4 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

အခုဆို စတုတ္ထပတ်တောင်ရောက်လာပြီနော်။ ဒီအချိန်ဆို သားသားမီးမီးလေးက ဘိန်းစေ့အရွယ်၂ စင်တီမီတာလောက် ရှိနေပါပြီ။ အခုချိန်မှာတော့ ဆေးဘက်ဆိုင်ရာအသုံးအနှုန်းနဲ့ဆို အမ်ဘရီယိုလို့ခေါ်ပါတယ်။ ဒီအဆင့်မှာ သားသားမီးမီးလေးရဲ့အရေးကြီးတဲ့အင်္ဂါအစိတ်အပိုင်းတွေဖြစ်တဲ့ဦးနှောက်၊ နှလုံး၊အဆုတ် စတဲ့ကိုယ်တွင်းအင်္ဂါဖြစ်မယ့် ဆဲလ်တွေ ဖွံ့ဖြိုးပါပြီနော်။ လက်လေးတွေ၊ ခြေလေးတွေလည်း စဖြစ်လို့နေပါပြီ မေမေတို့ရေ။ သန္ဓေသားလေးရဲ့ပတ်ပတ်လည်မှာ အကာအကွယ်ပေးဖို့ရေမြွှာအိတ်လည်း စပေါ်လာပါပြီ။ သန္ဓေသားမှာပါတဲ့ ကြက်ဥအနှစ်လိုမျိုး အင်္ဂါက အချင်းအာဟာရမပေးခင်အချိန်ထိ သွေးတွေထုတ်ပေးပြီးတော့ သန္ဓေသားလေးကို အာဟာရပြုပေးပါတယ်။ အခုဆိုရင် မေမေတို့ရဲ့သားသားမီးမီးလေးက အတွင်းလွှာ၊ အလယ်လွှာ၊ အပြင်လွှာဆိုပြီးတော့ ထင်ရှားတဲ့ အလွှာ ၃ လွှာအနေနဲ့ ရှိနေပါပြီ။ အတွင်းလွှာကနေဆို အစာခြေအဖွဲ့အစည်း၊ အသည်း၊ အဆုတ်တွေဖြစ်လာမယ်။ အလယ်လွှာကဆို နှလုံး၊ လိင်အင်္ဂါ၊ အရိုး၊ ကျောက်ကပ်နဲ့ ကြွက်သားတွေဖြစ်လာမှာပါ။ အောက်ဆုံးလွှာကတော့ အာရုံကြောအဖွဲ့အစည်း၊ ဆံပင်၊ အရေပြားနဲ့လက်သည်းလေးတွေဖြစ်လာမှာပါနော်။

