ဆေးဖက်ဝင်ဂျင်ဆင်း၏ အကျိုးကျေးဇူးများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 22, 2020 . 2 mins read
Share now

ဂျင်ဆင်းကို တရုတ်နဲ့ကိုရီးယားနိုင်ငံတွေရဲ့ တိုင်းရင်းဆေးပညာရပ်တွေမှာ နှစ်ပေါင်းများစွာကတည်းက အသုံးပြုခဲ့ကြပါတယ်။ နောက်ပိုင်းမှာ အနောက်နိုင်ငံတွေမှာပါ စိုက်ပျိုးမှုတွေ ပြုလုပ်လာကြပါတယ်။ ဂျင်ဆင်းမှာ မျိုးကွဲတွေလည်း ရှိပါတယ်။ ဂျင်ဆင်းမှာအဓိက ပါဝင်တဲ့ ginsenosides နဲ့ gintonin ကြောင့် ကျန်းမာရေးအတွက် အထောက်အကူပြုခြင်း ဖြစ်ပါတယ်။

ယခုဆက်လက်ဖော်ပြမှာကတော့ ဂျင်ဆင်းကြောင့်ရရှိနိုင်တဲ့ ကျန်းမာရေးအကျိုးကျေးဇူးတွေ ဖြစ်ပါတယ်။

ဓာတ်တိုးဆန့်ကျင်ပစ္စည်းကြွယ်ဝပြီး ရောင်ရမ်းမှုကိုကျစေခြင်း

ဂျင်ဆင်းမှာ ဓာတ်တိုးဆန့်ကျင်ဂုဏ်သတ္တိနဲ့ ရောင်ရမ်းမှုကိုကျစေတဲ့ အာနိသင်တွေ ရှိပါတယ်။ အရေပြားဆဲလ်တွေရဲ့ ရောင်ရမ်းမှုကိုကျစေတယ်လို့ သိရပါတယ်။ ဒါကြောင့် နှင်းခူလို အရေပြားပြဿနာတွေကို ကုသရာမှာ အထောက်အကူပြုပါတယ်။ ဓာတ်တိုးဖိစီးခြင်း (oxidative stress) တွေကို ကာကွယ်ပေးနိုင်တာကြောင့် ကိုယ်ခန္ဓာဆဲလ်တွေ အချိန်မတိုင်မီ ပျက်စီးခြင်းတွေကနေ ကာကွယ်ပေးပါတယ်။

ဦးနှောက်လုပ်ငန်းဆောင်တာများကို အကျိုးပြုခြင်း

ဂျင်ဆင်းဟာ မှတ်ဉာဏ်ပိုင်း၊ အမူအကျင့်ပိုင်းနဲ့ စိတ်ပိုင်းဆိုင်ရာ စတဲ့ဦးနှောက်နဲ့ သက်ဆိုင်တဲ့ကိစ္စတွေမှာ အထောက်အကူပြုပါတယ်။ ဂျင်ဆင်းမှာပါဝင်တဲ့ ginsenosides ဟာ ဖရီးရယ်ဒီကယ်များကြောင့် ဦးနှောက်ဆဲလ်တွေထိခိုက်ခြင်းကို ကာကွယ်ပေးပါတယ်။ သုတေသနတစ်ခုရဲ့ ဖော်ပြချက်အရ ဂျင်ဆင်းကိုတနေ့မှာ ၂၀၀ မီလီဂရမ်နှုန်းနဲ့ လေးပတ်တာခန့်သုံးစွဲပေးရာမှာ သုံးစွဲသူတွေရဲ့ စိတ်ပိုင်းဆိုင်ရာ ကျန်းမာရေးအခြေအနေ တိုးတက်မှုရှိတယ်လို့ သိရပါတယ်။ ဂျင်ဆင်းဟာ အယ်လ်ဇိုင်းမားရောဂါရှိသူတွေရဲ့ ဦးနှောက်လုပ်ငန်းပိုင်း၊ အမူအကျင့်ပိုင်းတွေမှာ တိုးတက်ကောင်းမွန်မှုဖြစ်စေပါတယ်။

