နိုင်ရာစင်က ကောင်းမွန်တဲ့ ကိုလက်စထရောပမာဏကို တက်စေလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ခန္ဓါကိုယ်မှာ ကိုလက်စထရောပမာဏ မြင့်တက်နေသူတွေဟာ အာဟာရထိန်းသိမ်းရုံ ကိုယ်လက်လေ့ကျင့်ခန်းပြုလုပ်ရုံနဲ့ မလုံလောက်တဲ့အခါ ဆေးဝါးအကူအညီရယူဖို့ လိုအပ်လာတတ်ပါတယ်။ ဒီနေရာမှာ သွေးတွင်းကိုလက်စထရောဓါတ်ကို ချပေးတဲ့ statin အုပ်စုဝင်ဆေးဝါးတွေနည်းတူ လူသိများတဲ့ဆေးဝါးတစ်မျိုးကတော့ Niacin ပဲဖြစ်ပါတယ်။ Niacin က ကောင်းတဲ့ကိုလက်စထရော HDL ကို တိုးမြင့်စေပြီး မကောင်းတဲ့ကိုလက်စထရော LDL ကို လျော့ချပေးနိုင်တယ်လို့ အများက သိထားကြပါတယ်။ ဒါပေမယ့် Niacin မှာလည်း ဘေးထွက်ဆိုးကျိုးတွေရှိပြီး ၎င်းကို ကိုလက်စထရောတက်နေတဲ့ လူနာတိုင်းအတွက် အသုံးပြုလို့ မရပါဘူး။

Niacin ဆိုတာဘာလဲ

တကယ်တော့ Niacin (nicotinic acid) ဟာ ဘီတာမင် ဘီ၃ပဲ ဖြစ်ပါတယ်။ လူ့ခန္ဓါကိုယ်က အစားအသောက်တွေကို စွမ်းအင်အဖြစ်ပြောင်းလဲရာမှာ niacin ကို အသုံးပြုပါတယ်။ ဒါ့အပြင် ၎င်းက အာရုံကြောအဖွဲ့အစည်း၊ အစာချေအဖွဲ့အစည်းနဲ့ အရေပြားကိုလည်း ကောင်းကျိုးပြုနိုင်ပါတယ်။ များသောအားဖြင့် niacin ကို အစားအစာတွေကနေ ရရှိနိုင်ပေမယ့် ဗီတာမင်စုံအားဆေးပုံစံနဲ့လည်း နေ့စဉ်သောက်သုံးနိုင်ပါတယ်။

Niacin ကို အာဟာရဖြည့်စွက်စာအဖြစ် သတ်မှတ်ထားပေမယ့် ပမာဏများများ အသုံးပြုမယ်ဆိုရင် ဆေးဝါးအဖြစ် သတ်မှတ်နိုင်ပါတယ်။ ဆေးဝါးဆိုတဲ့အတိုင်း ဘေးထွက်ဆိုးကျိုးတွေ ရှိနိုင်တဲ့အတွက် ဆရာဝန်ညွှန်ကြားတဲ့အတိုင်းသာ သောက်သုံးသင့်ပါတယ်။ ဒါ့အပြင် ဆေးဆိုင်မှာ အလွယ်တကူဝယ်ယူရရှိနိုင်တဲ့ အမျိုးမျိုးသော niacin ဆေးဝါးတွေမှာ မတူညီတဲ့ ဖော်မြူလာ၊ ပါဝင်ပစ္စည်း၊ အာနိသင်နဲ့ ဘေးထွက်ဆိုးကျိုးတွေ ရှိနေမှာဖြစ်ပါတယ်။ ဆရာဝန်ညွှန်ကြားချက်မပါဘဲ ကိုယ့်သဘောနဲ့ကိုယ် ဆေးဝယ်သောက်ရတာဟာ ရှုပ်ထွေးပြီး အန္တရာယ်ရှိနိုင်ပါတယ်။ လေ့လာမှုတွေမှာ niacin ရဲ့ ကိုလက်စထရောဆန့်ကျင် ဂုဏ်သတ္တိနဲ့ပတ်သက်ပြီး ကျေနပ်လောက်စရာအဖြေ ရမလာတဲ့အတွက် niacin တကယ်သောက်သင့်မသောက်သင့် ဆိုတာကိုလည်း စိုးရိမ်ပူပင်နေကြသူတွေ ရှိပါတယ်။

