backup og meta

ဆောင်းပါး ကူညီပံ့ပိုးသူ May May Club

14 ပတ်

14 ပတ် မြောက်မှာ ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

14 ပတ် ရှိပြီဆိုတော့ ဒုတိယသုံးလမှ ကြိုဆိုလိုက်ပါတယ်။ ဒီအချိန်ကတော့ ကလေးလေးဖွံ့ဖြိုးမှုမှာ အရေးကြီးတဲ့ မိုင်တိုင်တစ်ခုပါ။ သံပယိုသီး အလုံးလောက် ရှိလာပြီးတော့ ၄၅ ဂရမ် ၈.၆ စင်တီမီတာနီးနီး ရှိလာပါပြီ။

14 ပတ်

ဒီအပတ်မှာ ဆံပင်လေးတွေပေါက်လာပါပြီ။ ခေါင်းမှာတင်မဟုတ်ဘဲ မျက်ခုံးကအစ တစ်ကိုယ်လုံးမှာပေါက်လာမှာပါ။ ကလေးရဲ့ကိုယ်ကိုလွှမ်းခြုံထားတဲ့ အမွေးအမျှင်နုနုလေးတွေက ကလေးလေးကို နွေးနွေးထွေးထွေးရှိစေပါတယ်။ ကလေးကိုယ်မှာ အဆီတွေစပေါ်လာရင် အမွေးတွေပျောက်ပြီး အမွေးတွေအစား အဆီတွေက နွေးထွေးအောင်လုပ်ပေးမှာပါ။ အဲဒါအပြင် အသည်းသေးသေးလေးကနေ သည်းခြေရည်စထုတ်နေပါပြီ၊၊ ကလေးလေးရဲ့ ခြေလက်တွေကလည်း စပြီးလှုပ်ရှားနိုင်နေပါပြီ၊၊

ခန္ဓာကိုယ်နဲ့ အနေအထိုင်အပြောင်းအလဲလေးများ

ခန္ဓာကိုယ်မှာရော ဘာတွေဆက်ပြောင်းလဲဦးမှာပါလိမ့်

စိတ်ခံစားချက်တွေ အပြောင်းအလဲ ဖြစ်လာတာကို သတိထားမိကြလား။ ပျို့တာ၊ မောတာတွေ မရှိတော့တာကိုပြောတာပါ။ ဒီသုံးလပတ်မှာ အားပိုရှိသလို ပိုပြီးစိတ်ချမ်းသာစေပါတယ်။

လက္ခဏာအဟောင်းတွေပျောက်သွားတယ်ဆိုပေမယ့် အသစ်တွေရောက်လာပါတော့မယ်။ အဲဒါကတော့ ဗိုက်တစ်ခြမ်း ဒါမှမဟုတ် ဗိုက်တစ်ခုလုံး တဆစ်ဆစ်နာတာပဲဖြစ်ပါတယ်။ ဒါကိုအရွတ်ဝိုင်းတွေ နာတယ်လို့ခေါ်ပါတယ်။

အကြောင်းက သားအိမ်ကြီးလာလို့ပါ။ ဗိုက်ဘေးသားတွေမှာ တွယ်နေတဲ့ အရွတ်အထူတွေက သားအိမ်ကို ထောက်ပံ့ပေးထားတာပါ။ အလေးချိန်များလာတာနဲ့အမျှ ဒီအရွတ်တွေကဆွဲတော့ နာလာတာပေါ့။ ဒီလိုဖြစ်လာရင် သက်သောင့်သက်သာလှဲနေပြီး ခြေထောက်တွေကို အနားပေးလိုက်ပါ။

14 ပတ် မြောက်မှာသိသင့်သိထိုက်တာလေးတွေ

နေမကောင်းဖြစ်မလားဆိုပြီး စိတ်ပူနေကြလား။ ကိုယ်ဝန်ရှိနေရင် ကိုယ်ခံအားကပုံမှန်ထက်ကျနေမှာပါ။ အအေးမိအဖျားဝင်သလိုမျိုး ရောဂါတွေဝင်လာဖို့ လွယ်ပါတယ်။ ရောဂါပိုးတွေနဲ့ ဝေးအောင်နေဖို့လိုပါတယ်။

အိမ်သာဝင်ပြီးချိန် အစာမစားမီနဲ့ အမှိုက်ကိုင်ပြီးချိန်တိုင်း လက်ဆေးဖို့မမေ့ပါနဲ့။ နေမကောင်းတဲ့လူနဲ့ ဝေးဝေးနေပြီး တခြားသူတွေနဲ့ အစားအသောက် မျှစားတာမျိုးလည်း မလုပ်သင့်ဘူးနော်။ လက်သန့်စင်ဆေးရည်ဘူးလေးကို အမြဲဆောင်ထားကြနော်။ အသုံးလိုတဲ့အချိန်ကျ အဆင်ပြေတာပေါ့။

ဆရာဝန်ဆီ သွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

အိပ်ရခက်နေရင် ဆရာဝန်နဲ့တိုင်ပင်ကြည့်ပါ။ ကိုယ်ဝန်ဆောင်တွေမှာ အိပ်လို့မရတာတွေ အဖြစ်များပါတယ်။ ညဘက်မှာ အိပ်ရတာ သက်သောင့်သက်သာမရှိရင် အိပ်ရေးပျက်စေပြီး နေခင်းဘက်မှာ ပင်ပန်းစေပါတယ်။ ဒါက သားအမိနှစ်ယောက်လုံးကို ကျန်းမာရေးထိခိုက်စေနိုင်ပါတယ်။ အဲဒီတော့ ဆရာဝန်နဲ့တိုင်ပင်ပြီး နည်းလမ်းရှာကြရအောင်။ ကိုယ်ဝန်ဆောင်ချိန်မှာ ကျန်းမာဖို့ လုံလောက်တဲ့ အိပ်ချိန်ရဖို့အရေးကြီးပါတယ်။