ခန္ဓါကိုယ်နဲ့ အနေအထိုင်အပြောင်းအလဲလေးများ

ခန္ဓါကိုယ်မှရော ဘာတွေဆက်ပြောင်းလဲဦးမှာပါလိမ့်

ဒီအပတ်မှာ သန္ဓေသားလေးက သားအိမ်အတွင်းသားမှာစပြီး တွယ်ကပ်ပါပြီ။ ဒါကို တွယ်ကပ်ခြင်းလို့ ခေါ်ပါတယ်။ မျိုးဥတွယ်ကပ်ချိန်မှာထွက်တဲ့ ဟော်မုန်းဖြစ်တဲ့ (HCG ဟော်မုန်း) ကို ထပ်ထုတ်ပါတယ်။ ဒီဟော်မုန်းတွေက သားအိမ်နံရံကအချွဲတွေကို ထိန်းသိမ်းပေးပါတယ်။ ပြီးတော့ သားဥအိတ်ကနေ တစ်လတစ်ခါ သားဥ ဆက်မထုတ်တော့အောင်လည်း တားပေးပါတယ်။ အဲဒါကြောင့် ကိုယ်ဝန်ဆောင်ချိန်မှာရာသီမလာတော့တာပါ။ တစ်ချို့ကိုယ်ဝန်ဆောင်မိခင်တွေဆို ဒီရက်ပိုင်းမှာသွးစက်နည်းနည်းကျတတ်ပါတယ်။ ပုံမှန်ရာသီလာတဲ့ရက်လောက်မှာဖြစ်တော့ ရာသီလာတာနဲ့ မှားနိုင်ပါတယ်နော်။
ကိုယ်ဝန်ရှိမရှိတိုင်းတဲ့ဟော်မုန်းက အပေါ်ပြောခဲ့တဲ့ HCG ဟော်မုန်းပါပဲ။ ဒီအပတ်မှာဆိုရင်တော့ ကိုယ်ဝန်ရှိမရှိစမ်းတာက ပိုပြီးသေချာမှာပါ။ ဒီဟော်မုန်းက ကိုယ်ဝန်ရှိတဲ့လက္ခဏာတွေဖြစ်တဲ့ ပင်ပန်းနွမ်းနယ်တာ၊ ရင်သားစပ်ဖျဉ်းဖျဉ်းဖြစ်တာ နာတာ၊ မူးဝေတာတွေကိုလည်း ဖြစ်စေတတ်ပါတယ်။ ဒီလက္ခဏာတွေကတော့ ရာသီလာခါနီးဖြစ်တာတွေနဲ့ မှားတတ်တယ်ဟုတ်။ ဒါပေမယ့် ရက်သတ္တပတ်ကုန်ခါနီးကျတော့ ရာသီမလာတော့ဘူးဆို ကိုယ်ဝန်နေပြီဆိုတာ ဂုဏ်ယူလို့ရပါပြီနော်။

သိသင့်သိထိုက်တာလေးတွေ

ကိုယ်ဝန်ရှိတဲ့လက္ခဏာတွေကို ခံစားနေရတယ်လို့ထင်နေပြီလား

မေမေတို့ရေ။ ကိုယ်ဝန်တကယ်ရှိတဲ့လက္ခဏာတွေကို အောက်မှာဆက်ပြောပေးမယ်နော်။
• ပျော့ပျောင်းနာကျင်ရောင်ယမ်းနေတဲ့ရင်သားတွေ-အမျိုးသမီးတော်တော်များများကရာသီလာချိန်ခံစားရတဲ့လက္ခဏာတွေကို ခံစားရပါတယ်တဲ့။ ဟုတ်ပါတယ်။ အဲဒီထက်တောင် ဆိုးနိုင်ပါတယ်။
• ပင်ပန်းနွမ်းနယ်တာ-ဘာမှမလုပ်ရဘဲ ပင်ပန်းတာမျိုးပါ။ ပရိုဂျက်စတာရုမ်းဟော်မုန်းတိုးလာတာ ကလေးရအောင် ပြင်ဆင်တာတွေက ပင်ပင်ပန်းပန်းအလုပ်လုပ်ထားတဲ့နေ့ မှာ တာဝေးထပ်ပြေးရသလောက်ကို ပင်ပန်းစေပါတယ်။
• ခဏခဏဆီးသွားတာ-ကိုယ်ဝန်စရှိနေပြီဆို ကိုယ့်ကိုယ်ကို အပေါ့ခဏခဏသွားမိနေတာကို သတိထားမိကြမှာပါနော်။
• အနံ့တွေကိုမခံနိုင်တာ – ကိုယ်ဝန်ဆောင်အမျိုးသမီးတော်တော်များများဟာ အနံ့တွေကိုမခံနိုင်ဖြစ်လာပါတယ်။ မဟော်မုန်းရုတ်တရက်တက်လာတာရဲ့ ဘေးထွက်ဆိုးကျိုးတွေဖြစ်ပါတယ်။
• အစာစားချင်စိတ်မရှိတာ-ဗိုက်စားတဲ့အချိန်ထက် အစားတွေ ပစ်ထုတ်မိတဲ့အကြိမ်ရေ ပိုများနေသလောက်ကိုဖြစ်တတ်ပါတယ်။ တစ်ချိန်ကကြိုက်ခဲ့တဲ့ အစားတွေတောင်စားရမှာကြောက့်နေနိုင်ပါတယ်။
• မူးမော်အော့အန်တာ-ဒါကတော့ ကိုယ်ဝန်ဆောင်ကာစ ပထမရက်သတ္တပတ်အနည်းငယ်လောက်မှာ မဖြစ်သေးပါဘူး။ တစ်ချို့တစ်ချို့တွေမှာတော့ဖြစ်တတ်ပါတယ်။
• ကိုယ်အပူချိန်မြင့်တာ-ကိုယ်အပူချိန်ကို နေ့တိုင်းတိုင်းပြီးမှတ်ကြည့်ရင်တော့ ပထမ ၁၈ရက် ဆက်တိုက်ကို တက်နေတာကို တွေ့ရမှာပါ။ ဒါဆိုရင်တော့ ကိုယ်ဝန်ရှိနေပါပြီနော်။
• သွေးနည်းနည်းဆင်းတာ-တစ်ချို့တွေဆိုအနီရောင်၊ နီညို ရောင်သွေးစက်လေးတွေ ဆင်းတတ်ပါတယ်။ သွေးဆင်းတာ နာနေမယ်ဆိုရင်တော့ ဆရာဝန် ဆီချက်ချင်းသွားပြကြပါနော်။ သားအိမ်ပြင်ပမှာ သန္ဓေတည်နေတာမျိုးဖြစ်နိုင်လို့ပါ။

