မိဘတွေကိုကြွက်သားသန်မာစေအောင်လုပ်ဆောင်ပေးရာမှာ အထောက်အကူပြုနိုင်မယ့် နည်းလမ်း ၅ သွယ်

အသက်အရွယ်ကြောင့်ဖြစ်တဲ့ကြွက်သားစိုင် ဆုံးရှုံးမှု၊ကြွက်သားအင်အား ယုတ်လျော့လာမှုနဲ့ လုပ်ငန်းဆောင်ရွက် နိုင်စွမ်းလျော့ပါးလာမှု(Sarcopenia)တွေကအသက်အရွယ်ကြီးရင့်လာသူတွေမှာအဓိကတွေ့ကြုံရတဲ့ကျန်းမာရေး ပြဿနာတစ်ရပ် ဖြစ်ပါတယ်။ ဒီဝေဒနာက သက်ကြီးရွယ်အိုတွေကို မသန်မစွမ်းဖြစ်စေနိုင်သလို၊ အဆစ်ရောင်ရမ်း နာ၊ ဆေးရုံမှာတက်ရောက်ကုသခံရတာနဲ့သေဆုံးတာမျိုးတွေအထိဖြစ်ပေါ်ခံစားရစေနိုင်ပါတယ်။ အသက်အရွယ် ကြီးရင့်လာတဲ့ အချိန်အထိကြွက်သားကျန်းမာရေးတိုးတက်လာစေနိုင်ပြီး ကျန်းမာသန်စွမ်းစွာနေထိုင်နိုင်မယ့် သဘာဝနည်းလမ်း အချို့ကိုတင်ပြပေးလိုပါတယ်။

သက်ကြီးရွယ်အိုတော်တော်များများဟာ သူတို့ရဲ့အချိန်အများစုကို အထိုင်များတဲ့အလုပ်တွေနဲ့ကုန်ဆုံးနေကြ ပါတယ်။ လှုပ်ရှားမှုမရှိဘဲနေတာက ကြွက်သားတွေကိုသန်စွမ်းမှုအားကျဆင်းစေပါတယ်။ ဘယ်အသက်အရွယ်ပဲ ရောက်ရောက် တက်တက်ကြွကြွကျန်းကျန်းမာမာနေထိုင်လိုတယ်ဆိုရင်တော့ကြွက်သားတွေ တည်ဆောက် ထားမှုကို ထိန်းသိမ်းဖို့လိုအပ်ပါတယ်။

Sarcopenia (အသက်အရွယ်ကြောင့်ဖြစ်တဲ့ကြွက်သားစိုင် ဆုံးရှုံးမှု၊ကြွက်သားအင်အား ယုတ်လျော့လာမှုနဲ့ လုပ်ငန်းဆောင်ရွက် နိုင်စွမ်းလျော့ပါးလာမှု) ဖြစ်ပေါ်ရတဲ့အရင်းခံအကြောင်းအရင်းများ-

ကြွက်သားတွေစတင်လှုပ်ရှားဖို့အတွက်ဦးနှောက်ကနေကြွက်သားတွေဆီကို သတင်းပေးပို့ဖို့တာဝန်ရှိတဲ့ အာရုံကြောဆဲလ်တွေလျော့နည်းလာတာ
ကြီးထွားမှုဟော်မုန်း၊ တက်စတိုစတုန်း ဟော်မုန်းနဲ့ အင်ဆူလင်လိုမျိုး ဟော်မုန်းတွေ အပါအဝင် ဟော်မုန်းတွေ ထုတ်လွှတ်မှုနည်းပါးလာတာ
ပရိုတင်းကိုစွမ်းအင်အဖြစ်ပြောင်းလဲနိုင်စွမ်းကျဆင်းလာတာ
ကြွက်သားစိုင်တွေကိုထိန်းသိမ်းထားနိုင်ဖို့အတွက်နေ့စဉ်စားသုံးတဲ့ပရိုတင်းဓါတ်တွေထဲကနေ ကယ်လိုရီအလုံအလောက်မရရှိတာ

အောက်မှာလူကြီးမိဘတွေကိုသန်မာတဲ့ ကြွက်သားတွေကိုထိန်းသိမ်းရာမှာအထောက်အကူဖြစ်စေနိုင်မယ့် နည်းလမ်းကောင်းလေးတွေကို ဖော်ပြပေးထားပါတယ်။

လေ့ကျင့်ခန်းလုပ်ပေးပါ – လေ့ကျင့်ခန်းလုပ်ဆောင်ပေးခြင်းက ကြွက်သားဆုံးရှုံးမှုကိုဟန့်တားနိုင်တဲ့အကောင်းဆုံး သော နည်းလမ်းပါ။ လေ့ကျင့်ခန်းလုပ်ဆောင်ပေးတာက လူကြီးရောလူငယ်တွေမှာပါ ကြွက်သားတွေရဲ့ခွန်အား၊ ဆွဲဆန့်နိုင်စွမ်းနဲ့ကြွက်သားတွင်းပရိုတင်းထိန်းသိမ်းမှုတွေကိုတိုးတက်စေပါတယ်။ ကြွက်သားဆုံးရှုံးမှုကိုခုခံနိုင်တဲ့ လေ့ကျင့်ခန်းတွေက သက်ကြီးရွယ်အိုတွေမှာကြွက်သားအင်အားချည့်နဲ့တာကိုကျဆင်းစေပြီး ကြွက်သားတွကို ခွန်အားတိုးစေပါတယ်။

