုသမှုခံယူဖို့လိုပါတယ်နော်။ တီဘီရောဂါက မကုသဘဲထားမယ်ဆိုရင် အသက်အန္တရာယ်ထိခိုက်စေနိုင်ပါတယ်။ တီဘီရောဂါကလေထဲကနေတဆင့်ကူးစက်တာပါ။ တီဘီရောဂါကိုဆေးဝါးတွေနဲ့ကုသတာက အထိရောက်ဆုံးပါ။ ဒါပေမယ့် သဘာဝဆေးအနေနဲ့ကတော့ ပုဏ္ဏရိတ်ပင်ကို သုံးလို့ရပါတယ်နော်။

သွေးတိုးသက်သာစေနိုင်တယ်

အသက်အရွယ်ရလာတဲ့ လူတော်တော်များများမှာတွေ့ရတဲ့ရောဂါတစ်ခုပေါ့။သွေးတိုးတာကြောင့်ခေါင်းကိုက်တြာဖစ်နိုင်သလို တစ်နေ့တာအလုပ်တွေကိ မလုပ်နိုင်တာမျိုးလည်းဖြစ်နိုင်ပါတယ်။သွေးတိုးကရေရှည်မှာ နှလုံးကိုထိခိုက်စေနိုင်ပါတယ်။ ဒါကြောင့်သွေးတိုးရှိသူတွေအနေနဲ့ ပုဏ္ဏရိတ်ရွက်ကို သုံးလို့ရပါတယ်နော်။

အနာကျက်စေနိုင်တယ်

ပုဏ္ဏရိတ်အရွက်မှာ အနာကျက်စေနိုင်တဲ့ အစွမ်းသတ္တိရှိပါတယ်။ ပုဏ္ဏရိတ်ပင်ရဲ့ သဘာဝဓါတ်ပေါင်းတွေက အနာကိုမြန်မြန်ကျက်စေဖို့ လှုံ့ဆော်ပေးပါတယ်။ အနာအတွက် ပုဏ္ဏရိတ်ရွက်ကို သုံးမယ်ဆိုရင်တော့ရေကိုသန့်စင်အောင်ဆေးဖို့ပြောပါရစေနော်။ မလိုအပ်ဘဲ အနာပိုးဝင်တာမျိုးမဖြစ်စေဖို့ပါ။

ခန္ဓါကိုယ်နာကျင်တာကို သက်သာစေနိုင်ပါတယ်

ခန္ဓါကိုယ်မှာ နာကျင်ကိုက်ခဲတာတွေကို သက်သာစေဖို့ဆေးမသောက်ချင်ဘူးဆိုသူတွေအတွက် သဘာဝနည်းလမ်းကောင်းတစ်ခုရှိပါတယ်။ ဒါကတော့ ပုဏ္ဏရိတ်ရွက်ပြုတ်ရည်ကို နာကျင်ကိုက်ခဲမှုတွေအတွက် အသုံးပြုလို့ရတယ်ဆိုတာပါ။ဆေးတွေကိုကြောက်တဲ့သူတွေအတွက် အသုံးတည့်မှာပါ။

လိပ်ခေါင်းသက်သာစေနိုင်တယ်

လိပ်ခေါင်းဖြစ်တာက ထိုင်ရထရခက်တဲ့ဝေဒနာတစ်ခုပါ။ ထိုင်နေစဉ်မှာ မသက်မသာခံစားရသလို ဝမ်းသွားတဲ့အခါမှာလည်းတော်တော်လည်းနေရခက်ပါတယ်။ပြင်းထန်တဲ့အခြေအနေမျိုးမှာသွေးထွက်တာမျိုးဖြစ်နိုင်ပါတယ်။ အရမ်းပြင်းထန်တဲ့အနေအထားမျိုးမှာ ခွဲစိတ်ကုသတာမျိုးအထိဖြစ်နိုင်ပါတယ်။ ဒီပြဿနာကိုဖြေရှင်းပေးနိုင်မယ့် သဘာဝဆေးဖက်ဝင်အပင်တစ်ခုကတော့ ပုဏ္ဏရိတ်ပန်းပါ။ အရမ်းမပြင်းထန်သေးတဲ့ လိပ်ခေါင်းပြဿနာကို ပုဏ္ဏရိတ်ပန်းက ထိထိရောက်ရောက်ဖြေရှင်းပေးနိုင်ပါတယ်။

ဝမ်းကိုက်သက်သာစေနိုင်တယ်

ဝမ်းကိုက်သက်သာစေဖို့အတွက်လည်း ပုဏ္ဏရိတ်ပန်းကို အသုံးပြုလို့ရပါတယ်။ ပုဏ္ဏရိတ်ပင်မှာရောဂါတွေကို သက်သာစေနိုင်တဲ့ သဘာဝဓါတ်ပေါင်းတွေပါဝင်နေတာကြောင့် ဝမ်းကိုက်တာကိုလည်း သက်သာစေနိုင်ပါတယ်။

ရာသီသွေးမှန်စေနိုင်တယ်

လေဒီလေးတွေကျန်းမာဖို့အတွက်က ရာသီသွေးမှန်ဖို့လည်းလိုအပ်ပါတယ်။ ရာသီသွေးပုံမှန်ဆင်းမှာ အသားအရေကစလို့ တစ်ကိုယ်လုံးကျန်းမာမှာပါ။ဘေဘီလေးလိုချင်တဲ့လေဒီတို့အတွက်လည်း အဆင်ပြေစေမှာပါ။ ဒါကြောင့်လေဒီတိုင်းအတွက်အရေးပါတဲ့ ရာသီသွေးမှန်စေဖို့ဆိုရင် ပုဏ္ဏရိတ်ပန်းကို အသုံးပြုပေးလို့ရပါတယ်။
ခြေသလုံးတွေ ကိုက်ခဲတာကို သက်သာစေနိုင်ပါတယ်
အကိုက်အခဲပျောက်စေနိုင်တဲ့ အာနိသင်ရှိပါတယ်။ခြေသလုံးကြွက်သားတွေနာကျင်ကိုက်ခဲနေတာကို အမြန်ဆုံးနဲ့ အထိရောက်ဆုံးသက်သာစေနိုင်မှာပါ။ ကြွက်သားတွေကိုပြေလျော့စေပြီး နာကျင်ကိုက်ခဲမှုကို သက်သာစေမှာပါ။
ငယ်ငယ်ကဆော့ခဲ့တဲ့ ပုဏ္ဏရိတ်ပင်လေးက အပေါ်မှာပြောခဲ့သလိုလေးတွေလည်းဆေးဖက်ဝင်ပါသေးတယ်နော်။
Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ ဧပြီ 2, 2019 | နောက်ဆုံးတည်းဖြတ်ခြင်း စက်တင်ဘာ 16, 2019

ရင်းမြစ်များ
သင်ဒါလည်း နှစ်သက်နိုင်ပါတယ်။