လက္ခဏာတွေထဲကတစ်ခုခုကို ခံစားနေရတယ်ထင်ရင် ကိုယ်ဝန်စစ်တဲ့ ပစ္စည်းနဲ့စစ်ကြည့်လို့ရပါတယ်။ ရာသီသွေးစမလာတဲ့ ပထမရက်မနက် စောနိုင်သလောက်စောစော စမ်းပေးလို့ရပါတယ်နော်။

ဆရာဝန်ဆီသွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

ကိုယ်ဝန်ရှိပြီလို့သတိထားမိတာနဲ့ ဆရာဝန်ကိုပြောပြရအောင်နော်။ ကိုယ့်ကိုယ်ကို တစ်ခုခုပြောင်းလဲနေပြီလို့ထင်ရင် ဆရာဝန်က အကောင်းဆုံးညွှန်ကြားပေးနိုင်သူပါ။ အခုချိန်က သားဖွားမီးယပ်နဲ့ပြဖို့အသင့်တော်ဆုံးအချိန်ပါပဲ။ သားဖွားမီးယပ်ဆရာဝန်က မီးဖွားဖို့ကိုတာဝန်ယူပေးမှာပါ။ မေမေလောင်းလေးတို့နဲ့ အဆင်ပြေပြီး အမြဲ
တမ်း အဆက်သွယ်လုပ်ပေးတဲ့ဆရာဝန်တွေနဲ့ သွားပြကြပါနော်။

ဘယ်လိုစစ်ဆေးမှုတွေ ထပ်လိုဦးမလဲ ဆက်လေ့လာရအောင်

ဒီအချိန်မှာလိုတာက ကိုယ်ဝန်ရှိမရှိစစ်ဖို့တစ်ခုပါပဲ။ ပြီးခဲ့တဲ့အပတ်ကဟာတွေ မသုံးဖြစ်ရင် အသစ်ထပ်ဝယ်တာ ပိုကောင်းပါတယ်။ ဒီစစ်ဆေးမှုက မှန်းဆဖို့ခက်ပါတယ်။ လူတိုင်းအတွက် အမြဲသေချာတာမျိုးမဟုတ်လို့ အကြိမ်အရေအတွက်များများ ပိုစမ်းပေးစေချင်ပါတယ်။

