အင်းဆက်မှတဆင့် ကူးစက်သော ရောဂါများ

ကာကွယ်ဆေးမရှိတဲ့ ဆင်တုပ်ကွေးကူးစက်ခံရပြီဆိုရင် ပဋိဇီဝဆေး တွေသောက်ပေမယ့်လည်း သိပ်တော့အဆင်ပြေလှတယ်မဟုတ်ပါဘူး။ ဒီတော့ ဆင်တုပ်ကွေးသက်သာစေဖို့ ဘာတွေလုပ်လို့ရမလဲဆိုတာကို သိချင်ရင် ဒီဆောင်းပါးလေးက သင့်အတွက်ပါ။ ဆင်တုပ်ကွေးအတွက် အိမ်တွင်းကုထုံးများ ဆင်တုပ်ကွေးသက်သာစေဖို့ အကောင်းဆုံးထောက်ပံ့ပေးနိုင်မယ့် အိမ်တွင်းကုထုံးလေးတွေကို ကြည့်လိုက်ရအောင်လား။ ဆားရည်စိမ်ပါ ဆားရည်စိမ်တာက ဆင်တုပ်ကွေးကြေင့်ဖြစ်တဲ့ အဆစ်တွေနာတာကို ထိထိရောက်ရေညက်သက်သာစေနိုင်သလို အရေပြားပေါ်က အဖုအပိမ့်တွေကိုလည်း သက်သာစေနိုင်ပါတယ်။ နာကျင်ရောင်ရမ်းမှုကိုလည်း အထိရောက်ဆုံး သက်သာစေနိုင်ပါတယ်။ ခန္ဓါကိုယ်ကိုသွေးလည်ပတ်မှုကောင်းစေမှာအသေအချာပါ။ နနွင်း နာကျင်ကိုက်ခဲတာတွေကို အထိရောက်ဆုံးသက်သာစေနိုင်သလိုရောင်ရမ်းတာကိုလည်း သက်သာစေနိုင်ပါတယ်။ နနွင်းမှာ ဓါတ်တိုးဆန့်ကျင်ပစ္စည်းကြွယ်ဝစွာပါဝင်နေတာကြောင့် အဖျားသက်သာစေနိုင်သလို နာကျင်ရောင်ရမ်းမှုတွေကို သိသိသာသာသက်သာစေနိုင်မှာပါ။ ချင်း (ဂျင်း) ချင်းပြုတ်ရည်သောက်ပေးတာကလည်း အဖျားကျစေနိုင်ပြီး အဆစ်တွေရောင်ရမ်းနာကျင်တာကို သိသိသာသာသက်သာစေမှာပါ။ အုန်းစိမ်းရည် အုန်းစိမ်းရည်သောက်ပေးတာကအသည်းကို ကျန်းမာစေနိုင်ပါတယ်။ အဖျားမြန်မြန်သက်သာစေနိုင်ပြီး ဆင်တုပ်ကွေးကြောင့် ခံစားနေရတဲ့ နာကျင်ကိုက်ခဲမှုတွေကို အမြန်ဆုံး သက်သာစေနိုင်မှာပါ။ ပင်စိမ်းရွက် ပင်စိမ်းရွက်က ကိုယ်ပူကျစေနိုင်ပြီး ဓါတ်တိုးဆန့်ကျင်အာနိသင်ပါဝင်နေတာကြောင့် ကိုယ်ခံအားကိုကောင်းစေနိုင်ပါတယ်။ ဒါကြောင့် ပင်စိမ်းရွက်ကိုရေနွေးပူပူထဲခတ်သောက်တာဖြစ်ဖြစ်ရေစင်အော်ငဆေးပြီး ဝါးစားပေးတာဖြစ်ဖြစ်လုပ်ပေးလို့ရပါတယ်။ နေကြာစေ့နဲ့ပျားရည် နေကြာစေ့ကို ကြိတ်ခြေပြီး ပျားရည်နဲ့ရောစပ်လို့စားပေးပါ။နေကြာစေ့မှာ ဇင့်နဲ့ဗီတာမင် E ပါဝင်နေတာကြောင့် ကိုယ်ခံအားကိုကောင်းစေမှာပါ။ […]

