စိတ်ဖိစီးမှုများခြင်းဟာ အစာအိမ်အူလမ်းကြောင်းကို ထိခိုက်စေပါတယ်။ အစာအိမ်အနာဖြစ်ခြင်း၊ ဝမ်းပျက်ခြင်း၊ ဝမ်းချုပ်ခြင်း၊ အူရောင်ရမ်းခြင်း စတာတွေနဲ့ ဆက်စပ်နေပါတယ်။ စိတ်ဖိစီးမှုများချိန်မှာ ထွက်တဲ့ဟော်မုန်းများဟာ သွေးနဲ့တခြားစွမ်းအင်တွေကို အူလမ်းကြောင်းကနေ တခြားနေရာတွေကို ပိုပြီး ဦးစားပေးရောက်ရှိသွားတာကြောင့် အစာချေရာမှာ အားနည်းပါတယ်။ အူလမ်းကြောင်းအနာဖြစ်ပြီး ရောင်ရမ်းသူတွေမှာ တရားထိုင်ခြင်း၊ အကြောလျှော့ခြင်း စတဲ့ စိတ်ဖိစီးမှုလျော့ပါးစေတဲ့ နည်းလမ်းတွေကျင့်သုံးရင် ပိုပြီး သက်သာကောင်းမွန်မှုရှိတာ တွေ့ရပါတယ်။
အစာများများကို မြန်မြန်နဲ့စားခြင်းဟာ လေပွခြင်း၊ လေထခြင်း၊ အစာမကြေခြင်း စတာတွေကို ဖြစ်ပေါ်စေပါတယ်။ ဒါကြောင့် အစာစားတိုင်းမှာ ကြေညက်အောင် သေချာစားသုံးသင့်ပါတယ်။
ဒါကြောင့် ဖြည်းဖြည်းစားပါ။ စားသောက်ချိန်မှာ ဖုန်း၊ တီဗီမကြည့်ပါနဲ့။ စားတဲ့အလုတ်တိုင်းမှာ သတိကပ်ပါ။ ကြေညက်အောင် ဝါးစားပါ။ အစာကို ကြေညက်စွာဝါးစားခြင်းဟာ အာဟာရဓာတ်တွေကို ပိုမိုပြည့်ဝစွာ ရရှိဖို့ အထောက်အကူပြုပါတယ်။
လေ့ကျင့်ခန်းပုံမှန်လုပ်ခြင်းဟာ အစာခြေစနစ်ကို အထောက်အကူပြုပါတယ်။ လှုပ်လှုပ်ရှားရှားနေတဲ့အခါ အစာများကို အူလမ်းကြောင်းတလျှောက် ကောင်းစွာ ရွေ့လျားစေပါတယ်။ ထမင်းစားပြီးချိန် အနည်းဆုံး လမ်းလျှောက်ပေးသင့်ပါတယ်။ လှုပ်ရှားတက်ကြွစွာ နေထိုင်ခြင်းဟာ ဝမ်းချုပ်ခြင်းကိုလည်း ကာကွယ်ပေးပါတယ်။
၈။ မိမိခန္ဓာကိုယ်ရဲ့စကားကို နားထောင်ပါ
မိမိခန္ဓာကိုယ်ကနေ ဗိုက်ပြည့်နေသလား၊ ဗိုက်ဆာနေသလား အလေးထားပါ။ အလွန်အကျွံစားမိခြင်းဟာ လေပွခြင်း၊ အစာမကြေခြင်း စတာတွေ ဖြစ်စေပါတယ်။ ဆာလွန်းမှ အစာစားခြင်းဟာ မကောင်းသလို ဗိုက်တင်းအောင်စားခြင်းဟာလည်း မကောင်းပါဘူး။ ဗိုက်ဆာခြင်းစတင်တဲ့အချိန်မှာ စားသောက်သင့်ပါတယ်။ မိမိဗိုက်ပြည့်ရုံ ခံစားချက်ပေါ်လာရင် အလွန်အကျွံ ဆက်ပြီးမစားသင့်ပါဘူး။
ခြုံပြီးပြောရရင် စားသောက်မှုပုံစံ၊ နေထိုင်မှုပုံစံပြောင်းလဲပေးခြင်းအားဖြင့် အစာအိမ်အူလမ်းကြောင်းကို ပိုမိုကောင်းမွန်စေနိုင်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။