ဘေဘီလေးတွေကို ဘယ်လိုဆေးတိုက်မလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 19, 2020 . 2 mins read
Share now

ဆေးသောက်ရတာကို သဘောကျတဲ့ကလေးရယ်လို့ ရှိမယ်မထင်ပါဘူး။ ကလေးတိုင်းက ဆေးထိုးဖို့ကြောက်သလိုဆေးသောက်ရတာကိုလည်း မကြိုက်ကြပါဘူး။ ကလေးတွေကို ဆေးတိုက်တိုင်း တိုက်ပွဲတစ်ခုဝင်နေရသလို မိဘတိုင်းခံစားကြရမယ်ထင်ပါတယ်။ တစ်ခါတလေများဆို ကလေးက ဆေးကိုမျိုမချဘဲထွေးထုတ်တာမျိုးတောင်ကြုံရနိုင်ပါသေးတယ်။

ဒီလိုအခြေအနေမျိုးမှာ ကလေးကို ဆေးတိုက်မှဖြစ်မယ်ဆိုတဲ့ အသိပဲခေါင်းထဲရောက်ပြီး ကလေးကဆေးကိုမမျိုချရင် နှာခေါင်းပိတ်ပြီးတိုက်လိုက်မယ်လို့တွေးမိလုပ်မိတာရှိနိုင်ပါတယ်။ ဒါက မလုပ်သင့်ပါဘူး။ မတော်တဆကလေးက အသက်ရှူရပ်သွားတာမျိုးဖြစ်နိုင်သလို အသက်ဆုံးရှုံးတာမျိုးအထိတောင် ဖြစ်နိုင်ပါတယ်။ ဒီတစ်ခေါက်တော့ဆေးတိုက်ရခက်တဲ့ ဘေဘီလေးတွေကို ဘယ်လိုဆေးတိုက်မလဲဆိုတာနဲ့ဆေးတိုက်ရလွယ်အောင်ဘာတွေ လုပ်ဆောင်ပေးရမလဲဆိုတာကိုဖော်ပြပေးချင်ပါတယ်။

ကလေးကို အန္တရာယ်ကင်းကင်းနဲ့ ဆေးဘယ်လိုတိုက်မလဲ

ကလေးကိုဆေးမတိုက်ခင်မှာ အရင်ဆုံးလုပ်ရမှာက ဆေးညွှန်းအတိုင်းမှန်ကန်အောင်တိုက်ဖို့ပါ။ နောက်ထပ်သတိထားရမှာတစ်ခုကဆေးကို နည်းစနစ်မှန်မှန်ထိန်းသိမ်းဖို့ပါ။ ဆေးညွှန်းကိုဖတ်ပြီးရင်လုပ်ရမယ့်နောက်တစ်ခုကဆေးက သတ်မှတ်ရက်ကျော်နေလားဆိုတာကြည့်ဖို့ပါပဲ။ ဆေးက လုံးဝမဖောက်ရသေးပေမယ့် သတ်မှတ်ရက်ကျော်နေပြီဆိုရင်တော့ ကလေးကိုမတိုက်ဘဲ လွှင့်ပစ်လိုက်သင့်ပါတယ်။

ဘေဘီလေးမှာ ဒီလိုလက္ခဏာတွေရှိနေလား ဆန်းစစ်ပါ

  • ကလေးက ဆေးသောက်ဖို့ငြင်းဆန်နေလား
  • ဆေးသောက်ရမယ်ဆိုရင် ဆေးကအရည်ပဲဖြစ်ဖြစ်၊ဆေးပြားပဲဖြစ်ဖြစ်၊ဆေးတောင့်ဘဲဖြစ်ဖြစ်ငြင်းဆန်နေတာလား
  • ကလေးက ဆေးတိုက်ရင် ငိုနေတာလား

ကလေးကို ဆေးတိုက်နည်းမမှန်တဲ့အခါ

  • ကလေးကို အတင်းအကျပ်ဆေးတိုက်တာက အော့အန်တာ ဒါမှမဟုတ်ဆေးသီးတာမျိုးဖြစ်စေနိုင်ပါတယ်။
  • လူကြီးတွေမှာ ဆေးသောက်ရလွယ်အောင်လုပ်ဆောင်တဲ့နည်းတွေက ကလေးငယ်တွေမှာ အန္တရာယ်ဖြစ်စေနိုင်တာမျိုးရှိပါတယ်။