ဘယ်လိုစစ်ဆေးမှုတွေထပ်လိုဦးမလဲ ဆက်လေ့လာရအောင်

ပြီးခဲ့တဲ့တစ်ပတ်နှစ်ပတ်က ခရိုမိုဇုမ်းနေရာမှန်မမှန်သိအောင် စစ်ဆေးခဲ့ကြတယ်နော်။ ဆရာဝန်က ခရိုမိုဇုမ်းမူမမှန်နိုင်ခြေများနေတယ်ပြောရင် ရေမြွာရည် နည်းနည်းထုတ်ပြီး ဆက်စစ်ကြည့်ရပါတယ်။ ဒီစစ်ဆေးမှုကို ၁၄-၁၈ ပတ်အတွင်းလုပ်ရတာပါ။

မွေးရာပါရောဂါဖြစ်နိုင်လား (ဥပမာ- ဒေါင်းဆင်ဒရုန်း) ဆိုတာ သိဖို့ ရေမြွာရည် ထုတ်စစ်တာပါ။ အပ်သေးသေးလေးကို ဗိုက်ကနေတစ်ဆင့် သားအိမ်ကို ဖောက်ပြီးယူတာပါ။ တိကျချက်က ၉၉ ရာခိုင်နှုန်းရှိပြိး ပျက်ကျနိုင်ချေ ၁ ရာခိုင်နှုန်း ရှိပါတယ်။ ဒီဟာမစမ်းခင် ကောင်းကျိုး ဆိုးကျိုးကို ဆရာဝန်နဲ့သေချာတိုင်ပင်ကြပါ။

ကျန်းမာဘေးကင်းအောင် နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ

မိခင်ရော ကလေးပါကျန်းမာဖို့ ဒီအချက်လေးတွေလည်း သိထားဖို့လိုပါတယ်။

  • သောက်သုံးရေ

ကိုယ်ခံအားကကျနေတော့ တစ်ခါမှ နေမကောင်းမဖြစ်စေဖူးတဲ့ သောက်ရေကလည်း ဖျားနာစေနိုင်ပါတယ်။ သေချာမသန့်စင်ထားတဲ့ ရေက ညစ်ညမ်းတာတွေပါနိုင်လို့ နေမကောင်းဖြစ်နိုင်ချေ ပိုများစေပါတယ်။ စိတ်ချရအောင် စားသောက်ဆိုင်မှာစားရင် ရေသန့်ဘူး မှာသောက်ကြပါ။ မသောက်ခင်၊ ချက်ပြုတ်ဖို့မသုံးခင်မှာ ရေကိုကျိုချက်ပြီးတော့သုံးဖို့ အကြံပေးချင်ပါတယ်။

ရေပူပူလေးမှာစိမ်နေရတာ နေလို့ကောင်းပေမယ့် သိပ်တော့မပူပါစေနဲ့နော်။ ရေပူတွေက ခန္ဓာကိုယ်အပူချိန်ကို ၃၉ဒီဂရီ ဆဲစီးရက်စ်ထိ တက်လာစေပြီဆို ၁၀မိနစ်ထက်ပိုစိမ်ရင် မိခင်ရောကလေးပါ ဘေးဖြစ်နိုင်ပါတယ်။ ဖြစ်လာနိုင်တာတွေကတော့

-သွေးပေါင်ကျခြင်း

-ခေါင်းမူးခြင်း

-အားနည်းပြီးမောလွယ်ခြင်းတွေ ဖြစ်ပါတယ်၊၊

ဒါကြောင့် နောက်တစ်ခါ ရေနွေးငွေ့ခန်း၊ ရေပူကန်၊ ချွေးထုတ်ခန်းသွားဖို့၊ ရေပူနဲ့ချိုးဖို့ကြံတိုင်း ပြန်စဉ်းစားစေချင်ပါတယ်။

၁၅ပတ်မြောက်ကို မျှော်နေမယ်နော်။

ရေးသားသူ- Hmwe San Eain

[embed-health-tool-pregnancy-weight-gain]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Poppy seed to pumpkin: How big is your baby? http://www.babycenter.com/slideshow-baby-size.

Accessed June 1, 2016.

Pregnancy calendar week 14.
http://kidshealth.org/parent/pregnancy_center/pregnancy_calendar/week14.html.
Accessed June 1, 2016.

Your pregnancy: 14 weeks. http://www.babycenter.com/6_your-pregnancy- 14-weeks_1101.bc.

Accessed June 1, 2016.

Amniocentesis. http://www.whattoexpect.com/pregnancy/pregnancy-health/prenatal-testing/amniocentesis.aspx Accessed June 1, 2016.

14 weeks pregnant. http://www.whattoexpect.com/pregnancy/week-by- week/week-14.aspx

Accessed June 1, 2016.

 

ယခုပုံစံ

02/02/2024

Hmwe San Eain မှ ရေးသားသည်။

မှ အချက်အလက် စစ်ဆေးထားပါသည်။ Dr. Thurein Hlaing Win

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ကိုယ်ဝန်ဆောင်ချိန် အကင်စားလို့ ရမရ

15 ပတ်


Hello Sayarwon Panel မှ အချက်အလက်များ စစ်ဆေးထားပါသည်။ Hmwe San Eain မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 02/02/2024 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement