backup og meta

ကိုယ်ဝန်ပျက်ကျစေနိုင်တဲ့ အကြောင်းအရင်းများ

မှ အချက်အလက် စစ်ဆေးထားပါသည်။ Dr. Thurein Hlaing Win


Aye Thi Mon မှ ရေးသားသည်။ · 02/08/2023 တွင် အသစ်ဖြည့်စွက်ခဲ့သည်။

ကိုယ်ဝန်ပျက်ကျစေနိုင်တဲ့ အကြောင်းအရင်းများ

ကိုယ်ဝန်ပျက်ကျတယ်ဆိုတာ မိခင်တိုင်းအတွက် စိတ်ထိခိုက်ရတဲ့ အကြောင်းအရင်းတစ်ခုပါ။ ဒီတစ်ခေါက်တော့ ဆင်ခြင်လို့ရအောင် မေမေတို့ကို ကိုယ်ဝန်ပျက်ကျစေနိုင်တဲ့ အကြောင်းအရင်းများ ကဘာလဲဆိုတာ ပြောပြပေးပါရစေ။ ကိုယ်ဝန်ပျက်ကျရတဲ့အကြောင်းရင်းတွေကို သိထားမှ ဘယ်လိုကာကွယ်ရမလဲဆိုတာကို သိမှာပါ။

ကိုယ်ဝန်ပျက်ကျရင် ဘယ်လိုလက္ခဏာတွေရှိနိုင်လဲ………..

ကိုယ်ဝန်ပျက်ကျနိုင်ခြေ အများဆုံးက ကိုယ်ဝန်ဆောင်ကာလ ၁၂ ပတ်လောက်မှာပါ။ ကိုယ်ဝန်ပျက်ကျ တဲ့အခါ

ကိုယ်ဝန်ပျက်ကျစေနိုင်တဲ့ အကြောင်းအရင်းများ

ကိုယ်ဝန်ပျက်ကျစေနိုင်တဲ့ အကြောင်းအရင်းများ က တစ်ချက်မကရှိနေနိုင်ပါတယ်။

အကြောင်းအရင်း (၁) – ခရိုမိုဇုန်း လို့ခေါ်တဲ့ မျိုးရိုးဗီဇဆိုင်ရာ ဆဲလ်များ ပုံမှန် မဟုတ်ခြင်း

ကိုယ်ဝန်ပထမ ၃ လပတ်အတွင်းမှာ ကိုယ်ဝန်ပျက်ကျစေနိုင်တဲ့ အဓိကအကြောင်းအရင်းက ဘေဘီလေးရဲ့ ခရိုမိုဇုန်း လို့ခေါ်တဲ့ မျိုးဗီဇဆဲလ်တွေ ပုံမှန်မဟုတ်တဲ့ အနေအထားပါ။ ဒီခရိုမိုဇုန်းလို့ ခေါ်တဲ့ မျိုးဗီဇဆဲလ်တွေက ဘေဘီလေးရဲ့ ဆံပင် နဲ့ မျက်လုံးအရောင်တွေကို အခြားသူတွေနဲ့မတူအောင် သတ်မှတ်ပေးတာပါ။ ခရိုမိုဇုန်းအရေအတွက်မှားယွင်းမှုက ဘေဘီလေးရဲ့ပုံမှန်ကြီးထွားဖွံ့ဖြိုးမှုကို ထိခိုက်စေပြီး ကိုယ်ဝန်ပျက်ကျတာကိုဖြစ်စေနိုင်ပါတယ်။

ဒီပြဿနာကို ကာကွယ်ဖို့နည်းလမ်းလည်း မရှိပါဘူး။ နောက်တစ်ချက်က မေမေက အသက်ကြီးနေမယ် (အထူးသဖြင့်အသက် ၃၅ နှစ်နဲ့အထက်) ဖြစ်နေမယ်ဆိုရင် ခရိုမိုဇုန်းပြဿနာ​ကြောင့် ကိုယ်ဝန်ပျက်ကျနိုင်ခြေက ပိုများပါတယ်။

