home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

သားဥအိမ်အတွင်း ရေအိတ်တည်ခြင်း နဲ့ သင်ဘာတွေသိထားဖို့ လိုအပ်လဲ

သားဥအိမ်အတွင်း ရေအိတ်တည်ခြင်း နဲ့ သင်ဘာတွေသိထားဖို့ လိုအပ်လဲ

သားဥအိမ်မှာရေအိတ်တည်တယ်ဆိုတာ ဘာလဲ။ ဘာကြောင့်ဖြစ်တာလဲ။ ရောဂါလက္ခဏာတွေနဲ့ ကုသမှုတွေက ဘာတွေလဲ။ ခုဆောင်းပါးမှာ ဒါနဲ့ပတ်သက်တဲ့ အချက်အလက်တွေကို ပေးသွားမှာပါ။

သားဥအိမ်မှာ ရေအိတ်တည်တယ် (ovarian cysts)ဆိုတာ ဘာလဲ။

Ovarian cysts ဆိုတာ အရည်ကြည်ဖုလိုမျိုး အရည်တွေပြည့်နေတဲ့ အိတ်ကို ဆိုလိုတာပါ။ ovrarian cysts တွေကို သားအိမ်ရဲ့ တစ်ဖက်တစ်ချက်မှာရှိတဲ့ ဗာဒံစေ့နဲ့တူတဲ့ သားဥအိမ်တွေမှာ တွေ့ရတတ်ပါတယ်။

Ovarian cysts ဖြစ်ပေါ်လာတဲ့ ကိစ္စအများစုမှာ လူနာရဲ့ နေ့စဉ်လှုပ်ရှားမှုနဲ့ လူနေမှုကုံစံက လုံးဝ သက်ရောက်မှုမရှိကြပါဘူး။ သူတို့က အန္တရာယ်မပေးပါဘူး။ တချို့တွေမှာ ဘယ်ကုသမှု၊ ဆေးတွေရဲ့အကူအညီမလိုဘဲ ပျောက်ကင်းတတ်ပါတယ်။ တချို့တွေမှာတော့ ovarian cysts ဟာ မြုံတာနဲ့ ဆက်စပ်နိုင်ပါတယ်။

Ovarian cysts အတွက် ကုသလေ့ရှိတဲ့ နည်းလမ်းများ

Ovarian cysts ကုသမှုတွေဟာ သူ့ရဲ့ အမျိုးအစား၊ အရွယ်အစား၊ လူနာရဲ့ အသက်၊ ယေဘုယျ ကျန်းမာရေးအခြေအနေ၊ သူရဲ့ အနာဂတ်အတွက် ကိုယ်ဝန်ဆောင်မှု အစီအစဉ်၊ တိတိပပ ရောဂါလက္ခဏာတွေ စတဲ့ အချက်အလက်အမျိုးမျိုးအပေါ် မူတည်နိုင်ပါတယ်။

အကယ်၍ သင့်မှာ ovarian cysts ရှိတယ်လို့ သံသယဖြစ်ပါက သင့်တော်တဲ့ ကုသမှု နဲ့ ဆေးဘက်ဆိုင်ရာ အကြံဉာဏ်တွေ ရရှိဖို့ ဆေးရုံကို သွားပါ။ စောစောသိလေ သင့်အတွက် ကုသရ သက်သာလေပါပဲ။ သင့်အတွက် အကောင်းဆုံး အကြံပြုထားတာကတော့ တစ်နှစ်ကို တစ်ကြိမ် သို့မဟုတ် နှစ်ကြိမ်လောက် သင့်ခန္ဓာကိုယ်တစ်ခုလုံးကို စစ်ဆေးပါ။ ဒါမှ ကျန်းမာရေးကောင်းမကောင်း၊ ပုံမှန်အလုပ်လုပ်မလုပ် သိနိုင်မှာပါ။

မကြာခဏဆိုသလို ရောဂါလက္ခဏာမခံစားရတဲ့ အမျိုးသမီးငယ်လေးတွေကိုတော့ ဒီ ovarian cysts တွေ သူ့ဘာသာပျောက်လား မပျောက်လားဆိုတာကို သိဖို့ ၂လ ၃လဆိုတဲ့ အချိန်အတိုင်းအတာတစ်ခုလောက် စောင့်ဆိုင်းဖို့ အကြံပေးတတ်ပါတယ်။ ကိစ္စအများစုမှာ ovarian cysts တွေက သူ့ဘာသာ ပျောက်ကွယ်သွားတတ်ကြပါတယ်။ ပြောလိုတာက ဒါအတွက် ဘယ်လို ဆေး၊ ကုသမှုတွေကိုမှာ မလိုအပ်ပါဘူး။

တခြားတစ်ဖက်မှာတော့ တချို့ ovarian cysts တွေက သူ့ဖာသာ မပျောက်သွားပါဘူး။ အဲ့လို ovarian cysts တွေကို သေးငယ်သွားစေဖို့ ဟော်မုန်းဆေး၊ ပဋိသန္ဓေတားဖို့ သောက်ဆေး စတာတွေ ညွှန်ပါတယ်။

တချို့ ပြင်းထန်တဲ့ကိစ္စတွေမှာ ovarian cysts တွေဟာ ဟော်မုန်းဆေးတွေကို မတုံ့ပြန်ပါဘူး။ ရာသီစက်ဝန်းတချို့ပြီးသွားလဲ မပျောက်ကွယ်သွားပါဘူး။ တော်တော်လည်း အရွယ်အစား ကြီးလာနိုင်ပါတယ်။ အဲ့လိုတွေဖြစ်လာရင်တော့ ခွဲစိတ်ဖို့ လိုအပ်ပါလိမ့်မယ်။

ခုလိုပုံစံမျိုးမှာ ovarian cysts က သင့်ကျန်းမာရေးကို ထိခိုက်စေနိုင်ပြီး သင့်ရဲ့ဘဝကို ဆိုးရွားမှုတွေ သက်ရောက်စေနိုင်ပါတယ်။ အကယ်၍ ovarian cysts ရဲ့ ရောဂါလက္ခဏာတွေ သတိထားမိတာ သို့မဟုတ် ရှိတယ်လို့ သံသယရှိတယ်ဆိုရင်တော့ ဆေးဘက်ဆိုင်ရာ အကြံဉာဏ်၊ လမ်းညွှန်မှု၊ ကုသမှုတွေအတွက် ဆရာဝန်၊ ကျန်းမာရေးစောင့်ရှောက်မှု ပေးတဲ့သူဆီကို မဆိုင်းမတွ သွားရောက်ဖို့ လိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

12 Facts You Should Know About Ovarian Cysts
http://www.health.com/health/gallery/0,,20955242,00.html Accessed March 17, 2017
What Are Ovarian Cysts and How Can I Treat Them?
https://www.verywell.com/what-are-ovarian-cysts-3520952 Accessed March 17, 2017
Ovarian cysts
https://www.womenshealth.gov/publications/our-publications/fact-sheet/ovarian-cysts.html Accessed March 17, 2017

စာရေးသူ ဓာတ်ပုံbadge
Wathun Myat Chal မှ ရေးသားသည်။ 07/09/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။