သင့်ကလေး မျက်လုံးအားနည်းနေခြင်း ရှိမရှိ ဘယ်လိုသိနိုင်မလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

အခုခေတ်လို စမတ်ဖုန်းတွေ၊ တယ်လီဗေးရှင်းတွေ အရမ်းအားကောင်းလာတဲ့အချိန်မျိုးမှာ ကလေးတွေ ငယ်ငယ်လေးနဲ့ မျက်စိအားနည်းလာတာတွေ့ရပါတယ်။ တချို့ဆို မူလတန်းအရွယ်ကတည်းကတောင် မျက်မှန်စတပ်လာရပါတယ်။ အနီးမှုန်၊ အဝေးမှုန်ဖြစ်တာကို မျက်မှန်တပ်ပြီး ကြည့်ရအဆင်ပြေအောင်လုပ်နိုင်ပေမဲ့ ကလေးရဲ့မျက်လုံးအားနည်းနေပြီလားဆိုတာကို ဘယ်လိုသိနိုင်ပါမလဲ။ အခုပြောပြပေးမယ့် အချက်လေးတွေကို သတိထားကြည့်ပြီး မိမိကလေးမှာ မျက်စိပြဿနာတစ်ခုခုရှိနေသလားဆိုတာကို အကြမ်းဖျင်းဆန်းစစ်နိုင်မှာပါ။

၁ – တစ်ခုခုကိုကြည့်ရင် မျက်လုံးမှေးကြည့်ရတယ်

တစ်ခုခုကိုကြည့်လို့သိပ်ကောင်းကောင်းမမြင်ရရင် မျက်လုံးမှေးကြည့်ဖူးပါသလား။ ကလေးတွေလည်း ဒီလိုပါပဲ။ သူတို့တစ်ခုခုကိုကြည့်လို့ ရှင်းရှင်းလင်းလင်းမမြင်ရတဲ့အခါ မျက်လုံးကိုအတင်းမှေးပြီးကြည့်တတ်ကြပါတယ်။ ဒီလိုမှေးကြည့်လိုက်တဲ့အတွက် မျက်လုံးထဲကိုအလင်းတွေပိုစုဝင်သွားပြီး ပိုရှင်းရှင်းလင်းလင်း မြင်ရစေပါတယ်။ ကလေးတစ်ယောက် စာဖတ်ရင်ဖြစ်ဖြစ်၊ တစ်ခုခုကိုကြည့်တဲ့အခါဖြစ်ဖြစ် မျက်စိကိုအတင်းမှေးကြည့်နေရင် သူ့ရဲ့အမြင်အာရုံသိပ်မကောင်းလို့ဖြစ်နိုင်ပါတယ်။

၂ – ခေါင်းစောင်းပြီးကြည့်တတ်တယ်

ခေါင်းစောင်းပြီးကြည့်ရတယ်ဆိုတာ မျက်လုံးကြွက်သားမညီမျှလို့ ဒါမှမဟုတ် မျက်ကြောသေနေလို့ လည်းဖြစ်နိုင်ပါတယ်။ တစ်ခါတစ်လေကျပြန်တော့လည်း အပေါ်မျက်ခွံက အောက်ကိုတွဲကျနေတဲ့အတွက် အမြင်အာရုံမကွယ်အောင် ခေါင်းကိုစောင်းပြီးကြည့်တာမျိုး ရှိတတ်ပါတယ်။ မျက်လုံးက ပုံရိပ် ၂ ထပ်ဖြစ်နေတဲ့ အခြေအနေမျိုးမှာဆိုလည်း ဒီလိုပုံစံနဲ့ကြည့်တတ်တာမို့ ကလေးခေါင်းစောင်းနေရင် သေချာစစ်ဆေးကြည့်ဖို့လိုမယ်နော်။

၃ – တီဗီကိုအရမ်းကပ်ကြည့်တယ်

တီဗီ၊ တက်ဘလက်တွေမှာ ကျယ်ပြန့်တဲ့မျက်နှာပြင်ပါဝင်တဲ့အတွက် ခပ်လှမ်းလှမ်းကနေတောင် အဆင်ပြေပြေကြည့်နိုင်ပါတယ်။ ဒါပေမဲ့သင့်ကလေးက အနီးကပ်ကြည့်မှမြင်ရတယ်၊ အားရတယ်ဆိုရင်တော့ အဝေးမှုန်နေတာဖြစ်နိုင်ပါတယ်။ သေချာသိရအောင် မျက်စိဆရာဝန်နဲ့ ပြသပြီး စစ်ဆေးကြည့်သင့်ပါတယ်။

၄ – စာဖတ်ရင် ဖြောင့်ဖြောင့်ဖတ်ဖို့ အခက်အခဲရှိတယ်

ကလေးမှာ ဒီပြဿနာရှိမရှိ လွယ်လွယ်သိနိုင်မယ့် နည်းတစ်ခုရှိပါတယ်။ စာကိုအသံထွက်ဖတ်ခိုင်းလိုက်ပါ။ ဖတ်နေရင်း စာကြောင်းကျော်သွားရင် ဒါမှမဟုတ် ဘယ်နားကိုဖတ်နေမှန်းမသိဘဲ ရပ်သွားရင် စာကိုအတန်းလိုက်ဖတ်ဖို့ အခက်အခဲရှိတာကြောင့်ဖြစ်နိုင်ပါတယ်။ များသောအားဖြင့် မျက်လုံးသူငယ်အိမ်စောင်းနေတဲ့ကလေးငယ်တွေမှာ ဒီလိုပြဿနာကြုံရတတ်ပါတယ်။