နည်းစနစ်မှန်မှန်ဆေးတိုက်မယ်

  • ကလေးက ငယ်သေးရင် အစက်ချတဲ့ပြွန်၊ ဇွန်းနဲ့syringe(ဆေးထိုးပြွန်)တို့ကိုသုံးပြီးတိုက်ပေးပါ။
  • ဆေးတိုက်တဲ့အခါမှာလည်း ကလေးကို မတ်မတ်ထိုင်ခိုင်းပြီး တိုက်ပေးပါ။ ကလေးလှဲရက်အနေအထားမျိုးမှာ ဆေးမတိုက်ပါနဲ့။
  • syringe(ဆေးထိုးပြွန်)နဲ့ ဆေးတိုက်တဲ့အခါ ဆေးထိုးအပ်မတပ်ထားပါနဲ့။ syringe (ဆေးထိုးပြွန်) ကို ပါးစောင်ကနေ ခပ်စောင်းစောင်းလေးထည့်ပြီးဖြည်းဖြည်းချင်းဆေးရည်ကို ညှစ်ထည့်ပေးပါ။ ကလေးမျိုချနိုင်လောက်တဲ့ ပမာဏပဲထည့်ပေးပါ။
  • ဆေးရည်တွေကို မဝင်မှာစိုးပြီး အများကြီးညှစ်ထည့်တာမျိုး မလုပ်ပါနဲ့။ လေပြွန်ထဲဆေးရည်တွေရောက်သွားပြီး ကလေးမွန်းသွားနိုင်တာကြောင့်ပါ။

ကလေးကို ဆေးတိုက်ရလွယ်အောင် ဒီလိုတိုက်မယ်

ဆေးကို စားစရာတစ်ခုခုနဲ့ရောပြီးတိုက်ပေးမယ်

ကလေးကို တိုက်ရမယ့်ဆေးကို အမှုန့်ကြိတ်ပြီး သကြားနဲ့ရောကျွေးတာမျိုး၊ ဒိန်ချဉ်၊ ဖျော်ရည်၊ယိုလိုမျိုး ကလေးကြိုက်တတ်မယ့် အစားအစာတစ်ခုခုထဲရောထည့်ပြီးကျွေးကြည့်ပါ။ဆေးမှုန့်နဲ့ရောစပ်မယ့် အစားအစာပမာဏက ကလေးကုန်လောက်ရုံပမာဏဖြစ်ဖို့တော့သတိပြုပါ။ ကလေးက ဆေးနဲ့ရောထားတဲ့ အစားအစာကို အကုန်စားမှဆေးတစ်ခွက်လုံးသောက်မိမှာဖြစ်တာကြောင့်ပါ။

ကလေးကို စိတ်ရှည်ပေးပါ

ကလေးတိုင်းလိုလိုက ဆေးကြောက်တတ်ကြပါတယ်။ ဒါကြောင့် ကလေးကိုဆေးတိုက်တဲ့အခါ စိတ်ရှည်လက်ရှည်နဲ့ချော့ပြီးတိုက်ပေးပါ။ ကလေးကို အော်ငေါက်တာမျိုး ရိုက်တာမျိုးမလုပ်ပါနဲ့။ ကလေးတွေက လူကြီးတွေရဲ့ အပြုအမူကိုအတုယူတတ်ကြတယ်ဆိုတာကို သတိရပါ။ ကလေးကို အော်ငေါက်လိုက်တဲ့အခါ ကလေးကကြောက်သွားပြီးဆေးတိုက်ရပိုခက်သွားနိုင်ပါတယ်။

ကလေးကို ဆေးတိုက်ရလွယ်မယ့်နည်းစဉ်းစားပါ

ဆေးတိုင်းက အခါးဓာတ်ပါစမြဲပါ။ အခါးပြင်းတာနဲ့ လျော့တာပဲကွာပါလိမ့်မယ်။ ဒီလိုခါးတဲ့ဆေးတွေကို လူကြီးတွေတောင်သောက်ဖို့ခက်ရင် ဘေဘီလေးတွေက ပိုဆိုးပါလိမ့်မယ်။ ဒီလိုဆေးခါးတွေကို ကလေးတွေကို တိုက်ဖို့ဆိုရင်ဆေးကိုကြိတ် အရည်ဖျော်ပြီးsyringe ထဲထည့်လိုက်ပါ။ပြီးရင် ကလေးပါးစောင်ထဲကနေ ဖြည်းဖြည်းချင်းထည့်ပေးလိုက်ပါ။

ဆရာဝန်လုပ်တမ်းကစားပါ

ကလေးကို သူရဲ့ကစားစရာတွေနဲ့အတူ ဆရာဝန်လုပ်တမ်းကစားဖို့ အစဖော်ပေးလိုက်ပါ။ ကိုယ်တိုင်လည်း ပါဝင်ကစားရင်း လူနာတစ်လှည့် ဆရာဝန်တစ်လှည့်လုပ်ပေးပါ။ ဒီလိုကစားပေးရင်း ဆေးသောက်လာအောင်ဆွဲဆောင်လိုက်ပါ။

