အမွှေးတိုင် ကပေးတဲ့ ကျန်းမာရေးဆိုးကျိုး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

နေအိမ်ထဲမှာ အနံ့ကောင်းအောင်ဆိုပြီးပဲဖြစ်ဖြစ်၊ ယုံကြည်မှုအရ ပူဇော်တဲ့အနေနဲ့ပဲဖြစ်ဖြစ် အမွှေးတိုင် ထွန်းတတ်ကြတယ်နော်။  ဒါက မြန်မာနိုင်ငံတစ်နိုင်ငံတည်းမှာမှ မဟုတ်ပါဘူး။ ဘာသာတရား ယုံကြည်မှုအရ အမွှေးတိုင်ထွန်းတာက အာရှနိုင်ငံတော်တော်များများမှာ လုပ်လေ့လုပ်ထရှိတဲ့ အစဉ်အလာတစ်ခုပါ။ ဒီလိုမျိုး အမွှေးတိုင် ထွန်းတာက ကျန်းမာရေးအပေါ်မှာရော ဘယ်လိုမျိုးသက်ရောက်မှုတွေရှိနေနိုင်လဲ………..

အမွှေးတိုင်ရဲ့ ကျန်းမာရေးအပေါ်သက်ရောက်မှု

အမွှေးတိုင် ထွန်းတာက အနံ့လေးမွှေးပေမယ့် လေထုညစ်ညမ်းစေမှုနဲ့အတူ ကျန်းမာရေးကို တော်တော်လေး ထိခိုက်စေနိုင်ပါတယ်။ ဒီတော့ အနံ့မွှေးမွှေးလေးဖြစ်တဲ့ အမွှေးတိုင်က ကျန်းမာရေးအပေါ်မှာ အခုလို သက်ရောက်မှုရှိနိုင်ပါတယ်။

ဆဲလ်တွေကို အဆိပ်အတောက်ဖြစ်စေနိုင်တယ်

အမွှေးတိုင်းကို ထွန်းလိုက်ချိန်မှာ ထွက်လာတဲ့ မီးခိုးငွေ့က လေထုကို ညစ်ညမ်းစေပြီး အန္တရာယ်ဖြစ်စေတဲ့ ဓာတုပစ္စည်းတွေကို ထုတ်လွှတ်ပေးပါတယ်။ ဒီအငွေ့တွေက ဆဲလ်တွေကို ပြင်းပြင်းထန်ထန် အဆိပ်အတောက်ဖြစ်စေနိုင်ပါတယ်။ ဒီလိုဆဲလ်တွေ အဆိပ်သင့်မှုက မျိုးဗီဇပြောင်းလဲတာမျိုးဖြစ်စေနိုင်ပါတယ်။ ဒီပြောင်းလဲမှုက ကင်ဆာဖြစ်စေနိုင်တဲ့အထိ ပြင်းထန်ပါတယ်။

အသက်ရှုလမ်းကြောင်းကို ထိခိုက်စေနိုင်တယ်

လူတော်တော်များများ အမွှေးတိုင်နံ့ကို ရှုမိတဲ့အခါ ချောင်းဆိုးတာ။ နှာချေတာမျိုးဖြစ်တာကို တွေ့ဖူးမှာပါ။ ဒီလိုဖြစ်ရတဲ့အကြောင်းကတော့ အမွှေးတိုင်က အငွေ့တွေက အသက်ရှုရတာကို ခက်စေနိုင်တာကြောင့်ပါ။ အမွှေးတိုင်က စီးကရက်အငွေ့တွေလိုပဲ အဆုတ်ကို အဆိပ်အတောက်ဖြစ်စေနိုင်ပြီး အသက်ရှုလမ်းကြောင်းတလျှောက်ကို ထိခိုက်စေနိုင်ပါတယ်။

အဆုတ်ကင်ဆာဖြစ်စေနိုင်တယ်

အမွှေးတိုင်ကထွက်တဲ့ မီးခိုးငွေ့က ကင်ဆာဖြစ်စေနိုင်တဲ့ ဓာတုပစ္စည်းတွေအများအပြားပါဝင်နေပါတယ်။ ဒီ အခိုးအငွေ့တွေက အဆုတ် နဲ့ အသက်ရှုလမ်းကြောင်းကို ထိခိုက်စေပြီး အဆုတ်ကင်ဆာဖြစ်နိုင်ခြေကို ပုံမှန်ထက် ၂၅ ရာခိုင်နှုန်းလောက် ပိုများသွားစေနိုင်ပါတယ်။

ပန်းနာရင်ကျပ်ဖြစ်စေနိုင်တယ်

အမွှေးတိုင်က ထွက်လာတဲ့အငွေ့တွေကအဆုတ်ဆဲလ်တွေကို ရောင်ရမ်းစေနိုင်ပြီး ပန်းနာရင်ကျပ်ဖြစ်နိုင်ခြေကို တိုးစေနိုင်ပါတယ်။ အမွှေးတိုင်မီးခိုးငွေ့ကို  ထိတွေ့တာက ဆေးလိပ်ငွေ့လိုပဲ အဆုတ်ကို ထိခိုက်စေပြီး ရေရှည်မှာ ပန်းနာရင်ကျပ်ဖြစ်စေနိုင်မှာပါ။

အရေပြား ဓာတ်မတည့်မှုဖြစ်စေနိုင်တယ်

ကလေးတွေကို ထိခိုက်စေနိုင်ပါတယ်

အမွှေးတိုင်ငွေ့တွေကို နေ့တိုင်းထိတွေ့တာက ကောင်းတာတော့မဟုတ်ပါဘူး။ ကိုယ်ဝန်ဆောင်မေမေတို့ဆိုရင် အမွှေးတိုင်ငွေ့နဲ့ ခပ်ဝေးဝေးနေသင့်ပါတယ်။ အကြောင်းကတော့ ကိုယ်ဝန်ဆောင်ချိန်မှာ အမွှေးတိုင်ငွေ့ကို  ရှုရှိုက်မိတာကတောင် ဘေဘီလေးကို ထိခိုက်စေနိုင်တာကြောင့်ပါ။ နောက်တစ်ခုက ကလေးငယ်ငယ်လေးတွေ အမွှေးတိုင်ငွေ့နဲ့ ထိတွေ့မိမယ်ဆိုရင် အသက်ရှုလမ်းကြောင်းပြဿနာဖြစ်နိုင်သလို ကိုယ်ဝန်ဆောင်ချိန်မှာရော မွေးဖွားပြီးချိန်မှာပါ ကလေးက အမွှေးတိုင်ငွေ့နဲ့ ထိတွေ့မိမယ်ဆိုရင် အဆိုးဆုံးအနေနဲ့ သွေးကင်ဆာဖြစ်တာမျိုးအထိဖြစ်စေနိုင်ပါတယ်။

အာရုံကြောပြဿနာ ဖြစ်စေနိုင်တယ်

လေ့လာမှုတွေအရ အခန်းထဲမှာ အမေအးတိုင်ထွန်းမယ်ဆိုရင် အခန်းတွင်းမှာ ကာဗွန်မိုနောက်ဆိုဒ်ပိုများနေနိုင်ပါတယ်။ ဒီလိုမျိုး အချိန်ကြာမြင့်စွာထိတေါ့မိတာက အာရုံကြောပြဿနာတွေကို ဖြစ်စေနိုင်ပါတယ်။ အမွှေးတိုင်ငွေ့ကို အချိန်ကြာမြင့်စွာ ထိတွေ့တာက မှတ်မိနိုင်စွမ်းကျဆင်းတာ၊ သင်ယူမှုမှာ အခက်အခဲဖြစ်တာမျိုးတွေဖြစ်နိုင်ပါတယ်။

ခေါင်းကိုက်စေနိုင်တယ်

အမွှေးတိုင်မှာပါတဲ့  ကာဗွန်မိုနောက်ဆိုဒ်က ခေါင်းကိုက်စေနိုင်သလို မအီမသာဖြစ်တာ၊ မူးဝေတာ နဲ့ ခြေကုန်လက်ပန်းကျတာမျိုးတွေ ဖြစ်စေနိုင်ပါတယ်။

