ကော်တီဆောပမာဏဟာ မနက်ပိုင်းမှာ အမြင့်ဆုံးကို ရောက်နေတတ်ပါတယ်။ တစ်ညလုံးအစာမစားဘဲ မနက်စာလည်း မစားရသေးချိန်မှာ ပိုမိုမြင့်မားနေတတ်ပါတယ်။ ဒါကြောင့် အစာမရှိဘဲ ပြေးခြင်းဟာ ကော်တီဆောကို မြင့်မားစေပြီး ကြွက်သားတွေကို ပျက်စီးအားနည်းဖြင်း ဖြစ်စေတတ်ပါတယ်။
အစာလုံးဝမစားဘဲပြေးခြင်းဟာ သွေးတွင်းမှာရှိတဲ့ ဂလူးကို့စ်ဓာတ်ကို ကျဆင်းစေပါတယ်။ အထူးသဖြင့် ဆီးချိုရောဂါရှိပြီး ဆီးချိုကျဆေး သုံးစွဲနေရသူတွေမှာ ဖြစ်ပါတယ်။ သွေးတွင်း သကြားဓာတ် အလွန်အကျွံကျဆင်းသွားရင် အန္တရာယ်ရှိပါတယ်။
……………………………………………………………………………….
ဘာလုပ်သင့်လဲ
ကောင်းတာကတော့ မပြေးခင်မှာ အစာအနည်းငယ်စားပေးဖို့ပါပဲ။ ဒါမှသာ မိမိပြုလုပ်လိုတဲ့ လေ့ကျင့်ခန်းတွေကို ဘေးကင်းစိတ်ချစွာ ပြုလုပ်နိုင်မှာ ဖြစ်ပါတယ်။ ကိတ်မုန့်တစ်ချပ်၊ ငှက်ပျောသီးတစ်လုံး၊ ဒိန်ချဉ်တစ်ခွက် စသဖြင့် ပေါ့ပေါ့ပါးပါး စားစရာတမျိုးမျိုးကို အချိန်အနည်းငယ်ကြိုပြီး စားသုံးသင့်ပါတယ်။ တစ်နာရီကနေ သုံးနာရီအတွင်း စားသုံးထားပေးရင် အကောင်းဆုံးပါပဲ။ ဒါ့အပြင် ရေလည်း သောက်ပေးသင့်ပါတယ်။ ပြေးနေချိန်မှာ ရေဓာတ်ဆုံးရှုံးမှု ဖြစ်ပေါ်တတ်ပါတယ်။ အစာအိမ်ထဲမှာ ပြည့်ဝနေအောင်စားသောက်ပြီး ပြေးခြင်းဟာ မကောင်းသလို အစာလုံးဝမရှိဘဲ ပြေးခြင်းဟာလည်း လူကို ထိခိုက်စေနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။