ကွန်ဒုံးကို မှန်ကန်စွာ ရွေးချယ်အသုံးပြုတော့မယ်ဆိုရင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

ကွန်ဒုံး အရပ်အခေါ်အရဆိုရင် ဦးထုပ် သို့မဟုတ် အကာအကွယ်ပေါ့ဗျာ။ သူ့ရဲ့ အဓိကလုပ်ဆောင်ချက်ကတော့ မလိုအပ်တဲ့ ကိုယ်ဝန်ေတွကို ထိရောက်စွာ တားဆီးပေးနိုင်တယ်။ လိင်မှတစ်ဆင့် ရောဂါတွေ ကိုယ့်ဆီကိုရော၊ ကိုယ့်အဖော်ဆီကိုပါ မကူးစက်စေဖို့ ကာကွယ်ပေးနိုင်တယ်။ ဒီတော့ အဖက်ဖက်ကနေ အသုံးဝင်တဲ့ ကွန်ဒုံးကို မှန်ကန်စွာ ရွေးချယ်တတ်ဖို့၊ အသုံးပြုတဲ့နည်းလမ်းကို ပုရိသတို့အနေနဲ့ သိထားဖို့ လိုအပ်ပါတယ်။

ကွန်ဒုံးကို ဘယ်အချိန်မှာ အသုံးပြုဖို့ လိုအပ်လဲ။

ထိုးသွင်းမှု ပါတဲ့ လိင်ဆက်ဆံမှုတိုင်းမှာ ကွန်ဒုံးကို မဖြစ်မနေ အသုံးပြုပေးရပါမယ်။ ထိုးသွင်းဆက်ဆံမှုလို့ ဆိုရာမှာ အမျိုးသား လိင်တံနဲ့ ဆက်ဆံဖော်ရဲ့ ပါးစပ်၊ မိန်းမကိုယ်၊ စအိုဝအတွင်းသို့ ထိုးသွင်းဆက်ဆံခြင်းကို ဆိုလိုတာ ဖြစ်ပါတယ်။ ပါးစပ်နဲ့ ဆက်ဆံတဲ့အခါ HIV အပြင် ကာလသားရောဂါ၊ ရေယုန် အစရှိတဲ့ ရောဂါတွေ ကူးစက်ဖို့ အခွင့်အလမ်းနည်းတယ်ဆိုပေမယ့် လုံးဝမကူးစက်နိုင်တာတော့ မဟုတ်ပါဘူး။ ဒါကြောင့် အသုံးပြုသင့်တယ်လို့ တိုက်တွန်းရတာ ဖြစ်ပါတယ်။

ကွန်ဒုံးအစားထိုး သုံးစရာပစ္စည်းတွေရော မရှိဘူးလား။

လူတော်တော်များများ အထူးသဖြင့် အမျိုးသားတွေကိုယ်တိုင်က ကွန်ဒုံး ဝယ်ရမှာကို ရှက်သလို၊ စိတ်မလုံသလို ဖြစ်တတ်ပါတယ်။ တကယ်တော့ လိင်ကိစ္စဆိုတာ လူသားတိုင်း ရှောင်လွှဲလို့ မရတဲ့ ကိစ္စဖြစ်တာကြောင့် အကောင်းဆုံးကတော့ ကွန်ဒုံးတွေကို ကိုယ်နဲ့မကွာ အမြဲဆောင်ထားဖို့ပါပဲ။

ကွန်ဒုံးအစားထိုးပစ္စည်းလို့ ဆိုရာမှာ မလိုလားအပ်တဲ့ ကိုယ်ဝန်တွေကို တားဆီးပေးဖို့ အရေးပေါ် သန္ဓေတားဆေး၊ လက်မောင်းတွင်း ထိုးဆေးတွေ ရှိသလို၊ သုက်ရည်ကို အပြင်ဘက်မှာ စွန့်ထုတ်တဲ့ နည်းလမ်းတွေလည်း ရှိပါတယ်။ HIV ပိုး မကူးစက်စေဖို့ ကြိုတင်သောက်လို့ ရတဲ့ PreP ဆေးဝါးတွေ၊ အရေးပေါ် PeP ဆေးတွေ ရှိပါတယ်။ ဒါပေမယ့် ဒီဆေးတွေဟာ ကွန်ဒုံးလိုမျိုး ရာနှုန်းပြည့်ကာကွယ်ပေးနိုင်တာမျိုး မဟုတ်ပါဘူး။ ကိုယ်ဝန်နဲ့ HIV ကိုပဲ ကာကွယ်ပေးတာဖြစ်ပြီး တခြားလိင်မှတစ်ဆင့် ကူးစက်ရောဂါတွေ (ဥပမာ – ဂနို၊ ရေယုန်၊ ကာလသားရောဂါ) ဝင်လာနိုင်ပါတယ်။ ဒါကြောင့် ကိုယ့်ချစ်သူအိမ်ထောင်ဖက်နဲ့ ဖြစ်စေ၊ တခြားအဖော်နဲ့ဖြစ်စေ လိင်ဆက်ဆံတော့မယ်ဆိုရင် ကွန်ဒုံးကိုပဲ မှန်ကန်တဲ့နည်းလမ်းနဲ့ အသုံးပြုတာ အကောင်းဆုံးပါပဲ။

အန္တရာယ်ကင်းပြီး စိတ်ချရတဲ့ ကွန်ဒုံးတစ်ခု ဘယ်လိုရွေးချယ်မလဲ။

အမျိုးသားတိုင်း ကွန်ဒုံးဝယ်တော့မယ်ဆိုရင် အောက်မှာပြထားတဲ့အချက်တွေအတိုင်း သေချာစစ်ကြည့်ဖို့ အရေးကြီးပါတယ်။

၁။ ကွန်ဒုံးရဲ့ ကုန်ဆုံးမယ့်သက်တမ်းကို စစ်ကြည့်ပါ။ ရက်လွန်နေတဲ့ ကွန်ဒုံးတွေ၊ ကုန်ဆုံးသက်တမ်း မပါဝင်တဲ့ ပစ္စည်းတွေကို လုံးဝ မဝယ်ပါနဲ့။

၂။ ကွန်ဒုံးဖောက်ပြီးသွားတဲ့အခါ လက်နဲ့ စမ်းကြည့်ပါ။ ကြွပ်ဆတ်ဆတ် ဖြစ်နေတာ၊ တအားစေးကပ်နေတာ၊ အရောင်ပြောင်းနေတာ၊ အနံ့ထွက်နေတာ အစရှိတဲ့ ပုံမှန်မဟုတ် လက္ခဏာတွေ တွေ့ရရင် မသုံးပါနဲ့။

၃။ ကွန်ဒုံးကို အသုံးမပြုခင်မှာ ပေါက်နေတာ၊ ပြဲနေတာမျိုး ရှိ၊ မရှိ သေချာစစ်ကြည့်ပါ။ အထူးသဖြင့် အပြင်ဘက်က ပိတ်ထားတဲ့ ပါကင်မှာ ပြဲနေတာမျိုး တွေ့ရင် ဆက်မသုံးပါနဲ့တော့။

၄။ လိင်တံနဲ့ ကွန်ဒုံးအရွယ်အစား ထပ်တူကျဖို့ လိုပါတယ်။ အရမ်းကြီးနေရင်လည်း ဆက်ဆံနေရင်း ကျွတ်ဖို့ လွယ်နိုင်သလို သေးလွန်းရင်လည်း စွပ်ဖို့ အဆင်မပြေတာ၊ ပေါက်ပြဲသွားတာမျိုး ဖြစ်နိုင်ပါတယ်။

၅။ ပူလွန်းတဲ့ နေရာတွေမှာ ကွန်ဒုံးကို မထားပါနဲ့။ အပြင်သွားစရာ မရှိဘူးဆိုရင် ကွန်ဒုံးကို အခန်းအပူချိန်မှာပဲ ထားထားပါ။ ဘောင်းဘီအိတ်၊ ပိုက်ဆံအိတ်ထဲ အကြာကြီးထည့်ထားရင် ပူလွန်းတဲ့အတွက် ပြဲသွားနိုင်ပါတယ်။

