တစ်နေ့တာမှာ ရှောင်လွှဲမရတဲ့ ပြဿနာကို ဒီလိုရင်ဆိုင်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 3 mins read
Share now

တစ်နေ့တာလုပ်ငန်းဆောင်တာတွေကို လုပ်ကိုင်ရင်းတွေ့ရတဲ့ပြဿနာတွေကတော့ အများကြီးပါ။ ဒီပြဿနာတွေထဲမှာမှ လူတိုင်းရှောင်လွှဲလို့မရဘဲ မဖြစ်မနေကြုံတွေ့ရနိုင်တာက စိတ်ဖိစီးမှုပေါ့။ စိတ်ဖိစီးမှုက လူ့ဘဝရဲ့ ဖယ်ချန်ထားလို့မရတဲ့ အစိတ်အပိုင်းတစ်ခုပါ။ ဒီလိုမျိုးရှောင်လွှဲလို့မရဘဲနေ့စဉ်ဘဝရဲ့ အစိတ်အပိုင်းတစ်ခုအနေနဲ့နေရာယူထားတဲ့ Stress(စိတ်ဖိစီးမှု) ကိုပြုံးပြုံးလေးနဲ့ အန်တုနိုင်ဖို့ ဒီနည်းလေးတွေ လုပ်ကြည့်နော်။

ရှောင်လွှဲမရတဲ့ စိတ်ဖိစီးမှု (Stress)

လူတိုင်းစိတ်ဖိစီးမှုကို ခံစားဖူးမှာပါ။ အရွယ်တိုင်းလိုလို စိတ်ဖိစီးမှုကိုခံစားရနိုင်ပါတယ်။ ကလေးမှာလည်း သူ့အတိုင်းအတာနဲ့သူစိတ်ဖိစီးမှုရှိပါတယ်။ကျောင်းနေအရွယ်၊ တက္ကသိုလ်တက်တဲ့အချိန်၊ အလုပ်ခွင်ဝင်တဲ့အချိန်တွေမှာလည်း စိတ်ဖိစီးမှုက ကိုယ်တွေနဲ့အမြဲတစ်တွဲတွဲပဲနော်။ စိတ်ဖိစီးတာက စိတ်ပိုင်းဆိုင်ရာအရ ပူပန်၊ စိတ်ညစ်ရတဲ့ ခံစားမှုတစ်ခုပေါ့။ စိတ်ဖိစီးမှု (Stress) က အဆိုးတွေချည်းပဲဖြစ်စေတာတော့ မဟုတ်ပါဘူး။ အသေးအဖွဲ စိတ်ဖိစီးမှုလေးတွေက တစ်ခါတစ်လေမှာ စိတ်ပိုင်းဆိုင်ရာမြှင့်တင်မှုကိုလုပ်ပေးနိုင်စွမ်းရှိပါတယ်။ စိတ်ဖိစီးမှုက တာရှည်ဖြစ်လာမယ်၊ အလွန်အကျွံဖြစ်လာမယ်ဆိုရင်တော့နေ့စဉ်ဘဝမှာ ထိခိုက်မှုတွေဖြစ်လာနိုင်ပါတယ်။နောက်တစ်ခုက ကျန်းမာရေးထိခိုက်လာနိုင်တာပါ။ စိတ်ဖိစီးမှု အရမ်းများလာတဲ့အခါခေါင်းကိုက်တာသွေးတိုးတာနှလုံးထိခိုက်တာ၊လေဖြတ်တာနဲ့ အခြားသော ကျန်းမာရေးပြဿနာတွေကို ရင်ဆိုင်ရနိုင်ပါတယ်။

ဒါတွေက စိတ်ဖိစီးမှုကိုဖြစ်စေနိုင်ပါတယ်

နေ့စဉ်လှုပ်ရှားလုပ်ကိုင်နေသူအဖို့ စိတ်ဖိစီးမှုရရှိနိုင်တဲ့ အခြေအနေတွေက အများကြီးပါ။ အမြဲလိုလိုစိတ်ဖိစီးမှုဖြစ်ရတာကတော့ ဒီအကြောင်းတွေကြောင့်ပါ။

  • အလုပ်ခွင်ဖိအားတွေ
  • မိသားစုတွင်းပြဿနာတွေ
  • မိတ်ဆွေအပေါင်းအသင်းတွေနဲ့ဆက်ဆံရေး မပြေလည်တာ
  • ချစ်သူ၊ အိမ်ထောင်ဖက်နဲ့ဆက်ဆံရေး ကတောက်ကဆဖြစ်တာ
  • ငွေရေးကြေးရေးမဆင်မပြေတာတွေကြောင့် စိတ်ဖိစီးမှုဝင်နိုင်ပါတယ်။

