ဘေဘီလေး ဉာဏ်ကောင်းစေဖို့ ဘာတွေ ကျွေးရမလဲ!

ဘေဘီလေးကို ဉာဏ်ကောင်းစေချင်တဲ့ဆန္ဒ မိဘတိုင်းမှာ ရှိမယ်ထင်ပါတယ်။ ဒီတော့ ဘေဘီလေး ဉာဏ်ကောင်းအောင် ဘာတွေကျွေးရမလဲ သိချင်နေတဲ့ မေမေတွေများ ရှိလား...... ဒါဆိုရင်တော့ ဘေဘီလေးကို ဉာဏ်ကောင်းစေမယ့် အစားအစာတွေက ဘာတွေများလဲ......... ဆိုတာ သိရအောင် ဒီဆောင်းပါးလေး ဖတ်ကြည့်နော်။

🔹ဘေဘီလေးကို ဉာဏ်ကောင်းစေမယ့် အစားအစာတွေက ဘာတွေများလဲ 🔹

ဘေဘီလေးကို ဉာဏ်ကောင်းစေမယ့် အစားအစာတွေက ဘာတွေများလဲ......... ဆိုတော့

🔸အခွံမာသီးတွေ

ပရိုတင်း၊ fatty acids၊ ဗီတာမင် နဲ့ သတ္တုဓာတ်တွေ ပါဝင်နေတာကြောင့် စိတ်ခံစားမှုကိုကောင်းစေပြီး ဦးနှောက် နဲ့ အာရုံကြောစနစ်ကို ကျန်းမာစေနိုင်ပါတယ်။ မြေပဲ၊ သစ်ကြားသီး၊ မက်ကာဒေးမီးယားစေ့ စတာမျိုးပေါ့။

🔸ဥအမျိုးမျိုး

ဥအမျိုးမျိုးမှာပါတဲ့ ပရိုတင်း နဲ့ အာဟာရဓာတ်က ကလေးရဲ့ အာရုံစူးစိုက်မှုကို ကောင်းစေနိုင်ပါတယ်။ ကြက်ဥအနှစ်မှာ ဗီတာမင်၊ သတ္တုဓာတ်တွေ၊ ဓာတ်တိုးဆန့်ကျင်ပစ္စည်းတွေ နဲ့ ကိုလင်းတို့က မှတ်ဉာဏ်ကို ကောင်းမွန်စေနိုင်ပါတယ်။

🔸ဘယ်ရီသီးတွေ

ဘယ်ရီသီးတွေမှာပါဝင်တဲ့ polyphenols က ဦးနှောက်ထဲက သွေးစီးဆင်းရောက်ရှိမှုကို ကောင်းစေနိုင်ပြီး မှတ်ဉာဏ် ကောင်းစေနိုင်ပါတယ်။

🔸ငါး

ငါးမှာ ဗီတာမင် D နဲ့ omega-3 fatty acid တို့ ကြွယ်ဝစွာ ပါဝင်နေတာကြောင့် ဦးနှောက်ကို ကျန်းမာစေနိုင်ပြီး မှတ်မိနိုင်စွမ်း ကောင်းစေပါတယ်။ ဘေဘီလေးကို ဆယ်လ်မွန်၊ တူနာ၊ ဆာဒင်းတို့​ ကျွေးပေးလို့ရပါတယ်။

🔸အစိမ်းရောင် ဟင်းသီးဟင်းရွက်တွေ

အစိမ်းရောင် ဟင်းသီးဟင်းရွက်တွေက ဓာတ်တိုးဆန့်ကျင် အာနိသင်ကြွယ်ဝပြီး ဦးနှောက်တွင်းမှာ ဆဲလ်အသစ်တွေ ဖြစ်ပေါ်စေပါတယ်။

🔸ပန်းသီး

ဗီတာမင်၊ သတ္တုဓာတ် နဲ့ ဓာတ်တိုးဆန့်ကျင် အာနိသင်တွေ ကြွယ်ဝနေမှုက ကလေးရဲ့ ဦးနှောက် နဲ့ မှတ်ဉာဏ် ကောင်းစေဖို့ အကောင်းဆုံး အားဖြည့်ပေးပါတယ်။

🔸နို့ နဲ့ နို့ထွက်ပစ္စည်းတွေ

နို့ နဲ့ နို့ထွက် ပစ္စည်းတွေမှာ ပရိုတင်း၊ ဗီတာမင် B တို့လိုမျိုး ဦးနှောက် တစ်ရှူးတွေ ကြီးထွားစေဖို့ အရေးပါတဲ့ အာဟာရဓာတ်တွေ ပါဝင်နေပါတယ်။

🔸အုတ်ဂျုံ

အုတ်ဂျုံက အမျှင်ဓာတ် ကြွယ်ဝသလို ဗီတာမင် E၊ ဗီတာမင် B အုပ်စု၊ ပိုတက်ဆီယမ်၊ ဇင့် တို့လိုမျိုး ဦးနှောက် လုပ်ဆောင်မှုကို ကောင်းစေနိုင်တဲ့ အာဟာရ ဓာတ်တွေ ကြွယ်ဝစွာ ပါဝင်နေပါတယ်။

🔸ပဲအမျိုးမျိုး

ပဲအမျိုးမျိုးမှာ ပရိုတင်း၊ ကစီဓာတ် နဲ့ အမျှင်ဓာတ် အပြင် ဗီတာမင် နဲ့ သတ္တုဓာတ်တွေ ကြွယ်ဝစွာ ပါဝင်နေသလို ဦးနှောက် ဖွံ့ဖြိုးစေဖို့နဲ့ ဦးနှောက်စွမ်းဆောင်ရည်ကောင်းစေဖို့ အကောင်းဆုံး အားဖြည့်ပေးနိုင်တဲ့ omega-3 လည်း ကြွယ်ဝစွာ ပါဝင်နေပါတယ်။

ကဲ …. သားသားမီးမီး ဉာဏ်ကောင်းစေဖို့ ဒီအစားအစာလေးတွေကို ပြင်ဆင်ပေးဖို့ မမေ့နဲ့နော်။

#HelloMomandBaby #Parenting #BabyCare #ShortArticle