-
ပမာဏအများကြီးတွေ အတင်းမစားကြပါနဲ့
စားကြသောက်ကြနဲ့ ပျော်စရာကောင်းတယ် ဆိုပေမယ့် ပြင်ဆင်ထားတဲ့ စားစရာတွေကိုလည်း ကုန်သလောက်ပဲ စားသင့်ပါတယ်။ ကလေးကိုလည်း လွှတ်မထားဘဲ သင့်တော်သလောက်ပဲ ကျွေးပါ။
ပုံမှန်စားနေကျ အာဟာရထက် ကျော်လွန်ပြီး သီးသန့် ပြင်ဆင်ချက်ပြုတ်ကြတဲ့ စားစရာတွေဟာ အဆီဓာတ်၊ ကယ်လိုရီနဲ့ အချိုဓာတ်၊ အငန်ဓာတ်တွေ ပိုကဲတတ်ပါတယ်။
- ဘေးမရှိတဲ့ သရေစာလေးတွေ ဖန်တီးပါ
ပြုပြင်ဖန်တီးထားတဲ့ အချိုများတဲ့ မုန့်တွေထက် ကိုယ်တိုင်လုပ်တဲ့ မုန့်လေးတွေက ပိုအန္တရာယ်ကင်းပြီး အာဟာရ ပြည့်ပါတယ်။ လတ်ဆတ်မှုရယ်၊ တာရှည်ခံပစ္စည်း မပါဝင်တာရယ်၊ အရောင်တု အရသာတုတွေ မပါဝင်တာရယ် နဲ့ပဲ အာဟာရတန်ဖိုးအရမ်းကွာခြားနေပါပြီ။ အချိုတည်းဖို့ အသီးလေးတွေစားတာလည်း ကောင်းပါတယ်။
- အစားအစာရွေးတဲ့အခါ ကျန်းမာရေးနဲ့ပိုညီညွတ်တာကို ဦးစားပေးပါ
ဥပမာ ဟမ်ဘာဂါ သို့မဟုတ် ပီဇာတွေဆို ဝယ်စားမယ့်အစား အဆီလျှော့၊ အရည်အသွေးကောင်းတဲ့ပါဝင်ပစ္စည်းတွေသုံးပြီး ကိုယ်တိုင်လုပ်ကျွေးပါ။ မလုပ်နိုင်ရင် မိသားစုအကြိုက်တွေ့စေမယ့် စားစရာတစ်ခုခုကို အစားထိုးပါ (ဥပမာကြေးအိုးဖြစ်ဖြစ်)။
ဒီအစားအစာတွေက တစ်ခါတလေတော့ စားလို့ပြဿနာမရှိပေမယ့် များရင်တော့ အဝလွန်ခြင်းကစပြီး သွေးတိုး၊ ဆီးချို၊ နှလုံးသွေးကြောကျဉ်းတွေအထိဖြစ်လာစေနိုင်လို့ပါ။ ဝယ်စားကြမယ်ဆိုလည်း အဆီများ၊ အငန်များ၊ အချိုများတဲ့ အမှတ်တံဆိပ်တွေ၊ စားသောက်ဆိုင်တွေကိုရှောင်ပါ။
ကလေးနဲ့ ဓာတ်မတည့်တဲ့ အစားအသောက်တွေရှိနိုင်တာကြောင့် အစားစုံကျွေးတဲ့အခါ သတိထားပါ။ ကလေးနဲ့ မတည့်တဲ့ ပါဝင်ပစ္စည်းတွေကို ရှောင်ဖို့ မမေ့ပါနဲ့။
ကျန်းမာရေးနဲ့ညီအောင်စားပါဆိုလို့လည်း စားကောင်းတာတွေ အကုန်ရှောင်ဖို့ မဟုတ်ပါဘူးနော်။ အတိုင်းအချင့်နဲ့ ဆင်ခြင်စားသုံးရင်ဘေးကင်းပျော်ရွှင်နိုင်ပါတယ်။ အားလပ်ရက်၊ပိတ်ရက်တွေမှာ အာဟာရပြည့်အစားအစာတွေ ပြင်ဆင်ဖို့ အသင့်ပဲလား ……….