နှလုံးထိခိုက်စေနိုင်တယ်

နေ့စဉ် အမွှေးတိုင်ငွေ့ကို ရှုမိတာက ပုံမှန်ထက် နှလုံးရောဂါနဲ့ သေဆုံးနိုင်ခြေ ၁၂ ရာခိုင်နှုန်းပိုများနေပါတယ်။ ဒါတင်မကသေးပါဘူး။ အမွှေးတိုင်ငွေ့ကို နေ့တိုင်းရှုမိတာက လေဖြတ်နိုင်ခြေ ၁၉ ရာခိုင်နှုန်းပိုများနေသလို နှလု့းသွေးကြောဆိုင်ရာ ရောဂါဖြစ်နိုင်ခြေ ပုံမျန်ထက် ၁၀ ရာခိုင်နှုန်းပိုများနေပါတယ်။

အမွှေးတိုင်က အနံ့လေးမွှေးပေမယ့် ကျန်းမာရေးအတွက် မကောင်းတာတော့အမှန်ပါ။ အလုံပိတ်နေရာမှာ ထွန်းရင် ကျန်းမာရေးကို ပိုထိခိုက်စေနိုင်ပါတယ်။ ဒါကြောင့် ကျန်းမာရေကို မထိခိုက်စေဖို့ဆိုရင် အမွှေးတိုင်ထွန်းတာမျိုးမလုပ်ဖို့ပြောပါရစေ။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ပိုးသတ်ဆေးရဲ့ ဘေးထွက်ဆိုးကျိုးတွေကို ဘယ်လိုဖြေရှင်းမလဲ

ပိုးသတ်ဆေး ဘေးထွက်ဆိုးကျိုး ဘက်တီးရီးယား ဗိုက်အောင့်ဗိုက်နာ ဖျားနာ နေလောင်ဒဏ် အရေပြား အစာအိမ် ဓာတ်မတည့် မိန်းမကိုယ် သွေးမတိတ် မှိုစွဲ အင်ပျဉ်ထ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

မနက်နိုးဖို့ ပေးထားတဲ့ နှိုးစက်နာရီတွေ ပိတ်လိုက်ပါတော့

မနက် နိုးထခြင်း နှိုးစက်နာရီ စာမေးပွဲ အိပ်မက် ခေါင်းကိုက် နားဆူ တေးဂီတ စိတ်ကြည်လင် ကြွက်သား အိပ်ချိန် စောအိပ် လေ့ကျင့်ခန်း ဦးနှောက်အာရုံကြော

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

စိတ်အေးချမ်းသာ ပျော်ရွှင်အောင် အပင်လေးတွေစိုက်ကြမယ်

စိတ်ချမ်းသာ ပျော်ရွှင် အပင်စိုက် သစ်ပင်ပန်းမန် ခရီးထွက် သဘာဝ ကျန်းမာရေး စိတ်ကုထုံး စိတ်ဖိစီးမှု အထီးကျန် နေရောင်ခြည် မွှေးရနံ့ အတွေး မျက်စိ စိတ်အာရုံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

ကျန်းမာလှပ အသက်ရှည်ဖို့ ညဘက်ကို စောစောအိပ်ရာဝင်ကြစို့

ကျန်းမာရေး အလှအပ အိပ်စက်ခြင်း ညအိပ်ချိန် လူငယ် စိတ်ဖိစီးမှု အသားအရေ အိုမင်းရင့်ရော်ခြင်း နေလောင်ဒဏ် နှလုံး အိပ်ရေးမဝ ဦးနှောက်အာရုံကြော ကိုယ်တွင်းအင်္ဂါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

Safflower ကပေးတဲ့ အသားအရေ ကျန်းမာမှု

Safflower oil ကပေးတဲ့ အသားအရေ ကျန်းမာမှု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 4, 2020 . 2 mins read
ပင်ပန်းတဲ့ မနက်ခင်းကို ဖြစ်စေတဲ့ အကြောင်းအရင်းများ

ပင်ပန်းတဲ့ မနက်ခင်းကို ဖြစ်စေတဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 4, 2020 . 2 mins read

ပိုးသတ်ဆေးတွေ သောက်နေရလို့ နုံးခွေပြီးအားမရှိတော့ရင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 31, 2020 . 2 mins read

ဆီးချိုရှိလည်း အသက်ရှည်ရှည်နေလို့ရမယ့် လျှို့ဝှက်ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 31, 2020 . 2 mins read