ဒီစိတ်ဖိစီးမှုတွေကို အပြုံးမပျက်တုံ့ပြန်နိုင်မယ့် နည်းလမ်းလေးတွေက

စိတ်ဖိစီးမှုဝင်လာတဲ့အခါ ကျန်းမာရေးကို ထိခိုက်မှုမရှိခင်မှာ အမြန်ဆုံး တုံ့ပြန်ဖြေရှင်းတာ အကောင်းဆုံးဖြစ်မှာပါ။ ဒီတော့ ဘယ်လိုဖြေရှင်းမလဲ ဆက်ကြည့်ရအောင်နော်။

လေ့ကျင့်ခန်းလုပ်ပါ

လေ့ကျင့်ခန်းလုပ်တာကို စိတ်ဖိစီးမှုကို တုံ့ပြန်နိုင်တဲ့ အကောင်းဆုံးနည်းလမ်းပါ။နေ့တိုင်းလေ့ကျင့်ခန်းလုပ်ပေးပါ။နေ့စဉ်မှန်မှန်လေ့ကျင့်ခန်းလုပ်သူတွေက စိတ်ဖိစီးမှုကိုကောင်းကောင်းတုံ့ပြန်နိုင်ပါတယ်တဲ့။ ကဲလေ့ကျင့်ခန်းလုပ်မယ်မှတ်လား ……..

ပီကေဝါးပါ

ဒါကတော့ အလုပ်ခွင်ထဲမှာပါ လွယ်လွယ်ကူကူ လုပ်လို့ရတဲ့နည်းလမ်းတစ်ခုပါ။ စိတ်ဖိစီးမှုတွေဖြစ်လာပြီ။ စိတ်ပူပန်စရာအခြေအနေတွေကြုံရပြီဆိုရင် ပီကေတစ်ခုလောက်ကောက်ဝါးထားလိုက်နော်။ ပီကေဝါးတာက စိတ်တည်ငြိမ်မှုရရှိစေပြီး စိတ်ဖိစီးမှုကို ထိန်းချုပ်နိုင်ပါတယ်။ ဦးနှောက်ထဲကိုသွေးစီးဆင်းမှုကောင်းအောင်လည်း အထောက်အပံ့ပေးပါသေးတယ်။ အိတ်ထဲမှာ ပီကေဆောင်ထားပြီး စိတ်ဖိစီးမှုကို တာတာ့ပြလိုက်နော်….

ရယ်မောလိုက်ပါ

စိတ်ဖိစီးနေပါတယ်ဆိုမှ ရယ်နိုင်ပါ့မလားလို့တွေးနေလား။ ဘယ်ရယ်နိုင်မလဲ ခက်ခဲတာသိတာပေါ့။ ဒါပေမယ့် စိတ်ဖိစီးမှုကို အနိုင်မပေး ချင်ဘူးဆိုရင်တော့ အားခဲပြီး ရယ်လိုက်နော်။ ရယ်မောတာက ခန္ဓါကိုယ်ရဲ့ ကိုယ်အင်္ဂါအစိတ်အပိုင်းတွေဆီကိုအောက်ဆီဂျင် ပိုမိုရောက်ရှိစေနိုင်သလို စိတ်ဖိစီးနေတဲ့ စိတ်ကိုလည်း သက်သာရာရစေပါတယ်။ စိတ်ဖိစီးမှုကြောင့် ကြွက်သားတွေမှာဖြစ်ပေါ်နေတဲ့ တင်းအားတွေကိုလည်း သက်သာစေနိုင်ပါသေးတယ်။နေ့စဉ်ရယ်မောနိုင်ဖို့ ကြိုးစားပါ ကိုယ်ခံအားကိုရော စိတ်ခံစားမှုကို ပါကောင်းစေနိုင်ပါတယ်။

စိတ်အရမ်းဖိစီးနေလို့ မရယ်နိုင်ဘူးဆိုရင် ရယ်စရာရုပ်ရှင်ကြည့်တာဖြစ်ဖြစ်၊ ကိုယ့်ကိုရယ်မောစေနိုင်မယ့် သူငယ်ချင်းနဲ့တွေ့တာဖြစ်ဖြစ်၊ ရယ်စရာကောင်းတဲ့ အကြောင်းအရာတွေကို ဖတ်တာဖြစ်ဖြစ်လုပ်ပါ။နောက်ဆုံးဘာမှမလုပ်ချင်ရင်တောင် ကြုံခဲ့ရတဲ့ စိတ်ဖိစီးမှုကိုဖြစ်စေတဲ့ အခြေအနေထဲက ရယ်စရာကောင်းလောက်တဲ့ အခြေအနေကိုပြန်တွေးကြည့်လိုက်နော်။ အဆိုးတွေထဲမှာ အကောင်းလေးတွေရှိနေတတ်စမြဲပါ။

