လုပ်ငန်းခွင်ထိခိုက်ဒဏ်ရာအတွက် ရှေးဦးသူနာပြုစုနည်းများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

လူရယ်လို့ဖြစ်လာရင် သမုဒ္ဒရာဝမ်းထွာအတွက်နေ့စဉ် ကျရာနေရာမှာ လှုပ်ရှားရုန်းကန်ရစမြဲပါ။ ဉာဏ အားသုံးရတဲ့လူတန်းစားကလည်း ဉာဏအားသုံးရတဲ့လူတန်းစားအလျောက်၊ ကာယအားသုံးရတဲ့ လူတန်းစားကလည်း ကာယအားသုံးရတဲ့လူတန်းစားအလျောက် ရုန်းကန်လှုပ်ရှားနေကြရတာပါ။ ဒီလိုလှုပ်ရှားမှုတွေအတွင်း အသေးစား ထိခိုက်ရှနာကနေစလို့ ကြီးကြီးမားမားထိခိုက်တာမျိုးတွေအထိတွေ့ကြုံရနိုင်ပါတယ်။ များသောအားဖြင့်တော့ ထိခိုက်မှုကြီးကြီးမားမားတွေကဆောက်လုပ်ရေးလုပ်ငန်းခွင်တွေလိုမျိုး၊ စက်ရုံတွေလိုမျိုးနေရာတွေမှာ ပိုဖြစ်များမှာပါ။ ဒီလိုဖြစ်လာတဲ့အခါ ဘယ်လိုပြုစုစောင့်ရှောက်မှုတွေပေးမလဲ။

အလုပ်ခွင်ထဲမှာဖြစ်နိုင်တဲ့ ထိခိုက်မှုတွေကို ဘယ်လိုပြုစုစောင့်ရှောက်ပေးမလဲ

အလုပ်ခွင်ထဲမှာဖြစ်နိုင်တဲ့ ထိခိုက်မှုတွေက

တစ်နေ့တာလုပ်ငန်းခွင်ထဲမှာလုပ်ဆောင်ရင်း မတော်တဆထိခိုက်နိုင်ခြေတွေကအများကြီးပါ။

ထိခိုက်ဒဏ်ရာရတဲ့အခါ လုပ်ဆောင်ရမယ့် အဆင့်တွေက

ဘယ်လိုထိခိုက်ဒဏ်ရာမျိုးပဲဖြစ်ဖြစ် လုပ်ဆောင်ရမယ့်အခြေခံအဆင့်တွေက သိပ်ပြီး ကွားခြားနေတယ်လို့မရှိပါဘူး။ ထိခိုက်အနာတရ တစ်ခုဖြစ်ပြီဆိုရင်

အနာကို မကိုင်တွယ်ခင်လက်ကိုအရင်စင်ကြယ်အောင်ဆေးကြောပေးပါ

ထိခိုက်ဒဏ်ရာရတဲ့အခါ အလောတကြီးနဲ့ လက်မဆေးဘဲ အနာကို ကိုယ်တွယ်မိတာမျိုးဖြစ်နိုင်ပါတယ်။ သာမန်အချိန်မှာတောင် လက်မှာ မမြင်ရတဲ့ ဘက်တီးရီးယားတွေအများအပြားကပ်ညှိနေနိုင်တာပါ။ အလုပ်ခွင်ထဲမှာ အလုပ်လုပ်လက်စ လက်မှာ ဘက်တီးရီးယားတွေရှိနေမယ်ဆိုတာကပြောနေစရာတောင်မလိုပါဘူး။ ဒါကြောင့် အနာကို မကိုင်တွယ်ခင် အရင်ဆုံးလက်ကို သန့်စင်အောင်ဆေးကြောပေးပါ။ လက်ကနေတဆင့် အနာထဲကို ဘက်တီးရီးယားတွေ ကူးစက်ဝင်ရောက်တာမျိုးမရှိအောင် တားဆီးပေးပါ။

သွေးတိတ်အောင်လုပ်ပါ

အနာပေါ်ကို တဘက်စသန့်သန့်လေး ဒါမှမဟုတ် တစ်သျှူးစသန့်သန့်လေးနဲ့ မိနစ်နည်းနည်းလောက်ဖိထားပြီးသွေးတိတ်အောင်လုပ်ပေးပါ။သွေးထွက်အရမ်းများနေပြီဆိုရင်တော့ ဆရာဝန်ဆီသွားရောက်ပြသတာကအကောင်းဆုံးဖြစ်မှာပါ။

အနာကို သန့်စင်ဆေးကြောပေးပါ

အနာကိုသွေးတိတ်အောင်လုပ်ပြီးပြီဆိုရင်တော့ အနာကိုရေအေးသန့်သန့်လေးနဲ့ဆေးကြောပေးပါ။ အနာတဝိုက်ကိုတော့ရေနဲ့ဆပ်ပြာ အသုံးပြုပြီးတော့ဆေးကြောပေးပါ။ အနာပေါ်ကိုတော့ ဆပ်ပြာနဲ့ဆေးကြောတာမျိုး မလုပ်ပါနဲ့။နောက်တစ်ချက်ကhydrogen peroxide နဲ့ အိုင်အိုဒင်းအရည်သုံးပြီးအနာကိုဆေးကြောတာမျိုးမလုပ်ပါနဲ့။ အနာက ကျိန်းစပ်တာမျိုးဖြစ်နိုင်တာကြောင့်ပါ။

အနာထဲမှာ ကျန်ရှိနေတဲ့ အစအနလေးတွေကို ဖယ်ရှားပေးပါ

ထိခိုက်မှုအတွင်း ဒဏ်ရာထဲကို ဖန်ကွဲစ၊ သစ်သားအစအနလေးတွေ၊ ဖုန်မှုန့်နဲ့ အညစ်အကြေးတွေဝင်ရောက်သွားတာမျိုးရှိနိုင်ပါတယ်။ ဒီလိုဖြစ်တဲ့အခါ အနာကို သန့်စင်ပြီးတာနဲ့ အနာထဲမှာကျန်ရှိနေတဲ့ပြင်ပအရာဝတ္ထုတွေကို ဖယ်ရှားပေးလိုက်ပါ။ လက်နဲ့အဆင်မပြေဘူးဆိုရင် ဇာဂနာကို ပိုးသတ်ပြီး ဖယ်ရှားပေးပါ။

အနာကချုပ်ဖို့ လိုလားစစ်ဆေးပါ

အနာက နက်လား၊ ဘယ်လောက်ထိကြီးလဲ၊ အရေပြားချင်းပြန်ဆက်ရဲ့လားဆိုတာတွေကိုသေချာစစ်ဆေးပေးပါ။ တကယ်လို့ အနာကသွေးလည်းမတိတ်ဘူး၊ အရမ်းလည်းကြီးနေမယ်ဆိုရင်တော့ဆေးခန်းကို သွားရောက်ပြသပြီး ချုပ်ဖို့လိုမလားဆိုတာကို ဆရာဝန်နဲ့ဆွေးနွေးပါ။

မေးခိုင်ကာကွယ်ဆေးထိုးဖို့လိုမလား စဉ်းစားပါ

အနာက တော်ရုံထိမိတာဆိုရင် အရမ်းကြီး ကိစ္စမရှိပေမယ့် အနာက အရမ်းကြီးမယ်၊ ဒါမှမဟုတ် ညစ်ပေတဲ့အရာနဲ့ ထိခိုက်မိတာဖြစ်မယ်ဆိုရင်တော့မေးခိုင်ကာကွယ်ဆေးထိုးပါ။

