အမျိုးသားနဲ့ အတူနေပြီးနောက်ပိုင်း မိန်းမကိုယ်ကနေ သွေးဆင်းတာ ဘာဖြစ်လို့လဲ ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 18, 2020 . 2 mins read
Share now

တစ်ခါမှ လိင်ဆက်ဆံဖူးခြင်းမရှိသေးတဲ့ အမျိုးသမီးတစ်ယောက်ရဲ့ ပထမဦးဆုံး လိင်ဆက်ဆံပြီးတဲ့ နောက်ပိုင်းမှာ မိန်းမကိုယ်ကနေ သွေးဆင်းတာမျိုး ပုံမှန်လို့ ဆိုရပေမယ့် အိမ်ထောင်ကျတာလည်း ကြာပြီ။ အရင်တုန်းကတော့ဘာမှမဖြစ်ဘဲ ခုရက်ပိုင်းမှ အမျိုးသားနဲ့ အတူနေပြီးတိုင်း မိန်းမကိုယ်ကနေ သွေးဆင်းတယ်ဆိုရင်တော့ စိုးရိမ်တတ်ကြတာ သဘာဝပါ။ ဘာများဖြစ်လို့လဲ။ ကိုယ်ဝန်ပျက်ကျတာလား၊ ရာသီလာနေတာလား၊ ကင်ဆာလားဆိုပြီး တွေးရခက်တဲ့ မေးခွန်းပေါင်းများစွာ ဝင်လာပါလိမ့်မယ်။

ဒီဆောင်းပါးထဲမှာတော့ အမျိုးသားနဲ့ အတူနေပြီးနောက်ပိုင်း မိန်းမကိုယ်ကနေ သွေးဆင်းခြင်းကို ဖြစ်စေတဲ့ အကြောင်းအရာတွေ ကိုပြောပြပေးမှာပါ။ ဒါတွေကို သိထားတော့ ကိုယ်ဖြစ်နေတာနဲ့ ဘာနဲ့ ကိုက်ညီလဲဆိုတာသိရပြီး စောစော ကုသမှုခံယူလို့ရတာပေါ့ ။ ။

အမျိုးသားနဲ့ အတူနေပြီး နောက်ပိုင်း မိန်းမကိုယ်ကနေ သွေးဆင်းတာ ဒါတွေကြောင့် ဖြစ်နိုင်ပါတယ်။ ။

( ၁ ) ဟော်မုန်းပါတဲ့ သန္ဓေတားဆေးတွေရဲ့ အရှိန်ကြောင့်ပါ။ ။

ကိုယ်သောက်နေတဲ့ ဟော်မုန်းပါတဲ့သန္ဓေတားဆေးတွေကြောင့် မိန်းမကိုယ်ခြောက်သွေ့တတ်ပြီး အတူနေတဲ့အခါ မိန်းမကိုယ်နာတာ၊ နေပြီးနောက်ပိုင်း သွေးဆင်းတာမျိုးတွေဖြစ်တတ်ပါတယ်။ တကယ်သာ ဒီ တားဆေးတွေကြောင့် အတူနေပြီးတိုင်း မိန်းမကိုယ်သွေးဆင်းတာမျိုးဖြစ်ခဲ့မယ်ဆိုရင် အခြား သန္ဓေတားနည်းတစ်ခုကို ပြောင်းပြီးရွးချယ်သ့င်ပါတယ်။

( ၂ ) လိင်ဆက်ဆံရာမှ ကူးစက်တတ်တဲ့ရောဂါတွေ ။ ။

လိင်ဆက်ဆံရာကနေ ကူးစက်တတ်တဲ့ရောဂါတွေဖြစ်တဲ့ chlamydia, gonorrhea, နဲ့ trichomoniasis တို့ဟာ သားအိမ်ခေါင်းကိုရောင်ရမ်းစေတာကြောင့် အတူနေပြီးတိုင်း မိန်းမကိုယ်ကနေ သွေးဆင်းတာ၊ ဗိုက်အောင့်တာတွေကို ဖြစ်စေတတ်ပါတယ်။

