ဆယ်ကျော်သက် နဲ့ ခေါင်းကိုက်ဝေဒနာ၊ ဘာတွေသိထားသင့်သလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 3 mins read
Share now

ခေါင်းကိုက်တယ်ဆိုတာ လုပ်ငန်းခွင်ဝင်နေတဲ့ လူကြီးတွေမှာပဲ ဖြစ်တတ်တယ်ထင်နေပါသလား။ ကလေးတွေနဲ့ ဆယ်ကျော်သက်တွေမှာလည်း အဖြစ်များတဲ့ဝေဒနာတစ်ခုပါ။ ကလေးဘဝကနေမြီးကောင်ပေါက်အရွယ်ကို ချဉ်းနင်းဝင်ရောက်လာချိန်မှာခေါင်းကိုက်ဝေဒနာခံစားရနိုင်ခြေ ပိုများလာလေ့ရှိပါတယ်။ သုတေသနတွေအရဆိုယောကျာ်းလေးတွေဟာ လူပျိုဖော်မဝင်ခင်မှာ မိန်းကလေးတွေထက်ခေါင်းကိုက်ဝေဒနာခံစားရနိုင်ခြေပိုများပါတယ်။ ဒါပေမယ့် ပျိုဖော်ဝင်ကာစအချိန်နောက်ပိုင်းမှာတော့ မိန်းကလေးတွေက ပိုခေါင်းကိုက်လေ့ရှိပါတယ်။ သိပ်တော့မပြင်းထန်ပေမယ့် ဆယ်ကျော်သက် ၁၀ယောက်မှာ ၈ယောက်လောက်က တစ်လကိုအနည်းဆုံးတစ်ကြိမ်တော့ခေါင်းကိုက်ဝေဒနာခံစားရပါတယ်။

ကလေးတွေခေါင်းကိုက်နေတဲ့အချိန်ဆို ဦးနှောက်အကျိတ်များဖြစ်နေလား၊ ဘာရောဂါများဖြစ်နေလဲဆိုပြီး မိဘတွေစိတ်ပူကြတာ သဘာဝပါ။ ဒါပေမယ့်ခေါင်းကိုက်ခြင်းအများစုဟာ အအေးမိ၊ တုပ်ကွေးတို့လိုရောဂါအခြေအနေတွေအတွက်တင်မကဘဲနေထိုင်မှုပုံစံ၊ စိတ်ဖိစီးမှုတွေရဲ့နောက်ဆက်တွဲအဖြစ်နဲ့ ခံစားရတာတွေပါ။

ဘာကြောင့်ခေါင်းကိုက်တာလဲ

ဆယ်ကျော်သက်အရွယ်မှာ အဖြစ်များတဲ့ခေါင်းကိုက်ခြင်းက နှစ်မျိုးရှိတယ်။ မြီးကောင်ပေါက်အရွယ် အပြောင်းအလဲတွေကြောင့် စိတ်ဖိစီးမှုတွေ၊ ပညာရေးကြောင့် ပူပန်မှုတွေ လိုမျိုး စိတ်ထဲက ဖိစီးလေးလံမှုတွေကြောင့်ဖြစ်လာတဲ့ခေါင်းကိုက်ခြင်းအမျိုးအစားရယ်၊ တခြားလက္ခဏာတွေနဲ့ပါ နေမကောင်းဖြစ်စေတဲ့ခေါင်းတစ်ခြမ်းကိုက်ခြင်းရယ်ဖြစ်ပါတယ်။ ဘာကွာလဲဆိုတော့ ခေါင်းတစ်ခြမ်းကိုက်ရင် မအီမသြာဖစ်တာ၊ ပျို့အန်တာတွေဖြစ်စေနိုင်ပေမယ့် ဖိစီးမှုကြောင့်ခေါင်းကိုက်ရင်တော့ ဒီလက္ခဏာတွေမခံစားရတတ်ပါဘူး။

သူတို့ကို မူလရင်းမြစ်ခေါင်းကိုက်ဝေဒနာ (Primary headache) လို့ခေါ်ပါတယ်။ရောဂါအကြောင်းရင်းခံတစ်ခုခုကြောင့်မဟုတ်တဲ့ခေါင်းကိုက်ခြင်းကိုဆိုလိုတာပါ။ ဘယ်လိုလက္ခဏာတွေကို ခံစားရနိုင်လဲဆိုတော့ –