ကျန်းမာဘေးကင်းအောင်နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ

ကိုယ်ဝန်ရှိနေရင် သွေးမလှူရပါဘူး။ ကိုယ်ဝန်ရှိတုန်း သွေးလှူရင် သွေးအားနည်းရောဂါ ခံစားရနိုင်ပါတယ်။ သွေးလှူတဲ့ဌာနတွေကလည်း ကိုယ်ဝန်ရှိတဲ့သူဆီက သွေးကိုလက်မခံပါဘူး။ မီးဖွားပြီးခါစဆိုလည်း မလှူရပါဘူး။ ကြက်ခြေနီအသင်းက လှူချင်ရင် မွေးပြီး ၆ပတ် ကြာရင် လှူလို့ရတယ်လို့ပြောပါတယ်။ ၆ပတ်ကျော်ရင်တော့ နို့တိုက်မိခင်ဆိုလည်း ပုံမှန်လှူလို့ရပါပြီတဲ့။
အမျိုးသမီးတော်တော်များများက ကလေးမွေးထားရင်လည်း သွေးနီဥတွေလှူနိုင်ပါတယ်။ တစ်ချို့ကတော့ ပလိပ်လက်(သွေးခဲတာကိုဖြစ်စေတဲ့သွေးဆဲလ်)တွေကို လှူလို့မရပါဘူး။ တစ်ချို့တွေက ကိုယ်ဝန်ဆောင်ပြီးရင် သွေးထဲမှာရောဂါပိုးတိုက်ထုတ်တဲ့ ဆဲလ်အသစ်ပေါ်လာတတ်ပါတယ်။ အဲဒီပိုးက သွေးလက်ခံသူမှာ မတည့်တာမျိုးတွေဖြစ်တတ်ပါတယ်။ ပလိပ်လက် လှူမယ်ဆိုရင်တော့ သွေးလှူဌာနက အဲဒီပိုးတွေကို စစ်ဆေးပြီး လှူလို့ရပါတယ်။

၅ပတ်မြောက်မှာ ကလေးလေးဘာတွေဆက်ဖြစ်မလဲ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ကိုယ်ဝန်ဆောင်ချိန်မှာ ခံစားရနိုင်တဲ့ နာကျင်ကိုက်ခဲမှုတွေကို သက်သာစေမယ့် နည်းလမ်းကောင်း တစ်ရပ်ကတော့ လေ့ကျင့်ခန်း လုပ်တာပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ကိုယ်ဝန်ဆောင်အားဆေးကို ဘယ်လိုရွေးချယ်သင့်သလဲ

    ဖောလိတ် ကိုယ်ဝန်ဆောင်ကာလ ကိုယ်ဝန်ဆောင်အားဆေး Omega 3 ဗီတာမင် B12 ကိုလင်း Choline အိုင်အိုဒင်း ဗီတာမင် D3 ဘိုင်အိုတင် သံဓာတ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    ရာသီသွေး က သွေးပုပ်တွေလား။ ရာသီသွေးကျန်ရင် ဘာဖြစ်တတ်လဲ။

    ရာသီသွေး ရာသီလာ သားအိမ်နံရံအမြှေးပါး အဖြူဆင်း အတုံးအခဲ သန္ဓေသား သားဥကြွေ ရာသီသွေးအညိုရောင် သွေးပုပ် ရာသီသွေးကျန် နာကျင်ကိုက်ခဲမှု အပုပ်ဆန်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win

    ကိုယ်ဝန်ဆောင်မိခင်တွေ ဖောလစ်အက်ဆစ် သောက်သင့်တဲ့အကြောင်းရင်း

    မွေးရာပါချို့ယွင်းချက် ဖောလစ်အက်ဆစ် ကိုယ်ဝန်ဆောင်မိခင် အားဆေး ဖြည့်စွက်စာ သွေးနီဥ အာရုံကြောစနစ်ဖွံ့ဖြိုးမှု သန္ဓေသား နှုတ်ခမ်းကွဲအာခေါင်ကွဲ လမစေ့

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်ချိန် ခေါင်းကိုက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
    ကိုယ်ဝန်ဆောင်တွေနဲ့ နို့တိုက်မိခင်တွေ အစပ်စားလို့ရသလား

    ကိုယ်ဝန်ဆောင်တွေနဲ့ နို့တိုက်မိခင်တွေ အစပ်စားလို့ရသလား

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် စက်တင်ဘာ 25, 2020 . 2 mins read