အကြောင်းအရင်း (၂) – ကျန်းမာရေးအခြေအနေ တစ်ရပ်ရပ်

ကိုယ်ဝန်ဆောင်ဒုတိယ ၃ လပတ်အတွင်းမှာ ကိုယ်ဝန်ပျက်ကျစေတဲ့ အဓိကအကြောင်းအရင်းက မေမေ့မှာ ကျန်းမာရေးပြဿနာတစ်ခုခုရှိနေတာပါ။ ဒီကာလမှာ မေမေအနေနဲ့  ကျန်းမာရေးပြဿနာတစ်ခုခုကြုံမယ်ဆိုရင် ကိုယ်ဝန်ပျက်ကျနိုင်ခြေက ပိုများသွားပါပြီ။

ဒီကာလမှာ မေမေက ဂျာမန်ဝက်သက်ဖြစ်မယ်။ ဆီးချို၊ သွေးတိုးလိုမျိုး ရောဂါတွေကို ကောင်းကောင်းမထိန်းနိုင်ဘူး။ သိုင်းရွိုက်ပြဿနာ ရှိနေမယ်။ ခုခံအားနဲ့ သက်ဆိုင်တဲ့ ရောဂါတွေရှိနေမယ်။ လိင်ကတဆင့် ကူးစက်တတ်တဲ့ရောဂါတွေ ရှိနေမယ်။ သားအိမ်ခေါင်းကျယ်တာ၊ သားအိမ်အလုံးတည်တာ၊ ရေအိတ်တည်တာလိုမျိုး ရောဂါတွေရှိနေမယ်ဆိုရင်လည်း ဘေဘီလေးပျက်ကျတာ ဖြစ်နိုင်ပါတယ်။

အကြောင်းအရင်း (၃) – ဘဝနေထိုင်မှုပုံစံ

မေမေရဲ့ နေ့စဉ်ဘဝနေထိုင်မှုပုံစံကလည်း ကိုယ်ဝန်ပျက်ကျနိုင်ခြေအပေါ်မှာ သက်ရောက်မှုရှိနေပါတယ်။ မေမေ့အနေနဲ့ အခုလိုမျိုးအလေ့အထတွေရှိနေမယ်ဆိုရင် ဗိုက်ထဲက ဘေဘီလေးကို ပျက်ကျစေနိုင်ပါတယ်။

ကံကောင်းလို့ အဖတ်တင်ရင်တောင် ချို့ယွင်းချက်တွေ ပါလာနိုင်တဲ့အတွက် လုံးဝမသုံးမိအောင် ရှောင်သင့်ပါတယ်။

တဆင့်ခံဆေးလိပ်ငွေ့တွေ၊ အိမ်သန့်ရှင်းရေးသုံး ပစ္စည်းတွေမှာပါတဲ့ ဓာတုဆေးတွေကြောင့်လည်း ကိုယ်ဝန်ပျက်ကျနိုင်ပါတယ်။

ခဲဆိပ်သင့်တာ၊ ပြဒါးအဆိပ်သင့်တာ၊ အိမ်သုတ်ဆေးတွေ၊ အစွန်းချွတ်ဆေးတွေမှာပါတဲ့ ဓာတုပစ္စည်းတွေ၊ ပိုးသတ်ဆေး၊ မှိုသတ်ဆေး နဲ့ အာဆင်းနစ်ဓာတ်တွေကြောင့် ကိုယ်ဝန်ပျက်ကျနိုင်ပါတယ်။

အကြောင်းအရင်း (၅) – ဆေးဝါးတွေကြောင့်

ကိုယ်ဝန်ဆောင်ချိန်မှာ သုံးစွဲတဲ့ တချို့ဆေးဝါးတွေက ကိုယ်ဝန်ပျက်တာ၊ ကလေးထိခိုက်တာကို ဖြစ်စေပါတယ်။ ဥပမာ

  • လေးဖက်နာအဆစ်ရောင်ရောဂါမှာ သုံးတတ်တဲ့ Misoprostolနဲ့ Methotrexate
  • နှင်းခူနဲ့ ဝက်ခြံအတွက် သုံးတဲ့ Retonoids
  • ပိုးသတ်ဆေးတွေ
  • အတက်ကျဆေး
  • အကိုက်အခဲ‌ပျောက်ဆေးတချို့ စတာတွေပါ။