၅ – စာဖတ်ရင်၊ တီဗီကြည့်ရင် မျက်လုံးတစ်ဖက်ကိုလက်နဲ့အုပ်ထားတတ်တယ်

ဒါကတော့ နည်းနည်းသိသာပါတယ်။ အားနည်းနေတဲ့မျက်လုံးတစ်ဖက်ဖက်ကို အုပ်ထားပြီးကြည့်ရင် ပိုအဆင်ပြေတဲ့အတွက်ဒီလိုလုပ်တာပါ။ မျက်လုံးတစ်ဖက်တည်းအားနည်းတဲ့ပြဿနာကို အချိန်မှီမကုသဘဲထားရင် ကြာလာရင် ကလေးငယ်မျက်စိစွေသွားနိုင်တာမို့ မပေါ့ဆသင့်ပါဘူး။

၆ – မျက်လုံးခဏခဏပွတ်တယ်

အိပ်ချင်လို့မျက်လုံးပွတ်တာ၊ မျက်လုံးယားလို့ ပွတ်တာမျိုးက ပြဿနာမရှိပါဘူး။ ဒါပေမဲ့ တခြားမျက်လုံးပြဿနာတစ်ခုခုရှိလို့ ပွတ်တာမျိုးဆိုရင်တော့ သတိထားသင့်ပါတယ်။ ဥပမာပြောရရင် လေထုထဲမှာပါလာတဲ့ဝတ်မှုန်တစ်မျိုးမျိုးနဲ့ ဓာတ်မတည့်တဲ့အခါမှာ မျက်မြှေးရောင်တတ်ပါတယ်။ မျက်မြှေးရောင်တာကြောင့် မျက်လုံးနီရဲပြီး အယားသက်သာအောင်ခဏခဏပွတ်ရတတ်ပါတယ်။

၇ – ခဏခဏ ခေါင်းကိုက်တယ်

မျက်စိအားနည်းလို့ ခဏခဏခေါင်းကိုက်တာကိုတော့ အနီးမှုန်ပြဿနာရှိတဲ့ကလေးတွေမှာ ပိုအတွေ့များပါတယ်။ ဒါဘာလို့ဖြစ်ရသလဲဆိုရင် အနီးကပ်မြင်ကွင်းတွေမှာ ရှင်းရှင်းလင်းလင်းမမြင်ရတဲ့အတွက် မျက်လုံးကပိုအားစိုက်အလုပ်လုပ်ရလို့ပဲဖြစ်ပါတယ်။

ရေးသားသူ – Dr.Htoo Tint

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဘေဘီလေး သွေးအားမနည်းစေဖို့ ဘာတွေ ပြင်ဆင်ကျွေးမွေးမလဲ။

သွေးအားနည်းတာက လူကြီးတွေမှာမှ မဟုတ်ပါဘူး။ ကလေးတွေမှာလည်း ဖြစ်နိုင်ပါတယ်။ သွေးအားနည်းရတဲ့ အဓိက အကြောင်းအရင်းကတော့ စားသုံးမှုမှာသံဓာတ် ပါဝင်မှု နည်းနေလို့ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ခဏခဏ ခေါင်းမကိုက်ချင်ရင် လိုက်နာသင့်တဲ့ လူနေမှုပုံစံ

လူတိုင်းနီးပါး ခေါင်းကိုက်ဝေဒနာကို ကြုံဆုံရတတ်တယ်။ တကယ်တော့ ခေါင်းကိုက်ဝေဒနာဟာ လူနေမှုပုံစံ မှားယွင်းနေတာကြောင့်လည်းဖြစ်နိုင်တယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကိုဗစ်-၁၉ နဲ့ အသက်အန္တရာယ်

ကိုဗစ်က သေချာ ဂရုစိုက်ကုသရင် အသက် မဆုံးရှုံးနိုင်ပေမယ့် အသက်အန္တရာယ် မရှိတဲ့ ရောဂါတော့ မဟုတ်ပါဘူး။ ကိုဗစ်ကို မိမိကစ ကာကွယ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အလုပ်ခွင်မှာ ဖြစ်လေ့ဖြစ်ထရှိတဲ့ ကျန်းမာရေးပြဿနာတွေကို ဒီလိုကာကွယ်ပါ

အလုပ်ခွင်မှာ ဖြစ်လေ့ဖြစ်ထရှိတဲ့ ကျန်းမာရေးပြဿနာတွေကို ဒီလိုကာကွယ်ပါ။ လုပ်ခွင်ဖိအား။ နေထိုင်မှုပုံစံတွေကြောင့် ကျန်းမာရေး ပြဿနာ အမျိုးမျိုး ခံစားရနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

ကလေးတွေမှာ ဝမ်းဗိုက်လေး နေမကောင်းတဲ့အခါ မပေါ့ဆပါနဲ့ ဒီလိုနောက်ဆက်တွဲ ပြဿနာတွေဖြစ်နိုင်တာ သတိရပါ

ကလေးတွေမှာ ဝမ်းဗိုက်လေး နေမကောင်းတဲ့အခါ မပေါ့ဆပါနဲ့ ဒီလိုနောက်ဆက်တွဲ ပြဿနာတွေဖြစ်နိုင်တာ သတိရပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 12, 2020 . 2 mins read

စမတ်ဖုန်း အလွန်အကျွံသုံးစွဲခြင်းရဲ့ နောက်ဆက်တွဲပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read
အရသာရှိရှိ ဆေးဘဲဥသုပ် စားကြရာဝယ်

အရသာရှိရှိ ဆေးဘဲဥသုပ် စားကြရာဝယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
ဘေဘီလေးတွေရဲ့ အရေပြားကို ဒုက္ခပေးမယ့် အရာများ

ဘေဘီလေးတွေရဲ့ အရေပြားကို ဒုက္ခပေးမယ့် အရာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် စက်တင်ဘာ 27, 2020 . 2 mins read