ပန်းညှိုးခြင်းကို သက်သာစေခြင်း

ဂျင်ဆင်းဟာ အမျိုးသားများ ပန်းညှိုးခြင်းကို ကုသရာမှာ အထောက်အကူပြုပါတယ်။ အထူးသဖြင့် ယောကျ်ားတန်ဆာရဲ့ သွေးကြောနဲ့တစ်ရှူးဆဲလ်တွေရဲ့ ဓာတ်တိုးဖိစီးခြင်းကို ကာကွယ်ပေးနိုင်တာကြောင့် ပုံမှန်လုပ်ငန်းဆောင်တာအတိုင်း ပြန်လည်စွမ်းဆောင်နိုင်စေပါတယ်။ ဒါ့အပြင် ယောကျ်ားတန်ဆာကြွက်သားတွေကို ပြေလျော့စေပြီး သွေးလည်ပတ်မှုကောင်းမွန်စေတဲ့ နိုက်ထရစ်အောက်ဆိုဒ်ထုတ်လုပ်ခြင်းကို ဂျင်ဆင်းက အားပေးပါတယ်။ စာစောင်တစ်ခုမှာဖော်ပြချက်အရ ကိုရီးယားဂျင်ဆင်းအနီရောင်ဟာ ပန်းညှိုးခြင်းဖြစ်နေတဲ့ အမျိုးသားများကို ၆၀ ရာခိုင်နှုန်းထိ သက်သာကောင်းမွန်စေတယ်လို့ သိရပါတယ်။

ကိုယ်ခံစွမ်းအားကို မြှင့်တင်ပေးခြင်း

ဂျင်ဆင်းဟာ ကိုယ်ခံစွမ်းအားကို တိုးတက်စေပါတယ်။ အထူးသဖြင့် ခွဲစိတ်မှုခံယူထားသူတွေ၊ ကင်ဆာရောဂါသည်တွေအတွက် အထောက်အကူပြုပါတယ်။ ဒါ့အပြင် ဂျင်ဆင်းကို ပုံမှန်သောက်သုံးသူတွေမှာ တုပ်ကွေးဖျားနာခြင်း၊ နှာစေးအအေးမိခြင်း စတဲ့အခြေအနေတွေဖြစ်တာ နည်းတယ်လို့ ဆိုပါတယ်။

ကိုယ်ခန္ဓာစွမ်းအင်မြှင့်တင်ပေးခြင်း

ဂျင်ဆင်းဟာ မောပန်းနွမ်းနယ်မှုတွေကို ပြေပျောက်စေပြီး အားအင်ပြန်လည်ပြည့်ဖြိုးစေပါတယ်။ ဂျင်ဆင်းမှာပါဝင်တဲ့ ဓာတ်ပစ္စည်းများဟာ ကိုယ်ခန္ဓာဆဲလ်များကို ဓာတ်တိုးပျက်စီးခြင်းကနေ ကာကွယ်ပြီး စွမ်းအင်ထုတ်လုပ်မှုကို တိုးမြှင့်ပေးပါတယ်။ စိတ်ပိုင်းရော ရုပ်ပိုင်းဆိုင်ရာပါ ပင်ပန်းနွမ်းနယ်မှုကို ပြေပျောက်စေတာမို့ စိတ်ဖိစီးသူများ၊ အလုပ်ပင်ပန်းသူများအတွက် သင့်တော်ပါတယ်။

သွေးတွင်းသကြားဓာတ်ကို ထိန်းပေးခြင်း

ဆီးချိုရောဂါအထံ ရှိသည်ဖြစ်စေ၊ မရှိသည်ဖြစ်စေ ဂျင်ဆင်းဟာ သွေးတွင်းသကြားဓာတ်ကို ထိန်းပေးရာမှာ အထောက်အကူပြုပါတယ်။ အထူးသဖြင့် ပန်ကရိယဆဲလ်များရဲ့ လုပ်ငန်းတွေကို တိုးတက်စေတာကြောင့် အင်ဆူလင်ဟော်မုန်းကို ပိုမိုထွက်စေပြီး တစ်ရှူးများကနေ သကြားဓာတ်သုံးစွဲနှုန်းကို မြှင့်တင်ပေးပါတယ်။ အာဆူလင်အာနိသင်ကိုလည်း ပိုမိုထိရောက်စေပါတယ်။

ဘေးထွက်ဆိုးကျိုးရှိသလား

သုတေသနတွေအရ ဂျင်ဆင်းဟာ ဘေးကင်းစိတ်ချရပြီး ဆိုးရွားတဲ့ ဘေးထွက်ဆိုးကျိုးတွေ မရှိပါဘူး။ ဒါပေမယ့် ဆီးချိုဆေးသုံးစွဲနေသူတွေအနေနဲ့ ဂျင်ဆင်းကိုပါ သုံးစွဲမယ်ဆိုရင် ဆီးချိုကို ပုံမှန်စစ်ဆေးသင့်ပါတယ်။ ကလေးငယ်များနဲ့ ကိုယ်ဝန်ဆောင်အမျိုးသမီးတွေ၊ နို့တိုက်မိခင်တွေ မသုံးစွဲသင့်ဘူးလို့ သုတေသီအချို့က အကြံပြုကြပါတယ်။

ဒါ့အပြင် ဂျင်ဆင်းကို ဆက်တိုက်သုံးစွဲလွန်းရင်လည်း ဆေးရဲ့အာနိသင်ထိရောက်မှု လျော့နည်းလာတတ်တယ်လို့ ဆိုပါတယ်။ ဒါကြောင့် နှစ်ပတ်သုံးပတ်ခန့် ဆက်တိုက်သောက်သုံးပြီး တစ်ပတ်နှစ်ပတ်ခန့် မသောက်ဘဲ ခဏနားသင့်ပါတယ်။ နောက်ပိုင်းမှ ပြန်လည်သုံးစွဲသင့်တယ်လို့ အကြံပြုကြပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလ မဖြစ်မနေ မှီဝဲပေးသင့်တဲ့ အာဟာရ

အခုလို ကိုဗစ်ကာလမှာ ကိုယ်ခံအားကို ပြည့်ဝ ကောင်းမွန်နေစေဖို့ ဘယ်လို အာဟာရတွေ မှီဝဲသင့်လဲဆိုတာကို ဆောင်းပါးလေးကနေတဆင့် ပြောပြပေးသွားပါမယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 20, 2020 . 2 mins read

ကင်ဆာဖြစ်စေနိုင်တဲ့ အမူအကျင့်တွေ

အသက်ကြီးမှ အဖြစ်များတယ်ဆိုပေမယ့် အရွယ်မရွေး ခံစားရနိုင်ပါတယ်။ ကင်ဆာ ခံစားရတာက နေထိုင်စားသောက်မှုပုံစံကြောင့်လည်း အများကြီး ပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေ့ရက်တိုင်းကို စိတ်တက်ကြွလန်းဆန်းစွာ ဖြတ်သန်းစေနိုင်ဖို့

စိတ်ထောင်းလို့ ကိုယ်ကြေဆိုသလိုပဲ စိတ်ဖိစီးတွေကြောင့် ခန္ဓာကိုယ်မှာ ဝန်ပိပြီး ပင်ပန်းနွမ်းနယ်တာတွေ၊ စိတ်ရှုပ်ထွေးတာ၊ အာရုံမစူးစိုက်နိုင်တာတွေ ဖြစ်လာမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ရင်သားကင်ဆာ ကာကွယ်ပေးမယ့် အစားအစာများ

ဖြစ်နိုင်ခြေများတဲ့ ရင်သားကင်ဆာ အန္တရာယ်ကနေ ကာကွယ်ဖို့ ဘာတွေကို စားသောက်သင့်လဲဆိုတာ ဒီဆောင်းပါးလေးထဲမှာ ဖတ်ကြည့်စေချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရင်သားကင်ဆာ, ကျန်းမာရေးစင်တာ အောက်တိုဘာ 15, 2020 . 2 mins read

သင့်အတွက် ရွေးချယ်ထားသည်

Gym ကစားခြင်းနှင့် လူသိမှားနေသေးသော ဂျင်းတချို့…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read

စမတ်ဖုန်း အလွန်အကျွံသုံးစွဲခြင်းရဲ့ နောက်ဆက်တွဲပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read

လူသိနည်းတဲ့ အိမ်မြှောင်တွေရဲ့ ကျန်းမာရေးအန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read

ကိုယ့်ရဲ့ နေအိမ်ဝန်းကျင် သန့်ရှင်းသပ်ရပ်နေတဲ့အခါ…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read