မိုးလေးဆက်တိုက်ရွာလို့ ရာသီဥတု အေးတာနဲ့အတူ မဖိတ်ခေါ်ဘဲ အလည်ရောက်နေတာက ရာသီတုပ်ကွေးအပြင် ဆင်တုပ်ကွေးလည်း ပါတယ်နော်။ ရာသီတုပ်ကွေး ကာကွယ်ဆေးထိုးထားတာပဲ တုပ်ကွေးမဖြစ်တော့ဘူး ဒီတစ်နှစ်တော့လို့ ခပ်အေးအေးမနေလိုက်နဲ့နော်။ ဆင်တုပ်ကွေးက သတိထားဖို့လိုနေပါသေးတယ်။ ဆင်တုပ်ကွေးက တုပ်ကွေးကာကွယ်ဆေးထိုးထားရုံနဲ့ မကာကွယ်နိုင်ပါဘူး။ ဆင်တုပ်ကွေး ကူးစက်နေတယ်လို့ ဘယ်လိုသိနိုင်မလဲ.... ဆင်တုပ်ကွေးက လူတိုင်းမှာဖြစ်နိုင်ပါတယ်။ ဆင်တုပ်ကွေးက ကာကွယ်ဆေးမရှိပါဘူး။ ဒါပေမယ့် ဆင်တုပ်ကွေးက ရာသီတုပ်ကွေးနဲ့မတူတာက လူတစ်ယောက်ကနေ တစ်ယောက်ကို မကူးစက်နိုင်ပါဘူး။ ဆင်တုပ်ကွေးဗိုင်းရပ်စ်ကို သယ်ဆောင်ထားတဲ့ခြင်ကိုက်ခံရမှုကနေတဆင့်ဘဲရောဂါကူးစက်ခံရနိုင်ပါတယ်။ ရောဂါပိုးသယ်ဆောင်ထားတဲ့ခြင်ကိုက်ခံရပြီး ၃ ရက်ကနေ ၇ ရက်အတွင်းမှာရောဂါလက္ခဏာ တွေပြနိုင်ပါတယ်။ ဆင်တုပ်ကွေးကူးစက်ခံရမှုက သာမန်တုပ်ကွေးဖျားနာမှုနဲ့ ခပ်ဆင်ဆင်တူပေမယ့်ရောဂါလက္ခဏာတွေမှာတော့ ကွာခြားချက်ရှိနေပါတယ်။ ဆင်တုပ်ကွေးရဲ့ လက္ခဏာတွေက ဘာတွေဖြစ်မလဲ...... ဆင်တုပ်ကွေး ကူးစက်ခံရတဲ့အခါ အဖျားတက်မယ် ကြွက်သားတွေနဲ့ အဆစ်တွေကိုက်ခဲမယ် ချမ်းတုန်မယ် ခေါင်းကိုက်မယ် အရေပြားမှာ အနီရောင် အဖုအပိမ့်တွေထွက်မယ် ခါးနာမယ် နုံးချိနေမယ် အော့အန်မယ် မအီမသာဖြစ်မယ်စတဲ့ […]

မိုးရာသီက စိုက်ပျိုးရေးကို အဓိကအားထားရတဲ့မြန်မာနိုင်ငံအတွက် အရေးပါတယ်ဆိုပေမယ့်ကောင်းကျိုးနဲ့ ဆိုးပြစ်ကဒွန်တွဲနေပါတယ်။ မိုးဖွဲဖွဲလေးက ရှင်သန်နိုးထမှုကိုများစွာကိုဖြစ်စေပါတယ်။ မိုးရေနဲ့အတူ သစ်ပင်ပန်းမန်တွေနိုးထလာသလို စိုက်ခင်းလေးတွေလည်း အသက်ဝင်လာတယ်လေ။ ဒါတင်ပဲမဟုတ်ပါဘူး။အေးမြတဲ့ရာသီဥတုနဲ့အတူ နိုးထလာတဲ့အထဲမှာ တုပ်ကွေးဗိုင်းရပ်စ်လည်းပါတယ်နော်။ အရာရာတိုင်းမှာ အကောင်းနဲ့အဆိုးက ဒွန်တွဲနေမြဲကိုး။ ယခုနှစ်မိုးနဲ့အတူနိုးထလာခဲ့တဲ့တုပ်ကွေးတွေကဘာတွေများလဲ........... ဇွန်လရဲ့ မိုးစက်တွေနဲ့အတူ နိုးထလာခဲ့တဲ့ တုပ်ကွေးတွေက တစ်ခုမကရှိနေပါတယ်။ ဒါတွေကတော့ ရာသီတုပ်ကွေး (H1N1) ဆင်တုပ်ကွေး (Chikungunya) သွေးလွန်တုပ်ကွေး (Dengue Fever) တို့ပေါ့။ အခုလောလောဆယ်တော့ ဒီတုပ်ကွေး ၃ မျိုးက အဖြစ်အများဆုံးပါ။ ဆင်တုပ်ကွေးနဲ့ပတ်သက်ပြီး သင်ဘယ်လောက်သိထားလဲ.......... အခုတလောအဖြစ်များနေတဲ့ တုပ်ကွေးတစ်မျိုးက ဆင်တုပ်ကွေးပါ။ ဒီတုပ်ကွေးနဲ့ပတ်သက်လို့ Hello ဆရာဝန်ပရိသတ်ကြီးရော ဘယ်လောက်ထိသိထားပြီးပြီလဲ ဆိုတာ ဒီဆောင်းပါလေး ဖတ်ရင်းဆန်းစစ်ကြည့်ရအောင်လား။ ဆင်တုပ်ကွေးက လူအချင်းချင်းကူးနိုင်လား....... ဆင်တုပ်ကွေးက လူတစ်ယောက်ကနေတစ်ယောက်ကို ကိုင်တွယ်ထိတွေ့မိရုံ၊ နီးနီးကပ်ကပ်နေရုံနဲ့ မကူးစက်နိုင်ပါဘူး။ ဆင်တုပ်ကွေးရဲ့ ထူးခြားချက်ကရောဂါပိုးရှိတဲ့ လူကို ကိုက်ထားတဲ့ခြင်ကိုက်ခံရမှ ဆင်တုပ်ကွေးရောဂါပိုး […]

နေအိမ်လေး ကို သန့်သန့်ရှင်းရှင်းထားပါ။ ရောဂါကင်းတယ်ဆိုတဲ့ စကားက အလကားပြောနေတာမဟုတ်ပါဘူး။ လိုအပ်တဲ့ ကျန်းမာရေးဂရုစိုက်မှုတွေထဲက တစ်ခုဖြစ်နေတာကြောင့် လူကြီးတွေကပြောရတာပါ။ နေအိမ်သန့်ရှင်းမှ နေအိမ်လေးထဲမှာ ကျန်းမာရေးကို ဒုက္ခပေးနိုင်တဲ့ အင်းဆက်တွေ ကင်းစင်တော့မပေါ့။ နေအိမ်မသန့်ရှင်းတာကြောင့် မဖိတ်ခေါ်ဘဲရောက်လာနိုင်တဲ့ ဧည့်သည်တွေ [သို့မဟုတ်] အင်းဆက်တွေ နေအိမ်လေး မသန့်ရှင်းတဲ့အခါ နေအိမ်တွင်း နဲ့ နေအိမ် ပတ်ဝန်းကျင်မှာ မဖိတ်ခေါ်ဘဲရောက်လာနိုင်တဲ့ ဧည့်သည်တွေက ဒုနဲ့ဒေးပါ။ အင်းဆက်တွေ ပေါ့။ သူတို့ကရောက်လာပြီးရင် ဒီတိုင်းနေမှာ မဟုတ်ပါဘူး။ ရောဂါဆိုတဲ့ လက်ဆောင်ကြီးကို ပေးခဲ့မှာနော်။ သူတို့တွေကတော့ ခြင် ယင်ကောင် ပိုးဟပ် ခြ သန်း ဂျပိုး ပုရွက်ဆိတ်စတာတွေပေါ့။ မလိုချင်ဘဲရလိုက်မယ့် လက်ဆောင်တွေကရော ဘာတွေများလဲ...... နေအိမ်လေး အတွင်းမှာရှိတဲ့ အင်းဆက်တွေ ကပေးတဲ့ ဝေဒနာတွေက ဘာတွေများ ဖြစ်မလဲ အတူတူ ကြည့်လိုက်ရအောင်နော်။ ခြင် နေအိမ်တိုင်းက ခြင်ကင်းဖို့ဆိုတာ […]