ဒီဆေးတွေကို ကိုယ်ဝန်ဆောင်ချိန်မှာ မဖြစ်မနေရှောင်သင့်ပါတယ်။

အကြောင်းအရင်း (၆) – အစာအဆိပ်သင့်တာတွေကြောင့်

အစားအစာတွေကနေ ကူးစက်တဲ့ ရောဂါပိုးတွေကလည်း ကိုယ်ဝန်ပျက်ကျတာကို ဖြစ်စေပါတယ်။ ဥပမာ

  • Listeriosis − ကျက်အောင် မချက်ထားတဲ့ အသားငါးတွေ၊ ပိုးမသတ်ထားတဲ့ နို့တွေ၊ ချိစ်တွေကနေ ကူးစက်ပါတယ်။
  • Salmonella − သေချာကျက်အောင် မချက်ထားတဲ့၊ မပြုတ်ထားတဲ့ ဥတွေကနေ ကူးစက်ပါတယ်။
  • Toxoplasmosis − အသားစိမ်း၊ ငါးစိမ်းတွေနဲ့ ပိုးပါတဲ့ ကြောင်ချေးတွေကနေ ကူးစက်ပါတယ်။

ဒါကြောင့် ကိုယ်ဝန်ဆောင်ချိန်မှာ အစားအသောက်တွေကို သန့်သန့်ရှင်းရှင်းစားပါ။ ကျက်အောင် ချက်ပါ။ ကြောင်ချေးမကိုင်ပါနဲ့။

ဘယ်လိုကာကွယ်မလဲ………..

ကိုယ်ဝန်ပျက်ကျတာကို ကာကွယ်ဖို့ နည်းလမ်းအတိအကျမရှိသေးပါဘူး။ ဒါပေမယ့် ကျန်းမာတဲ့ ကိုယ်ဝန်ဆောင်ကာလဖြစ်အောင် လိုက်နာလို့ရတဲ့ အချက်လေးတွေတော့ရှိပါတယ်။

  • ကိုယ်ဝန်ရှိလာပြီဆိုတာနဲ့ ဆရာဝန်နဲ့ သေချာပြပါ။
  • ဆေးခန်းပုံမှန်သွားပြီး လိုအပ်တဲ့ ကုသစောင့်ရှောက်မှု ခံယူပါ။
  • ကိုယ်ဝန်ပျက်ကျစေနိုင်တဲ့ ဘဝနေထိုင်မှုပုံစံတွေကို ပြောင်းလဲပြင်ဆင်ပါ။
  • ဘယ်အချက်တွေကို ဆင်ခြင်ရမလဲဆိုတာ ဆရာဝန်နဲ့သေချာတိုင်ပင်ပါ။
  • ကိုယ်ဝန်ပျက်ကျဖူးတယ်ဆိုရင် ဆရာဝန်ကို သေချာပြာပြပါ။
  • အာဟာရပြည့်ဝအောင်စားပါ။
  • အိပ်ရေးဝဝအိပ်ပါ။
  • သက်သောင့်သက်သာနေပါ။
  • ကိုယ်ဝန်ဆောင်ဖြည့်စွက်အာဟာရတွေ မှီဝဲပါ။
  • ကိုယ်ဝန်မဆောင်ခင် ကာကွယ်ဆေးတွေ ထိုးထားပါ။
  • ကိုယ်ဝန်ဆောင်ချိန်မှာ ဆေးတွေကို ကိုယ့်သဘောနဲ့ကိုယ် မသောက်ပါနဲ့။ သောက်လက်စဆေးတွေ ရှိရင်လည်း ဆရာဝန်နဲ့ တိုင်ပင်ပြီး ဆက်သောက်သင့် မသောက်သင့် မေးမြန်းပါ။
  • ဒီအချက်တွေကို သေချာလေး ဂရုစိုက်လို့ ကိုယ်တိုင်ကိုရော ဘေဘီလေးကိုပါ စောင့်ရှောက်လိုက်ပါ မေမေတို့ရေ………………

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Aye Thi Mon မှ ရေးသားသည်။ · 02/08/2023 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement