လိပ်ခေါင်းရောဂါ (Hemorrhoids)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဖေ‌ဖော်ဝါရီ 1, 2021 . 2 mins read
Share now

လိပ်ခေါင်းရောဂါ (Hemorrhoids )ဆိုသည်မှာ စအို သို့မဟုတ် အူမကြီး၏ အနှောင်းပိုင်း အောက်ဘက် အနီးရှိ သွေးပြန်ကြောများ ရောင်ရမ်းခြင်း ဖြစ်သည်။ အူမကြီး နောက်ဆုံးအပိုင်း သို့မဟုတ် စအိုဝပတ်လည်တွင် ဖြစ်ပွားနိုင်ပါသည်။ ၎င်းသည် ဝမ်းသွားရာတွင် အားစိုက်၍ ညစ်ခြင်းကြောင့် ဖြစ်ပွားနိုင်ပါသည်။ လိပ်ခေါင်းရောဂါသည် ဖြစ်ပွားရာနေရာပေါ် မူတည်၍ အမျိုးအစား ကွဲပြားပါသည်။

  • အတွင်းလိပ်ခေါင်း – လိပ်ခေါင်းကို အူမကြီး နောက်ဆုံးပိုင်းတွင် တွေ့ရပါသည်။ အတွင်းလိပ်ခေါင်းသည် များသောအားဖြင့် နာကျင်မှုမရှိသော်လည်း သွေးထွက်နိုင်ပါသည်။
  • အပြင်လိပ်ခေါင်း – လိပ်ခေါင်းသည် စအိုဝ အပြင်ဘက်တွင် ရှိပါသည်။ ၎င်းတို့သည် ယားယံနာကျင်နိုင်ပြီး တစ်ခါတစ်ရံ ကွဲအက်ခြင်း၊ သွေးထွက်ခြင်း တို့ ဖြစ်နိုင်ပါသည်။

လိပ်ခေါင်းရောဂါသည် များသောအားဖြင့် မပြင်းထန်ပါ။ ကူးစက်ခြင်းလည်း မဖြစ်နိုင်ပါ။  သူ့အလိုလို  သို့မဟုတ် ဆေးသောက်ခြင်းဖြင့် အလွယ်တကူ ကုသနိုင်ပါ သည်။

လိပ်ခေါင်းရောဂါ က ဘယ်လောက်အဖြစ်များသလဲ

လိပ်ခေါင်းရောဂါသည် အလွန်အဖြစ်များပါသည်။ အသက် ၅၀ အရွယ်များကို လေ့လာချက်အရ တစ်ဝက်နီးပါး တွင် လိပ်ခေါင်းဖြစ်ပွားမှုရှိကြောင်း တွေ့ရသည်။ လိပ်ခေါင်းရောဂါသည် အမျိုးသားများရော အမျိုးသမီးများတွင်ပါ ဖြစ်ပွားနိုင်သော်လည်း ကိုယ်ဝန်ဆောင် အမျိုးသမီးများနဲ့ ရက်ရှည် ဝမ်းချုပ်ခြင်း သို့မဟုတ် ဝမ်းလျှောခြင်းဖြစ်သော လူနာများတွင် ပို၍ အဖြစ်များပါသည်။

လိပ်ခေါင်းရောဂါ ရဲ့လက္ခဏာတွေက ဘာတွေလဲ

လိင်ခေါင်းရောဂါရဲ့ အဖြစ်များသော ရောဂါလက္ခဏာ များမှာ

  • ဝမ်းသွားစဉ် အနီရဲရဲ သွေးများ ထွက်ခြင်း
  • သွေးထွက်သော်လည်း မနာကျင်ခြင်း
  • အူမကြီး အောက်ပိုင်းနေရာတွင် ယားယံခြင်း၊ ကျိန်းစပ်ခြင်း
  • စအိုဝတွင် နာကျင်ခြင်း၊ မသက်မသာဖြစ်ခြင်း
  • စအိုဝဝန်းကျင်တွင် ရောင်ရမ်းခြင်း
  • စအိုဝအနီးတွင် အထိမခံနိုင်အောင် နာကျင်သော အလုံးတစ်ခု ထွက်ခြင်း

နာကျင်မှုအများစုသည် အပြင်လိင်ခေါင်းရောဂါတွင် ဖြစ်ပွားတတ်ပါသည်။ အတွင်းလိပ်ခေါင်းရောဂါသည် များသောအားဖြင့် နာကျင်မှုကို မဖြစ်စေပါ။

လိပ်ခေါင်းရောဂါ (Hemorrhoids)

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အောက်ပါတို့မှ တစ်ခုခုဖြစ်ပွားပါက ဆရာဝန်အား အကြောင်းကြားပါ။

  • လိင်ခေါင်းသည် နာကျင်ပြီး အိမ်သုံးဆေးဝါးများဖြင့် သက်သာအောင် ပြုလုပ်၍ မရသောအခါ
  • စေးကပ်၍ မည်းနက်သော ဝမ်းများသွားသောအခါ
  • ဝမ်းတွင် သွေးပါသောအခါ
  • မူးဝေခြင်း၊ ခေါင်းကိုက်ခြင်းတို့ ဖြစ်သောအခါ

လိင်ခေါင်းသည် ပြင်းထန်သောရောဂါ၏ လက္ခဏာတစ်ခု ဖြစ်နေနိုင်သည်။ ဒါကြောင့် မသက်သာဘူးဆိုရင် ဆရာဝန်နှင့် စစ်ဆေးမှုခံယူရန် အရေးကြီး ပါသည်။

လိပ်ခေါင်းရောဂါကို ဘာတွေက ဖြစ်စေသလဲ

လိင်ခေါင်းရောဂါသည် အူမကြီးမှ သွေးပြန်ကြောများ ဖိအားများခြင်းကြောင့် ရောင်ရမ်းလာခြင်းဖြစ်သည်။ ထိုဖိအားကို တက်စေသော အချက်များမှာ-

  • ဝမ်းသွားရာတွင် အားစိုက်၍ ညစ်ခြင်း
  • အချိန်ကြာမြင့်စွာ ထိုင်ခြင်း
  • ရက်ရှည် ဝမ်းလျှောခြင်း သို့မဟုတ် ဝမ်းချုပ်ခြင်း
  • ကိုယ်အလေးချိန်များခြင်း၊ အဝလွန်ခြင်း
  • ကိုယ်ဝန်ရှိခြင်း
  • အမျှင်ဓာတ်နည်းသော အစားအသောက်များ စားခြင်း

လိပ်ခေါင်းရောဂါ (Hemorrhoids)

လိပ်ခေါင်းရောဂါ ဖြစ်နိုင်ခြေကို ဘာတွေက မြင့်တက်စေသလဲ

လိင်ခေါင်းရောဂါ ဖြစ်နိုင်ခြေကို မြင့်စေသော အချက်များစွာ ရှိပါသည်။ ဥပမာ-

  • အချိန်ကြာမြင့်စွာ ထိုင်ခြင်း၊ မတ်တပ်ရပ်ခြင်း
  • ရက်ရှည် ဝမ်းသွားခြင်း သို့မဟုတ် ဝမ်းချုပ်ခြင်း
  • ကိုယ်ဝန်ရှိခြင်း
  • စအိုဖြင့် လိင်ဆက်ဆံခြင်း
  • အဆီဓာတ်များပြီး အမျှင်ဓာတ်နည်းသော အစားအစာများ စားခြင်း
  • အသက် ၆၀ ကျော်ဖြစ်ခြင်း စသည်တို့ ဖြစ်ပါသည်။

လိပ်ခေါင်းရောဂါကို ဘယ်လိုအတည်ပြုပါသလဲ

သင့်တော်သော ရောဂါအဖြေ ရရှိရန်အတွက် ဆရာဝန်သည် အောက်ပါစစ်ဆေးမှုများကို ပြုလုပ်နိုင်ပါသည်။

  • ဆေးပညာနှင့်ဆိုင်သော ခန္ဓာကိုယ် စစ်ဆေးမှု၊ ရောဂါရာဇဝင် မေးမြန်းခြင်း
  • စအိုလမ်းကြောင်း အတွင်းကို ကြည့်ရှုစစ်ဆေးခြင်း။ (မှန်ပြောင်းဖြင့် စစ်ဆေးခြင်း)

လိပ်ခေါင်းရောဂါကို ဘယ်လိုကုသပါသလဲ

လိင်ခေါင်းရောဂါ အချို့သည် သူ့အလိုလို သက်သာသွားနိုင်ပါသည်။ သို့သော် အချို့ လိပ်ခေါင်းများသည် ကုသမှုခံယူရန် လိုအပ်ပါသည်။ ထိုကုသမှု နည်းလမ်းများမှာ-