ခြင်ကိုက်တယ် ြခင်ကိုက်တယ်နဲ့ ခြင်ထောင်တွေ ထောင်အိပ်ကြ၊ ခြင်ဆေးခွေတွထွန်း၊ ခြင်ဆေးတွေဖျန်းကြ၊ ခြင်မကိုက်တဲ့လိမ်းဆေးတွေ လိမ်းကြနဲ့ ခြင်နဲ့ စိမ်းတဲ့သူရှိမယ်မထင်ပါဘူး။ အကောင်းသေးသလောက် နားနားကပ်အောင်ရင် အမြင်ကပ်စရာကောင်းလောက်အောင် အသံကျယ်တဲ့ခြင်။ ကိုက်လိုက်ရင်လည်း ယားကျန်ခဲ့သလို ရောဂါပိုးတွေလည်း ဖြန့်ဝေတတ်တဲ့ ခြင် ကို လူတိုင်းနီးပါး ရင်းနှီးပြီးသား ဖြစ်ပေမယ့် ခြင် အကြောင်း အတွင်းကျကျ ပိုလေ့လာချင်တဲ့သူတွေ အတွက် ဒီဆောင်ပါးကို ရေးသားရတာ ဖြစ်ပါတယ်။ စာရေးသူကိုယ်တိုင်ကလည်း ခြင်ဆို အင်မတန်မုန်းပါတယ်။ ။ ခြင်ဆိုတာ ဘာလဲ။ ။ ခြင်( Mosquito ) ဆိုတာ စပိန်စကားကနေ ဆင်းသက်လာပြီး ယင်ကောင်အသေးစားလေးလို့ အဓိပါ္ပယ်ရပါတယ်။ ခြင်မျိုးစိတ်ပေါင်း ထောင်ကျော်လောက်ရှိပြီး မျိုးပွားမှု အင်မတန်မှ မြန်တဲ့ များတဲ့ အကောင်တွေပါ။ မျိုးပွားဖို့အတွက်ကို ထုံးစံအတိုင်း ခြင်မတွေကသာ တာဝန်ယူရပြီး […]

ဂျပန်ဦးနှောက်ရောင်ရောဂါဆိုတာ ဘာလဲ ဂျပန်ဦးနှောက်ရောင်ရောဂါ (Japanese encephalitis) ဆိုတာ Culex ဆိုတဲ့ ခြင်မှတဆင့် ကူးစက်ပြန့်ပွားနိုင်ပြီး ဦးနှောက်တွင်းရောဂါပိုးပျံ့နှံ့စေတဲ့ရောဂါတစ်မျိုးဖြစ်ပါတယ်။ အရှေ့တောင်အာရှ၊ ပစိဖိတ်ကျွန်းတွေနဲ့ ကမ္ဘာ့ အရှေ့ဖျားနိုင်ငံတွေရဲ့ကျေးလက်ဒေသတွေအတွင်း ကလေးတွေမှာ အဖြစ်များဆုံးရောဂါလည်းဖြစ်ပါတယ်။ ဦးနှောက်တစ်ရှူးများရောင်ရမ်းပျက်စီးခြင်းကို ဖြစ်စေနိုင်တဲ့ ဒီရောဂါဟာ ကုသနိုင်တဲ့ဆေးဝါး မရှိသေးဘဲ ပြင်းထန်တဲ့ကူးစက်မှုတွေမှာ နောက်ဆက်တွဲဆိုးကျိုးတွေ ဖြစ်ပေါ်စေပြီး