အစားအသောက်တွေထဲမှာပရိုတင်းဓါတ်ပါအောင်စားပေးပါ – ပရိုတင်းစားသုံးပေးတာက ကြွက်သားကျန်းမာရေး အတွက်အရေးပါတဲ့ကိစ္စရပ်တစ်ခုဖြစ်ပါတယ်။ ပရိုတင်းစားသုံးပေးမှုက သက်ကြီးရွယ်အိုတွေမှာကြွက်သားနဲ့ အရိုး တွေကို ကြံ့ခိုင်သန်စွမ်းစေပါတယ်။ သက်ကြီးရွယ်အိုတွေဟာ ကြွက်သားကြီးထွားဖို့အတွက် လူငယ်တွေထက် ပရိုတင်းဓါတ်ကိုပိုမိုလိုအပ်ပါတယ်။

သစ်သီးတွေနဲ့ဟင်းသီးဟင်းရွက်တွေများများစားပေးပါ – အက်ဆစ်ထုတ်လုပ်တဲ့ အစားအသောက်တွေဖြစ်တဲ့ အသားနဲ့ကောက်နှံတွေကို အလွန်အကျွံစားသုံးပြီး အယ်ကာလိုင်းရရှိတဲ့အစားအေသာက်တွေဖြစ်ကြတဲ့ သစ်သီး တွေနဲ့ဟင်းသီးဟင်းရွက်တွေကိုအနည်းငယ်ပဲစားသုံးတာက ကြွက်သားနဲ့အရိုးကျန်းမာရေးအပေါ်မှာဆိုးကျိုး သက်ရောက်မှု တွေရှိပါတယ်။ နေ့စဉ်စားသုံးတဲ့အစားအသောက်ထဲမှာသစ်သီးတွေနဲ့ဟင်းသီးဟင်းရွက်တွေ များများ ပါဝင်အောင်စားသုံးပေးခြင်းဖြင့် အရိုးနဲ့ကြွက်သားတွေကိုကျန်းမာသန်စွမ်းစေမှာဖြစ်ပါတယ်။ ပန်းသီးအခွံ နဲ့ အစိမ်းရောင်ခရမ်းချဉ်သီးတွေမှာပါတဲ့ ဒြပ်ပေါင်းတွေက ATF4 လို့ခေါ်တဲ့ ပရိုတင်းကျဆင်းမှုကြောင့်ဖြစ်တဲ့ ကြွက်သားဆုံးရှုံးမှုတွေကိုကာကွယ်နိုင်ဖို့အထောက်အပံ့ပေးပါတယ်။

ဗီတာမင် B12 နဲ့ဖောလစ်အက်ဆစ်တွေကလည်း ကြွက်သားတွေရဲ့လုပ်ဆောင်မှုနဲ့စွမ်းအင်တွေကိုတိုးတက်စေပါ တယ်။

ရေသောက်ပေးပါ – ရေပမာဏများများကိုပုံမှန်သောက်သုံးပေးဖို့က ကြွက်သားတွေတည်ဆောက်ရာမှာ အရမ်းကို အရေးပါတဲ့ အခန်းကဏ္ဍကနေပါဝင်နေပါတယ်။ ရေက ခန္ဓါကိုယ်ရဲ့စွမ်းဆောင်နိုင်စွမ်းတွေကိုတိုးတက်စေသလို အစားအသောက်တွေထဲမှာပါတဲ့ အာဟာရဓါတ်တွေကိုစုပ်ယူနိုင်စွမ်းကိုလည်းတိုးမြှင့်ပေးပါတယ်။ ရေဓါတ် အလုံအလောက်မရရှိဘူးဆိုရင် ခန္ဓါကိုယ်က အာဟာရဓါတ်တွေစုပ်ယူမှုကိုနှေးကွေးစေပြီး ကြွက်သားစိုင်တွေ ဖြစ်တည်နိုင်စွမ်းကိုအဟန့်အတားဖြစ်စေပါတယ်။

ကျန်းမာသန်စွမ်းတဲ့ကြွက်သားတွေကို ထိန်းသိမ်းနိုင်မယ့်အကောင်းဆုံးသောနည်းလမ်းက နေ့စဉ် အာဟာရဓါတ် တွေကိုညီညွတ်မျှတစွာစားသုံးပြီး ကြွက်သားဆုံးရှုံးမှုကိုခုခံနိုင်မယ့်လေ့ကျင့်ခန်းတွေကို ပုံမှန်လုပ်ဆောင်သွားဖို့ပဲ ဖြစ်ပါတယ်။

ကြွက်သားစိုင်တွေကို ထိန်းသိမ်းမှုက အသက်အရွယ်ကြီးရင့်တဲ့အထိကျန်းမာစွာနေနိုင်ရေးအတွက်အရေးပါတဲ့ အချက်တစ်ရပ်ဖြစ်ပါတယ်။ သန်မာတဲ့ကြွက်သားတွေက ကျန်းမာရေးကောင်းမွန်စွာနေထိုင်နိုင်ဖို့အတွက် အရေးပါ သလိုထိခိုက်ဒဏ်ရာရတာနဲ့ဖျားနာမှုတွေကနေကာကွယ်ပေးရာမှာလည်းအရေးပါပါတယ်။ မိမိရဲ့မိဘတွေကို အသက်ရှည်ရှည်ကျန်းကျန်းမာမာနေနိုင်စေဖို့အတွက် အထက်ဖော်ပြပါအချက်လေးတွေကို ဂရုစိုက်လုပ်ဆောင် ပေးနိုင်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Sayarwon Panel မှ အချက်အလက်များ စစ်ဆေးထားပါသည်။ Yun Sandi Nan Mon မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 02/02/2022 ဖြစ်ပါသည်။

ဤဆောင်းပါးက အကူအညီဖြစ်ပါသလား။