( ၃ ) သားအိမ်မှာ အသားလုံးတည်ခြင်း ။ ။

အသက် ၄၀ ကျော်နောက်ပိုင်း အမျိုးသမီးတွေ အဖြစ်များတဲ့ ကိစ္စတစ်ခုပါ။ သားအိမ်တို့ သားအိမ်ခေါင်းတို့ကနေ အသားလုံးလေးတွေ တွဲကျနေတတ်ပြီး အမျိုးသားနဲ့ အတူနေတဲ့ အခါတိုင်း သွားသွားပွတ်မိနေတတ်လို့ သွေးကြောလေးတွေ ပေါက်ပြီး သွေးဆင်းတာမျိုး ဖြစ်တတ်ပါတယ်။ ဒီလို သားအိမ်မှာတည်တဲ့ အသားလုံး ( endometrial polyp ) တွေက ကင်ဆာမဟုတ်ပါဘူး။

( ၄ ) မိန်းမကိုယ် ခြောက်သွေ့ခြင်း ။

ပုံမှန်ဆို စိုစွတ်နေရမယ့် မိန်းမကိုယ် ခြောက်သွေ့တဲ့အခါ အတူနေတဲ့အချိန်တိုင်း နာကျင်တာ၊ အတူနေပြီးတော့လည်း အောင့်ပြီးကျန်ခဲ့တာ ရံဖန်ရံခါ သွေးဆင်းတာမျိုးတွေ ဖြစ်တတ်ပါတယ်။ ဒါကိုသက်သာစေချင်ရင်တော့ မိန်းမကိုယ် အစိုဓာတ်ထိန်းခရမ်တွေ၊ ချောဆီတွေ သုံးပေးလို့ရပါတယ်။ တစ်ခုရှိတာက ဆရာဝန်နဲ့ သေချာတိုင်ပင်ပြီးမှ ကိုယ်နဲ့သင့်တော်တဲ့ ခရင်မ်တွေ ရွေးချယ်သုံးစွဲဖို့ဖြစ်ပါတယ်။ ဓာတ်မတည့်တာတွေ သုံးမိရင် ဖြစ်နေတဲ့ ဝေဒနာ ပိုဆိုးသွားတတ်လို့ပါ ။ ။

( ၅ ) မိန်းမကိုယ် မှိုစွဲတဲ့ ဝေဒနာခံစားနေရခြင်း ။ ။

မိန်းမကိုယ် မှိုစွဲတာ၊ မိန်းမကိုယ် ပိုးဝင်တာမျိုးတွေ ဖြစ်တဲ့အခါ မိန်းမကိုယ်ရောင်ရမ်းနေလို့ အမျိုးသားနဲ့ အတူနေတဲ့အချိန် နာကျင်တာနဲ့ အတူနေပြီးတိုင်း သွေးဆင်းတာမျိုးတွေ ဖြစ်တတ်ပါတယ်။ မိန်းမကိုယ် vagina မှာပဲ ပိုးဝင်နေရင်တော့ သွေးဆင်းတာမျိုးမဖြစ်ဘဲ ယားယံ နာကျင်တာမျိုးသာရှိတတ်ပေမယ့် သားအိမ်ခေါင်းအထိကိုပါ ပိုးဝင်သွားရင်တော့ သွေးဆင်းတာမျိုးတွေ ရှိတတ်ပါတယ်။

( ၆ ) သားအိမ်ခေါင်းကင်ဆာ ။ ။

သားအိမ်ခေါင်းကင်ဆာကလည်း မိန်းမကိုယ်ကနေသွေးဆင်းခြင်းကို ဖြစ်စေတဲ့ အကြောင်းအရင်းတစ်ခုဖြစ်ပါတယ်။ သူ့မှာထူးခြားတာက ဆင်းလာတဲ့ ညိုညစ်ညစ် အရည်တွေဟာ အနံ့ဆိုးတတ်ပြီး အခြား နာကျင်တဲ့ ဝေဒနာတွေတော့မပြတတ်ပါဘူး။ ဒါ့ကြောင့် မိန်းမကိုယ်ကနေ အနံ့နံတဲ့ အရည်တွေ ဆင်းလာပြီဆိုတာနဲ့ မပေါ့ဆဘဲ ဆေးခန်းသွားပြဖို့ လိုအပ်ပါတယ်။ ။