ထိရောက်စွာ ကုသမှုမရှိရင် အသက်ဆုံးရှုံးရတဲ့အထိ အန္တရာယ်ပေးနိုင်ပါတယ်။ အသက်ဆုံးရှုံးမှုမရှိဘဲ ပြန်ကောင်းလာတဲ့ လူနာတွေမှာလည်း တစ်ဝက်ခန့်က နားလေးခြင်း၊ မျက်စိကွယ်ခြင်း၊ ကိုယ်လက်မသန်စွမ်းခြင်း၊ ဉာဏ်ရည်နိမ့်ကျခြင်း၊ စိတ်မူမမှန်ခြင်းစတဲ့ နောက်ဆက်တွဲတွေခံစားရနိုင်ပါတယ်။ ဒီဗိုင်းရပ်စ်ကို ဝက်၊ ငှက်၊ ခို၊ ဘဲ၊ လင်းနို့တို့မှာ တွေ့ရပြီး သူတို့ကိုကိုက်ခဲ့တဲ့ ခြင်ကတဆင့် လူနဲ့ နို့တိုက်သတ္တဝါတွေဆီ ပြန်ကူးစက်တာဖြစ်ပါတယ်။ ဒါ့ကြောင့် ဝက်မွေးမြူရေးနဲ့ စပါးစိုက်ခင်းတွေရှိတဲ့ ကျေးလက်ဒေသတွေမှာ ပိုအဖြစ်များတာပါ။ လူကလူကို တိုက်ရိုက်မကူးစက်နိုင်ပါဘူး။ ရောဂါလက္ခဏာများ ဂျပန်ဦးနှောက်ရောင်ရောဂါပိုးကူးစက်ခံရသူဟာ […]

အဓိပ္ပါယ်ဖွင့်ဆိုချက်Japanese Encephalitis (ဂျပန်ဦးနှောက်အမြှေးရောင်ရောဂါ) ကဘာလဲ။ ဂျပန်ဦးနှောက်အမြှေးရောင်ရောဂါဆိုတာ ဗိုင်းရပ်စ်ကြောင့် ဖြစ်တာဖြစ်ပြီး အာရှနဲ့ ပစိဖိတ် အနောက်နိုင်ငံတွေမှာ ဖြစ်တဲ့ ကာကွယ်နိုင်တဲ့ ဦးနှောက်ရောင်ရောဂါတွေထဲမှာ အဖြစ်များဆုံး ဖြစ်ပါတယ်။ အာရှဒေသကို အလယ်လာတဲ့ ခရီးသွားတွေအတွက်ကတော့ ဂျပန်ဦးနှောက်အမြှေးရောင်ရောဂါ(JE) ကကူးနိုင်ခြေနည်းပြီး ဒါကလည်း ဦးတည်ရာဒေသ, ကြာချိန်နဲ့ ရာသီဥတု, လုပ်ငန်းတွေပေါ်မူတည်ပါတယ်။ JE ဗိုင်းရပ်စ်ဟာ ဝက်နဲ့ငှက်တွေလို ကျောရိုးရှိတွေနဲ့ ခြင်တွေကြားမှာ ကူးစက်ပျံ့နှံ့နေတာဖြစ်ပြီး ကူးစက်ခံနေရတဲ့ ခြင်ကိုက်ရင် လူကိုလည်း ရောဂါရစေတတ်ပါတယ်။ အများစုကတော့ လက္ခဏာပြလေ့မရှိပဲ ပြရင်လည်း အပျော့စားတွေ ဖြစ်ပါတယ်။ ဒါပေမယ့် အချို့သော ကူးစက်ခံရသူတွေက ဦးနှောက်အမြှေးရောင် ရောဂါအထိဖြစ်ကြပြီး ခေါင်းကိုက်ခြင်း၊ အဖျားကြီးခြင်း၊ မူမမှန်ခြင်း၊ မေ့မြောခြင်း၊ လက်ခြေတုန်ခြင်း နဲ့ တက်ခြင်း စတဲ့လက္ခဏာတွေ ခံစားရပါတယ်။ ဖြစ်သူလေးယောက်မှာ တစ်ယောက်နှုန်း သေဆုံးနိုင်ခြေရှိပါတယ်။ ပြီးတော့ […]