  • ဖိစီးမှုကြောင့်ခေါင်းကိုက်ခြင်း –ဦးခေါင်းပတ်လည်မှာ တင်းကျပ်ကျပ်ကြီးခံစားရမယ်၊ခေါင်းထဲအုံခဲနေတာမျိုး၊ နားထင်နှစ်ဖက်မှာတောက်လျှောက်ခေါင်းကိုက်နေတာမျိုးဖြစ်နိုင်ပါတယ်။ ဦးခေါင်းအရှေ့နဲ့အနောက်ခြမ်းမှာလည်း ခံစားရနိုင်ပါတယ်။
  • ခေါင်းတစ်ခြမ်းကိုက်ခြင်း –ခေါင်းတစ်ခြမ်းမှာပဲ တဒုတ်ဒုတ်နဲ့ထိုးကိုက်နေတာမျိုးဖြစ်နိုင်ပါတယ်။ခေါင်းတစ်ခြမ်းကိုက်ပြီဆိုခေါင်းမူးခြင်း၊ မအီမသာဖြစ်ခြင်း၊ ပျို့အန်ခြင်း၊ အမြင်အာရုံမကြည်လင်ခြင်းတို့ပါ ခံစားရတတ်ပါတယ်။ခေါင်းတစ်ခြမ်းကိုက်ခြင်းအများစုက မိနစ် ၃၀ ကနေ ၆ နာရီအထိ ကြာမြင့်တတ်ပါတယ်။ တချို့မှာဆို တစ်ရက်နှစ်ရက်ကြာအောင်ခံစားရနိုင်တယ်။ လူက ထပြီးလှုပ်ရှားလိုက်ရင်၊ အလင်းရောင်နဲ့ထိတွေ့ရင်၊ အနံ့၊ အသံတို့ကြောင့်လည်း ပိုဆိုးတတ်ပါတယ်။

ခေါင်းကိုက်ခြင်းနောက်တစ်မျိုးကတော့ secondary headache လို့ခေါ်တဲ့ တဆင့်ခံရင်းမြစ်ခေါင်းကိုက်ဝေဒနာ ဖြစ်ပါတယ်။ တုပ်ကွေးဖျားနြာခင်းကြောင့် ခေါင်းကိုက်တာလိုမျိုး ခန္ဓါကိုယ်ထဲမှာဖြစ်နေတဲ့ ရောဂါအခံတစ်ခုခုကြောင့်ဖြစ်လာတဲ့ခေါင်းကိုက်ခြင်းအမျိုးအစားပါ။ တဆင့်ခံရင်းမြစ်ကြောင့်ခေါင်းကိုက်ခြင်းမှာ ပိုဆိုးတာက ရင်းမြစ်ရောဂါမသက်သာမချင်း နာတာရှည်လိုခေါင်းကိုက်တတ်တာပါ။ အအေးမိတာ၊ ထိပ်ကပ်နာ၊ နားပိုးဝင်ခြင်းတို့လိုရောဂါပိုးကြောင့်ဖြစ်တဲ့နာမကျန်းမှုတွေမှာခေါင်းကိုက်ခြင်းကိုခံစားရနိုင်ပါတယ်။ဖြစ်ခဲပေမယ့် ဒီခေါင်းကိုက်ခြင်းအမျိုးအစားက ဦးနှောက်အကျိတ် ဒါမှမဟုတ် ဦးခေါင်းခွံအတွင်းသွေးယိုခြင်းတို့ကြောင့်လည်းဖြစ်နိုင်ခြေရှိပါတယ်။