ဒါတွေကတော့ အမျိုးသားနဲ့အတူနေပြီး နောက်ပိုင်း မိန်းမကိုယ်ကနေ သွေးဆင်းခြင်းကို ဖြစ်စေတဲ့အကြောင်းအရင်းတွေ ပဲ ဖြစ်ပါတယ်။ ဆောင်းပါးထဲမှာ ပြောထားတဲ့အတိုင်း သွေးဆင်းခြင်းကို ဖြစ်စေတဲ့အကြောင်းအရင်းတွေက များတာကြောင့် ဘယ်လိုအကြောင်းအရာကြောင့် ဖြစ်တာလဲဆိုတာ သေချာသိဖို့ စစ်ဆေးမှုတွေ ခံယူသင့်တယ်နော် ။ ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလ မှာ သားဆက်ခြားပြဿနာတွေကို ဘယ်လိုဖြေရှင်းကြမလဲ။

ကိုဗစ်ကာလ မှာ သားဆက်ခြားကျန်းမာရေးကလည်း ကြုံတွေ့ရမယ့် ပြဿနာ တစ်ခုပါပဲ။ အမျိုးသမီးများအနေနဲ့ သားဆက်ခြားနည်းလမ်းတွေကို စနစ်တကျ သုံးတတ်ဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 2 mins read

Covid စတေးဟုမ်းကာလအတွင်း သားဆက်ခြားနည်းပြဿနာမတက်စေဖို့ ဘယ်လိုဂရုစိုက်ရမလဲ

Covid -19 ရောဂါအန္တရာယ် ကာကွယ်နိုင်ဖို့ အိမ်မှာပဲနေရတဲ့ အချိန်အတွင်း အိမ်ရှင်မတွေ ကြုံတွေ့ရတဲ့အခက်အခဲတစ်ခုက သားဆက်ခြားခြင်း(သန္ဓေတားခြင်း)ပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 14, 2020 . 2 mins read

ကိုဗစ်ကာလမှာ ဆီးလမ်းကြောင်းပိုးဝင်ခဲ့ရင်…

ကိုဗစ် ဆီးလမ်းကြောင်းပိုးဝင် ဆီးအောင့် ရေသောက် ရေဓာတ် ဗီတာမင်စီ အချဉ်ဓာတ် အသီးအနှံ အထိုင်များ အကာအကွယ် ကြက်စွပ်ပြုတ် သစ်သီးဖျော်ရည် ဘက်တီးရီးယား ပိုးသတ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ညအိပ်ညနေ လေဝင်လေထွက်ကောင်းအောင် ဘာဝတ်ကြမလဲ

ညအိပ် လေဝင်လေထွက် အိပ်စက်အနားယူ မြန်မာနိုင်ငံ အဝတ်အစား အမျိုးသား လိင်အင်္ဂါ မိန်းမကိုယ် ခြောက်သွေ့ ယားယံ အနံ့ဆိုး အတွင်းခံ ဘောင်းဘီ ရေနွေး ဘရာစီယာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

မိန်းမကိုယ် ရနံ့လေး သင်းစေဖို့ ရေမွှေးတွေ ဆွတ်ကြသတဲ့လား

မိန်းမကိုယ် ရနံ့လေး သင်းစေဖို့ ရေမွှေးတွေ ဆွတ်ကြသတဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အပြောများတဲ့ Menstrual Cup နဲ့ ကျယ်လာမှာလား အပါအဝင် အမေးအများဆုံး မေးခွန်းများ

အပြောများတဲ့ Menstrual Cup နဲ့ ကျယ်လာမှာလား အပါအဝင် အမေးအများဆုံး မေးခွန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
မိန်းမကိုယ်ပိုးဝင်ခြင်းအကြောင်း

မိန်းမကိုယ်ပိုးဝင်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 12, 2020 . 2 mins read

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 3 mins read