ဆင်ခြေထောက်ရောဂါကိုမြင်ဖူးကြပါသလား။ အနည်းဆုံးတော့ ပညာပေးဗွီဒီယိုတွေ၊ လက်ကမ်းစာစောင်တွေမှာတော့ မြင်တွေ့နိုင်ပါလိမ့်မယ်။ ကြောက်မက်ဖွယ်ဒီရောဂါကြီးက အလှပျက်စေရုံတင်မကဘဲနေ့စဉ်နေထိုင်မှုဘဝမှာပါ ထိခိုက်မှုတွေဖြစ်စေပါတယ်။ ဒီလိုရောဂါဆိုးမျိုးကို ဘယ်သူမှဖြစ်ချင်မှာမဟုတ်ပါဘူး။ ဒီဆောင်းပါးလေးကို ဖတ်ကြည့်ပြီး ဆင်ခြေထောက်ရောဂါမဖြစ်အောင် ကာကွယ်လိုက်ပါ။ ဆင်ခြေထောက်ရောဂါဆိုတာ ဆင်ခြေထောက်ရောဂါဆိုတာက ခြေတွေလက်တွေကို အပြင်းအထန်ရောင်ရမ်းစေတဲ့ရောဂါတစ်မျိုးပါ။ခြင်ကနေတဆင့် ကူးစက်တဲ့filarial wormကြောင့် ဆင်ခြေထောက်ရောဂါဖြစ်ရတာပါ။ ဒီရောဂါပိုးက လူ့ခန္ဓာကိုယ်ထဲက ပြန်ရည်ကြောစနစ်အတွင်းမှာရှင်သန်ကြီးထွားကြတာဖြစ်ပြီး သွေးကြောတွေကနေတဆင့် မျိုးပွားပြန့်နှံ့ကြပါတယ်။ ဒီရောဂါပိုးတွေက လူ့ခန္ဓာကိုယ်ထဲမှာ နှစ်ပေါင်းအတော်ကြာရှင်သန်နေထိုင်နိုင်ကြပါတယ်။ ဆင်ခြေထောက်ရောဂါပိုးက ခြေထောက်တွေ၊ လက်တွေကိုပဲ ရောင်ရမ်းကြီးထွားစေတာမဟုတ်ဘဲ မျိုးပွားအင်္ဂါတွေနဲ့ ရင်သားတွေကိုပါရောင်ရမ်းကြီးထွားစေနိုင်ပါတယ်။ ရောဂါခံစားရတဲ့အခါ အရေပြားက အရမ်းထူပြီး မာတောင့်တောင့်နဲ့ ဆင်သားရေလိုမျိုးဖြစ်နေတတ်ပါတယ်။ ဆင်ခြေထောက်ရောဂါက အပူပိုင်းဇုန်နဲ့ သမပိုင်းဇုန်တွေမှာနေထိုင်တဲ့သူတွေမှာ အဖြစ်များပါတယ်။ ရောဂါလက္ခဏာတွေက ခန္ဓာကိုယ်အစိတ်အပိုင်းတွေမှာ ရောင်ရမ်းပြီး ပုံမှန်အရွယ်ထက်ကြီးထွားလာတာမျိုး မဖြစ်မချင်း ဆင်ခြေထောက်ရောဂါခံစားနေရတယ်ဆိုတာကို မသိနိုင်ပါဘူး။ အရေပြားမှာ အသားမာလို ထူထူကြီးဖြစ်လာပြီး ကြမ်းကြမ်းကြီးဖြစ်နေမယ်။ တစ်ခါတရံရောင်ရမ်းတဲ့နေရာက နာကျင်တာမျိုးတွေတောင် ခံစားရနိုင်ပါတယ်။ ဒါတွေအပြင် အဖျားတက်တာနဲ့ ခန္ဓာကိုယ်မှာ […]