အနာကို ပတ်တီးစည်းမယ်၊ ပလာစတာကပ်မယ်

အနာဖြစ်လာပြီဆိုရင်သေချာဂရုစိုက်ကာကွယ်ဖို့လိုမှာပါ။ ဒါကြောင့် ထိခိုက်ဒဏ်ရာတစ်ခုခုဖြစ်ပြီဆိုရင် အနာကို သန့်စင်တာ၊ဆေးလိမ်းတာတွေ လုပ်ပြီးပြီဆိုရင် အနာကိုသေချာကာကွယ်တဲ့အနေနဲ့ အနာသေးရင် ပလာစတာကပ်တာ၊ အနာကြီးရင် ပတ်တီးစည်းတာမျိုးလုပ်ပေးပါ။ တစ်နေ့ကို တစ်ကြိမ်တော့ အနာကိုသေချာစစ်ဆေးပြီး ပလာစတာလဲတာ၊ ပတ်တီးလဲတာတွေလုပ်ပေးပါ။

အရမ်းပြင်းထန်တဲ့ အလုပ်ခွင် မတော်တဆမှုတွေအတွက်ကတော့ နီးစပ်ရာဆေးရုံဆေးခန်းတွေကို သွားရောက်ပြသတာ အကောင်းဆုံးဖြစ်မှာပါ။ အသေးစားထိခိုက်မှုတွေအတွက်ကတော့အပေါ်မှာပြောခဲ့တဲ့ နည်းလမ်းတွေကအသုံးတည့်မှာပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ရှေးဦးသူနာပြုစုခြင်း

မတော်တဆ ထိခိုက်မှုတစ်ခုခုနဲ့ ကြုံတဲ့အခါ မှန်ကန်တဲ့ ရှေးဦးသူနာပြုစုခြင်းနဲ့ ပြုစုပေးနိုင်တာက မလိုအပ်ဘဲ ထိခိုက်ဆုံးရှုံးမှုတွေကို ကာကွယ်ရာရောက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အူသိမ်ထဲမှာ ဘက်တီးရီးယားတွေ အဆမတန်များပြားလာခြင်း ( SIBO)

အူသိမ်ထဲမှာ ဘက်တီးရီးယားတွေ အဆမတန်များလာခြင်းက ရေရှည်မှာ လူနာကို ဘာဖြစ်စေနိုင်သလဲ။ ဘယ်လိုလက္ခဏာတွေ ခံစားရမှာလဲဆိုတာ လေ့လာကြည့်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အိမ်သာမဝင်ခင် လက်ဆေးသင့်လား…………………

ဟုတ်ပါတယ်။  အိမ်သာမဝင်ခင်မှာ လက်ဆေးသင့်ပါတယ်။ အကြောင်းကတော့ လက်ချောင်းတွေမှာ သာမန် မျက်စိနဲ့ မမြင်နိုင်တဲ့ ရောဂါပိုးမွှားတွေ အများကြီး ကပ်ငြိနေနိုင်လို့ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သန္ဓေပြောင်း ကိုဗစ်ရောဂါပိုးအသစ်က ဘယ်လောက်စိုးရိမ်စရာကောင်းလဲ

ကိုဗစ်ဗိုင်းရပ်စ်က သန္ဓေပြောင်းတယ်ဆိုတာမှာလည်း အရမ်းကြောက်စရာကောင်းတယ်လို့ တွေးနေကြလိမ့်မယ်။ ဒါပေမယ့် သန္ဓေပြောင်းတယ်ဆိုတိုင်း ကြောက်စရာမဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thurein Hlaing Win

သင့်အတွက် ရွေးချယ်ထားသည်

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 21, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read
ကူးစက်နိုင်သည့် အရေပြားရောဂါများ

ကူးစက်နိုင်သည့် အရေပြားရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 12, 2021 . 3 mins read
အရိုးကင်ဆာ (Bone Cancer)

အရိုးကင်ဆာ (Bone Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 11, 2021 . 3 mins read