Niacin ရဲ့ ကောင်းကျိုးများ

ကိုလက်စထရောလျော့ချခြင်းရဲ့ အဓိကဦးတည်ချက်က မကောင်းတဲ့ကိုလက်စထရော LDL ပမာဏကို လျော့ချဖို့ပဲ ဖြစ်ပါတယ်။ Niacin ထက်စာရင် statin အုပ်စုဝင်ဆေးဝါးတွေက LDL လျော့ချနိုင်တဲ့ အာနိသင်ပိုကောင်းပေမယ့် ကောင်းတဲ့ကိုလက်စထရော HDL ကို မြင့်တင်ရာမှာတော့ niacin က အာနိသင်ပိုကောင်းပါတယ်။ ဒါ့အပြင် niacin က သွေးတွင်း ထရိုင်ဂလစ်စထရိုက်ပမာဏကိုပါ လျော့ချနိုင်ပြီး နှလုံးရောဂါဖြစ်နိုင်ချေကို လျော့နည်းစေပါတယ်။

ဒီအကြောင်းရင်းတွေကြောင့် statin အုပ်စုဝင်ဆေးဝါးတွေကို သောက်သုံးဖို့ အဆင်မပြေတဲ့ HDL နည်းနေသူတွေ ဒါမှမဟုတ် ထရိုင်ဂလစ်စထရိုက် မြင့်နေသူတွေအနေနဲ့ niacin ကို အစားထိုးအသုံးပြုနိုင်ပါတယ်။

သတိပြုရမယ့်အချက်တစ်ခုကတော့ niacin ဟာ HDL ကိုလက်စထရောကို မြင့်တက်စေနိုင်ပေမယ့် လတ်တလောလေ့လာမှုတွေမှာ ၎င်းက သေဆုံးမှု၊ နှလုံးတိုက်ခိုက်မှုနဲ့ လေဖြတ်မှုနှုန်းတွေကို မလျော့ချနိုင်ဘူးလို့ တွေ့ရှိခဲ့ရပါတယ်။

Niacin ကို ပမာဏများများ အသုံးပြုခြင်းကြောင့် ဘယ်လိုဆိုးကျိုးတွေ ဖြစ်လာနိုင်သလဲ

Niacin ကပေးတဲ့ အကြီးမားဆုံးပြဿနာကတော့ မျက်နှာနဲ့ ခန္ဓါကိုယ်အပေါ်ပိုင်း ပူနွေးနီမြန်းခြင်းပဲ ဖြစ်ပါတယ်။ ဒါဟာ အန္တရာယ်မရှိတဲ့အပြင် အချိန်တန်ရင် ပျောက်သွားမှာဖြစ်ပေမယ့် တစ်ချို့က ဒါကိုသဘောမကျတဲ့အတွက် ဆေးဆက်မသောက်ဘဲ ရပ်လိုက်လေ့ရှိပါတယ်။ Niacin ကို ပမာဏများများ အသုံးပြုရင် အစာအိမ်ထိခိုက်ခြင်း၊ အရေပြားယားယံခြင်းတို့ ဖြစ်လာနိုင်ပြီး ပိုအရေးကြီးတဲ့အချက်ကတော့ ၎င်းက အောက်ဖေြာ်ပပါ ကျန်းမာရေးပြဿနာတွေ ဖြစ်လာနိုင်ချေကို မြင့်စေပါတယ်။