ငှက်ဖျားရောဂါက လူသားတွေရဲ့ အသက်အန္တရာယ်ကိုခြိမ်းခြောက်နေတဲ့ရောဂါတစ်ခုပါ။ နှစ်စဉ် ကမ္ဘာပေါ်မှာ ငှက်ဖျားရောဂါကြောင့် အသက်ဆုံးရှုံးနေရသူပေါင်း သန်းပေါင်း ဆယ်နဲ့ချီရှိနေပါတယ်။ မြန်မာနိုင်ငံမှာဆိုရင်လည်း ငှက်ဖျားရောဂါပိုးရှိနေတဲ့နေရာတွေအများစုရှိနေပါတယ်။ ငှက်ဖျားရောဂါဟာ ကြောက်စရာကောင်းတဲ့ ရောဂါတစ်ခုဖြစ်တာကြောင့် ငှက်ဖျားရောဂါပိုးရှိတဲ့နေရာမှာနေနေလို့ပဲဖြစ်ဖြစ် ငှက်ဖျားရောဂါပိုးရှိတဲ့နေရာကို သွားရမှာကြောင့်ဖြစ်ဖြစ် အကြောင်းရင်းရှိလာပြီဆိုရင် ဒီထဲမှာဖော်ပြထားတဲ့ ငှက်ဖျားရောဂါအကြောင်းနဲ့ပတ်သက်ပြီး သိသင့်သိထိုက်တာတွေကို မှတ်သားထားဖို့ လိုအပ်ပါလိမ့်မယ်။ ငှက်ဖျား (Malaria) ဆိုတာ ငှက်ဖျားကရောဂါပိုးကိုသယ်ဆောင်ထားတဲ့ခြင်ကနေတဆင့် လူတွေဆီကိုကူးစက်တဲ့ အသက်အန္တရာယ်စိုးရိမ်ရတဲ့ရောဂါတစ်မျိုးပါ။ လူတွေမှာငှက်ဖျားရောဂါပိုးဖြစ်စေနိုင်တဲ့ ကပ်ပါးပိုး မျိုးစိတ် ၅ မျိုးရှိပါတယ်။ ငှက်ဖျားက အဖျားရောဂါတစ်မျိုးဖြစ်ပေမယ့်သေချာဂရုစိုက် ကုသတာမျိုးမရှိဘူးဆိုရင် မလိုလားအပ်တဲ့နောက်ဆက်တွဲပြဿနာ တွေတွေ့ကြုံရနိုင်ပါတယ်။ ခြင်ကကိုက်လိုက်တဲ့အခါ ငှက်ဖျားရောဂါပိုးဖြစ်စေတဲ့ ကပ်ပါးပိုးPlasmodiumကသွေးကြောတွေထဲကိုရောက်ရှိသွာပြီးရောဂါဖြစ်ပွား ကူးစက်တာဖြစ်ပါတယ်။ရောဂါပိုးကခန္ဓာကိုယ်ထဲကိုရောက်ရှိသွားချိန်မှာတော့ အသည်းကိုရောက်ရှိသွားပြီး ရှင်သန်ဖို့လုပ်ဆောင်ပါတယ်။ ရက်အတော်ကြာတဲ့အခါမှာတော့ရောဂါပိုးကသွေးကြောတွေထဲကို စတင်ရောက်ရှိပြီးသွေးနီဥဆဲလ်တွေကို စတင်ကူးစက်ပါတော့တယ်။ ငှက်ဖျားရောဂါပိုးရဲ့ လက္ခဏာတွေက သွေးနီဥတွေရောဂါပိုးကူးစက်ခံရပြီး ပေါက်ကွဲပျက်စီးကုန်တာကြောင့်အဓိကဖြစ်ပါတယ်။ ငှက်ဖျားရောဂါပိုးက အပူပိုင်းဇုန်နဲ့သမပိုင်းဇုန်မှာရှင်သန်ပေါက်ဖွားနိုင်ပါတယ်။ ရောဂါလက္ခဏာတွေက ရောဂါပိုးရှိတဲ့ခြင်ကိုက်ခံပြီးရတဲ့အခါ ၇ ရက်ကနေ ၁၀ ရက်အတွင်းမှာရောဂါလက္ခဏာတွေစဖြစ်လာတတ်ပါတယ်။ […]