ချွေးထွက်ခြင်း၏ အကျိုးကျေးဇူးများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 3, 2020 . 2 mins read
Share now

ချွေးထွက်ခြင်းဆိုတာ သဘာဝအလျောက် ကိုယ်ခန္ဓာရဲ့ အပူချိန်ကို ထိန်းညှိတဲ့လုပ်ဆောင်ချက်တမျိုး ဖြစ်ပါတယ်။ ဒါကြောင့် ပူအိုက်တဲ့အချိန်မှာ ချွေးထွက်တတ်ခြင်း ဖြစ်ပါတယ်။ ချွေးထွက်လာတဲ့အခါ အရေပြားကတဆင့် အငွေ့ပျံသွားပြီး ကိုယ်ခန္ဓာအပူချိန်ကို ကျဆင်းစေပါတယ်။ ချွေးမှာ အဓိကအားဖြင့် ရေပါဝင်ပြီး အမိုးနီးယား၊ ယူရီးယား၊ ဆား၊ သကြား စတဲ့ ဓာတ်ပစ္စည်းတွေ အနည်းငယ်စီ ပါဝင်ပါတယ်။ ကိုယ်ခန္ဓာအတွင်းပိုင်း အပူချိန်တက်လာတဲ့အခါ ချွေးဂလင်းများဟာ အရေပြားရဲ့ အပေါ်ကို ရေတွေ ထုတ်လွှတ်ပေးပါတယ်။ အဲဒီရေဟာ ချွေးပေါက်များမှတဆင့် ချွေးအဖြစ်ထွက်ပေါ်လာပါတယ်။

ချွေးထွက်ခြင်းကို လူအတော်များများက စိတ်ပျက်စရာလို့ မြင်ကြပေမယ့် တကယ်တော့ ချွေးထွက်ခြင်းဟာ ကျန်းမာရေးအတွက် အကျိုးရှိပါတယ်။
ယခုဆောင်းပါးမှာ ဆက်လက်ဖော်ပြမှာကတော့ ချွေးထွက်ခြင်းရဲ့ အကျိုးကျေးဇူးတွေပါပဲ။

လေ့ကျင့်ခန်း ပြုလုပ်ချွေးထွက်ခြင်း

ကိုယ်ကာယပိုင်းဆိုင်ရာ လှုပ်ရှားမှုပြုလုပ်ခြင်းကြောင့် ချွေးထွက်ပါတယ်။ လေ့ကျင့်ခန်းပြုလုပ်ချိန် ချွေးထွက်ခြင်းဟာ

– စွမ်းအင်ကို မြှင့်တင်ပေးခြင်း

ကိုယ်အလေးချိန်ထိန်းသိမ်းပေးခြင်း

– ရောဂါဘယများကို ကာကွယ်ပေးခြင်း

– အိပ်ပျော်စေခြင်း

– စိတ်ကြည်လင်လန်းဆန်းစေခြင်း စတဲ့ အကျိုးကျေးဇူးတွေ ပေးနိုင်ပါတယ်။

နေထိုင်မကောင်းချိန် ချွေးထွက်ခြင်း

နေမကောင်းချိန်မှာ ချွေးထွက်တတ်ပါတယ်။ အဆိုပါချွေးထွက်ခြင်းဟာ ခန္ဓာကိုယ် အပူချိန်ကို ထိန်းညှိပေးခြင်းအားဖြင့် အဖျားကျစေပါတယ်။ အဖျားပျောက်ပြီး နာလန်ပြန်ထအောင်၊ လန်းဆန်းအောင် ကူညီပေးပါတယ်။

အဆိပ်အတောက် သတ္တုဓာတ်များကို ဖယ်ရှားပေးခြင်း

ချွေးထွက်ခြင်းကတဆင့် ကိုယ်ခန္ဓာမှ အဆိပ်အတောက်ဓာတ်များကို ဖယ်ရှားနိုင်တယ်တဲ့ အချက်အပေါ် ထင်မြင်ယူဆချက် အမျိုးမျိုးရှိပါတယ်။ ၂၀၁၆ ခုနှစ် တရုတ်နိုင်ငံမှာ ပြုလုပ်ခဲ့တဲ့ သုတေသနမှာတော့ အဆိပ်အတောက်ဖြစ်စေလောက်တဲ့ သတ္တုဓာတ်များ (Heavy metals) ဟာ လေ့ကျင့်ခန်း ပုံမှန်ပြုလုပ်သူများမှာ နည်းပါးကြောင်း ဖော်ပြထားပါတယ်။ အဆိုပါ အဆိပ်အတောက် သတ္တုဓာတ်များကို ချွေးနဲ့ ဆီးမှာ တွေ့နိုင်ပြီး ချွေးမှာ ပိုမိုပါဝင်ပါတယ်။ ဒါကြောင့် ချွေးထွက်ခြင်းဟာ ကိုယ်ခန္ဓာရဲ့ အဆိပ်အတောက်များကို ဖယ်ရှားနိုင်တဲ့ နည်းလမ်းတခုပဲ ဖြစ်ပါတယ်။