  • သွေးတွင်းသကြားဓါတ်ပမာဏ မြင့်တက်ခြင်း
  • ပိုးဝင်ခြင်း
  • အသည်းထိခိုက်ပျက်စီးခြင်း
  • လေဖြတ်ခြင်း
  • သွေးယိုခြင်း

HDL ကိုလက်စထရော မြင့်တက်စေမည့် အခြားနည်းလမ်းများ

HDL ကိုလက်စထရောပမာဏ တိုးမြင့်စေနိုင်တဲ့ လူနေမှုဘဝပုံစံ ပြောင်းလဲမှုတွေကတော့-

  • ဆေးလိပ်ဖြတ်ခြင်း
  • ကျန်းမာရေးနဲ့ညီညွတ်မျှတစွာ စားသုံးခြင်း
  • ကိုယ်လက်လေ့ကျင့်ခန်း စနစ်တကျလိုက်စားခြင်း တို့ပဲ ဖြစ်ပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကွန်ဒုံးတွေကို အန္တရာယ် ကင်းကင်းနဲ့ ဘယ်လိုသုံးကြမလဲ။

သင်က လိင်ဆက်ဆံချင်တယ်၊ သန္ဓေနဲ့ လိင်မှတစ်ဆင့်ကူးစက်တဲ့ ရောဂါ sexually transmitted infections (STIs ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Arkar Hein

ဘယ်အကာအကွယ်ပစ္စည်းကို သုံးပြီး လိင်ဆက်ဆံသင့်သလဲ(အမျိုးသမီးသုံး သားအိမ်ကာပစ္စည်းနှင့် အမျိုးသားသုံး ကွန်ဒုံးများ)

အကာအကွယ်ဆိုသည်မှာ လိင်ဆံဆက်စဉ်တွင် သုတ်ကောင်နှင့်မျိုးဥများကို မထိတွေ့မိစေရန် ...

ဆေးပညာပိုင်းဆိုင်ရာတည်းဖြတ်သူ Dr. Kaung Thar
ရေးသားသူ Dr. K Zin Thwe

ခေါင်းကိုက်စေရတဲ့ အကြောင်းအရင်းတွေက ဘာတွေများလဲ

ခေါင်းကိုက်စေရတဲ့ အကြောင်းအရင်းတွေက ဘာတွေများလဲ ခေါင်းကိုက်တာက အဖြစ်များတဲ့ ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ကွန်ဒုံးနဲ့ပတ်သက်ပြီး သိကောင်းစရာအချက်များ

ကွန်ဒုံးတွေက ကိုယ်ဝန်ရတာတွေနဲ့ STD (sexually transmitted diseases) လို့ခေါ်တဲ့ လိင်ဆက်ဆံရာမှ ဖြစ်ပွားတဲ့ ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Arkar Hein

သင့်အတွက် ရွေးချယ်ထားသည်

ကိုယ့်မှာ ခံတွင်းကင်ဆာရှိနေတဲ့ဆေးစစ်ချက်ထွက်လာရင် ဘာတွေပြင်ဆင်မလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 30, 2019 . 2 mins read

ဖုန်းလျှော့သုံးခြင်းဖြင့် ညဘက်အိပ်မပျော်တဲ့ပြဿနာကို ဖြေရှင်းကြမယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 9, 2019 . 2 mins read
အိပ်မပျော်ခြင်းနဲ့ ပတ်သက်တဲ့ အမှားနဲ့အမှန် (၁၂) ချက်

အိပ်မပျော်ခြင်းနဲ့ ပတ်သက်တဲ့ အမှားနဲ့အမှန် (၇) ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 5, 2019 . 2 mins read
ဖိစီးနေတဲ့စိတ်ကို ၅ မိနစ်အမြန်ဖြေလျှော့နည်း

ဖိစီးနေတဲ့စိတ်ကို ၅ မိနစ်အမြန်ဖြေလျှော့နည်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇွန် 6, 2019 . 2 mins read