အမျိုးသားသုံး ကွန်ဒုံးကို ဘယ်လိုမှန်ကန်စွာ အသုံးပြုမလဲ။

အမျိုးသားတွေ လိင်စိတ်ဆန္ဒ အထွတ်အထိပ်ရောက်နေစဉ် သုက်လွှတ်လိုက်တဲ့အခါ သုက်ရည်တွေ မိန်းမကိုယ်တွင်း မဝင်သွားစေဖို့၊ အပြင်ကို ထွက်မလာစေဖို့ အထိန်းအစွပ်အနေနဲ့ အသုံးပြုရတာ ဖြစ်ပါတယ်။ ဒီကွန်ဒုံးကို မိန်းမကိုယ်၊ စအိုအတွင်း ထိုးသွင်းဆက်ဆံခြင်းသာမက ပါးစပ်ဖြင့် လိင်ဆက်ဆံတဲ့အခါမှာလည်း အသုံးပြုနိုင်ပါတယ်။ ဘယ်လိုအသုံးပြုရမလဲဆိုရင်

၁။ ကွန်ဒုံးထည့်ထားတဲ့ အထုတ်ကို သတိထားပြီး ဖွင့်ပါ။ သွားနဲ့ ကိုက်ဖွင့်လိုက်တာ၊ ကပ်ကြေးနဲ့ ညှပ်တာမျိုးမလုပ်ပါနဲ့။ အခန့်မသင့်ရင် ကွန်ဒုံးပါ ပေါက်ပြီးပြဲသွားနိုင်ပါတယ်။

၂။ ကွန်ဒုံးကို မစွပ်ခင်မှာ ပေါက်ပြဲနေတာ၊ ထိခိုက်မှု တစ်စုံတစ်ရာ ရှိ၊ မရှိ အရင်စစ်ဆေးပါ။

၃။ ကွန်ဒုံးရဲ့ ဖုဖောင်းနေတဲ့ ထိပ်ကလေးကို လက်မနဲ့ လက်ညှိုးဖြင့် ဖိထားပါ။

၄။ ထောင်မတ်ေနတဲ့ လိင်တံထိပ်ကနေ ကွန်ဒုံးအနားသားတွေကို အောက်ကို ဖြည်းဖြည်းချင်း လိပ်ဆွဲပါ။ ဆွဲလို့ အဆင်မပြေတာ၊ အရမ်းကျပ်နေတာ၊ ဆွဲနေရင်းနဲ့ ပြဲသွားတာဆိုရင် လွှင့်ပစ်ပြီး အသစ်တစ်ခု ယူသုံးပါ။

၅။ ထိခိုက်ပွန်းပဲ့မှု နည်းစေဖို့နဲ့ ထိုးသွင်းဆက်ဆံတာ ပိုလွယ်သွားအောင် ရေအခြေပြု (Water-based) ချောဆီနည်းနည်းကို ကွန်ဒုံးအပြင်ဘက်ကို သုတ်လိမ်းထားပါ။

၆။ သုက်လွှတ်ပြီးသွားချိန် လိင်တံမပျော့သွားခင် အမြန်ဆွဲထုတ်ပြီး ကွန်ဒုံးကို လွှင့်၏ပစ်ပါ။ လိင်တံပျော့သွားတဲ့အခါ စွပ်ထားတဲ့ ကွန်ဒုံးက ချောင်ပြီး အပြင်ကို ကျွတ်ထွက်သွားနိုင်သလို သုက်ရည်ေတွပါ စိမ့်သွားနိုင်တာကြောင့်ပါ။

၇။ ကွန်ဒုံးကို ဆွဲချွတ်တဲ့အခါ ထိပ်နားကို လက်နဲ့ထိန်းပြီး ကျန်လက်တစ်ဖက်ဖြင့် ဖြည်းဖြည်းချင်း ဆွဲချွတ်ပေးရပါမယ်။

၈။ ပြီးတာနဲ့ သုက်ရည်တွေကို အပြင်ဘက် မဖိတ်ကျအောင် သေချာဂရုစိုက်ပြီး အမှိုက်ပုံးထဲ ကွန်ဒုံးကို ပစ်လိုက်ရုံပါပဲ။