အိမ်မွေးတိရစ္ဆာန်လေးတွေနဲ့ အချိန်ဖြုန်းပါ

အိမ်မွေးတိရစ္ဆာန်လေးတွေက စိတ်ဖိစီးမှုကိုပြေလျော့စေပြီး စိတ်ခံစားမှုကိုတိုးတက်ကောင်းမွန်စေတဲ့ အိန်ဂျယ်လ်လေးတွေပါ။ တစ်နေ့တာလုံး စိတ်ဘယ်လောက် ညစ်ညစ် အိမ်ရောက်လို့ သူတို့လေးတွေ လာကြိုရင်ကို စိတ်ညစ်စရာတွေကပျောက်သွားရော။ တစ်နေ့တာလု့း ကိုယ့်ကိုလွမ်းနေတဲ့ သူတို့လေးတွေရဲ့ ချွဲနွဲ့မှုတွေက စိတ်ညစ်စရာတွေကိုပြေပျောက်သွားစေတာတော့ အမှန်ပါ။ အိမ်မွေးတိရစ္တာန်လေူတွေရှိတဲ့သူတွေက မရှိတဲ့သူတွေနဲ့စာရင် စိတ်ဖိစီးမှုကို ခံစားရနိုင်ခြေနည်းတယ်ဆိုတဲ့ သုတေသန ရလဒ်တွေတောင်ရှိတယ်နော်။

သီချင်းနားထောင်ပါ

စိတ်အရမ်းညစ်လာပြီဆိုရင် လုပ်နေသမျှတွေကို ခဏချပြီး သီချင်းအေးအေးငြိမ့်ငြိမ့်လေးတွေ နားထောင်လိုက်ပါ။ သီချင်းနားထောင်တာက ဦးနှောက်အတွက်ရော ခန္ဓါကိုယ် အတွက်ပါ အကျိုးရှိစေနိုင်ပါတယ်။ သီချင်းနားထောင်တာကသွေးပေါင်ချိန်ကို ကျဆင်းစေနိုင်သလို စိတ်ဖိစီးမှုကိုဖြစ်စေတဲ့ဟော်မုန်းတစ်မျိုးဖြစ်တဲ့cortisol ပမာဏကိုလျော့ကျစေနိုင်ပါတယ်။ ဖုန်းထဲမှာ သီးချင်းအေးအေးလေးတွေ ထည့်ထားပြီး စိတ်ညစ်တဲ့အခါ နားထောင်ပေးပါ။

အသက်ဝဝရှုလိုက်ပါ

စိတ်ဖိစီးလွန်းလို့ လုပ်နေသမျှကို ဘာမှမလုပ်ချင်တော့ဘူးဆိုရင်ငြိမ်ငြိမ်လေးထိုင်ပြီး အသက်ကို ခပ်ပြင်းပြင်းလေးရှုလိုက်နော်။ ဒီလိုလုပ်ပေးတာက စိတ်ဖိစီးမှုကြောင့်ဖြစ်လာတဲ့ နှလုံးခုန်မြန်တာ၊ အသက်ရှုမြန်တာ၊သွေးကြောတွေ ကျုံ့တာကို သက်သာစေနိုင်ပါတယ်။ စိတ်အရမ်းညစ်တဲ့အခါ ဝင်သက်ထွက်သက်မှတ်ပေးပါ။

ယောဂလေ့ကျင့်ခန်းလုပ်ပေးပါ

ယောဂလေ့ကျင့်ခန်းလုပ်တာက စိတ်ဖိစီးမှုကို သက်သာစေနိုင်တဲ့ နည်းလမ်းတစ်ခုအနေနဲ့ လူတွေကြားမှာရေပန်းစားလာနေပါတယ်။ယောဂလေ့ကျင့်ခန်းလုပ်ဆောင်ရတဲ့လေ့ကျင့်မှုပုံစံ တစ်ခုနဲ့တစ်ခုမတူပေမယ့် အားလုံးရဲ့ ရည်ရွယ်ချက်ကတော့ ရုပ်ပိုင်းဆိုင်ရာ နဲ့ စိတ်ပိုင်းဆိုင်ရာကို အကောင်းဆုံး ချိတ်ဆက်နိုင်ဖို့ပါ။ယောဂ ကစားတာက စိတ်ပိုင်းဆိုင်ရာ ကျန်းမာသန်စွမ်းအောင် အများကြီးအထောက်အပံပေးနိုင်ပါတယ်။ယောဂလေ့ကျင့်ပေးမှုကြောင့်စိတ်ဖိစီးမှုကိုဖြစ်စေတဲ့ဟော်မုန်းတစ်မျိုးဖြစ်တဲ့cortisolပမာဏကျဆင်းစေသလို ခန္ဓါကိုယ်မှာသွေးတိုးတာမျိုးမဖြစ်အောင်လည်း လုပ်ဆောင်ပေးနိုင်ပါတယ်။

အခုပြောခဲ့တဲ့နည်းလေးတွေအတိုင်း လုပ်ဆောင်ကြည့်ပြီးနေ့စဉ်ရှောင်လွှဲရခက်လောက်အောင် ကြုံတွေ့နေရတဲ့ စိတ်ဖိစီးမှု (Stress)တွေကို အကောင်းဆုံးကျော်လွှားကြရအောင်နော်။အောင်မြင်ပျော်ရွှင်တဲ့ ဘဝကို ပိုင်ဆိုင်ကြပါစေကြောင်း……

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ခန္ဓာကိုယ်မှာ ရေဓာတ်မပြည့်ဝတဲ့အခါ

ခန္ဓာကိုယ် တစ်နေ့တာ ရေ ၈ ခွက် ရေဓာတ် ကဖင်း ကျန်းမာရေး ပြဿနာတွေ ရေဓာတ်ပြည့်ဝလုံလောက်မှု ကိုယ်ခံအား နှလုံးကျန်းမာရေး ရေဓာတ်ခမ်းခြောက်မှု အဆိပ်အတောက်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ညအိပ်ရာမဝင်ခင် ရေသောက်ရအောင်

ရေ ခန္ဓာကိုယ် အပူချိန် ဦးနှောက် တစ်နေ့တာ ခြေကုန်လက်ပမ်းကျ ကျန်းမာရေး ပြဿနာတွေ ရေဓာတ် ကိုယ်အလေးချိန် အိပ်ရာမဝင်ခင် အိပ်ရေးပျက်တာ အိပ်စက်မှု အားကစားသမားတွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ရေနွေးနွေးလေး သောက်ပေးခြင်း နဲ့ ကျန်းမာရေး

မနက်ခင်း လေ့ကျင့်ခန်း ရေခဲရေ ခန္ဓာကိုယ် ရေကျက်အေး ကျန်းမာရေး အကျိုးကျေးဇူးလေး အိပ်ရာနိုးနိုးချင်း အကြော အသက်ရှူလမ်းကြောင်း နှာခေါင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ကိုဗစ်ရဲ့ Second wave ကို ဘယ်လို ကိုင်တွယ်ကြမလဲ…………

ရောဂါကူးစက်နှုန်း လက္ခဏာမပြဘဲ ကိုဗစ် ကျန်းမာရေးဝန်ထမ်းတွေ လေဆိပ်တွေ ရောဂါပိုး ကူးစက်သူ silent carrier နေအိမ် နှာချေ၊ ချောင်းဆိုး နှာခေါင်းစည်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

ပိုးကောင်ကိုက်တာကို သက်သာစေမယ့် သဘာဝနည်းလမ်းများ

ပိုးကောင်ကိုက်တာကို သက်သာစေမယ့် သဘာဝနည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 9, 2020 . 1 min read
ဒီပရက်ရှင် ဝင်တာ ဂုဏ်ယူစရာ မဟုတ်ပါ

ဒီပရက်ရှင် ဝင်တာ ဂုဏ်ယူစရာ မဟုတ်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 1, 2020 . 2 mins read
ကျန်းမာထက်မြက်တဲ့ ကလေးတစ်ယောက်ဖြစ်အောင် ပျိုးထောင်ကြမယ်

ကျန်းမာထက်မြက်တဲ့ ကလေးတစ်ယောက်ဖြစ်အောင် ပျိုးထောင်ကြမယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 10, 2020 . 3 mins read
ညအိပ်တဲ့အခါ ဆံပင်ကို စည်းသင့်၊ မစည်းသင့်

ညအိပ်တဲ့အခါ ဆံပင်ကို စည်းသင့်၊ မစည်းသင့်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 27, 2020 . 1 min read