ဘက်တီးရီးယားအချို့ကို ကာကွယ်ပေးခြင်း

ချွေးမှာ dermcidin လို့ခေါ်တဲ့ ဓာတ်ပစ္စည်းတစ်မျိုး ပါဝင်ပါတယ်။ အဆိုပါ ဓာတ်ပစ္စည်းဟာ သင့်ရဲ့အသားအရေကို ဘေးဥပဒ်ဖြစ်စေတဲ့ ဘက်တီးရီးယားပိုးမွှားများနဲ့ ထိတွေ့တဲ့အခါ အဆိုပါရောဂါပိုးတွေ ကိုယ်ခန္ဓာထဲ မဝင်နိုင်အောင် ကာကွယ်နှိမ်နင်းပေးပါတယ်။ ဒါ့အပြင် ချွေးမှာပါတဲ့ ဂလိုင်ကိုပရိုတိန်းဟာ ဘက်တီးရီးယားအချို့ကို ပေါင်းစပ်နိုင်ပါတယ်။ ဒါကြောင့် ချွေးထွက်တဲ့အခါ ဘက်တီးရီးယားအချို့ကို ကိုယ်ခန္ဓာထဲကနေ ဖယ်ရှားလိုက်နိုင်ပါတယ်။

ဆီးကျောက်တည်နိုင်ခြေ လျော့နည်းခြင်း

ချွေးထွက်ရာမှတဆင့် ဆားနဲ့ တခြားဓာတ်ပစ္စည်းများ ကိုယ်ခန္ဒာအပြင်ဘက်ကို ရောက်သွားပါတယ်။ အဆိုပါဓာတ်ပစ္စည်းတွေထဲမှာ ကျောက်ကပ်မှာ ကျောက်တည်စေတဲ့ ဓာတ်ပစ္စည်းတွေလည်း ပါဝင်တာမို့ ကျောက်တည်ခြင်းကို အကာအကွယ်ပေးရာ ရောက်ပါတယ်။ ဒါ့အပြင် ချွေးများများထွက်တဲ့အခါ ရေများများပြန်သောက်ခြင်းကလည်း ဆီးကျောက်တည်နိုင်ခြေကို လျှော့ချပေးပါတယ်။

အရေပြားနှင့် ဆံပင်ကို အကျိုးပြုခြင်း

ချွေးထွက်ခြင်းကြောင့် ဦးရေပြားနဲ့ ကျန်ခန္ဓာကိုယ်အရေပြားက ချွေးပေါက်များ ပိတ်ဆို့ခြင်း ကင်းပါတယ်။ ဆံပင်များ အသစ်ထပ်မံထွက်လာနိုင်အောင် အထောက်အကူပြုပါတယ်။ အရေပြားပေါ်က အပေါက်ငယ်လေးတွေမှာ အညစ်အကြေးတွေ ပိတ်ဆို့မနေအောင် ရှင်းလင်းပေးရာ ရောက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ ဆိုတာက ဘာတွေလဲ။ ဘယ်လို ကျန်းမာရေး အကျိုးကျေးဇူးတွေ ရှိလဲဆိုတာကို သိပြီးပြီလား............

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား။ ဒါကဘာကြောင့်လဲဆိုတာကို သေသေချာချာ သိပြီးရဲ့လား မသိသေးဘူးဆိုရင်တော့ ဆောင်းပါးလေး ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အသက်ကြီးပေမယ့်လည်း ကိုယ်ခံအား ကောင်းစေဖို့

အသက်ကြီးပေမယ့်လည်း ကိုယ်ခံအား ကောင်းစေဖို့ ဘယ်လိုနေထိုင် စားသောက်ရမလဲ။ ဘာတွေကို ဂရုစိုက်ရမလဲ သိပြီးပြီလား။ မသိသေးဘူးဆိုရင်တော့.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆီးလမ်းကြောင်း ကနေတဆင့် ဘက်တီးရီးယား နဲ့ မှိုပိုးတွေ ဝင်ရောက် ကူးစက်တာက များပါတယ်။ ဗိုင်းရပ်စ် ဝင်ရောက် ကူးစက်မှုကို ဆီးလမ်းကြောင်းပိုးဝင်တယ် ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

home-remedies-for-eye-allergies မျက်လုံး ဓာတ်မတည့်မှု

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
ဆိုရှယ်မီဒီယာ က စိတ်ရှုပ်စရာတွေကို ဘယ်လိုကျော်လွှားကြမလဲ။

ဆိုရှယ်မီဒီယာ က စိတ်ရှုပ်စရာတွေကို ဘယ်လိုကျော်လွှားကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 3 mins read