  • ဝမ်းချုပ်ခြင်း သက်သာစေရန် အမျှင်ဓာတ်ဖြည့်စွက်စာများ ဖြည့်တင်းပေးခြင်း
  • အလွယ်တကူ ဝယ်၍ရသော လိမ်းဆေးကရင်မ်များနှင့် စအိုတွင်းထည့်သော ဆေးတောင့်များသည် လိင်ခေါင်းကြောင့် နာကျင်ခြင်း၊ ယားယံခြင်းများကို ယာယီအားဖြင့် သက်သာစေခြင်း
  • အခြားနည်းလမ်းများ အားလုံးဖြင့် ကုသ၍မရပါက လိပ်ခေါင်းအား ခွဲစိတ်၍ ဖယ်ရှားခြင်းကို ပြုလုပ်နိုင်သည်။

လူနေမှုပုံစံ ပြောင်းလဲခြင်းနဲ့ အိမ်သုံးကုထုံးများ 

အောက်ပါ လူနေမှုပုံစံများနှင့် အိမ်သုံးကုထုံးများသည် လိင်ခေါင်းရောဂါကို မြန်မြန်သက်သာစေနိုင်ပါသည်။

  • အမျှင်ဓာတ်များသော အစားအစာ စားပါ။ ရေများ များသောက်ပါ။
  • နွေးသော ရေချိုးကန်ထဲတွင် ၁၀မိနစ်လောက် ထိုင်ပါ။ တစ်နေ့လျှင် အကြိမ်များစွာ ထိုသို့ပြုလုပ်ပါ။
  • အထိုင်မများပါစေနဲ့။ လေ့ကျင့်ခန်း ပြုလုပ်ပါ။
  • စအိုနေရာကို သန့်ရှင်းအောင်ထားပါ။
  • အိမ်သာသုံး စက္ကူအခြောက်ကို အသုံးမပြုပါနှင့်။ စအိုနေရာကို သန့်ရှင်းစေရန် ဝမ်းသွားပြီးပါက  စိုထိုင်းသော အိမ်သာသုံး စက္ကူကို အသုံးပြုပါ။
  • ရေခဲအိတ်ဖြင့် စအိုအား ကပ်ပေးခြင်းသည် ရောင်ရမ်းမှုကို သက်သာစေပါသည်။

Takeaways

လိပ်ခေါင်းရောဂါ သည် များသောအားဖြင့် အန္တရာယ်မရှိပါ။ နေထိုင်စားသောက်ပုံပြောင်းလဲပြီး ပုံမှန်အတိုင်း သောက်ဆေး၊ လိမ်းဆေးများနဲ့ အလွယ်တကူသက်သာနိုင်ပါတယ်။ နောက်ဆက်တွဲ ပြဿနာတွေ ဖြစ်လာရင်တော့ ခွဲစိတ်ကုသမှု ခံယူဖို့ လိုနိုင်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

သက်လုံ လို့ဆိုလိုက်ရင် အားကစားသမားတွေနဲ့ပဲ ဆိုင်တယ်လို့ ပြေးမြင်ကြပါတယ်။ သက်လုံကောင်းမှ နေ့စဉ်ဘဝမှာ လုပ်ငန်းဆောင်တာတွေကို အကောင်းဆုံးလုပ်နိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို ချင်း (ဂျင်း) ကျွေးလို့ရရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား ... ချင်း က ဘေဘီလေးတွေအပေါ် ဘယ်လိုသက်ရောက်မှုတွေဖြစ်စေနိုင်လဲဆိုတာ မေမေတွေ သိထားဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
Uncategorized ဇန်နဝါရီ 20, 2021 . 2 mins read

ဘေဘီလေးက ကြက်သွန်နီ (Onions) စားလို့ရရဲ့လား

ဘေဘီလေးက ကြက်သွန်နီ (onions) စားလို့ရရဲ့လား။ ဘယ်အရွယ်မှာ စစားလို့ ရတာလဲ။ ဒီမေးခွန်းက မေမေတိုင်း မကြာခဏ မေးလေ့ရှိတဲ့ မေးခွန်းတစ်ရပ်ပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကလေးငယ် ဇန်နဝါရီ 20, 2021 . 2 mins read

မေမေတစ်ယောက်အတွက် ဂုဏ်ယူစရာအကောင်းဆုံးက ဘာလဲ……………….

လူတစ်ယောက်စီမှာ ဂုဏ်ယူစရာအကောင်းဆုံး ကိစ္စ အမျိုးမျိုးရှိစမြဲပါ။ ဒီလိုပါပဲ မေမေတွေမှာလည်း ဂုဏ်ယူစရာအကောင်းဆုံး ကိစ္စရပ်တစ်ခု ရှိပါတယ်။ ဒါကတော့............

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 11, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read