လိင်ဆက်ဆံနေစဉ် ကွန်ဒုံးပေါက်ပြဲသွားတယ်လို့ သံသယရှိရင် အမြန်ဆုံးဆွဲချွတ်ပြီး အသစ်တစ်ခု ပြန်တပ်ပါ။ ပြဲနေတဲ့ကွန်ဒုံးကို ဆက်ပြီး သုံးနေတာမျိုးတော့ မလုပ်သင့်ပါဘူး။ ဒီနည်းလမ်းတွေအတိုင်း ကွန်ဒုံးတွေကို မှန်ကန်စွာ အသုံးပြုမယ်ဆိုရင်တော့ မလိုလားအပ်တဲ့ ကိုယ်ဝန်အပြင် လိင်မှတစ်ဆင့် ကူးစက်ရောဂါတွေကို ထိရောက်စွာ တားဆီးပေးနိုင်မှာပါ။ ပွဲမဝင်ခင် အပြင်က ကျင်းပဆိုသလို တကယ့်အရေးအကြောင်းရယ်မှ ကွန်ဒုံးနဲ့ ပတ်သက်ပြီး အခက်အခဲတစ်စုံတစ်ရာ မဖြစ်ရလေအောင် ဒီနည်းလမ်းတွေနဲ့ ကြိုတင်လေ့ကျင့်ထားနိုင်ရင်တော့ အကောင်းဆုံးပဲပေါ့။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

သင်ဒါလည်း နှစ်သက်နိုင်ပါတယ်။

အိပ်ချ်အိုင်ဗီ ကူးစက်မှု ယုံတမ်းစကားများ

အိပ်ချ်အိုင်ဗီပိုး ယုံတမ်းစကား ရောဂါကူးစက်မခံရအောင် ရောဂါပိုးကူးစက် ခြင်ကနေတဆင့် နမ်းရှုံ့ခြင်း အစားအသောက်တွေ ပါးစပ်နဲ့လိင်ဆက်ဆံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

အကာအကွယ်မပါဘဲ အတူတူနေမိပြီးရင် ဘယ်အချိန်မှာ ဘာတွေစစ်ဆေးရမလဲ

အကာအကွယ်မပါဘဲ အတူတူနေမိပြီးရင် ဘယ်အချိန်မှာ ဘာတွေစစ်ဆေးရမလဲ အသည်းရောင် အသားဝါ Bပိုး HIV ပိုး ဆီးပူညောင်းကျ ရေယုန် ဓာတ်ခွဲခန်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

လိင်ဆက်ဆံဖော်များရင် ကင်ဆာပိုဖြစ်မယ်တဲ့

ဆေးသိပ္ပံပညာရပ်၊ ကင်ဆာ၊ ကြိုတင်ကာကွယ်မှု၊ ရောဂါဆိုး၊ ကွန်ဒုံး၊ Sexually Transmitted Infection၊ Human Papillomavirus၊ စအို၊ အာခေါင်၊ သားအိမ်ခေါင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

အမျိုးသား လိင်အင်္ဂါနဲ့ ပေါင်ခြံတစ်ဝိုက် အနံ့ဆိုးကင်းစေဖို့

အမျိုးသား လိင်အင်္ဂါ ပေါင်ခြံ အနံ့ဆိုး လိင်တံ ထိပ်အရေပြား တစ်ကိုယ်ရေသန့်ရှင်းမှု ချွေးထွက် ဆီးလမ်းကြောင်း ရေချိုး ကွန်ဒုံး ဝှေးစေ့ အတွင်းခံ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

Stay at Home ရင်း Support from Home လုပ်ကြမယ် (၂)

Stay at Home ရင်း Support from Home လုပ်ကြမယ် (၂)

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 25, 2020
Sex education ကို ဘာကြောင့် သင်ပေးရတာလဲ။

Sex education ကို ဘာကြောင့် သင်ပေးရတာလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 21, 2020
ကျောင်းတွေမှာ ဘာလို့ sex education သင်ပေးသင့်တာလဲ။

ကျောင်းတွေမှာ ဘာလို့ sex education သင်ပေးသင့်တာလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 21, 2020
သုက်လွှတ်မြန်တာ ဘယ်လိုလုပ်ရမလဲ

သုက်လွှတ်မြန်တာ ဘယ်လိုလုပ်ရမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 7, 2020