ဆယ်ကျော်သက်တချို့မှာဟော်မုန်းအပြောင်းအလဲတွေကြောင့်လည်းခေါင်းကိုက်စေနိုင်တယ်။ ဥပမာ မိန်းကလေးတွေရာသီလာကာနီးမှာခေါင်းကိုက်တာမျိုး။ရောဂါအကြောင်းရင်းခံကြောင့်ခေါင်းကိုက်တဲ့အခါ အဲဒီအကြောင်းရင်းကိုကုသလိုက်ရင် အလိုလိုသက်သာသွားနိုင်ပေမယ့် ဖိစီးမှုကြောင့်ဆိုရင်တော့ ဒီအချက်တွေသိထားဖို့လိုပါတယ်။ ဖိစီးမှုကြောင့်ခေါင်းမကိုက်စေဖို့ ဖတ်ကြည့်ထားလိုက်နော် –

  • အနားယူပါ –ကျောင်းနဲ့ကျူရှင်၊ ကစားချိန်၊ နားချိန်တွေကြားမှာသေချာစီမံခန့်ခွဲပါ။ကျောင်းတက်၊ ကျူရှင်ဆက်တက်၊ အိမ်ရောက်တာနဲ့ရေမိုးချိုး၊စားသောက်၊ စာထိုင်ကျက်၊ အိပ်ရာဝင် စတဲ့ လုပ်ငန်းစဉ်တွေထဲပြေးလွှားနေရတဲ့ ကလေးတွေမှာ နားချိန်လုံလောက်ဖို့လည်းလိုပါတယ်။
  • အာဟာရညီညွတ်မျှတသင့်ပါတယ် – ကျောင်းအစောကြီးသွားရလို့မနက်စာမစားတာ၊နေ့လယ်စာနောက်ကျတာ၊ ကျန်းမာရေးနဲ့မညီတာတွေစားတာကခေါင်းကိုက်စေနိုင်ပါတယ်။
  • အိပ်ရေးဝအောင်အိပ်ပါအီလက်ထရောနစ်ပစ္စည်းတွေသိမ်းပြီး အချိန်မှန်အိပ်ရာဝင်ပါ။ စာကျက်ချိန်ဆိုလည်း ညဉ့်နက်ချိန်ထိစာလုပ်ပြီး မနက်အစောကြီးထရတာမျိုးဆို ကျန်းမာရေးအတွက်မကောင်းပါဘူး။ ရှိသင့်တဲ့အိပ်ချိန်ကို သတ်မှတ်ထားပါ။
  • အယ်လ်ကိုဟောနဲ့ မူးယစ်ဆေးတွေလုံးဝမသုံးပါနဲ့ –ဆယ်ကျော်သက်အရွယ်က အတတ်စမ်းတဲ့အရွယ်မို့ အရက်၊ဘီယာတွေနဲ့ မူးယစ်ဆေးအန္တရာယ်ကို စမ်းသုံးကြမှာစိုးရိမ်ရပါတယ်။ ကျန်းမာရေးဆိုးကျိုးတွေမခံစားချင်ရင် ဘာကြောင့်ပဲဖြစ်ဖြစ် ဒါတွေကိုရှောင်ပါ။
  • ကိုယ်လက်လှုပ်ရှားမှုရှိပါစေ –လှုပ်လှုပ်ရှားရှားနေခြင်းက စိတ်ဖိစီးမှုကိုလျော့စေပြီးကောင်းကောင်းအိပ်ပျော်နိုင်ပါလိမ့်မယ်။
  • မျက်စိလေ့ကျင့်ခန်းလုပ်ပါ – မျက်စိညောင်းခြင်းကခေါင်းကိုက်စေနိုင်တယ်။ ကွန်ပျူတာဖြစ်ဖြစ်၊ ဖုန်းဖြစ်ဖြစ် စိုက်ကြည့်တာများသွားရင် မျက်စိကို ခဏအနားပေးဖို့အရေးကြီးပါတယ်။ မျက်ကြောအညောင်းသက်သာစေဖို့ မိနစ် ၂၀လောက်ကြာတိုင်း အဝေးကို ခဏကြည့်ပေးပါ။

Tension headache ကို အလွယ်တကူဝယ်လို့ရတဲ့ အကိုက်အခဲပျောက်ဆေးတွေနဲ့ ကုသသက်သာစေနိုင်ပါတယ်။