ဆေးတွေကိုမျိုချတတ်အောင် သင်ပေးပါ

ကလေးကို အရွယ်လည်းနည်းနည်းရလာတာနဲ့ ဆေးတွေကို မျိုချတတ်အောင် သင်ပေးပါ။ ဆေးလုံးသေးသေးလေးတွေကနေစပြီးဆေးလုံးအကြီးတွေအထိ တဖြည်းဖြည်းချင်းမျိုချတတ်လာအောင်သင်ပေးပါ။ ဆေးသောက်တဲ့အခါရေပြည့်ပြည့်ဝဝသောက်ခိုင်းပါ။

ဆေးကိုတစ်လုံးချင်း တိုက်ပေးပါ

ကလေးတွေက လူကြီးတွေလိုမျိုး တစ်ခါတည်းနဲ့အများကြီးကို မျိုမချနိုင်ပါဘူး။ ဒါကြောင့် ကလေးတွေကို ဆေးတိုက်တဲ့အခါဆေးတွေကို တစ်ခါတည်းအကုန်မသောက်ခိုင်းပါနဲ့။ တစ်လုံးပြီးမှ တစ်လုံးသောက်ခိုင်းပေးပါ။

ကလေးအပေါ်မှာ ရိုးသားပါ

ဆေးက ခါးနေတာကို ချိုလိုက်တာဆိုပြီး ပြောတာမျိုးမလုပ်ပါနဲ့။ ကလေးက တကယ်သောက်လိုက်တဲ့အခါ မချိုဘဲခါးနေတာသိသွားခဲ့ရင်နောက်တစ်ခါဆေးတိုက်ဖို့ ပိုခက်ခဲသွားနိုင်ပါတယ်။ ဒါကြောင့် ကလေးကို ဆေးတိုက်တဲ့အခါဆေးကတော့ခါးတယ်။ ဒါပေမယ့် ဒီဆေးသောက်လိုက်တဲ့အခါ နေမကောင်းတာ သက်သာသွားမယ်။ နေကောင်းသွားတဲ့အခါ သွားချင်တဲ့ဆီကို သွားလို့ရမှာဖြစ်သလို၊ စားချင်တာတွေလည်း စားလို့ရမယ်ဆိုတဲ့အကြောင်းနဲ့ သူငယ်ချင်းတွေနဲ့လည်း ကစားလို့ရမယ်ဆိုတဲ့အကြောင်း ရှင်းပြပေးပါ။

ဒီနည်းလေးတွေကဆေးတိုက်ရခက်တဲ့ ဘေဘီလေးတွေရဲ့ဖေဖေမေမေတွေအတွက် အသုံးတည့်မယ်ထင်ပါတယ်။ ကလေးတိုင်း ကျန်းမာကြပါစေကြောင်း

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်တိုင် နို့ချိုတိုက်ကျွေးတဲ့ မေမေ တွေပဲ ရရှိနိုင်မယ့် အကျိုးကျေးဇူးများ

မေမေ မိခင်နို့ ဘေဘီလေး ကလေး ကလေးအာဟာရ နို့တိုက်ကျွေးခြင်း ကလေးကျန်းမာရေး အကျိုးကျေးဇူး ရောဂါကာကွယ်နိုင်ခြင်း ကိုယ်အလေးချိန် နို့တိုက်မိခင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဖေဖေ မေမေ ကလေးကျန်းမာရေး မိသားစု ချစ်ခင်ရင်းနှီးမှု ချစ်ခြင်းမေတ္တာ ကလေးအာဟာရ တာဝန်ဝတ္တရား မိဘ မိဘတာဝန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေး က ညဘက် ချောင်းထဆိုးနေသလား

ကလေး ကလေးကျန်းမာရေး ချောင်းဆိုး မိဘ ညအိပ်ချိန် ချွဲသလိပ် ရင်ကျပ် ကိုယ်ပူခြင်း အဖျားတက်ခြင်း နောက်ဆက်တွဲပြဿနာ အသက်ရှူလမ်းကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

တုပ်ကွေး ကွေးတဲ့ ကလေးလေး မြန်မြန်သက်သာရေး

တုပ်ကွေး ကလေးလေး ကလေးငယ် ကလေးကျန်းမာရေး နာမကျန်း ဖျားနာ အအေးမိ လက္ခဏာ မိဘများအတွက်လမ်းညွှန် အဖျားကျ မြန်မြန်သက်သာရေး ရာသီတုပ်ကွေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 28, 2020 . 2 mins read
ကလေးလေးတွေကို နွေးနွေးထွေးထွေး ပွေ့ဖက် ပေးပါ

ကလေးလေးတွေကို နွေးနွေးထွေးထွေး ပွေ့ဖက် ပေးပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 5, 2020 . 2 mins read