ဘယ်အချိန်မှာ ဆရာဝန်ပြရမလဲ

တကယ်လို့ ဒီလက္ခဏာတွေရှိလာရင် ဆရာဝန်အမြန်ဆုံးပြသင့်ပါတယ် –

  • ခေါင်းကိုက်ပိုပြင်းထန်လာတာ
  • တစ်ပတ်ကို တစ်ကြိမ်မကခေါင်းကိုက်တာ
  • ခေါင်းကိုက်လို့ အိပ်ရာကနိုးလာတာ ဒါမှမဟုတ် အိပ်ရာထမှာ ပိုဆိုးနေတာ
  • ခေါင်းကိုက်လို့ မျက်စိအမြင်အာရုံတွေပါ ကြည့်မကောင်းတော့တာ၊ ပျို့အန်တာ၊ အဖျားတက်တာ
  • ခေါင်းကိုက်ခြင်းကြောင့် ကျောင်းမှာ၊ အိမ်မှာ၊ပေါင်းသင်းဆက်ဆံရေးတွေမှာပါ အနှောင့်အယှက်ဖြစ်လာတာဆို ဒီအတိုင်းမထားပါနဲ့။

ဒါပေမယ့် မိဘတွေအနေနဲ့ အဓိကသိထားရမှာက –

ခေါင်းကိုက်ဝေဒနာဆိုတာ ကလေးတွေမှာ အဖြစ်များတဲ့အရာဖြစ်သလို အများအားဖြင့် စိုးရိမ်ဖို့မလိုတတ်ပါဘူး။ ဒီဝေဒနာကြောင့်ကျောင်းမှာ၊ လှုပ်ရှားမှုတွေ၊ အာရုံစူးစိုက်မှုတွေမှာ ထိခိုက်သက်ရောက်မှုရှိနိုင်ပါတယ်။

ကလေးကိုခေါင်းကိုက်စေတဲ့အရာတွေကို မှတ်သားထားပြီးရှောင်နိုင်ဖို့ ကြိုးစားပေးလို့ရပါတယ်။ ကျန်းမာရေးနဲ့ညီတဲ့အချိန်မှန်စားသောက်ပုံ၊ အိပ်ချိန်ပြည့်ဝခြင်းနဲ့ ကိုယ်လက်လှုပ်ရှားမှုတွေကခေါင်းကိုက်ဝေဒနာကာကွယ်ရေးအတွက် အရေးပါပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကပ်ဘေးကာလမှာ မေ့မထားသင့်တဲ့ နောက်ထပ် ကျန်းမာရေးပြဿနာတစ်ခု

ကပ်ဘေးကာလမှာ မေ့မထားသင့်တဲ့ အရာ ဆိုလို့ ဘာများလဲလို့ တွေးနေပြီလား။ ဒါဆိုရင် ဒီဆောင်းပါးလေးထဲမှာ အဖြေရှာကြည့် လိုက်ရအောင်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောဖြေလျှော့ လေ့ကျင့်ခန်းများ

အကြောဖြေလျှော့ တာကို တစ်နေ့တာရဲ့ လုပ်ဆောင်မှုမှာ မပါမဖြစ် ထည့်သွင်း လုပ်ဆောင်သင့်ပါတယ်။ ဘာကြောင့် ဒီလို ပြောရတာလဲဆိုတာကို ဆောင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား။ ဒါကဘာကြောင့်လဲဆိုတာကို သေသေချာချာ သိပြီးရဲ့လား မသိသေးဘူးဆိုရင်တော့ ဆောင်းပါးလေး ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို ချင်း (ဂျင်း) ကျွေးလို့ရရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား ... ချင်း က ဘေဘီလေးတွေအပေါ် ဘယ်လိုသက်ရောက်မှုတွေဖြစ်စေနိုင်လဲဆိုတာ မေမေတွေ သိထားဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
Uncategorized ဇန်နဝါရီ 20, 2021 . 2 mins read

သင့်အတွက် ရွေးချယ်ထားသည်

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
ခေါင်းတွေကိုက်

နေပူထဲသွားပြီး ခေါင်းတွေကိုက် နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
worry less

စိုးရိမ်ပူပန်စိတ် ကြောင့် အိပ်ရေးပျက်ညတွေ များနေရင် ဒီနည်းလေးတွေ သုံးကြည့်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 3 mins read
သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားတွေ စားပေးရမယ့် အထူးအစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read